Patrimoniu

Los Humanitarios de Samartín y el pueblu de Morea, en conceyu d’Ayer, algamaron esti llunes 17 el Premiu al Pueblu Exemplar d’Asturies qu’otorga la Fundación Príncipe d’Asturies y que ye’l premiu más popular n’Asturies de la Fundación. Torazu foi l’otru pueblu finalista, de les 21 candidatures presentaes, nes deliberaciones del xuráu qu’el llunes s’aconceyó nel Hotel Reconquista d’Uviéu.

El Xuráu destacó la “capacidá y determín nel caltenimientu del espíritu d’activa solidaridá al qu’históricamente fai honor el so nome y que tan eficazmente representó al traviés del tiempu y de difíciles vicisitudes, y que les sucesives xeneraciones supieron asumir con fidelidá a los sos principios y renováu entusiasmu colectivu, custodiando y enriqueciendo la herencia cultural que güei se reconoz y premia por mayoría”.

El Xuráu del Premiu tuvo presidíu por Francisco Rodríguez, presidente de Reny Picot, y integráu, ente otros, por Jesús Arango, profesor d’Economía aplicada de la Universidá d’Uviéu, Evaristo Arce, escritor y periodista, Isabel Campuzano, miembru del Institutu pa la Calidá Turística Española n’Asturies, Efrén Cires, presidente de Carbonar, Fernando Delgado, fundador de ‘Los Quijotes de Asturias’, María Ángeles Fernández, presidenta de la Federación de Muyeres Empresaries y Directores Asturianes, Luis Felipe Fernández, profesor del IES de A Veiga, Nicanor Fernández, director de la Fundación HC, y José María Fernández del Viso, ex conceyal de Cultura del Conceyu d’Uviéu.

El Premiu al Pueblu Exemplar d’Asturies 2007, na que ye la so decimoctava edición, va cuntar con Un total de veintiún candidatures depués de que finare esti vienres el plazu de presentación de propuestes. finalizó hoy viernes, a las 14,00 horas. El xuráu encargáu de la concesión del Premiu va aconceyase’l día 17 de septiembre n’Uviéu.

Noreña, Bustiello de Ayones (Valdés), Coballes (Casu), L’Asociación de Amigos de Cudillero, L’Asociación Fraternidad y Fundación Edes para la Educación Especial (Tapia de Casariego) Valdesoto y Llugones (Siero), La Parroquia de Ciañu y el Valle del Samuño (Llangréu) o la Sociedad Humanitarios de Samartín y el pueblu de Morea (Ayer) son dellos de los candidatos.

La Fundación convoca esti galardón dende 1990 y na so dotación económica, de veinticinco mil euros, collabora al cincuenta por cientu’l Gobiernu del Principáu.

Redacción.

L’Academia de la Llingua Asturiana ta acabante d’asoleyar la toponimia de les parroquies de Cuadonga, La Riera y el puertu de Cuadonga, nel conceyu de Cangues d’Onís. Esti cartafueyu, el númberu 115 de la coleición Toponimia y cuartu dedicáu al conceyu de Cangues d’Onís.

Les anteriores parroquies cola toponimia espublizada son Grazanes, Zardón y Abamia, la última tamien de Vega Obeso y les dos primeres de Mª Aurina González Nieda. Esti últimu trabayu recueye foi premiáu con un primer accesit nel Concursu d’Investigación. Recoyida de material toponímico que convoca l’Academia de la Llingua Asturiana nel 2006.

Páxina de l’ALLA

Redacción.

Esti sábadu pasáu, na parroquia de La Collá, nel conceyu de Siero, la Tertulia Cultural El Garrapiellu organizó la IV Xuntanza del Texu de La Collá en collaboración con otres organizaciones ya incluyendo pela tarde’l II Conceyu del Texu, nel que la que participaron organizaciones ecoloxistes d’Asturies, axuntaes pola esmolición por esti árbol, de gran simbolismu espiritual n’Asturies.

L’actu entamó pela mañana col soníu de les gaites y l’homenaxe del pueblu de La Collá y de les organizaciones representaes al Gaiteru de Veriña, que collaboraba cada añu con esti actu nel Texu de La Collá. La so muyer, fíu nuera y ñeta tuvieron presentes nel actu nel qu’Ánxel Nava fizo alcordanza de la figura del celebre gaiteru.

