Política

Nun comunicáu asoleyáu esti día, Andecha Astur posicionase otra vuelta cola oficialidá de la llingua asturiana “ente la llamentable rempuesta de la Conseyera de Cultura al quedar n’evidencia la so responsabilidá na deficiente escolarización del asturianu y la precariedá llaboral de los sos ensiñantes”. Andecha Astur recuerda-y que la Oficialidá ye la única rempuesta válida.

Anque la rempuesta dada formalmente pol Gobiernu español dexa pocu espaciu pa la dulda en cuantes a quien compete la formación del profesoráu qu’imparta la llingua asturiana: “La Administración Educativa de la Comunidad Autónoma del Principado de Asturias será la encargada de poner en marcha los recursos necesarios, tanto personales como materiales o de cualquier otro tipo, para el estudio de dicha lengua en las aulas, incluido el profesorado que la impartirᅔ Andecha Astur, a través del diputáu Rafael Larreina,”procederá a entrugar de nueu al Gobiernu español si son ciertes les recientes declaraciones de la Conseyera de Cultura nes que pretende responsabilizar de nueu al Gobiernu español de les mui deficientes condiciones d’escolarización de la llingua asturiana y de la inxustificable precariedá llaboral na que caltién al profesoráu de dicha llilngua”.

Nun duru comunicáu Andecha Astur diz que’l fechu de “qu’el serviciu d’emerxencia del “Principado” –SEPA- atienda les llamaes en suniki y wolof, ente otros 51 idiomes, pero que se niegue a ufiertar esi serviciu n’asturianu pon n’evidencia’l so despreciu haza la nuesa llingua”. El recién anunciu de que’l Serviciu d’Emerxencia del “Principado” atiende les llamaes rializaes fasta nun total de 51 idomas, dellos tan pocu avezaos na nuesa tierra como’l suniki o’l wolof, mientres que se ñega a prestar dichu serviciu n’asturianu espeya nidiamente cuala ye la política del “Principado” haza los asturianos polo xeneral y haza la nuesa llingua en concretu, “negándomos drechos ellementales que sí reconoz pa los falantes d’otres llingües”.

Dende Andecha Astur consideren “bien positivo que s’ufierte’l serviciu d’emerxencies en cuantes más llingües seya posible, pero considera inxustificable que se mos ñegue esi mesmu derechu a los asturianos na nuesa mesma tierra. Inxustificable y enforma significativu pos reflexa l’odiu del “Principado” escontra tolo asturiano, y la política indisimulada de xenocidiu cultural al que se mos somete cola clara intención d’esanciar la nuesa llingua, cultura ya identidá”.

Una vuelta más Andecha Astur “desixe la proclamación de la oficialidá de la llingua asturiana como únicu mecanismu posible pa salvaguardar los drechos llingüísticos del Pueblu Asturianu”.

Andecha Astur vieno acabante desixir nun comunicáu de prensa asoleyáu esti día midíes llegales en base al dictame de la COmisión Niemeyer, nel convenciemientu de que si nun se tomen les oportunes midíes llegales, el dictame nun va pasar de ser papel moyao.

N’Andecha camienten que “trátase d’un dictame que tien autollimitao inxustificadamente’l númberu d’imputaos y qu’omite la responsabilidá d’iu comu sociu de gobiernu. El dictame emitíu pola comisión d’investigación del Niemeyer apunta responsabilidaes llegales tan vultables ente los principales investigaos que fadríe preciso la intervención d’oficiu del fiscal anticorrupción , y en tou casu desixe que dende l “Principado” empecipien les oportunes aiciones pa dellimitar les responsabilidaes llegales esistentes.

Nun país onde la desvergoña de los políticos permíte-yos nun dimitir entá en casos comu’l presente nel que quedaron en pública evidencia, nun tomar midíes llegales polos trafullos del Niemeyer supon que’l dictame va pasar a ser papel moyáu, ensin denguna triba de repercusión rial”.

Per otra parte, Andecha Astur considera “tremendamente floxu’l mentáu dictame, al autollimitar inxustificadamente’l númberu d’imputaos direutamente, y dexar ensin investigar les numberoses implicaciones que s’apunten nel mesmu y que suxuren la esistencia d’una auténtica trama muncho más estensa tantu cuantitativa comu cualitativamente, llegándose al estremu d’omitir les responsabilidaes que comu sociu del gobiernu d’Areces y correspuenden a IU, bien comu tontu útil, bien comu cómpliz necesariu.”

IX espardió güei so encamientu al Gobiernu autonómicu a recurrir el recién Real decretu qu’obliga a lliberalizar horarios comerciales n’Uviéu y Xixón. El grupu parlamentariu d’IX va treslladar esti pidimientu al executivu autonómicu al traviés d’una entruga na Xunta Xeneral pal próximu plenu, na que pide tamién conocer qué midíes tien pensáu tomar colos representantes del sector pa, nel casu de que’l recursu fracase, el pequenu comerciu note’l menor impactu posible.

