Sociedá Cultura va estrenar en 2009 la oficina de normalización pa los conceyos eonaviegos by asturnet 24 de xunu, 2009 La Conseyería de Cultura, al traviés de la Directora Xeneral de Política Llingüística, Consuelo Vega Díaz, anunció la puesta en marcha de la yá anunciada “Oficina de Coordinación Cultural y Lingüística”, que va depender de la Mancomunidá Ozcos-Eo y va entrar en serviciu nel segundu semestre desti mesmu añu dende A Veiga. La oficina va planificar y executar actividaes culturales y midíes pa favorecer “l’usu social del gallego-asturianu, la so protección y promoción. Les principales llínies d’actuación que’l so departamentu vien desarrollando na presente llexislatura pa contribuir “a la conservación y potenciación del gallego-asturianu (toponimia; concesión de sofitu económicu a editoriales, escritores o músicos; organización d’actos culturales; puesta en marcha de la Unidá de Traducción…)”. Nesi sen, asitió la creación d’una rede de servicios nos conceyos o nes comarques que “sirvan pa trabayar nel marcu de la realidá cultural y llingüística de cada fastera”. La “Oficina de Coordinación Cultural y Llingüística del Parque Históricu del Navia” va desendolcar les sos funciones nos conceyos de Bual, Cuaña, El Franco, Grandas de Salime, Eilao, Navia, Pezós, A Veiga, Castropol, Santiso d’Abres, Taramundi, Vilanova d’Ozcos, Samartín d’Ozcos, Tapia y Villayón, llevando alantre campañes informatives, la edición de publicaciones, la organización d’actividaes pa neños y mozos o l’impulsu a la recuperación toponímica. 24 de xunu, 2009 0 FacebookTwitterPinterestEmail
Sociedá Roberto González-Quevedo va echar el pregón de la XXIII Fiesta de la Oficialidá de la Llingua Asturiana by asturnet 22 de xunu, 2009 Lescritor, antropólogu lleonés y Secretariu de lAcademia de la Llingua Asturiana., Roberto González-Quevedo va ser el pregoneru de la fiesta que celebra cada añul Conceyu de Bimenes, y que va celebrase esti añu del 26 de xunu al sábadu 4 de xunetu, incluyendo como fin de fiesta, un conciertu de Los Gatos del Fornu, Los Ciquitrinos y DJ15. El vienres 26 xunu na Casa la Cultura y a partir de les 2000 hores va entamar la celebración cola presentación del programa dactos. Del miércoles 24 xunu al miércoles 8 xunetu na Casa la Cultura, con horariu de cuatro a seis de la tarde, va tar abierta la esposición de les obres presentaes al VI Concursu de Cómic nAsturianu de la Comarca de la Sidra. El xueves 2 xunetu na Casa la Cultura a les 2030 hores va representase la obra Ello yera una vez , a cargu del Grupu de Teatru Carbayín. El vienres 3 xunetu na Casa la Cultura, y a partir de les 1945 hores, van entregase los premios del XII Concursu de Cuentos pola Oficialidá del Asturianu. A les 2030 hores va celebrase una actuación de monologuismu, col testu La matazuga, a cargu del monologuista Carlos Alba. El sábadu 4 xunetu nel prau de la fiesta, a partir de les 1100 hores, VII Feria dArtesanía y Mercáu de Productos Agroalimentarios. A les doce, pasacais de los grupos folklóricos Los Yerbatos (Bimenes), Oter de Fumos (Valladolid) y Os Pauliteiros (Miranda del Douro) hasta la Casona de los Careaga. A les 1230 hores, va echar el pregón Roberto González-Quevedo González, y a les 13 hores, va facese misa nasturianu, oficiada por José Manuel García de Jesús y cantada por El Corriellu la Pandorga nel prau de la fiesta. A les 1330 hores va facese la Puyal ramu, na que collabora la Sociedá de Feries y Fiestes Nuestra Señora del Rosario de Santuyano. A les 1345 hores van actuar los grupos folklóricos Los Yerbatos (Bimenes), Oter de Fumos (Valladolid) y Os Pauliteiros (Miranda del Douro) y a les 1445 hores va celebrase una xinta popular con bollu preñáu, empanada, casadiella y arroz con lleche. Na tarde desta xornada de pieslle va tener llugar un taller de manualidaes pa neños, a cargu de lAsociación Sociocultural Afayaivos y a les 1830 hores, la final del X Concursu de Gaiteros y Gaiteres Mozos. La nueche va cuntar cola actuación de Los Gatos del Fornu, Los Ciquitrinos y DJ J15. 22 de xunu, 2009 0 FacebookTwitterPinterestEmail
Sociedá El domingu celébrasel IV Día de la Llingua en Lleón by asturnet 19 de xunu, 2009 La Conceyalía de Cultura Lleonesa de Lleón, organiza esti domingu, 21 de xunu, nel Palaciu Don Gutierre de la ciudá, el IV Día de la Llingua Lleonesa. A les 12 la mañana van entamar los actos cola intervención del conceyal de cultura lleonesa, Abel Pardo, una llectura poética de testos de Luis Artigue, Miguel Escanciano, Xuasús González y Xairu Llópez, y la entrega de diplomes de los Cursos de Llingua Llïonesa. Darréu Rodrígo Martínez va interpretar delles vaqueiradas y a la una, la Banda de Gaitas Ciudá de Llión va tocar, prebando darréu los asistentes, un vinu de la Tierra de Lleón. 19 de xunu, 2009 0 FacebookTwitterPinterestEmail
Sociedá La Casa Posafuelles celebra 4 años d’actividá by asturnet 18 de xunu, 2009 p> La Xunta pola Defensa de la Llingua celebra güei, xueves 18 de xunu, y a partir de les 22:39, el cuartu aniversariu del so chigre, La Casa Posafuelles, asitiáu nUviéu. Na celebración va participar el grupu DRD, tríu de música folk de cámara. 18 de xunu, 2009 0 FacebookTwitterPinterestEmail
