El blog “Musical Bloguies”, iniciativa creada polos escolinos del IES Marques de Casariego en Tapia fuñi’l ganador del premiu “Sociedad de la información 2007” que entrego’l presidente del Principáu, Vicente Álvarez Areces na III Gala de Premios Sociedá de la Información ayeri en Xixón. Tamien algamaren el premiu a la Mejor Iniciativa Pública ya que’l blog ta abellugáu na rede Educastur
“Musical Bloguies” ye l’espaciu onde los escolinos del institutu tapiegu recueyen les sos interpretaciones musicales y curtiometraxes, amás de grabaciones sobre’l folclore asturianu y recursos didácticos pa les asignatures de Música y d’Imaxen y Soníu. Recibió el premiu, una estatua de bronce del escultor Manolo Linares,en nome de tol centru’l profesor Nacho Valdes, que ye’l responsable del proyectu.
Na gala, a la que asistieron más d’un cientu de representantes de les empreses, los usuarios y l’Alministración tamien se fizo entrega del restu de premios a los ganadores nes distintes categories. Los ganadores fueron: Gráficas Euoja con www.eujoa.es nel apartáu a la meyor web corporativa, bancoimagenes.com a la meyor web de microempresa, el telecentru de Candamu pol so proyectu sobre’l Festival de la Fresa, y canalsporting.es na categoría d’iniciativa web social.
El xuráu, nel que figuraben dellos espertos rexonales y nacionales nel terren de la Sociedá de la Información, tuvo que escoyer a los premiaos d’ente 25 proyectos que llegaren a la final tres una criba na que participaren más de 140 candidatures de profesionales y entidaes públiques y privaes d’Asturies. Na decisión valoráronse factores como la facilidá de navegación, la accesibilidá, los conteníos, el diseñu y la orixinalidá.
Jose Ángel Hevia fuí l’encargáu de poner el ramu a una galña que se cellebró na sala Acapulco del Casino de Gijón y que fuí presentada pol locutor Pachi Poncela y la ex Miss España María Jose Suárez. La gala tamien cuntó cola collaboración musical de los grupos de Chus Naves, DRD y Helios Amor.
Asturnews superó nel mes d’Ochobre les 200 mil páxines vistes mensuales calteniendo’l xorrecimientu que en visites y páxines vistes vien algamando a lo llargo del 2007, coincidiendo col so rediseñu y col xorrecimientu de les noticies mensuales que superen yá les 400. Asturnews tien diez veces más páxines vistes que publicaciones como’l Diari de Barcelona o Diario de Marbella y supera enforma a páxines web del altor de Barcelona TV, Granada Digital o el portal Lleida.com.
El Gobiernu d’Asturies va implantar na rexón un sistema pioneru de telecomunicaciones al travies del cual cualquier ciudadanu con accesu a internet va poder consultar la cobertura de banda ancha, movil, gps o 3G que tenga una determinada llocalidá. El Viceconseyeru de Modernización y Recursos Humanos, Luis Iturrioz presento esti futuru serviciu nel trescursu de les xornaes e-Asturias sobre telecomunicaciones.
El serviciu ta pensáu pa qu’entame a funcionar pela primavera de manera temporal con vistes a implantase dafechu nun futuru prósimu. La Conseyería ta trabayando nesti proyectu xunto con dellos operadores, empreses de elecomunicaciones, sindicatos y grupos políticos. Iturrioz tamiñen aprovechó p’anunciar qu’l Principáu ta intentando alcordar con estos organismos que ponan a disposición de l’alministración la infarción tocante a les fasteres de cobertura pa evitar problemende competencia.
L’edificiu Científicu y Tecnolóxicu de la Universidá d’Uviéu nel Campus de Mieres acoyerá del 21 al 23 de Payares les XVIII Xornaes Téuniques de RedIRIS, Rede académica española dependiente de ‘Red.es’ cola asistencia de más de 500 expertos en Tecnoloxíes de la Información y la Comunicación (TIC).
Los técnicos, procedentes de les diferentes universidaes y centros d’investigación enxertaos en RedIRIS, van apautase col obxetivu d’intercambiar información y esperiencies. Nel actu inaugural, previstu pa esti miércoles 21 de payares a las 10.30, tarán presentes el director xeneral de red.es, entidá pública dependiente del Ministeriu d’Industria, Turismu y Comerciu, Sebastián Muriel; el conseyeru d’Educación y Ciencia del Principáu d’Asturies, José Luis Iglesias Riopedre; el rector de la Universidá, Juan Vázquez; y l’alcalde de Mieres, Luis María García García.
Nel marco de les xornaes va celebrase una sesión plenaria na que participarán, ente otros, el director de la Sociedá Dixital de Red.es, Antonio Saravia, que fadrá un balance del programa ‘Campus en Red’ ya informará sobre otres actuaciones desendolcaes por ‘Red.es’ na estaya educativa.
