Política

Andecha Astur llama a participar nel manifestamientu pola Oficialidá de la Llingua Asturiana que se cellebrará esti vienres 8 de mayu, y felicita a la’ALLA pol so llabor nun comunicáu qu’asoleyaba esti miércoles. Andecha Astur llama a xuncir fuercies alrodiu del oxetivu común que ye la Oficialidá de la llingua asturiana, desixencia democrática na que necesariamente tienen de coincidir tolos asturianos y asturianes que nun hebian perdío la dignidá de selo, d’aquellos que caltienen un compromisu ciertu colos drechos llingüísticos del Pueblu Asturianu, ensin demagoxes nin medies pallabres.

Un añu más, y “costatando la inesistencia d’avances significativos na reconocencia d’esti drechu democráticu y la sistematización de la situación de represión y amenorgamientu llingüísticu que carecemos n’Asturies”, Andecha Astur atalanta que ye obligación de so “participar nuna movilización na que la oficialidá de la llingua asturiana tien de ser motivu abondu p’amestar fuercies”.

Ello asina Andecha Astur “fai un llamamientu al conxuntu de la sociedá asturiana pa que participe activamente nel manifestamientu entamáu pal prósimu Díi de les Lletres Asturianes (vienres 8 de mayu) a les 19:30 hores, con salida de la Estación de la RENFE d’Uviéu”.

Asina mesmo, Andecha Astur unvió un comunicáu de felicitación a l’Academia de la Llingua Asturiana que diz asina: “Nesti díi tan siñaláu, Andecha Astur quier aprovechar la ocasión pa felicitar a l’Academia de la Llingua Asturiana pol so importante llabor nel estudiu, dignificación y defensa de la nuesa llingua patria, animándola a siguir na xera de la normativización y normalización llingüística de la llingua d’Asturies en tol territoriu nacional, y na defensa de los drechos de los asturfalantes. Pela nuesa parte, perafitámosmos na defensa de la llingua asturiana, la so unidá en tol territoriu y l’algame de la so OFICIALIDÁ comu pasu imprescindible cara a la normalización democrática d’Asturies y al necesariu procesu de recuperación llingüística nel nuesu país.”

Arriendes de presentase “nes tres circuscripciones artificiales na que dixebraren Asturies elleutoralmente”, Andecha Astur presentase tamién en Xixón y n’Uviéu, sofitando y/o participando n’otres candidatures populares comu son Conceyu Abiertu por Noreña, Asociación Morciniega Independiente o Pueblu, de Ribeseya. Paulo Arboleya (Sieru) pela circuscrición central, Berta Labra (Cangues d’Onís) pela oriental y Antón Fuertes (Cangas del Narcea) pel ocidente, son los candidatos nacionales, y Sonia Díaz y Miguel Anxel Agudo per Xixón y Uviéu respeutivamente.

Tres lo que n’Andecha nomen “l’esfarrapamientu del restu de formaciones que se definíen dientru’l nacionalismu / asturianismu, delles de les cuales integrárense en formaciones polítiques madrilanes con sucursal n’Asturies”, Andecha Astur enfréntase a estes elleiciones cola concenxa bien clara de ser el referente xunitariu del nacionalismu asturianu y “cola responsabilidá de garantizar la defensa de los drechos del Pueblu Asturianu”.

Nesi sen Andecha Astur “quier agradecer públicamente’l sofitu algamáu nestos díis por parte de presones non vinculaes a la organización, pero qu’asumen qu’agora mesmo la nuesa candidatura costitúi una candidatura de xunidá nacional na que ye preciso confluyir el conxuntu d’asturianos y asturianes que mos tengamos por talos”.

Llamazares reclama a la Xunta Electoral que remueva “toles torgues” pa que los españoles que viven nel estranxeru puedan votar nes próximes elecciones del 24M. Esti grave problema sigue latente y va afectar a cerca de 1,8 millones de persones que van tar fora del país nos próximos comicios, mientres PP y PSOE comprometense a estudiar una solución al traviés d’una propuesta que foi na opinión del candidatu asturianu “flor d’un día”.

