Música

Esti vienres 4 de xineru, a les 20:00 hores, La Antigua Estación d’Uviéu va acoyer la presentación na capital uvieina del grupu Chatterbox, una formación nacida en Mieres va bien poco y que fai punk rock.

Esti vienres 4 de xineru, a les 20:00 hores, na discoteca Zappin de Candás, el Grupu Skama La Rede va face-y un conciertu de despedida a Jose Serrano, el trompetista del grupu de magar xurdiera hay seis años y que tien de colar d’Asturies por motivos llaborales. nesti conciertu que-y ufren los cos collacios del grupu tamién va actuar Fala non Caduca.

El grupu ‘Skama la Rede’, que ñaciere va seis años na zona del Cabu Peñes sacó esti branu a la cai un discu nuevu ‘Echaos a la mar’. Esti grupu rock influenciáu pol estilu ‘ska’, que provién de xamaica, convirtióse col so primer discu nuna de les principales referencies de la música rockera asturiana.

Esti vienres 4 de xineru, a les 20:00 hores, La Antigua Estación d’Uviéu va acoyer la presentación na capital uvieina del grupu Chatterbox, una formación nacida en Mieres va bien poco y que fai punk rock.

El grupu llaniscu Niundes, formáu nel añu 2001 y que vieno acabante de reformar la so composición, actua esti xueves 3 de xineru, na sidrería-restorán de Tierra Astur en Cualloto, depués de que lo ficiere n’Ochobre con un gran éxitu de públicu y una bona amuesa del trabayu que ta desendolcando la banda, dexando de llau la presencia permanente de la gaita en beneficiu d’otros instrumentos de vientu. La actuación cabera del mes d’Ochobre pue recuperase en dellos vídeos qu’ufre Asturnews xunta la galería de fotos de l’actuación.

Dientro de los xueves musicales organizaos pola sidrería Tierra Astur de Cualloto, el grupu llaniscu Niundes va llevar por cuarta vegada a escena nesti escenariu’l so folk nel que la base son los soníos tradicionales asturianos. En directu usen gaita, violín y flauta travesera de madera amas de guitarres acústique, teclaos y, delles veces, buzuki. Esti grupu de música folk reconozse heriede del movimientu folk americanu de los 60, popularizáu por Bob Dylan, asina como del denomináu ‘soníu atlánticu’, representáu por figures como la Bothy Band, Tannahill Weavers, Planxty, Kornog, Altan y los asturianos Llan de Cubel. Poro, anguañu tan empobinando los sos caminos musicales per otros derroteros que darán a conocer darréu na remozada páxina web que preparen.

Niundes espublizaron el so primer discu en 2006, cola producción del guitarrista de Llan de Cubel Xel Pereda, embaxo’l titulo “Enxamás ye pa siempres”.

El grupu llaniscu Niundes, formáu nel añu 2001 y que vieno acabante de reformar la so composición, actua esti xueves 3 de xineru, na sidrería-restorán de Tierra Astur en Cualloto, depués de que lo ficiere n’Ochobre con un gran éxitu de públicu y una bona amuesa del trabayu que ta desendolcando la banda, dexando de llau la presencia permanente de la gaita en beneficiu d’otros instrumentos de vientu. La actuación cabera del mes d’Ochobre pue recuperase en dellos vídeos qu’ufre Asturnews xunta la galería de fotos de l’actuación.

Dientro de los xueves musicales organizaos pola sidrería Tierra Astur de Cualloto, el grupu llaniscu Niundes va llevar por cuarta vegada a escena nesti escenariu’l so folk nel que la base son los soníos tradicionales asturianos. En directu usen gaita, violín y flauta travesera de madera amas de guitarres acústique, teclaos y, delles veces, buzuki. Esti grupu de música folk reconozse heriede del movimientu folk americanu de los 60, popularizáu por Bob Dylan, asina como del denomináu ‘soníu atlánticu’, representáu por figures como la Bothy Band, Tannahill Weavers, Planxty, Kornog, Altan y los asturianos Llan de Cubel. Poro, anguañu tan empobinando los sos caminos musicales per otros derroteros que darán a conocer darréu na remozada páxina web que preparen.

Niundes espublizaron el so primer discu en 2006, cola producción del guitarrista de Llan de Cubel Xel Pereda, embaxo’l titulo “Enxamás ye pa siempres”.

El colectivu “Muyeres”, formáu por xente de distintes agrupaciones asturianes, será l’encargáu de ufrir un Conciertu de Navidá el prósimu sábadu 29 d’avientu n’Uvieu. Añaes, villancicos, guilandos y romances van componer el repertoriu que’l colectivu “Muyeres” va interpretar enriba les tables de la Sala de Cámara del Auditoriu Príncipe Felipe de la capital asturiana.

Al eventu, que cunta tamien cola participación en llabores organizatives del Ayuntamientu d’Uvieu ya’l propiu Auditoriu, va poder asistise de baldre y la entrada va ser llibre hasta completar l’aforu.

Los ovetenses The Punishers continuen presentando en directu “Faster, Harder, Deeper”, el últimu trabayu d’estudiu de la banda. Nesta ocasión la cita ye nel local Bola 8 de Cimavilla, en Xixón y pala ocasión van cuntar cola compañia nel escenariu de la banda Helltrip, premiaos recientemente nel festival Derrame Rock y nel concursu de maquetes de la emisora40 Principales. El conciertu va entamar a les 20:00 hores del sábadu 29 d’avientu.

Folknarede, blog que dirixe’l músicu Alberto Ablanedo (Dubram, Los Gatos del Fornu, Llangres o Bron) ta acabante de poner a disposición de los sos llectores y pa la so descarga, 8 temes del repertoriu de Felpeyu/Igor Medio y Lisardo Prieto, grabaos por Moises Suárez (Los Gatos del Fornu y Felpeyu) durante los meses de Septiembre y Octubre de manera non profesional.

Xunto con Moises Suarez grabaron músicos como Daniel Alvarez, Roberto Suárez y Blanca Sáenz de Corquieu; Daniel Díez, Miguel A. Fernández y Ruben Bueno, de Los Gatos del Fornu; Senen Fernández de N’Arba; Diego Álvarez de Triba y Bernabe González.

L’escenario del bar La Calleja de la Ciega d’Uvieu (Cai Martínez Vigil, 4) va acoyer esti sábadu 29 d’avientu l’actuación de Na Zona, banda folk que ta acabante de poner na cai el so segundu trabayu discográficu que lleva por título “Llucía”. El conciertu, que se cellebra como davezu na parte baxa del local, tien prevista la hora d’entamu pa les 20:00 hores y la entrada ye de baldre y llibre.

“Llucía” ye un exemplu más de la variedá d’influenciues que baraxen Na Zona a más del folk, sobre manera los soníos más rockeros que aporten les vocen de Luis Miguel Otis. El discu ta grabáu nos estudios La Viesca d’Aviles embaxo la producción de Daniel Alonso.

El Fórum de la FNAC de Siero continua esti xueves ya’l vienres cola proyección de dos de les sos meyores películes de The Beatles en DVD. Depues de la proyección de “Help” van emitise estos dós díes les dos partes d'”Antology”. Nes dos ocasiones el pase entamará a les 19:00 hores y la esibición va ser en versión orixinal subtitulada.

Amás la FNAC va sortear durante les sesiones cinco packs de merchandising oficial del grupu n’edición limitada. Pa participar hai que dir a les tres proyecciones y responder correutamente a unas preguntes alredor de la hestoria del cuartetu de Liverpool.