El futuru Centru d’Investigación en nanociencia y nanomateriales d’Asturies ya cunta con financiación. En total alredor de 18 millones d’euros que van ser sufragaos a partes iguales pol Principáu d’Asturies ya’l Ministeriu d’Educación y Ciencia. Asina lo aseguró la responsable d’esa cartera, Mercedes Cabrera duranta la presentación del proyectu, al tiempu que anticipó l’emplazamientu definitivu del equipamientu que va tar n’Uvieu xunto al Institutu del Carbón.
Tanto la Ministra como’l Presidente del Principáu, Vicente Álvarez Areces mostraron el convencimientu de qu’esti espaciu va ser un referente mundial en investigaciones rellacionaes col mediuambiente o la medicina nel futuru. La ministra Mercedes Cabrera tamien firmó durante la so visita a Asturies varios alcuerdos pal fomentu de la investigación na rexón como’l del centru mistu de investigación de recursos naturales y biodoiversidá.
El presidente de Telecable, Roberto Paraja, confirmó esti xueves l’entamu del nuevu serviciu de telefonía móvil enantes de finales d’añu. Telecable va ufrir un serviciu completu de telefonía móvil que proporcione SMS, MMS, accesu a internet y datos en 3G, asina como otros servicios complementarios.
La incorporación de la empresa asturiana al negociu de la telefonía móvil produzse de magar l’alcuerdu soscrito con Vodafone nos entamos del 2007. La empresa espera algamar pal nuevu negociu ente 25 y 30 por cientu de los sos actuales clientes.
Paraja, que presentaba a los medios de comunicaicón l’estudiu sobre’l ‘Impactu de la lliberalización de les Telecomunicaciones n’Asturies’, esplicó que l’oxetivu de mano ye dirixir el nuevu serviciu a les más de 100.000 cases que nesti momentu tán abonaes a los servicios de Telecable.
La inversión prevista de mano ye de 100 millones d’euros y l’oxetivu ye poder algamar una cuota de clientes d’ente un 25 y un 30 por cientu de los abonaos que ya tienen Telecable.
Embaxo’l títulu “Cambiu Tecnolóxicu y Polítiques Públiques. Nuevos retos pal gobiernu de la ciencia” tan desendolcándose nel Campus de Milán de la Universidá d’Uviéu unes xornaes qu’entamaren el llunes día 29 en Madrid y qu’axunten a especialistes d’Universidaes como la de Valladolid, la d’Exeter o la d’Arizona (USA).
Les xornaes alderiquen sobre’l gobiernu de la ciencia y la tecnoloxía y la participación ciudadana nesi gobiernu, tanto dende ámbitos locales como internacionales. La primer xornada entamó’l llunes 29 nel Salón d’Actos del CIEMAT cola conferencia inaugural del Director del Consortium for Science Policy and Ourcomens de la Arizona State University, Daniel Sarewitz, que se treslladó colos demás ponentes y participantes a Uviéu el martes 30 y qu’esti miércoles pronunció una nueva conferencia nel salón d’actos de Filosofía nel Milán sobro “Technology and Effectiveness in Contested Political Sttings”.
El martes, la xornada entamó n’Uviéu nel Edificiu Históricu de la Universidá y cuntó cola participación del propiu Daniel Sarewitz y la celebración d’una mesa redonda sobre “Innovación Tecnolóxica ya Innovación Social” cola participación d’especialistes de la Universidá d’Uviéu, la de les Islles Baleares y La Laguna, asina como del CSIC. Pela tarde, dióse llectura a delles comunicaciones entamando cola presentada por Francisco Javier Gómez de la Universidá de Valladolid y finando con un averamientu a les Science Shops por Noelia Álvarez del Observatoriu de Cultura Científica.
Na mañana d’esti miércoles amás de Nadiel Sarewitz intervinieron Emilio Muñoz, Ramón Queraltó, Ana Cuevas, Mariano Martín y Cipriano Barro del Departamentu de Filosofía de la Universidá d’Uviéu.
La páxina web de Suburbia yá ta na rede y anque dalgunes páxines s’alcuentren en construcción ya puen atopase dellos servicios.
La páxina nun naz, sigún la editorial, “col propósitu de ser sólo una mera esposición de les novedaes editoriales si non que quier ser un espaciu vivu de collaboración entre la editorial y los escritores y escaparate de la riqueza de la lliteratura, la llingua y la cultura asturiana”.
Na páxina amuésase una sección llamada Inéditos “na que contamos cola vuestra participación, si teneis cuentos curtios, microrelatos o poemes y nun vos importa velos na rede”. Puen mandase al corréu de Suburbia Ediciones.
Tamien na sección Enllaces apaecen blogs de dellos escritores asturianos.