Luis Álvarez Payo, diputáu d’IX na Xunta Xeneral, considera negativu la recién lliberalización d’horarios comerciales qu’acaba de promulgar el Gobiernu. La midida, al so xuiciu, “supon un claru perxuiciu pal comerciu minorista, autónomos y trabayadores afectaos que, como yá ta asocediendo n’otres comunidaes autónomes, nun va suponer más beneficios, emplegu o mayor remuneración salarial pa los trabayadores y autónomos”.

Nun duru comunicáu asoleyáu esti día, Andecha Astur acusa a Esther Díaz de privatizar la sanidá pública y de considerar a les presones mayores comu oxetos carentes de voluntá y discernimiento. Dende’l firme compromisu cola Sanidá Pública, qu’Andecha Astur dix caltener “considera inalmitible la privatización encubierto llevada alantre pol PSOE dende’l “Principado” y sofita la modélica llucha de los trabayaores del ERA na defensa del so puestu de trabayu y de la sanidá pública asturiana”.

Asina mesmo Andecha Astur “nun pue sinón calificar comu de vergoñosa l’actuación de la Conseyera de Bientar nesti casu, recurriendo a toa triba de falsos argumentos pa xustificar l’esmantelamientu de la Sanidá Pública, y llegando al estremu d’acusar a los sindicatos de manipoliar a les presones mayores por calteneles informaes de la situación na que los dexa les midíes tomaes pol PSOE”

.

Y ye que sigún Andecha les sos recién declaraciones amuelen que “Esther Díaz paez atalantar que les presones mayores adolecen dafechu d’opinión, considerándolos oxetos carentes de voluntá y de capacidá, a los que tien de caltenese ignorantes y nega-yos cualisquier participación precisamente nuna tema nel que son los primeres afectaos”. Una cuestión qu’Andecha noma de “vergoña”.

Izquierda Xunida va preguntar al Gobiernu pola situación de la enseñanza del asturianu y sobre qué planes tien pa facer que se caltenga la mesma en condiciones de “dignidá”, pal cumplimientu de la Llei d’Usu. El diputáu autonómicu Aurelio Martín dio a conocer güei la entruga tres la xunta de voceres pos, dixo, el fechu de que la llingua autóctona nun tenga calter d’oficial ta provocando, señaló, “distintos problemes na enseñanza”.

Per otru llau, Martín desplicó que se va presentar una moción sobre la Formación Profesional Básica, na que se pide que, antes de ponese en marcha, garantícese un financiamientu afayadizu, daqué que, al so xuiciu, nestos momentos nun esiste.

La campaña del PP escontra la presencia del asturiano en los primeros niveles de la enseñanza ye pal PAS “una amuesa más del so señoritismo, de su madrileñismo y de la so actitú permanentemente contraria a la cultura y la identidá asturiana”.

EL PAS llamenta que solo nuna ocasión, “la del Gobiernoude Marqués, la cultura y la identidá asturianes halcontraran comprensión nun partíu afitáu nel so madrileñismu y el so señoritismu”.

El Coordinador d’IX Asturies, Manuel González Orvíz, xunta la diputada Emilia Vázquez, caltuvo esta mañana una xunta con Ana Cano, presidenta de l’Academia de la Llingua y Xosé Antón González Riañu, que se centró nesta polémica auspiciada polos intereses del PP. Al finar la mesma, el Coordinador d’IX alviertió de que “l’asturianu nun puede recibir un tratamientu per debaxo de los mínimos que marca’l currículum actual”.

IX entiende que nun se puede poner al asturianu en confrontación con una segunda llingua nin con nenguna a otra alternativa que tienda a desvirtuar el sentíu que ye’l de la conocencia de lo propio, la llingua y, nel so defectu, la cultura asturiana.

Emilia Vázquez, diputada d’IX d’Asturies, afitó que’l PP utilizó a la llingua asturiana, una vegada más pa intentar, descalificar la política educativa asturiana y defender la Llei Wert. Asistimos al so xuiciu a un falsu conflictu que significa enfrentar al asturianu a una segunda llingua, esplica la diputada: “Consideramos que l’asturianu nun puede ser oxetu de nengún tratamientu que s’atope per debaxo de los mínimos nos qu’agora s’asitia nel currículum de la educación primaria asturiana”, advirtió tamién Vázquez.