Izquierda Xunida rexistró güei ante la Xunta Electoral Central (XEC) una solicitú pa “remover toes torgues qu’enzanquen la tramitación y l’exerciciu del derechu de sufraxu nes elecciones autonómiques” con toles garantíes, tantu a los españoles inscritos nel Censu Electoral de Residentes Ausentes (CERA) que viven nel estranxeru, como a los españoles inscritos nel Rexistru de Matrícula Consular que s’atopen temporalmente fuera del país.

Nel actu d’entrega d’esta solicitú nel Rexistru de la XEC asitiáu nel Congresu tuvieron presentes Adolfo Abarrena, secretariu d’Organización d’IX Federal y firmante de la mesma na so calidá de representante electoral xeneral ante la Xunta, y el diputáu y voceru parlamentariu de Xusticia d’IX y candidatu a la Presidencia d’Asturies, Gaspar Llamazares.

Barrena esplicó qu’Izquierda Xunida da esti pasu pa sacar a la lluz público lo que ye “una reclamación, un pidimientu y una esixencia” sobre la manifiesta “imposibilidá y les múltiples dificultaes pa votar a les que s’enfrenta la ciudadanía española residente nel estranxeru”.

Iniciativa pol Asturianu critica’l “legáu” de la conseyera Ana González asitiándola “al llau de los que destruyen la llingua asturiana”. L’asociación amuésase convencida de que “el llabor de les persones conozse pol so legáu, lo que dexen al so pasu peles responsabilidaes qu’ocupen” y la Conseyera d’Educación y Cultura nos caberos trés años de llexislatura, la socialista Ana González, “siempres tien mui bones pallabres pa col asturianu y dende qu’entró nel so cargu fizo munches promeses (solucionar el problema del profesoráu de Llingua Asturiana, dar pasos alantre na normalización del idioma, avanzar nel procesu d’oficialización de la toponimia, etc.)”, pero “güei, cuando la llexislatura ta terminando, podemos afirmar que’l legáu de la Conseyera ye una llaceria, una riestra de pasos atrás que lleven al asturianu a una situación peor entá de la que tenía cuando ella ocupó’l so cargu en 2012”.

Iniciativa pol Asturianu asoleyó estos díes una nota na que fai balance del papel del la Conseyera d’Educación y Cultura pa cola llingua asturiana y, por exemplu, nel ámbitu educativu, atalanta que “el profesoráu sigue ensin tener normalizada la so situación. Esta foi una de les sos promeses más clares, reconocer la especialidá d’asturianu al profesoráu, agora que los sos estudios tán homologaos dafechu colos del restu d’especialidaes docentes. Siguimos esperando, mientres ella pon escuses y echa la culpa a Madrid, pero nun se presenta a los conceyos col Ministeriu d’Educación, mandando a cargos inferiores mientres ella viaxa a Nueva York”.

Como nun-y paecía abondo con ello, “tuvo que dar pasos atrás en tol sistema educativu. De mano, faciendo que l’asignatura d’asturianu tuviera de competir con Cultura Asturiana en Primaria (incumpliendo la Llei, qu’establez que tien de ser asignatura voluntaria, non optativa), dempués recortando nun 75% la presencia de Llingua Asturiana nel ciclu de Bachilleratu, de 4 a 1 hora selmanal”, quieren dexar afitao dende Iniciativa. No que cinca al Plan de Normalización, les coses entá-yos paecen pior: “d’eso nin se fala nin s’espera d’ella que lu eche alantre. La so política foi la d’afogar a les poques y pequeñes editoriales que queden editando n’asturianu con abusives condiciones y costoses xestiones pa poder algamar les probetayes ayudes a la edición”.

Y nel campu de la toponimia, “los primeros pasos atrás son obra d’esta Conseyera, cediendo a les presiones de los medios de comunicación más enemigos del idioma d’Asturies. Con ella dellos topónimos que se recuperaren pa nun perdelos, volvieron con decretos del BOPA a la so versión deturpada. D’avances nesti campu nin falamos tampoco. La Xunta de Toponimia parada y l’usu de la toponimia oficial dende la so Conseyería, desastrosu”.

