Tecnoloxía Xixón va acoyer una Install Party d’Ubuntu n’asturianu by asturnet 2 de mayu, 2009 L’Antiguu Institutu de Xixón va acoyer un taller d’instalación de la versión del sistema operativu Ubuntu n’asturianu’l sábadu 16 de mayu n’horariu de 10 a 14 y 16 a 21 hores col enfotu d’enseñar y/o instalar a tolos interesaos un sistema operativu que-yos permita manexar un ordenador dafechamente n’asturianu. Col sistema operativu Ubuntu pue facese cualesquier xera, como restolar per Internet, ver videos, oyir música, escribir documentos, mandar y recibir emails, ver y editar semeyes, descargar música y películes, chatear… y too ello n’asturianu, ensin virus y de baldre. Softastur ye una plataforma de programadores y traductores en llingua asturiana dedicada a la torna y desarrollu de software llibre n’asturianu. Trátase d’una iniciativa de calter cívicu empobinada en programes de códigu llibre. La instalación pue facese nuna nueva partición, colo que nun se tien de desaniciar nin renunciar al sistema operativu que se tenga. La sesión ye abierta y de baldre y tamién se convida a asistir a tola xente interesao en saber en qué consiste Ubuntu pa que dempués puedan decidir si quieren instalar esti sistema operativu o non. Web de Softastur 2 de mayu, 2009 0 FacebookTwitterPinterestEmail
Tecnoloxía El Serviciu de Normalización Llingüística de Mieres llega a Facebook by asturnet 6 d'abril, 2009 El Serviciu de Normalización Llingüística de Mieres ta acabante abrir un espaciu na rede social Facebook col envís de da-y más difusión a les campañes y actividaes y acercase más a los ciudadanos. Los usuarios de Facebook puen apuntase al espaciu y recibir les novedaes nel propiu sistema. Espaciu del SNL de Mieres en Facebook 6 d'abril, 2009 0 FacebookTwitterPinterestEmail
Tecnoloxía Softastur va traducir al asturianu software llibre educativu by asturnet 6 de marzu, 2009 L’Asociación Softastur, que vieno acabante de traducir dafechu la suite oficial del sistema operativu Ubuntu en Llingua Asturiana facía anuncia esti día de la xera entamada hai poco de tornar tamién la versión educativa d’esti sistema operativu: Edubuntu, empobinada a escolinos de los 6 a los 18 años. El trabayu desendolcáu dende Softastur veráse reflexáu na próxima versión del Sistema Operativu Ubuntu: Jaunty Jackalope que saldrá n’abril, y qu’inclúi aplicaciones como la suite ofimática OpenOffice, Gimp, Firefox, etc… El siguiente oxetivu de Softastur, non menos ambiciosu ye agora Edubuntu, una derivación oficial de la distribución GNU/Linux Ubuntu, destinada pal so usu nel ámbitu escolar. Edubuntu desendólcase en collaboración con docentes y teunólogos de múltiples países. Edubuntu construyóse sobro Ubuntu ya incorpora usos educativos específicos, con un oxetivu nidiu: la población ente los 6 y los 18 años. Nuna nota de prensa asoleyada esta selmana, l’Asociación quixo afitar que “nos caberos meses pudo vese la situación llamentable que se vien dando col asturianu en maxisteriu, y por estensión, nel sistema educativu asturianu. Énte la posible tentación a que daquién diga qu’ufrir estudios n’asturianu puede ser mui costosu, Softastur quier aportar el so granín de sable traduciendo al asturianu software educativu de calidá contrastada internacionalmente y ufriéndolo de baldre”. Na Asociación dcien nun tar entá “seguros de los plazos pa saber cuándo puede tar llistu Edubuntu n’asturianu, pero ye dable que pueda tar disponible a finales d’abril. Calculamos que yá disponemos d’un 75% d’Edubuntu traducíu, al usar el sistema Ubuntu de base”. Dende yá, Softastur ponse a disposición de docentes y centros interesaos en instalar y usar Edubuntu. Namás que tienen de contautar al traviés del formulariu disponible na direición http://softastur.org/contautu.php. Más información 6 de marzu, 2009 0 FacebookTwitterPinterestEmail
