Sigue la carrera pola Lluna

Delles décades dempués de que Yuri gagarin viaxara pel espaciu e 1961, la carrera por conquistar l’espaciu y en concretu Marte y la Lluna sigue vixente, con dellos países y compañíes privaes entamando llegar al planeta coloráu y tornar al satélite a día de güei.

El cosmonauta Yuri Gagarin convertiríase na primer persona en viaxar al espaciu’l 12 d’abril de 1961, realizando un vuelu orbital de 108 minutos. Ocho años dempués, el 20 de xunetu de 1969, los astronautes Neil Armstrong y Buzz Aldrin yeren los primeros seres humanos en triar la Lluna. A finales de la década de los noventa empezaba la construcción de la Estación Espacial Internacional (EEI), la mayor obra d’inxeniería nel espaciu hasta la fecha, que yá visitaron más de 240 persones procedentes de 19 países distintos.

Delles décades dempués, la carrera por conquistar l’espaciu y en concretu Marte y la Lluna sigue vixente, con dellos países y compañíes privaes entamando llegar al planeta coloráu y tornar al satélite a día de güei. Tantu ye asina, que’l valor total de la inversión na industria espacial amontóse notablemente nos últimos años. Amás, l’interés mundial poles meyores nesta carrera quedó patente cola esitosa llegada del rover Perseverance de la NASA a Marte’l pasáu febreru, qu’espertó una gran espectación en tol mundu.

Al respective de la carrera espacial a la Lluna, ye difícil determinar cuál va ser la próxima axencia espacial o empresa que consiga realizar un alunizaje esitosu. El nuesu gráficu ufierta un resume de les principales misiones llunares que s’anunciaron hasta marzu d’anguaño. Daes les incertidumes qu’entá arrodien a dellos programes, les feches son estimaciones y polo tanto pueden tar suxetes a cambeos, yá que pueden surdir nueves collaboraciones ente países, axencies y empreses.

Fuente: https://es.statista.com