Por too ello pa Iniciativa pol Asturianu el legáu de la Sra. Conseyera al frente de la Política Llingüística d’Asturies, define’l so papel na hestoria, “nel llau de los qu’ayuden a la destrucción d’esta llingua, col sofitu absolutu del so partíu y del gobiernu del Sr. Javier Fernández”.

El diputáu de Amaiur, Jon Iñarritu, que davezu presenta les entrugues ya iniciatives d’Andecha Astur nel Congresu español, va visitar Asturies el próximu xueves y vienres 23 y 24 p’aconceyar cola Xunta Executiva de Andecha Astur y con distintos colleutivos asturianos que tán pendientes d’aresolvimientu de la so problemática al traviés de les iniciatives presentaes pol diputáu.

El programa pa estos díis va ser bien intensu. El xueves 23 ta previste que s’entreviste cola X.E. d’Andecha Astur, vecinos de San Andrés de los Tacones y col conceyal de l’Asociación Morciniega Independiente Manuel Mallada.

Y el vienres 24, el turnu va ser pa los vecinos de Bañugues, los candidatos d’Andecha Astur y la Corriente Sindical d’Izquierda, con cuya direición va caltener un alcuentru.

Iniciativa pol Asturianu critica’l “legáu” de la conseyera Ana González asitiándola “al llau de los que destruyen la llingua asturiana”. L’asociación amuésase convencida de que “el llabor de les persones conozse pol so legáu, lo que dexen al so pasu peles responsabilidaes qu’ocupen” y la Conseyera d’Educación y Cultura nos caberos trés años de llexislatura, la socialista Ana González, “siempres tien mui bones pallabres pa col asturianu y dende qu’entró nel so cargu fizo munches promeses (solucionar el problema del profesoráu de Llingua Asturiana, dar pasos alantre na normalización del idioma, avanzar nel procesu d’oficialización de la toponimia, etc.)”, pero “güei, cuando la llexislatura ta terminando, podemos afirmar que’l legáu de la Conseyera ye una llaceria, una riestra de pasos atrás que lleven al asturianu a una situación peor entá de la que tenía cuando ella ocupó’l so cargu en 2012”.

Iniciativa pol Asturianu asoleyó estos díes una nota na que fai balance del papel del la Conseyera d’Educación y Cultura pa cola llingua asturiana y, por exemplu, nel ámbitu educativu, atalanta que “el profesoráu sigue ensin tener normalizada la so situación. Esta foi una de les sos promeses más clares, reconocer la especialidá d’asturianu al profesoráu, agora que los sos estudios tán homologaos dafechu colos del restu d’especialidaes docentes. Siguimos esperando, mientres ella pon escuses y echa la culpa a Madrid, pero nun se presenta a los conceyos col Ministeriu d’Educación, mandando a cargos inferiores mientres ella viaxa a Nueva York”.

Como nun-y paecía abondo con ello, “tuvo que dar pasos atrás en tol sistema educativu. De mano, faciendo que l’asignatura d’asturianu tuviera de competir con Cultura Asturiana en Primaria (incumpliendo la Llei, qu’establez que tien de ser asignatura voluntaria, non optativa), dempués recortando nun 75% la presencia de Llingua Asturiana nel ciclu de Bachilleratu, de 4 a 1 hora selmanal”, quieren dexar afitao dende Iniciativa. No que cinca al Plan de Normalización, les coses entá-yos paecen pior: “d’eso nin se fala nin s’espera d’ella que lu eche alantre. La so política foi la d’afogar a les poques y pequeñes editoriales que queden editando n’asturianu con abusives condiciones y costoses xestiones pa poder algamar les probetayes ayudes a la edición”.

Y nel campu de la toponimia, “los primeros pasos atrás son obra d’esta Conseyera, cediendo a les presiones de los medios de comunicación más enemigos del idioma d’Asturies. Con ella dellos topónimos que se recuperaren pa nun perdelos, volvieron con decretos del BOPA a la so versión deturpada. D’avances nesti campu nin falamos tampoco. La Xunta de Toponimia parada y l’usu de la toponimia oficial dende la so Conseyería, desastrosu”.

