Tecnoloxía Les nueves tendencies na llingüística asturiana axunten a investigadores del 6 al 9 d’ochobre nel Milán by asturnet 1 d'ochobre, 2008 El salón d’Actos de la Facultá de Filoloxía (nel Campus dEl Milán, n’Uviéu) va acoyer dende’l llunes 6 al xueves 9 d’ochobre unes Xornaes de Trabayu (Woprkshop) qu’entama’l Seminariu de Filoloxía Asturiana de la Universidá dUviéu col apoyu de la FICYT embaxo’l títulu “Llabor en Tienda: tendencies nueves na llingüística asturiana” y que va traer a Uviéu a investigadores como Patrick W. Zimmerman de la Universidá de Carnegie Mellos, en Pittsburg (USA), Roser Saurí i Colomer de la Universidá de Brandeis (USA), José Ramón Gómez Molina de la Universidá de Valencia, Pilar Perea i Sabater de la Universitat de Barcelona, Inés Fernández-Ordoñez de lAutónoma de Madrid o Evaristo Ovide de la Universidá de Salamanca. Según se desplica nel cartafueyu col programa que pue descargase dende Asturnews, “alredor de la llingua asturiana tán en marcha dientro la Universidá dUviéu y notres dEspaña y del estranxeru, proyectos dinvestigación bramente novedosos quabren caminos metodolóxicos y llinies destudiu venceyaos a les corrientes más avanzaes de la llingüística europea y mundial, ensin escaecer disciplines averíes como la sociollingüística, la historia ol derechu comparáu”. Llabor en Tienda: tendencies nueves na llingüística asturiana quier ser un alcuentru científicu “onde los investigadores asoleyen ante la comunidá universitaria y públicu en xeneral los proyectos ya iniciatives nos quagora mesmo tán trabajando, llogrando asina un sanu intercambiu de conocencies y afalando a los futuros investigadores del fechu llingüísticu asturianu a escazar per nueves llinies de trabayu”. Tesis y proyeutos El llunes día 6 entamarán les Xornaes cola presentación a les diez de la mañana del proyectu AMPER de fonética y prosodia del asturianu, que presentara Carmen Muñiz Cachón de la Universidá dUviéu y a les 10,45 la desplicación de la investigación sobre Gramática Generativa de la llingua asturiana Allugamientu de los pronotes nasturianu y periferia izquierda sintáctica que ta desenvolviendo Francisco Rubiera na Universidá de Georgetown. La mañana finará a les 12 cola presentación por Antonio Meilán de la Universidá dUviéu del Proyectu Dámaso Alonso sobrel gallego-asturiano. Los proyectos dinvestigación llingüística nel ámbito lleonés van entamar la tarde, dende les 17 hores cola presentación dHéctor García Gil, de la Universidá de Lleón, pa siguir a les 17,45 col proyeutu Papel de los escritores nel procesu de recuperación del asturianu que va presentar Xuan Santori Vázquez. El restu del programa quinclúi tres dies más de presentaciones de tesis en desendolcu y proyeutos dinvestigación va traer a Uviéu a investigadores como Patrick W. Zimmerman de la Universidá de Carnegie Mellos, en Pittsburg (USA), Roser Saurí i Colomer de la Universidá de Brandeis (USA), José Ramón Gómez Molina de la Universidá de Valencia, Pilar Perea i Sabater de la Universitat de Barcelona, Inés Fernández-Ordoñez de lAutónoma de Madrid o Evaristo Ovide de la Universidá de Salamanca. La Matrícula ye gratuita hastal día 6 dochobre y la inscripción pue facese empobinándose al profesor Xulio Viejo Fernández (Corréu electrónicu: jviejo@uniovi.es y eléfonu: 985.10.46.29)o al profesor Ramón de Andrés Díaz (Corréu electrónicu: randresd@uniovi.es y teléfonu: 985.10.46.46). 1 d'ochobre, 2008 0 FacebookTwitterPinterestEmail