“Entendemos que nun se puede poner al asturianu en confrontación con una segunda llingua nin con nenguna a otra alternativa que tienda a desvirtuar el sentíu que ye’l de la conocencia de lo propio, la llingua y, nel so defectu, la cultura asturiana. Eso yá nos paez un tratamientu de mínimos y cualquier cosa que tea per debaxo paeznos un ataque en toa riegla de los derechos que nos asisten a los asturianos y asturianes por conocer la nuesa llingua, la nuesa redolada y la nuesa hestoria”, esplica la diputada d’IX. Vázquez adelantró que rexistró yá na Xunta Xeneral entrugues parlamentaries pa conocer les intenciones del Gobiernu sobre esti asuntu.

Emilia Vázquez y Manuel González Orvíz, Coordinador Xeneral d’IX d’Asturies, caltuvieron esta mañana una xunta con Ana Cano, presidenta de l’Academia de la Llingua y Xosé Antón González Riañu, que se centró nesta polémica auspiciada polos intereses del PP.

L’Área d’Educación d’IX pide la dimisión de Montserrat Gomendio, actual Secretaria d’Estáu d’Educación, ante la so irresponsabilidá manifiesta al mandu d’un Ministeriu d’Educación que tendría de defender y ameyorar lo público, en cuenta de convertilo en negociu pa la banca.

Les declaraciones de Montserrat Gomendio plantegando que la universidá tien d’evolucionar d’un sistema de beques escontra otru de préstamos, empónnos a la creación d’una nueva burbuya hipotecaria a cuenta de los estudiantes universitarios. Detrás d’esta propuesta lo qu’hai ye una forma d’avanzar escontra la privatización y defender unos determinaos intereses que yá nun son los públicos. Tase asina creando una xeneración que van ser “esclavos y esclaves de les sos deldes” hasta la so xubilación. Cuando españe esa burbuya, quien van perder nun van ser los banqueros qu’emprestaron, sinón los estudiantes que pidieron.

N’España, IX atalanta qu’una midía como esa, col actual índiz de paru, sería una auténtica hipoteca pa tola vida, que condicionaría a la probeza y la miseria a les titulaes universitaries entá más de lo que tán anguaño.

Pa IX sustituyir n’España les yá exigües ya insuficientes beques por préstamos non ye sólo una barbaridá, sinón que ye una forma de entrampar ya hipotecar pa tola vida a quien quiera aportar a estudios cimeros. Otra manera, Izquierda Xunida esixe que les beques auméntense, xeneralícense les beques salarios y suma l’aumentu de los requisitos académicos pa llograles (tien de ser abondo un rendimientu normal, espresáu nel aprobáu), pos la so finalidá nun ye competir, sinón facilitar el derechu a estudiar.

Izquierda Xunida defende una Universidá gratuita financiada con una recaldación d’impuestos progresivos y la recuperación de la bolsa de fraude. Los servicios públicos, como la educación cimera, namá son accesibles n’igualdá de condiciones si son universales y gratuitos.

La inversión pública nel sistema universitariu español asítiase a lo cabero de los países de la UE-15. L’Estáu español namá dedica’l 1,1% del PIB a la educación universitaria, ente que países como Estaos Xuníos algamen el 3% del so PIB y la media de la UE-15 devasa’l 2%. En cuenta de esto, los socesivos gobiernos del PSOE y del PP fueron aplicando polítiques de financiamientu de la universidá per vía de la medría de les tases a los estudiantes que pudieron aportar a esti derechu públicu.

IX d’Asturies vieno acabante de presentar vetos a los proyectos de llei de Saléu Marítimu y de Responsabilidá Medioambiental, altiempo que críitica a la lldi d’Abdicación, sigún dejó afitao esto día’l sensor Jesús Iglesias.

Respectu al proyectu de Llei de Saléu Marítimu, el senador asegura que nun unifica la normativa del sector y que la empiora, tantu porque dexa a l’alministración como mera observadora nos rescates de barcos en situación de peligru inminente de fundimientu, nun aplica les regulaciones de la OIT en materia llaboral sobre trabayo marítimu, abre la puerta a privatizaciones al dexar que l’Alministración realice llabores de salvamentu al traviés d’entidaes privaes y llinda la independencia de el capitanes de buques, yá que pasen a ser consideraos “personal d’enfotu” del armador, lo que puede suponer un claru amenorgamientu de la so capacidá pa obrar con autonomía.

En cuanto al proyectu de Responsabilidá Medioambiental, la nueva llei supedita los mecanismos de protección na materia al propiu desenvolvimientu de l’actividá que se realice, devalúense les condiciones de trabayu y salarios y prescíndese de munchos mecanismos de control o d’usu de tecnoloxíes afayadices, esimiendo al 98% de les actividaes económiques de xenerar riesgos medioambientales d’establecer garantíes pa casos d’accidentes. Al pie de ello, la nueva llei dexa que sían les mesmes empreses quien envaloren y evalúen el tipu de garantía que tienen d’establecese.