Sociedá

El conceyal de Formación y Emplegu del Conceyu d’Avilés, Juan Carlos Guerrero, presentó esta selmana pasada’l vídeu institucional del Proyectu Enfoca Talentu al traviés de la plataforma Zoom. La presentación del vídeu realizóse nun actu que cuntó con  participantes de distintes ediciones del Proyectu y les empreses collaboradores con esti programa.

Uviéu Fashion Mentoring 2021 ye un programa nel que se mentorizará a cinco entamadores del sector de la moda n’Uviéu. El programa va desenvolvese ente los meses de marzu y xunu, y tien una duración total de 60 hores. L’actividá va ser presencial, na Ería.

Freedom House publicó’l so informe Llibertá nel Mundu 2021 y lo qu’amuesa nun camuda la perceición d’años p¡atrás: los países consideraos como más llibres fueron, por esti orde, Suecia, Noruega, Finlandia, Nueva Zelanda, Canadá y Uruguai.

Nel so llabor d’espardimientu, normalización y afitamientu de la llingua asturiana, la Estaya de la Llingua d’Avilés programa un ciclu nuevu, col que festexar, con varies actividaes que se van poder siguir de forma telemática, cuatro de los nomaos díes especiales del añu: El Día Internacional de la Muyer, el Día Internacional de la Madre Tierra, el Día de les Lletres Asturianes y el Día Mundial del Mediu Ambiente.

Esti sábadu 6 de marzu púnxose en marcha’l proyectu Fines de selmana saludables una iniciativa conxunta de les Conceyalía de Mocedá y Ciudá Saludable qu’apigura una serie d’actividaes qu’amás d’apurrir ociu a los colectivos infantil y xuvenil avilesinos busca fomentar vezos saludables, potenciar les relaciones familiares y recuperar espacios públicos na midida que la evolución de la pandemia dexe.

El gruesu del programa de los actos del 8 de Marzu n’Avilés va desenvolvese de manera telemática, con retresmisiones al traviés de la canal en YouTube del Conceyu, la web www.aviles.es y en redes sociales. Va Haber esposiciones, un documental y una mesa redonda con espertes en desigualdá salarial y fienda llaboral de xéneru.

Les Xornaes contra’l Racismu y la Xenofobia de Xixón tienen llugar tolos años coincidiendo cola celebración del 21 de marzu, Día Internacional de la Eliminación de la Discriminación Racial y les d’esti añu anunciaránse esta selmana con actividaes que van aportar a la xornada central del día 21.

Les Ayudes a la Creación Artística de la Factoría Cultural d’Avilés consolidaron la so capacidá d’estímulu y atracción para los proyectos culturales de vanguardia con sellu asturianu y nacional. Impulsaes pola conceyalía de Cultura, esta cuarta edición, que’l so plazu de recepción remató’l pasáu mes de xineru, batió tolos sos récords, con nada menos que 68 propuestes presentaes ente les cinco modalidaes a les que puede optase.