Tecnoloxía La Web 2.0 protagoniza la tarde del xueves 25 nel Botánicu de Xixón by asturnet 22 de setiembre, 2008 La Web 2.0 protagoniza la tarde del xueves 25 nel Botánicu de Xixón con una conferencia que col títulu de “Una vida buscando la Web” va ufrir José Antonio del moral a partir de les 17,30 hores. Del Moral ye sociu director d’Alianzo, la primer empresa española dedicada a la Web 2.0. La conferencia abrirá’l ciclo de seronda de conferencies de la Rede de Centros SAT. José Antonio del Moral ye sociu director d’Alianzo, la primer empresa española dedicada a la Web 2.0. Abogáu economista pola Universidá de Deusto y Master en Telecomunicaciones pola Universidá de Namur (Bélxica), foi sociu fundador de Ya.com, Internet Factory y responsable de contenidos n’Internet de Vocento. Ye tamién coautor de los llibros “La blogosfera hispana” y “Web 2.0: Manual de uso” y organizador del concursu européu Startup 2.0. 22 de setiembre, 2008 0 FacebookTwitterPinterestEmail
Tecnoloxía La blogosfera n’asturianu acaparó la xornada del martes de L’Arribada by asturnet 17 de setiembre, 2008 Esti martes, nel Antiguu Institutu Xovellanos de Xixón, dientro de les actividaes de l’Arribada, celebróse una xoranda dafechamente dedicada a la Web 2.0 y a la blogosfera n’Asturianu, cola participación de dellos de loas bloguers más activos de laq blogosfera en llingua asturiana, y nel trescursu de la mesma presentóse’l llibru “Dos visiones asturianes de les nueves tecnoloxíes” de Xabiel García Pañeda y Rubén Sánchez Antuña. Rubén Sánchez Antuña dió tres de la presentación una conferencia a les 17.30 entitulada “L’asturianu na web 2.0” y darréu d’ello desendolcóse una tertulia col títulu “La bloguesfera n’asturianu” na qu’intervenieron dellos bloguers asturianos como Iris Díaz Trancho, Ricardo Candás, Xandru Fernández, Xulio Nel Fueyo, Humberto Gonzali, Lluis Portal o Pablo Texón, xunta Fernando de la Fuente, del canal de Blogues d’Asturies.com, y el direutor d’Asturnews y profesor de la Universidá de Valladolid, Próspero Morán, qu’entamo con una introducción sobre’l papel de los bloguers na Web 2.0 l’alderique. 17 de setiembre, 2008 0 FacebookTwitterPinterestEmail
Tecnoloxía Un estudiu de les Universidaes d’Ofxord y Uviéu alluga a España a la cola d’Europa n’Internet by asturnet 17 de setiembre, 2008 Un estudiu ellaboráu poles Universidaes d’Oxford y Uviéu, col patrociniu de Cisco y con base a 8 millones de muestres algamaes de Speedtest.net, valora la calidá de les conexones de Internet de 42 países, afitando qu’España nun s’alcuentra preparada pa les necesidaes de la rede del mañana, pero tampoco nun lo ta pa les d’anguaño. Les redes sociales, el streaming de vídeo, chat de voz y vídiu y P2P son dellos de los usos que s’atopen davezu, palo que fai falta polo menos 3,75Mbps de baxada, 1Mbps de xuba y 95ms de ping; valores abondo superiores a la media actual española. Pales aplicaciones del mañana, como’l streaming n’alta definición, telepresencia o intercambiu P2P de grandes ficheros, necesitaríense 11,25Mbps de baxada, 5Mbps de xuba y una latencia de 60ms, mui lloñe de les posibilidaes qu’ufre la rede actualmente nel Estáu español. 17 de setiembre, 2008 0 FacebookTwitterPinterestEmail
Tecnoloxía El Gobiernu dAsturies va crear una rede propia despardimientu de la TDT en tol territoriu del país by asturnet 31 de xunetu, 2008 Lapagón analóxicu pal espardimientu de la señal de la Televisión Dixital Terrestre (TDT) va facese nAsturies y nel restu de les comunidaes de manera progresiva pa culminar el procesu nabril de 2010 algamando los mesmos niveles de cobertura que cola señal analóxica. Asina informó estos díes el Secretariu dEstáu de Telecomunicaciones y Sociedá de la Información, Francisco Ros Perán, na conferencia sectorial celebrada en Madrid y a la quasistió la Conseyera dAlministraciones Públiques y Vocera del Gobiernu del Principáu, Ana Rosa Migoya, quacudió acompañada pol Director Xeneral de Modernización, Alberto Pérez Cueto. La Conseyera espunxo les especiales condiciones orográfiques y de población disperso dAsturies, que fueron reconocíes pol Secretariu