Darreu la misa n’asturiana, organizada pol Coleutivu Manues Fernández de Castro, enllenó les ruines de la Ilesia Vieya de La Collá, quemada pol bandu republicanu na dómina de la guerra, de la voz de Mari Luz Cristobla Caunedo y la gaita Milio Trabanco, acompañáu pol tambor de Pedro Pangua. Na ceremonia volvió a recordase la figura del Gairteru Veriña y aprovechóse pa facer alcordanza de la figura de Don Bernardino, parrocu de La Collá que siempres collaboró con esta Xuntanza y que morrió l’añu pasáu d’un cáncanu, dempues d’un tiempu apartáu de los sos llabores na parroquia.

Dempues de la misa, l’actu garró un calter festivu y baillóse alredore del texu la Danza Prima, mientres s’entonaron Sampedraes. Entamó la danza Milio’l del Nido y Mari Luz Cristobal. Al meudía fízose una xinta embaxo’l texu.

Yá pela tarde celbróse’l II Conceyu del Texu nel que se pidió la declaración de los texos ‘cultos’ y de los texedales como Patrimoniu de la Humanidá. Amás volvió a recordase la necesidá de que’l Texu de La Collá ameyore’l so entornu, sobremanera’l camín asfaltáu que ta secando una parte del árbol. L’actu de pela tarde incluyó un aición del Bardu Errante, figura artística d’Ánxel Nava.

Vidiu de los participantes nel baille embaxo’l Texu de La Collá

Redacción.

La Tertulia Cultural El Garrapiellu va celebrar esti sábadu 30 de xunu a partir de les 11:30 hores de la mañana la Ceremonia-Xuntanza del Texu, que va celebrase nel Texu de La Collán, xunto a la Ilesia de San Pedro de la Collá, Siero. L’actu cuenta col apoyu de l’Asociación Cultural Amigos de la Parroquia de La Collá, de creación reciente.

La ceremonia, cola que diverses asociaciones ecoloxistes y asturianistes intenten la declaración de Patrimoniu de la Humanidá de los Texos “Cultos” y texeos silvestres, va entamar a les 11:30 cola alborada de Gaita col Conceyu de Gaiteros. A les 12:00 va oficiase una misa n’asturianu col Coleutivu Manuel Fernández de Castro, que va tar cantada por Mari Luz Cristóbal Caunedo, Milio Trabanco a la gaita y Pedro Pangua al tambor. Too ello va celebrase nes ruines romániques de la Ilesia Vieya de San Pedro de la Collá.

Darreu, a les 12:30 va facese Homenaxe-cabudañu al Gaiteru de Veriña y baille de la Danza Prima alredor del Texu, cola ‘Bendición Bárdica’, al cargu del Bardu Errante, personaxe artísticu de Ánxel Nava. Pa rematar la mañana va celebrase una xinta nel prau del Texu. A les cuatro la tarde va celebrase un ‘Conceyu del Texu’, con representantes de toles asociaciones esmolecíes pola conservación del texu pa, según los organizadores, “ser a tomar una determinación conxunta pa protexer los árboles más antiguos d’Asturies”.

La parroquia de La Collá tuvo d’actualidá apocayá pola entrega per parte de l’Academia de la Llingua, del premiu al trabayu de recoyida de toponimia de la parroquia, obra d’Inaciu Galán y Marta Lozano Carbajal, obra que va ser presentada nos próximos meses al pie d’esti Texu de La Collá.

Redacción.

Dende güei la toponimia del conceyu d’A Veiga ye oficial. Asina quedó afitao cola espublización del decretu nel Boletín Oficial del Principáu d’Asturies, con fecha de 21 de xunu de 2007. Con esto, lleguen a 24 los conceyos asturianos que ven la so toponimia tradicional oficializada en decretos del Gobiernu del Principáu y espublizada nel BOPA.

A Veiga ye’l cuartu conceyu de la fastera Eo-Navia que cunta con decretu d’oficialización toponímica. La Xunta Asesora de Toponimia del Principáu ye l’órganu que, trabayando por pidimientu de los conceyos, vien xestionando’l procesu d’oficialización de los nomes tradicionales de los sitos, proceso qu’empezó nel añu 2004. Ye la primer vegada que la Xunta Asesora de Toponimia se pon en funcionamento cumpliendo les sos funciones.