Tecnoloxía Los usuarios tomen el poder de la rede social Facebook by asturnet 2 de marzu, 2009 La rede social Facebook, que conecta a 175 millones de persones en tol mundu, vivió estos meses una auténtica revolución interna, na que los usuarios acaben de tomar el poder en delles decisiones. Los sos xestores anunciaron estos díes que cuando quieren facer dalgún cambiu significativu, presentarán una propuesta a los usuarios. Si una propuesta obtien más de 7.000 comentarios, someteráse a votación. Si vota más del 30% de los usuarios -unos 52 millones-, el veredictu va ser vinculante pa la empresa. Facebook trató de camudar les condiciones dusu pa poder incluyir nel sistema propuestes publicitaries, pero los usuarios, decidieron plantase. 2 de marzu, 2009 0 FacebookTwitterPinterestEmail
Tecnoloxía El Principáu camienta estender la rede Wi-Fi en centros educativos y espacios públicos by asturnet 1 de marzu, 2009 El Principáu camienta estender la rede Wi-Fi en centros educativos y espacios públicos con un presupuestu de 6,5 millones de euros anuales pa delles medíes de meyores de les infraestructures de la sociedá de la información n’Asturies. El Gobiernu va invertir nesta lexislatura 1029648 euros pa desendolcar una rede Wi-Fi en centros educativos y espacios d’atención al públicu, sigún fizo anuncia’l viceconseyeru de Modernización y Recursos Humanos, Luis Iturrioz. La rede esparderase hasta l’añu 2011 por centros educativos non universitarios y diferentes espacios de l’alministración autonómica destinaos a la atención al público. Esta iniciativa enxertase nel Alcuerdu pala Competitividá, l’Emplegu y el Bienestar (ACEBA) nel apartáu d’infraestructures de telecomunicaciones. 1 de marzu, 2009 0 FacebookTwitterPinterestEmail
Tecnoloxía El Plan d’Estensión de les redes móviles algamó n’Asturies 387 núcleos nuevos de población by asturnet 16 de febreru, 2009 El Plan d’Estensión de les redes móviles algamó n’Asturies 387 núcleos de población, con 39.359 beneficiarios, mui perenriba de la media nacional. N’España llegó a más de 5.300 núcleos rurales en cuatro años y benefició a poco más d’un millón de ciudadanos. El Plan Estensión de la Rede de Telefonía Móvil del Ministeriu d’Industria, Turismu y Comerciu desarrolláu ente’l 2005 y el 2008, algamó n’Asturies 387 núcleos de población, toos rurales, con 36.359 beneficiarios, segúnfizo públicu’l Ministeriu nel actu de presentación de Mobile World Congress celebráu en Barcelona. Al Principáu d’Asturies destinarase una inversión total de 19,86 millones d’euros con 183 estaciones base instalaes, de les que 18,6 millones foron a la zona rural con 161 estaciones base. 16 de febreru, 2009 0 FacebookTwitterPinterestEmail
Tecnoloxía La Universidá dUviéu presenta en Viesques un viaxe en 3D per Marte by asturnet 5 de febreru, 2009 Güei, xueves 5 de febreru, a les siete la tarde, va presentase nel Edificiu Departamental númberu 6 del Campus de Viesques, en Xixón, laudiovisual “Astronomía en 3D: Un viaje al planeta rojo” fechu por profesores del Área dEspresión Gráfica na Inxeniería de la Universidá dUviéu. La pieza dura venti minutos y con ella quieren contribuyir a la celebración del Añu Internacional de lAstronomía. La música de la Orquesta Sinfónica del Principáu dAsturies pon música al audiovisual, que cunta con comentarios de miembros de la Sociedá Astronómica Asturiana. Al actu van acudir lalcaldesa de Xixón, el vicerrector dinvestigación, los directores de la EUITIX y de la EPSIIX, el director del Departamentu de Construcción, representantes de la Obra Social y Cultural de Caxastur, representantes de La Llaboral Centru dArte, representantes de la Dirección Xeneral de Patrimoniu, asina como los participantes nel proyectu, OMEGA, Aula dAstronomía y la OSPA. 5 de febreru, 2009 0 FacebookTwitterPinterestEmail