dEstáu como factores que compliquen el procesu dimplantación de la TDT. Pa garantizar que la práctica totalidá de la población reciba la nueva señal dientro de los plazos establecíos, el Gobiernu del Principáu va construyir una rede propia con una inversión de 35 millones deuros que van ser apurríos pol Ministeriu dIndustria al través de la secretaría dEstáu de Telecomunicaciones y pa la Sociedá de la Información por aciu dun préstamu a quince años sin intereses. Esti conveniu col Ministeriu va ser aprobául xueves próximu na xunta del Conseyu de Gobiernu, según esplicó la Conseyera, y el mes de setiembre próximu, va firmase en Madrid. La rede nueva, amás de ser soporte pal tresporte de la señal de TDT, dexa lespardimientu de la señal de servicios de seguridá y emerxencia asina como la estensión de la Banda Ancho a zones rurales como complementu al Plan dEstensión de Banda Ancho (PEBA) del Ministeriu. Layuda del Ministeriu espeya una y bona más el compromisu del Gobiernu de Zapatero con Asturies y la reconocencia del esfuerciu fechu y previstu pol Principáu pa que tolos asturianos tengan igualdá daccesu a la señal de TDT, señaló Ana Rosa Migoya. El Plan Técnicu Nacional de TDT esixe que los operadores nacionales de radiodifusión algamen en 2010 cobertures del 96% (privaos) y 98% (públicos), anque éstes son de cómputu estatal. Nel casu dAsturies, la orografía y la población disperso disparen los costos y dificulten que la iniciativa privada llegue a tolos sitios. Migoya recordó quel Principáu pa llevar la TDT a la mayor parte dAsturies va tener quadaptar con fondos públicos 300 de 360 centros reemisores. Queremos evitar dos realidaes nAsturies: una zona adaptada y otra con dificultaes bultables pacceder a estos servicios, esplicó la Conseyera que quier que la cobertura dixital seya absoluta nAsturies. Nesi sen, el mes de setiembre próximu va celebrase un aconceyamientu en Madrid pa buscar una solución al 1 por cientu de la población que nunca goció de cobertura televisiva. Pa ello baráxase usar la recepción vía satélite. 31 de xunetu, 2008 0 FacebookTwitterPinterestEmail
Tecnoloxía El CTIC y el gobiernu d’Arxentina roblen un alcuerdu collaboración by asturnet 30 de xunetu, 2008 El Centru Tecnolóxicu de la Información y la Comunicación (CTIC) y la Secretaría de la Xestión Pública de la República Arxentina firmaron esti martes en Xixón un conveniu marcu de collaboración rn materia de accesibilidá, estándares web y Alministración ellectrónica. Los firmantes foron el presidente de CTIC, Roberto Paraja, y la directora de la Oficina Nacional de Tecnoloxíes de la Información (ONTI) d’Arxentina, Élida Rodríguez, en calidá de representante de la Secretaría de la Xestión Pública de la Xefatura del Gabinete de Ministros del país llatinoamericanu. El CTIC va proporcionar al Gobierno arxentinu asesoramientu técnicu en estándares n’especial, accesibilidá web- y tecnoloxíes d’Internet, de cara a la puesta en marcha de polítiques d’e-inclusión y estandarización na Alministración ellectrónica y nes empreses del sector tecnolóxicu. 30 de xunetu, 2008 0 FacebookTwitterPinterestEmail
Tecnoloxía La web de XEGA, finalista del premiu ‘T-incluye’ dirixíu a favorecer la integración by asturnet 24 de xunu, 2008 La web de XEGA (Xente Gai Astur) resultó seleicionada pa participar na fase final del premiu ‘T-incluye’, un proyeutu apoyáu dende’l Ministeriu d’Industria y el Gobiernu del Principáu d’Asturies cola idea de reconocer el trabayu de les páxines inclusives. En total presentáronse un total de 77 propuestes de les que fueron seleicionaes 20 finalistes, con un xuráu formáu por Ana González, del Institutu Asturianu de la Muyer; Isabel Carrera, coordinadora del Máster y Doctoráu de Xéneru y Diversidá de la Universidá d’Uviéu; Laura Viñuela, xerente