Redacción.

Güei miercoles y el xueves, 13 y 14 de xunu, dende les siete la tarde van celebrase delles visites guiaes alredor del tema ‘La vida rural na pintura asturiana del sieglu XIX’, les visites van tar a cargu del doctor Xuaco López, director del Museu del Pueblu d’Asturies.

El Museu del Pueblu d’Asturies organiza davezu visites guiaes pa conocer el Museu y hailes lo mesmo n’asturianu que n’otres llingües, normalmente empobinaes a los turistes que visiten Asturies. Pero estes visites guiaes son específiques y l’accesu a elles supón mayores dificultaes.

P’apuntase pue dise a la recepción del Museu o llamar al telefonu 985 213 061. La entrada ye de baldre, pero ta acutada a namás 25 persones.

Redacción.

La Escuela de Música Tradicional Llangreu, asitiada nel Conservatoriu de Música del Valle del Nalón, va celebrar esti sábadu una Xornada d’Estudiu de la Música Tradicional Zamorana a lo llargo de tol día. El cursu va dalu Alberto Jambrina, espertu nel tema.

A les once la mañana va entamar el cursu con ‘Cursu práuticu de flauta de tres furacos’, un taller práuticu sobre esti tipu de flautes, dixitación, teuniques de execución, patrones rítmicos con una duración de tres hores. A les cinco la tarde va haber una ponencia de calter teóricu al rodiu de la morfoloxía, peculiaridaes y usos de los instrumentos de música Tradicional en Zamora ‘La gaita de fuelle y otros instrumentos Zamoranos’, con una duración de dos hores.

El cursín va dase nel aduditoriu del Conservatoriu y nel aula de la 4ª planta a un preciu de 30 euros pa los que nun lleven xipla de casa y 15€ pa los que yá la lleven. P’apuntase o pidir información hai que llamar al 985 677 113 ó mandar un correu lletrónicu a llangreumusicatradicional@hotmail.com. La Escuela de Música Tradicional Llangreu ta nel A.pp.aa. Conservatoriu Valle del Nalón, na Plaza Adaro s/n de Sama.

Redacción.

Güei a les cinco la tarde.va inaugurase nel Auditoriu Príncipe Felipe d’Uvieu una amuesa organizada pol Institutu Asturianu de Prevención de Riesgos Llaborales y l’Ayuntamientu d’Uvieu. A la inauguración van participar Francisco Javier García Valledor, Conseyeru de Xusticia, Seguridá Pública y Rellaciones Esteriores, acompañáu del Direutor del Institutu Asturianu de Prevención de Riesgos Llaborales, Manuel Couto Noriega.

La esposición ta titulada ‘Accidentes y prevención. Cartelos españoles del sieglu XX’ y fai repás al travies de la hestoria del cartelu de prevención de riesgos nel trabayu. Por mor de la esposición editóse un llibru que reproduz los cartelos de la mesma.

Redacción.

Alredor de 1.200 persones pasaron pela esposición sobre los neandertales que tuvo puesta na Casa Cultura de Cangues d’Onís nos meses d’abril y mayu. L’amuesa cuntó con unos mui bonos resultaos na rempuesta del públicu. Tatno foi asina, que vio ampliaes les sos feches iniciales en quince díes más. Estos resultaos ponen de manifiestu, según los organizadores, “l’interes qu’estos temes espiertan ente los asturianos”.
P’afalar la incidencia de la esposición, la Casa Cultura abrió cuando la muestra la posibilidá de que los asistentes cumplimentaren un orixinal cuestionariu nel que se plantegaben cuestiones sobre’l ciclu vital de los neandertales, que se podíen responder na mesma amuesa.

La esposición, organizada pola Universidadá Distancia (Uned) va visitar otros conceyos asturianos nos meses vinientes y quier esplicar quien yeren y cómo vivíen los grupos neandertales, tomando como referencia les escavaciones arqueolóxiques de la Cueva de la Güelga, onde vivieron los últimos individuos d’esta raza conocíos hasta agora n’Asturies.