Sociedá

La conceyala de Mocedá, Cuadonga Díaz, y la de Deportes, Conchita Méndez, presidieron, esta selmana, nel salón de plenos del Conceyu d’Uviéu, la Xornada virtual “Educación en valores al traviés del deporte: programa DELFOS”, entamada pol Plan Municipal sobro Drogues, que ye frutu de la collaboración ente’l Conceyu d’Uviéu y la Fundación CESPA-Proxecto Home.

El proyectu del Conceyu d’Avilés d’ociu alternativu pa mozos “Güei sálese” preparó pal mes d’abril una programación na que se va dar continuidá a les actividaes semipresenciales siguiendo les midíes dictaes pol Conceyu d’Avilés, Principáu d’Asturies y el Ministeriu de Sanidá.

La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección de propuestes d’actividaes didáctiques y lúdiques y posterior programación en dellos equipamientos del Principáu d’Asturies.

Baxu’l títulu “La Europa de les materies primes nel 1er mileniu a.n.y. Esplotación, Tresformamientu y Espardimientu” va celebrase en Xixón el 45 Coloquiu Internacional de la AFEAF centrándose nes materies primes n’Europa, y el conxuntu de les actividaes y habites con elles rellacionaes. Y les inscripciones ya tan abiertes.

Nesti añu 2021, INNOVASTURIAS xuntu con XIXÓN IMPULSA, vieno acabante d’entamar el Ciclu de Seminarios sobro Innovación sol títulu CLAVES D’INNOVACIÓN PA LA RECUPERACIÓN qu’arrancó esti martes 23 y va desenvolvese un martes cada mes hasta la fin d’añu.

La conceyala de Mocedá, Cuadonga Díaz, presentó esta selmana la ufierta de la primer temporada d’Ociu Xuvenil d’Uviéu, de marzu a mayu, con un programa de prevención universal que pretende ser una iniciativa integral que, tomando como referencia estratexes educatives y xeneradores  d’alternatives d’ociu, englobe distintes actuaciones que se desenvuelven nel ámbitu del ociu y tiempu llibre xuvenil, dende una perspectiva de promoción de la salú y de xeneración d’estilos de vida saludables.

La Comisión d’Honores y Distinciones del Conceyu d’Uviéu, presidida pol conceyal de Relaciones Institucionales, el popular Mario Arias, alcordó esta selmana, por unanimidá, el nomamientu de Carmen Ruiz-Tilve, Emilio Sagi y Jaime Álvarez-Buylla como Fíos Predilectos de la ciudá, y el de Concha Quirós como Fía Adoptiva d’Uviéu. Nel casu de Jaime Álvarez-Buylla y Concha Quirós, la distinción concedese a títulu póstumu.

Xixón va acoyer ente’l 13 y el 15 de mayu’l 45 Coloquiu Internacional de l’Asociación Francesa pal Estudiu de la Edá del Fierro (AFEAF),  nel que mientres trés xornaes investigadores, científicos y espertos de primer orde de toa Europa (Holanda, Inglaterra, Francia, Bélxica etc.) van falar del tresformamientu de les materies primes na dómina castreña.