Música

El Conservatoriu Municipal “Julián Orbón” d’Avilés entama la tercer edición del Taller d’Introducción al Órganu y la so Música. El taller tien como oxetivu l’acercamientu prácticu y teóricu al órganu, el so funcionamientu, la so técnica y el so repertoriu, y va tar impartíu por Judit Busquets Díez, profesora d’órganu del Conservatoriu.

El festival Avilés Rock in Town va celebrase na pista de La Esposición como escenariu principal, amás de l’antigua Pescadería, el Palaciu de Valdecarzana y dellos locales d’hostelería, del 22 al 24 de marzu.

James Blake vieno acabante confirmase tres el llanzamientu del so nuevu álbum, Assume form, un trabayu que llegó por fin al mercáu esti vienres 18 de xineru, tres trés años de silenciu dempués de The Colour In Anything. El que ye’l so tercer álbum ta compuestu nada menos que por dolce temes.

Forever young, l’emblemáticu álbum de debú de la banda alemana de “synthpop” Alphaville, publicáu en 1984, va volver al mercáu’l próximu 15 de marzu con una nueva edición que va incluyir el so soníu remasterizado per primer vegada y grabaciones inédites.

Los fans de The Cranberries tán de norabona, porque nesti martes pasáu la banda sacó nuevu cantar, coincidiendo col primer aniversariu de la muerte de la vocalista Dolores O’Riordan, pa rindi-y homenaxe componiendo una nueva tema, que lleva por nome All over now.

Esti vienres entamen, nel Centru de Cultura Antiguu Institutu y a les 20 hores, les actuaciones de nueves formaciones asturianes que dexen amosar en directu’l trabayu realizáu nos Talleres de Producción Musical 2018, programa desenvueltu nel estudiu de grabación del Taller de Músicos de la Fundación Municipal de Cultura de Xixón.

El pianista Juan Barahona va progatoniza esti día un nuevu alcuentru colos músicos nel Centru de Cultura Antiguu Institutu de  Xixón, iniciativa compartida ente la Sociedá Filarmónica de Xixón y el Taller de Músicos de la FMCE y UP pa faer posible un acercamientu más personal ente’l públicu y dalgunos de los músicos que participen nos conciertos de la temporada, al traviés d’una charra-coloquiu participativa.

Los cuatro conciertos de la xira qu’Alejandro Sanz va ufiertar anguaño pel territoriu español pa presentar el so docenu discu d’estudiu, ElDisco, tán yá escoses, según informó esta selmana pasada la promotora Doctor Music.

Rosalía quedó como la quinta meyor artista nos premios BBC Sound 2019, tal como dio a conocer la mesma cadena pública esti llunes. Nun artículu na web, destacóse que’l flamencu nunca se fixera un llugar a los rankings del Reinu Uníu y que l’artista, de 25 años, “ta camudando’l flamencu amestando les sos palmes y la so ‘melisma’ a los soníos y l’actitú del hip hop”.

El Factoría Sound d’Avilés desapiega en 2019 con un cartelu internacional de luxu nes cites del primer trimestre, que van ser el 8 y el 16 de febreru y el 22 de marzu. Los suecos Kamchatka, los estadounidenses Travers Brothership y Levi Parham inclúin Avilés como cita ineludible nes sos xires per España.