Por too ello pa Iniciativa pol Asturianu el legáu de la Sra. Conseyera al frente de la Política Llingüística d’Asturies, define’l so papel na hestoria, “nel llau de los qu’ayuden a la destrucción d’esta llingua, col sofitu absolutu del so partíu y del gobiernu del Sr. Javier Fernández”.

Izquierda Xunida d’Asturies concluyía esta fin de selmana, cola celebración de la so conferencia programática en Miere,s el procesu participativu d’ellaboración del programa electoral, empecipiáu dempués de la elección de los sos candidatos nun procesu d’elecciones primaries. El mesmu ta basáu en trés escurres principales, democracia, desenvolvimientu y bienestar, trés oxetivos p’ameyorar les condiciones de vida de los asturianos, tal como esplicó esta mañana’l coordinador xeneral d’IX d’Asturies, Manuel González Orviz. Gaspar Llamazares, candidatu d’IX a la presidencia d’Asturies, destacó la importancia de la participación tantu na candidatura como nel programa.

A xuiciu del candidatu d’IX esti programa ye un programa de Gobiernu” frente al “clientelismo y el fatalismo” qu’hai presido Asturies nos últimos años. Llmazares presentó a IX al mandu de la esperanza y el cambéu políticu, “non del recambiu” de les persones, sinón del cambéu de les polítiques. Lo fundamental para IX, esplicó, ye rescatar a la xente, frente a la probeza y la desigualdá, reindustrializar Asturies en situación de cayente dende va décades y refaer la democracia. Estos oxetivos del programa de gobiernu que van ser desenvueltos.

Llamazares aprovechó la cita de Mieres pa denunciar el “señuelu electoral” que al so xuiciu constitúi l’anunciu del estudiu informativu dau aconocer pol PP de la denominada Y ferroviaria, ente Uviéu, Avilés y Xixón. El candidatu d’IX demandó menos señuelos electorales, cuando’l PP ta desintegrando l’antigua FEVE en cuenta de integrala, la Variante nun acaba d’una vegada y tán desmantelando la minería. “Menos propaganda y más compromisos con Asturies”, dixo’l candidatu al empar que certificó’l compromisu d’IX con Asturies”.

Como ya venía sintíendose dende hai selmanes, los representantes del movimientu asturianista llingüísticu integraos nel proyectu de Podemos Asturies tuvieron de dar estes vacaciones de Selmana Santa un pasu alantre y dexar bien afitao que nun van permitir un programa electoral nel que nun te la OFICIALIDÁ con toles lletres y ensin lletra pequeña. Xune Elipe ya dexara nidia la so posición hai tiempu d’abandonar la formación llegáu’l casu y vieno acabante de afitalo otra vuelta.

Nuna información asoleyada esta selmana vacacional l’Axencia Europa Press falaba na so web de “distintes postures ante la reivindicación histórica de la declaración d’oficialidá de la llingua asturiana”, principalmente estremaes “ente los que prefieren someter esti puntu a votación ciudadana, como’l restu del so programa electoral, o bien los que consideren que se debe asumir como un derechu básicu”. Y recoyía declaraciones de dalgunos de los más nomaos militantes de podemos que son asturianistes nomaos y reconocíos ensin dubies al respective de la oficialidá como Xune Elipe, cantante de Dixebra, y Pablo Antón Marín Estrada, ún de los meyores escritores de nueso y candidatu nel conceyu Xixón.

Xune Elipe ya deciera formar parte del equipu de Somos Asturies y de la llista electoral de Podemos Avilés coles condiciones de que Podemos Asturies nun fuera una delegación madrilana y que nun se discutiera la reconocencia oficial de la llingua asturiana ensin ambigüedaes de dengún tipu nel programa electoral. Xustamente lo qu’agora dalgunos candidatos de Podemos tan entamando a plantegar cola fin d’apartar la oficialidá del programa o dexalo arrequexao como una propuesta a debatir.

Queda perpocu tiempu pa pesllar el programa y la non inclusión de la oficialidá podría pasar muncha factura a Podemos Asturies, que tien nel asturianismu una bona parte de la escasa cadarma organizativa cola que cunta.