Música

300 euros pal primero, 200 pal segundu y 100 pal tercer clasificáu son los premios que se reparten na octava edición del Concursu de gaiteres y gaiteros mozos de Bimenes, cuyu plazu pa presentar la inscripción fina esti prósimi 26 de payares. El día 1 d’avientu a les 11:00 hotes va tener llugar la semifinal na Casa Cultura de Santuyano ya’l día siguiente les escueles de Martimporra van ser l’escenario de la gran final.

El concursu ta empobináu a gaiteros y gaiteres menores de 21 años que toquen la gaita d’un roncón. Tendrán que interpretar dos pieces, una d’elleción propia y la otra a escoyes d’ente les siguientes: “Alborada’l paxarín”, “Carretera d’Aviles”, “Diana floriada de Veriña”, “Fandangu puntiáu”, “Floreu de Remis”, “Marcha’l Tao”, “Muñeira de Bargaz”, “Muñeira de Remis”, “Xota’l centru”, y “Xota da Pumarega”.

Tolos gaiteros que quieran apuntase al concursu puen facelo nes instalaciones de la Casa Cultura de Santuyano y pueden pidir más información nel telefonu 680114090.

El grupu Felpeyu visitó Llangréu esta fin de selmana pa poner conciertu’l vienres a les 20:30 hores nel Nuevu Teatru La Felguera y presentar les sos nueves composiciones. Felpeyu ye un grupu de referencia de la música asturiana, fundáu en 1991 vien desarrollando la so carrera musical con munches actuaciones d’exitu per España, Europa y Australia.

Felpeyu trabaya col fondu musical tradicional asturianu creando un discursu musical personal, potente y actual, basáu na reellaboración de cantares populares y pieces instrumentales recuperaes de fontes etnográfiques o compuestes polos sos miembros. El resultáu ye un repertorio sólidu ampliamente aceptáu por crítica y públicu, defendíu n’intensos conciertos en directu por tola xeografía asturiana y española y en países como Canadá, Líbano, Francia, Australia, Italia, Suecia, Dinamarca… Felpeyu revitaliza sones populares al traviés de les sos interpretaciones mediante l’usu d’arreglos de cuerda contundentes que respalden lletres les más de les veces creaes pol propio grupu, atopando asina un términu mediu ente creatividá y tradición, y siempre col envís d’esfrutar faciendo bona música sobre l’escenariu.

El sellu asturianu Threepoint Records, que ñació en 2005 col enfotu de promocionar la escena musical hardcore, metal y hop-hop, tan ultimando la edición del festival que cellebran cada añu embaxo’l nome del sellu.

El festival va consistir nun conciertu na sala Whippoorwill d’Uvieu (C/Matemáticu Pedrayes) que va cuntar cola participación de delles bandes de la casa como los gallegos “Maisha”, los xixoneses “Sound of silence”, “The band apart” desde Madrid, “Dead means Nothing” dende Navarra, y Lecacy of brutality dende Veiga. La Cita ye pa esti sábadu a les 18:00 hores y les entraes tan disponibles al públicu al preciu únicu d’ocho euros.

La Escuela de Música Tradicionel de Lllangreu organiza pa esti sábadu 17 de Payares el taller “Mecánica y mantenimientu del tambor de cuerdes asturianu”. Esti cursu enseña conocimientos praúticos sobre’l cuidáu del tambor, como como sacar cuerda, cambiar un parche, facer retañes y dellos trucos pal bon mantenimientu d’esti instrumentu popular asturianu.

El cursín va dirar tres hores, dende les 17:00, y va ser impartíu pol artesán Carlos do Viso ya’ l percusinista Manuel Durán nel Conservatoriu Valle del Nalón. El preciu de la inscripción ye de 25 euros y hai 16 places disponibles que se puen solicitar llamando al númberu de telefonu de la escuela, el 985 67 71 13, o contautando colos responsables del cursu na dirección de correu llangreumusicatradicional@hotmail.com

El grupu Felpeyu visita Llangréu esta fin de selmana pa poner conciertu güei vienres a les 20:30 hores nel Nuevu Teatru La Felguera. Felpeyu ye un grupu de referencia de la música asturiana, fundáu en 1991 vien desarrollando la so carrera musical con munches actuaciones d’exitu per España, Europa y Australia.

El so primer trabayu discográficu fue’l discu homónimu Felpeyu, editáu en 1994 por FonoAstur. Yá d’aquella teníen publicao la maqueta Fuxide oricios (1993) y contribuyío al recopilatoriu V Festival de Música Folk Galega (Edicións Discográficas Galegas, 1993). En 1997 apaez el so segundu discu, Tierra (FonoAstur). En 2000 publiquen Live Overseas (Urchin Records), discu en directu grabáu n’Ourense pa una xra perAustralia, y en 2002 el so últimu trabayu hasta la fecha, Yá!, publicáu esta vez pola compañía creada pol grupu, Tierra Discos.

