Música

El sellu asturianu Audiovisual Theoreme especializáu en música de vanguardia presenta la so nueva referencia discográfica nel Forum de la FNAC d’Uvieu a partir de les 19:00 hores. Nesta ocasión va ser el productor y dj Mauri el que presente con un conciertu en directu la quinta refereccia del sellu que lleva por títulu “Audiovisual memory”. El siscu muestra la vertiente mas experimental y arriesgada de Mauri con cinco vídeos grabaos ente 2001 y 2007.

Continua’l ciclu “Jazz nel Centru” nel Centru de Cultura Antiguu Institutu de Xixón cola actuación del sestetu ” The Cannonball Adderley Legacy Sextet” esti miercoles a les 20:00 hores. La banda ñació na Escuela Superior de Música de Cataluña col enfotu d’esperimentar colos sones tradicionales del jazz ya n’homenaxe al músicu Cannonball Adderley.

Esta formación ta compuesta por Santiago de la Rubia como saxu tenor; Javier Plaza, al saxu altu y sopranu; Idafe Perez, a la trompeta y al flugelhorn; Josep M. Riera al pianu; Luis M. Valladares nel contrabaxu y Javier Hinojosa na batería.

Sachal Vasandani, un de los nuevos valores del jazz contemporaneu, actua esti miercoles 14 de payares a les 20:00 hores nel Centru Cultural Cajastur d’Uviáu (C/San Francisco, 4) dientro del ciclu “Música del sieglu XX”. Al día siguiente y a la mesma hora pero na Colexata San Xuan Bautista de Xixón el cantante ufrirá el segundu y últimu conciertu n’Asturies.

Col so últimu trabayu tituláu “Eyes Wide Open” (2006) esti artista americanu amosa con maestría el jazz colo sones pop y avera la so formación clásica, estudió jazz y música clásica na Universidá de Michigan, al pop d’anguaño. Ente otros premios tien el galardon al meyor Vocalista de Jazz Universitariu del Añu en 1999 y semifinalista nel concursu del Thelonious Monk Institute en 2004

La rede de redes ta acabante d’estrenar un espaciu bien interesante pa la promoción de la música independiente y que cuenta ente les sos versiones, con una dedicada a la llingua asturiana. El portal llámase NoMozuk.com ye un espaciu dixital independiente que los propios alministradores definen como “el to sitiu pa conocer, sentir y ver música”. NoMozuk quier ser espeyu de la “música multicultural, ecléctica y cosmopolita; un llugar onde atopar lo que busques y sorprendete colo que nun cuentes, onde esplorar la música de cualquier país, de cualquier estilu musical”. Los grupos asturianos yá tán sumándose a esti proyeutu.

En NoMuzak pueden setise cantares y ver vidios, sintonizar Nmzk Radio, informase sobre festivales, tar al día de los conciertos de cada fastera y de los más llonxanos, de l’actualidá del panorama musical, descubrir nuevos grupos, lleer fanzines y revistes musicales, consultar catálogos de sellos discográficos, comprar discos y mercar entraes pa conciertos, ente otres coses. Pa los responsables “una forma de sentir la música dende casa y acercase a la música en vivu”.

NoMuzak ye un foru d’alcuentru onde los propios músicos y profesionales de la música publiquen directamente les noticies, anuncien conciertos, venden entraes, xuben les sos canciones y fotos, o venden los sos discos. Una oportunidá pa ellos pa dar a conocer el so trabayu, pa promocionar el so grupu, festival, sellu discográficu o publicación musical, pa compartir la so música, llegando al públicu “ensin intermediarios, preferencies nin partidismos”.

La intención de NoMuzak ye “la d’axuntar nun espaciu común a la xente’l mundu la música: artistes, consagraos y amateurs promotores de conciertos y festivales de música de tolos estilos editores de publicaciones musicales dueños d’estudios de grabación y de sellos discográficos productores, managers, tiendes de música, músicos profesionales … y por supuestu a vosotros y vosotres, a tolos y toles que vos presta la música sitios nomuzak: una ventana pa la música.

NoMuzak.com n’asturianu

“Presenting the intimate and delicate side of Depeche Mode”, un documental alredor de la banda Depeche Mode na epoca na que grabaron el discu “Exciter”, va presentase esta tarde nel Forun de la FNAC de Parque Principado, siero. La esibición va entamar a les 19:00 hores y ta enmarcada nel ciclu “Los llunes musicales”, espaciu empobináu a repasar l’actuelidá del mercáu internacional.