Tecnoloxía CEDRO entama a xestionar les indemnizaciones de Google Books by asturnet 3 de febreru, 2009 El Centro Español de Derechos Reprográficos (Cedro) acaba entamar a a xestionar el procesu d’indemnización al que, sigún l’Alcuerdu Google dictamináu’l pasáu mes d’ochobre por un tribunal de Nueva York, tienen derechu los autores de llibros que fueran escaneaos pola empresa d’Internet ensin la correspondiente autorización. Dende Cedro afiten que la llista de llibros españoles dixitalizada ensin permisu “entá nun s’asoleyare, pero estímase qu’algame los siete millones”. Los autores o herederos, que van percibir 60 dólares por obra escaneada magar entá nun se sepa la fecha de pagu, puen presentar les sos reclamaciones hasta’l 5 de xineru de 2010. Por supuestu, nun entren nesti alcuerdu les obres que ya seyan de dominiu público (cuando transcurrieren más de 70 años dende la muerte del autor). 3 de febreru, 2009 0 FacebookTwitterPinterestEmail
Tecnoloxía La Procuradora Xeneral d’Asturies edita una “Guía de los derechos de los usuarios de les Teunoloxíes de la Información (TIC) y la Comunicación” by asturnet 20 de xineru, 2009 La Procuradora Xeneral d’Asturies vieno acabante d’editar la primer ‘Guía de los derchos de los usuarios de les Teunoloxíes de la Información (TIC) y la Comunicación’ que recueye información abonda sobre los derechos del usuariu de les TIC nel ámbitu domésticu, cultural, comercial o docente, y una rellación de les principales normes que rixen la actividá nesti ámbitu. La Guía ta editada n’Asturies como resultáu d’un conveniu col Defensor del Pueblu andaluz. La procuradora xeneral, María Antonia Fernández Felgueroso, va presentar esti miércoles la publicación xuntal Defensor del Pueblu Andaluz, José Chamizo de la Rubia, a les 12.00 hores na sede de la institución asturiana, na Cai Cabo Noval, 9 d’Uviéu. A esta guía “práutica y de fácil consulta”, cola que la Procuradora quier afitar n’Asturies la promoción y espardimientu de los derechos de la ciudadanía, va siguir una segunda dedicada a los Derechos sobre Proteiciónn de Datos Personales. La guía ta basada nel manual publicáu pol Defensor del Pueblu Andaluz, que cedió a la so homóloga asturiana los derechos d’utilización del mesmu. Pa ello, el testu orixinal adautóse a la realidá asturiana. Les TIC y los derechos del ciudadanu van ser, precisamente, l’exe central de les XXIV Xornaes de Coordinación de Defensores del Pueblu, que va coordinar el defensor andaluz. 20 de xineru, 2009 0 FacebookTwitterPinterestEmail
Tecnoloxía Softastur y lAyuntamientu de Llangréu ponen en marcha un Install Party d’Ubuntu by asturnet 13 de xineru, 2009 Como ya adelantare Asturnews hai delles selmanes, la Casa la Cultura Sama va acoyer una sesión dinstalación dun sistema operativu nasturianu esti próximu vienres 16 de xineru dende les 17 hores. L’Asociación Softastur y lAyuntamientu de Llangréu van celebrar el vienres 16 na Casa de la Cultura de Sama, allugada nes Escueles Dorado, una nueva Install Party de la distribución Linux Ubuntu. Lenfotu ye instalar a tolos y toles interesaos un sistema operativu que-yos permita manexar un ordenador dafechamente nasturianu. Col sistema operativu Ubuntu pue facese cualesquier xera, como restolar per Internet, ver videos, oyir música, escribir documentos, mandar/recibir e-mails, ver/editar semeyes, descargar música/películes, chatear… y too ello n’asturianu, ensin virus y de baldre. Softastur ye una plataforma de programadores y traductores en llingua asturiana dedicada a la traducción y desarrollu de software llibre n’asturianu. Trátase duna iniciativa de calter cívicu que traduz al asturianu programes de códigu llibre y que recibió esti añu 2008 el Pegollu nos premios Andrés Solar que concede la Xunta pola Defensa de la Llingua Asturiana. Softastur vien trabayando cuantayá na traducción daplicaciones de Software Llibre a la Llingua Asturiana y, amás del sistema operativu Ubuntu, ye tamién la responsable de la traducción del navegador Firefox ente otros. La instalación pue facese nuna nueva partición, colo que nun se tien de desaniciar nin renunciar al sistema operativu que se tenga. La sesión ye abierta y de baldre y tamién se convida a asistir a tola xente interesao en saber en qué consiste Ubuntu pa que dempués puedan decidir si quieren instalar esti sistema operativu o non. Proyeutos de Softastur 13 de xineru, 2009 0 FacebookTwitterPinterestEmail