d’Espora Consultoría de Xéneru; Teresa Meana, feminista y profesora de la Enseñanza Secundaria, esperta en llingua non sexista y Yolanda Lorenzo de la Fundación CTIC. El proyeutu busca promocionar l’usu de la llingua non sexista na rede con delles estratexes pa fomentalu. Pa ello analiza los testos existentes, la iconografía utilizada, la rotura d’estereotipos, la presencia d’orixen asturianu y otres de Cantabria, Andalucía, Canaries, Madrid, etc… Nel certame existen cuatro categoríes diferentes: web pública más inclusiva, web empresarial más inclusiva, entidaes ensin ánimu d’arriquecimientu más inclusives y webs personales inclusives. XEGA ta nomada pal premiu de la tercer categoría xunto coles páxines de Muyer y Deportes, la Fundación Isomía pa la Igualdá d’Oportunidaes de Castellón, la Fundación Mental d’Asturies y la web sieres.org de la Fundación Tomillo. XEGA espresó al traviés d’un comunicáu sentir una gran allegría pola noticia de que la so páxina web destaca “en valores d’inclusión porque esi ye’l so oxetivu”. 24 de xunu, 2008 0 FacebookTwitterPinterestEmail
Tecnoloxía Asturnews pue siguise tamién por Twitter by asturnet 3 de xunu, 2008 Dende los caberos díes de mayu, Asturnews pue siguise tamién por Twitter. Los interesaos nun tienen más que convertise en seguidores del perfil d’Asturnews en Twitter o linkar la direición Twitter.com/Asturnews pa facer un seguimientu de les noticies que se van espublizando nel diariu dixital. Dende estos díes, Asturnews tamién ufre un serviciu en portada y al traviés de Twitter que tien por nome “Asturflash” y que recueye otres noticies d’actualidá estremaes del ámbitu cultural nel que ta especializáu la publicación dixital. Asturflash pue siguise tamién en Twitter.Asturnews en Twitter 3 de xunu, 2008 0 FacebookTwitterPinterestEmail
Tecnoloxía TV Portation de Archos vien a revolucionar la TV y el wifi by asturnet 13 de mayu, 2008 Remi Durand, la cara de la marca Archos nel mundu presentó esti llunes nel B Hotel de Barcelona la demo de TV Portation de Archos, una propuesta que permite acceder de forma remota, dende otra habitación en casa, o dende un hotel nel otru extremu del mundu, a los canales de televisión que tenemos programaos na TV del salón. Funciona con Archos TV+, una pequeña caxa que se conecta al televisor y a una toma de Internet de banda ancha. Registrando el Archos TV+ obtienes gratis el plugin TVPortation, necesario para que tu caja te permita acceder a los canales desde cualquier otro dispositivo y mediante Internet. Desde tu ordenador portátil o desde un teléfono 3G puedes ver tus canales de televisión conectados, en casa, a tu Archos TV+. El videobloguer y tecnólogu Hector Milla cuentalo con pelos y señales nel so videoblogue enBlip.tv. 13 de mayu, 2008 0 FacebookTwitterPinterestEmail
Tecnoloxía Telecable ye un de los proveedores d’internet meyor valoraos polos usuarios by asturnet 25 de marzu, 2008 Telecable ye una de les proveedores d’internet meyor valoraos ente los usuarios según un estudiu de l’Asociación d’Internautes. La compañía asturiana ocupa un de los primeros puestos nesta lista, en cuya ellaboración participaron más de 4000 usuarios de la rede que contestaron a 56 entrugues sobre’l so gráu de satisfacción nel serviciu que presta cada compañia. Telefónica, la gallega R y Euskaltel son otres de les compañíes que pasen del 3, sobre 5, no que cinca a la satisfacción col serviciu ufiertáu. Telecable, con 3,16 sobre 5, te tamien la empresa meyor valorada na percepción que tienen los usuarios del serviciu d’asistencia tecnica, una de les meyores xunto con Telefónica en cuantu a l’atención al cliente (2,70 puntos) y la primer opción de los usuarios a la hora de valorar el servicio de reclamaciones. 25 de marzu, 2008 0 FacebookTwitterPinterestEmail