Nesti documental, que ta espublizáu dende’l pasáu ochobre xunto cola reedición del discu, podemos apreciar el trabayu internu de la banda sobre manera del compositor Martin Gore.

Platu doble con Oregon ya’l triu del tríu Medeski, Martin & Wood ye’l menu que van poder degustar los habituales del Festival de Jazz de Xixón esti sábadu 10 de payares nel Teatru Xovellanos. El primer conciertu, d’Oregon, entamará a les 20:00 hores ya’l segundu, con Medeski, Martin & Wood, va tener llugar a les 22:30 hores.

El guitarrista y pianista Ralph Towner, Paul McCandless al oboe, y los reeds, el baxista Glen Moore y Mark Walker a la batería son los componentes d’Oregon, cuartetu que lleva esplorando el jazz dende va más de cuatro decades. Medeski, Martin & Wood son unes de les sensanciones musicales d’Estaos Xuníos pola so propuesta de jazz alternativu y abiertu al gran público. El triu fórmenlu el pianista John Medeski, el percusionista Billy Martin y el baxista Chris Wood .

La Capella Scholastica de Basilea (Suiza) y la Schola Antiqua de Madrid van cantar la misa en llatín, “La Misa de Nuestra Señora en la Corte de Isabel, la Católica” na Ilesia de San Isidoro’l Real d’Uvieu a les 20:30 hores. L’actu ta enmarcáu dientro del ciclu de música sacra “Maestro de la Roza” que se cellebra n’Uvieu hasta lo caberu del mes de payares.

La Capella Scholastica de Basilea ñació en 2005 pa dedicase al cultivu de la polifonía de los sieglos XV al XVII embaxo la iniciativa del so director, Juan Díaz de Corcuera. La Schola Antiqua ta empobinada dende 1984, añu de la so fundación, al estudiu, investigación e interpretación de la música antigua, sobre manera del cantu gregorianu.

El centru cultural Cajastur de Mieres (Jeronimo Ibrán 10) acueye a partir de les 20:00 hores el conciertu de lña banda follk Dulcamara. Compuesta orixinalmente por seis pandereteres anguaño completen la formación con percusiones, violines, flautes y dellos instrumentos más propios d’una banda de música pop al usu como guitarres, baxu y batería.

La banda que ta acabante de firmar el so primer trabayu discográficu col discu “Sali, l.luna” ñació en 2003 col enfotu de dar un nuevu aire a la música tradicional ya’l repertoriu oral y de pandereta asturianos. La so formación central ta compuesta por Natalia Nuño, María Gavieiro, Carmen Rodríguez, Tatiana Fernández, María Vázquez y Paula Cristóbal.

Esti xueves presentóse nel Cá Beleño d’Uviéu, el I Festival Castaña Folk d’Uviéu, que va celebrase’l sábadu en Les Arriondes. El Festival de música folk va entamar con un amagüestu popular na carpa asitiada nel parque La Llera de Les Arriondes, nesti amagüestu, que va entamar a les siete la tarde, va repartise sidra dulce de baldre.

A les nueve la nueche entama la música d’esti Festival y va facelo de la mano de les formaciones DRD, d’Asturies, Hartley que tien componentes d’Escocia y Asturies, el grupu Tanahill Weavers d’Escocia y como pieslle, a los asturianos Corquiéu. Una nueche pa disfutar de la nuesa cultura tradicional y de la música del arcu atlánticu.

Esti prósimu vienres 9 de payares el Savoy Club de Xixón va ser l’escenariu qu’agopsie, a partir de les 23:00 hores,el conciertu de la banda viguesa Thee Tumbitas. De les cenizes de les Pussycats ñace esti nuevu proyectu en 2201 col enfotu da amosar influencies que circules ente’l clasicismu de Hank Williams y el garage-punk de los Sonics o los Cramps. Cunten con un discu nel marcáu, “The Second Coming” y tan presentando’l segundo que lleva por nome “Top 10 from the Tombs”.

Xunto colos vigueses tamien subirán al escenariu del Savoy Club la banda The Passadenas. Esti combu de rock and roll pontevedres, que ta acabante de grabar un primer llarga duración de título homónimu que va espublizase a principios del 2008, comparten sellu colos Tumbitas na casa gallega especializada nel xeneru Velvet Cave.