Sociedá La Conseyería y la Universidá van tener una versión beta d’un traductor automáticu d’asturianu pal 2010 by asturnet 18 de xunu, 2009 La Universidá d’Uviéu y la Conseyería de Cultura del Principáu, tan desendolcando un proyeutu investigación que va finar col algame d’un programa informáticu de traducción automática del asturianu al castellán, que podría tener lista una versión beta pa 2010. Asina lo fizo saber esti día la Conseyera de Cultura, Mercedes Álvarez, nuna rueda prensa posterior a la firma del conveniu cola Universidá d’Uviéu pa la traducción, per parte de la Unidá de Traducción autonómica, de los testos que se presenten en llingua asturiana na institución académica. Nesti actu tuvieron tamién presentes el rector de la Universdá d’Uviéu, Vicente Gotor, la directora xeneral de Política Llingüística, Consuelo Vega, y el secretariu de la Universidá. Álvarez quiso afitar les midíes que tan tomándose dende l’Alministración na promoción de la llingua asturiana, ente les qu’asitió’l nuevu proyectu nel que se van inviertir 150.000 euros en trés años y nel que tan trabayando cuatro téunicos baxo la supervisión de los Departamentos d’Informática y Filoloxía Española de la Universidá d’Uviéu. 18 de xunu, 2009 0 FacebookTwitterPinterestEmail
Sociedá La XPDLLA celebra esti xueves el cuartu aniversariu de La Casa Posafuelles by asturnet 16 de xunu, 2009 La Xunta pola Defensa de la Llingua celebra esti xueves 18 de xunu, a partir de les 22:39, el cuartu aniversariu del so chigre, La Casa Posafuelles, asitiáu nUviéu. Na celebración va participar el grupu DRD, tríu de música folk de cámara. 16 de xunu, 2009 0 FacebookTwitterPinterestEmail
Sociedá La ONCE torna “La bruxa Pumarina y el dragón Maragatu” al braille by asturnet 15 de xunu, 2009 Con motivu de los actos de celebración del bicentenariu del ñacimientu de Louis Braille, inventor del métodu de llectura en relieve, qu’averó los llibros a les persones ciegues de tol mundu, la ONCE vien d’asoleyar la torna del llibru “La bruxa Pumarina y el dragón Maragatu” del escritor en llingua asturiana Vicente García Oliva, al nomáu llinguaxe. Una obra de la que lAcademia yá asoleyare dos ediciones en llingua asturtiana. Nel actu de presentación de la obra, que tuvo llugar el pasáu xueves 4 de xunu na sede central de la ONCE n’Asturies, tuvieron presentes Ana MªCano González, presidenta de l’Academia de la Llingua Asturiana; l’asturianu Pedro A. Zurita, ex secretariu de la Unión Mundial de Ciegos; Jose Luis Iglesias, en representación de la ONCE n’Asturies; y el propiu autor Vicente García Oliva. 15 de xunu, 2009 0 FacebookTwitterPinterestEmail
Sociedá Xubilóse la profesora, escritora y académica Mª Esther García López by asturnet 15 de xunu, 2009 La comunidá escolar del Institutu Islla de la Deva de Piedras Blancas celebró esta fin de selmana un actu dhomenaxe y despidida de los profesores Pedro Crespo Fernández y María Esther García López, esta última escritora, artículista de La Nueva España y miembru de lAcademia de la Llingua Asturiana. Lactu tuvo presidíu pol director del centru Juan José Sánchez y al mesmu acudió la conceyala de Muyer de Castrillón, Yasmina Triguero, y la presidenta de lAcademia de la Llingua Asturiana Ana Cano. Esther García tien espublizaos una montonera llibros empobinaos al públicu infantil, amás duna importante producción poética y de narrativa curtia, premiada con importantes gallardones. 15 de xunu, 2009 0 FacebookTwitterPinterestEmail
Sociedá Casting destres pal anunciu de la nueva temporada de Doctor Mateo by asturnet 12 de xunu, 2009 Antena3 Televisión organiza un prueba dinterpretación en Nava pa escoyer participantes pal anunciu promocional de la segunda temporada de la serie de televisión “Docto Mateo”. Los interesaos en participar han pasar pela Casa Cultura de Nava, el próximu martes 16 de xunu, de 11 a 14 hores y de 16 a 19 hores. 12 de xunu, 2009 0 FacebookTwitterPinterestEmail
Sociedá La moda asturiana presente nel Muséu del Traxe de Madrid by asturnet 12 de xunu, 2009 La marca asturiana Mamatayoe va representar a Asturies nel eventu Moda y necesidaes especiales, organizáu pola Asociación Nacional Discapacidá y Medios de Comunicación (ADIMECO) ya inauguráu pola princesa dAsturies, Leticia Ortiz Rocasolano, el domingu 14 a partir de les diez y media la mañana nel Muséu del Traxe de Madrid. Nel actu vas participar tamién la ministra de Ciencia ya Innovación, Cristina Garmendia y nél, Mamatayoe va compartir espaciu con marques del estáu español como Amaya Arzuaga, Agatha Ruiz de la Prada, Purificación García o Adolfo Dominguez, tratando los problemes quatopen les persones con discapacidaes pa vistise nel día a día. L’actu va rematase con un desfile protagonizáu por persones con discapacidaes físiques. 12 de xunu, 2009 0 FacebookTwitterPinterestEmail