Felpeyu trabaya col fondu musical tradicional asturianu creando un discursu musical personal, potente y actual, basáu na reellaboración de cantares populares y pieces instrumentales recuperaes de fontes etnográfiques o compuestes polos sos miembros. El resultáu ye un repertorio sólidu ampliamente aceptáu por crítica y públicu, defendíu n’intensos conciertos en directu por tola xeografía asturiana y española y en países como Canadá, Líbano, Francia, Australia, Italia, Suecia, Dinamarca… Felpeyu revitaliza sones populares al traviés de les sos interpretaciones mediante l’usu d’arreglos de cuerda contundentes que respalden lletres les más de les veces creaes pol propio grupu, atopando asina un términu mediu ente creatividá y tradición, y siempre col envís d’esfrutar faciendo bona música sobre l’escenariu.

El ciclu “Músiques del sieglu XX” trae esti vienres al Centru Cultural Cajastur de Mieres (c/Jerónimo Ibrán, 10) el nuevu proyectu que col nome d'”Elkano Browning Cream” llidera’l músicu Mikel Azpiroz. La banda que va actuar a partir de les 20:00 hores con entrada llibre y de baldre hasta enllenar la sala, presenta una formación básico de tríu con Mikel Azpiroz: al órgano, Matt Harding na guitarra y les voces y Franck Mantegari na batería y les percusiones.

Mikel Azpiroz ye uno de los músicos fundamentales de laescena vasca y cunta con collaboraciones xunto a xente como Negu Gorriak, Jabier Muguruza, Mikel Erentxun, Fermin Muguruza, Alex Ubago y participaciones nos proyectos Lau Behi, Parafünk, o Matt Harding Project.

Elkano Browning Cream ta acabante d’espublizar el so discu homónicu nel sellu Mamusik que rexenta’l propiu Azpiroz. Nesti tabayu cunto cola colaboración del guitarrista Matt Harding y del baterista d’Alpha Blondy Franck Mantegari. Rock, munchu groove ya influencies clares de la percusión tradicional africana ye lo que’l músicu donostiarra propón nesta nueva entrega.

Más información

El forum de la FNAC de Siero va ser l’escenariu que agospie esti sábadu’l conciertu de Las Uvas de la Ira,’l últimu proyectu musical de Xabel Vegas: habitual de la escena musical asturiana en bandes bien conocíes pal públicu espacializáu como Manta Ray y Jr. La cita, de baldre hasta enllenar la pequeña sala de la tienda, col músici xixones va entamar a les 19:00 hores.

Xabel Vegas presenmta n’esta ocasión el discu “Canciones sobre traiciones y mentiras” xunto col guitarrista John Álvarez, el baxista Eras Sánchez, la baterista Eva Díaz ya’l pianista Alfredo González.

La banda ovetense de rock enerxeticu The Punishers clausuren esti sábadu les Xornaes Culturales JOVETENSE 07 organizaes poles Mocedaes Socialistes d’Uvieu. La cita, a les 20:30 en La Calleja de la Cieja na cai Martínez Vigil, tamiñen va servir pa que la banda presente’l so nuevu trabayu “Faster Harder Deeper” que va entamar a comercializase el prósimo 3 d’avientu.

Amás d’esti conciertu les xeres de les xornaes finarán realmente el domingo cuando echará el pieslle la esposición “Miradas”, de Juan Falcón, disponible nel KIN Cafe & Lounge (C/Ildefonso Sánchez del Río, zona del Milán).

Los xueves musicales que organiza semanalmente la sidrería-restaurante Tierra Astur de Cualloto acueyen güei 15 de payares l’actuación del grupu “Patriband Folk Orl.lestra”. Na nueche de Cualloto esta formación, a mediu camín ente bandina y grupu folk, enllenará de sones folk l’amagüestu y la espicha que cellebra la popular sidrería esi mesmu día.

“Patriband Folk Orl.lestra” cunta con repertoriu musical nel que’l folk de raigaños asturianos y atlánticos estremecese colos clásicos del rock y de los cantares d’autor reivindicativos. La formación ta compuesta pol guitarrita y cantante Pablo Pujades, el gaiteru Pablo Álvarez, l’acordionista Diego Álvarez, Adrián Fernández añ baxu, más David Yáñez y Hector Díez nes percusiones y batería.

Hasta’l 26 de payares ta abiertu’l plazu pal Concursu de gaiteros y gaiteres moces en Bimenes. Nesti concursu van poder tomar parte tolos concursantes que quieran, siempres a títulu personal. Los concursantes han de tener menos de 21 años el día 30 de payares del añu 2007. La propuesta d’inscripción tien de formalizase unviando per corréu los datos personales, onde constarán nome y apellíos, direición, teléfonu de contautu y fotocopia del DNI.

Hai que mandar la propuesta a la Casa la Cultura de Bimenes col nome VIII Concursu de Gaiteros y Gaiteres Mozos, la dirección ye Santuyano / San Julián, s/n. CP 33527 – Bimenes y el teléfonu de contautu 680114090.

El concursu va tener dos estayes: una preseleición o semifinal y la final, dambes abiertes al públicu. Si el númberu de concursantes inscritos ye menor de 10, pasarán toos direutamente a la final. Pa la preseleición, el concursante tien d’interpretar dos temes a escoyer ente Muñeira de Remis, Floréu de Remis, Diana floriada de Veriña, Fandangu puntiáu, Muñeira Barganaz, Xota’l Centru, Marcha’l Tao, Alborada’l paxarín, Xota Pumariega y Carretera d’Avilés.