Música

Dellos centenares de persones siguieron na Plaza Mayor de Xixón les actuaciones de los grupos folclóricos Los Xustos y Xanzaina. Asturnews ufre dellos vidios de les actuaciones, nes que pudieron vese bailles como la muñeira o’l xiringüelu.

La Banda de Música de Corvera va celebrar 25 años cola grabación d’un DVD nel que van incluyir clásicos del pop y el rock asturianu y mundial. Va dellos meses repartióse un cuestionariu pa que fueres’l públicu quien escueya los temes a grabar. Ente los escoyíos «With or without you» d’U2, «Money for nothing» de Dire Straits, y el «Billie Jean» de Michael Jackson. Amás de temes d’El Último de la Fila, Radio Futura, Nuberu o Franco Battiato.

Ente los participantes nesti discu van tar Anabel Santiago, Chus Pedro o Xune Elipe.

Adolfo Camilo Díaz, impulsor d’esta iniciativa, comentó l’ésitu de participación cola escoyeta al traviés de los cuestionarios pa esta iniciativa denomada «La música que lleves adientro».

El Festival Xixón 5º 40’ llega a la so recta final esta fin de selmana y failo con trés díes nos que multiplica les sos actividaes a lo llargo de tola ciudá. El vienres, a la una la tarde, na Biblioteca publica Xovellanos va proyectase’l documental Festival Internacional de cine de Xixón; mientres, en n’El Llavaderu, en Cimavilla, va poder prebase un Menú popular Irlandés, y dende les seis hasta les once la nueche, les cais del barriu van acoyer un Mercáu popular asturianu.

Tamién pela tarde, nel barriu pesquín, van tocar los músicos de La Quintana. A les siete na Plaza de la Casa los Nava, Teatru asturianu, Nun Tris representa “El conde la burra torna de les cruzaes”; y a les 19:30, na Plaza la Corrada, nuevu monólogu astur, con Silvino.

A les 18:30 va haber actuaciones nos escenarios de la Plaza del 6 d’agostu, Begoña, El Náutico y Xardinos de la Reina, con grupos asturianos y d’otros países celtes.

A les 19:30 va entamar el IX Festival internacional de gaites Villa de Xixón; n’El Náutico, con Bagad Pagan (Bretaña); y nel Paséu Begoña, Inveraray and district Pipe Band (Escocia); amás en La Plazuela, va tocar la Banda de Gaites Robaleira d’A Coruña; y na Plaza Italia, la Banda de Gaites Xinzo de Limia, d’Ourense.

A les ocho, na Tarima de la Plaza Mayor van actuar Danserien Kerne, deBretaña; Cercle celtique Bleunioù Lann an Aven de Riec sur Bélon y Ar Vro Vigoudenn. Mientres que nel escenariu de Poniente, dende les diez y media, van tocar Felpeyu y los escocese de Shooglenifty. Amás, na Sidreria Canteli va celebrase una Folixa Astur, con sidra, caxigalines de llantar y musica.

Güei, xueves 20 d’agostu, van siguir les actividaes del festival Xixón 5º 40’, qu’entamó ayeri col espectáculu Xixón con Xota y el conciertín de Tuenda. A les 13:00 hores va producise la inauguración oficial na Casa Conceyu, cola presencia de les autoridaes. Yá de tarde, a partir de les 18:30 hores, entamen les actuaciones nos escenarios.

Na Plaza del 6 d’agostu va tocar Danserien Kerne (Bretaña) Las danzas de Cornouaille, Cercle celtique Bleunioù Lann an Aven de Riec sur Bélon, Ar Vro Vigoudenn: en Begoña, el grupu asturianu La Deva, nos Xardinos de la Reina, Xanzaina y n’El Náutico, Los Xustos.

A les seis va inaugurase’l mercáu popular asturianu en Cimavilla, con actuación de los músicos de La Quintanaper tol barriu.

A les siete la tarde la Plaza de la casa Los Nava, va acoyer un espectáculu “pa neños 0-100 años”, “El mio güelu y yo”, de Carlos Alba. A les 19:30 les artes escéniques siguen en la Plaza la Corrada, con Nun Tris y “El conde la burra torna de les cruzaes”

De 20:00 a 21:30 na tarima de la Plaza Mayor van participar grupos de los diferentes países, incluyendo Los Xustos y Xanzaina. Mientres qu’a les diez, nel Escenariu central de Poniente van tocar los bretones-castellanos Awen Magic Land y a les 23:30, nel Café Trisquel, celébrase Folixa Celta con Sesión Mesta.

El Teatru Llaboral Ciudá de la Cultura ye protagonista esta selmana por acoyer dos espectáculos cimeros na programación cultural que s’esparde per Asturies. Esti miércoles y güei xueves,acueye una representación de “West Side Story”, coincidiendo cola xira mundial nel 50 aniversariu de la estrena d’un musical y el sábadu 22, a les 20:30 hores, va representase la ópera en tres actos «Madam Butterfly», con música de Giacomo Puccino.

A les 20:30 hores, el Teatru Llaboral Ciudá de la Cultura de Xixón, va representase “West Side Story” pa conmemorar l’aniversariu d’esti musical con llibretu de Arthur Laurents, música de Leonard Berstein y canciones de Stephen Sondheim.

El sábadu a les 20:30 hores va representase la ópera en tres actos «Madam Butterfly», con música de Giacomo Puccino, llibretu de Giuseppe Giacosa y Luigi Illica basáu na obra de teatru de David Belasco.La orquesta va ser la Tbilisi Ópera & Ballet State Theatre, dirixida nesta ocasión por Mariano Rivas.

Esti xueves 20 d’agostu, a partir de les 22:00 hores, xunto a la Ilesia Parroquia de Tapia, Rafa Lorenzo va presentar en directo’l so conciertu-espectáculu “Primos hermanos”, nuna actuación na que tamién va dase llectura a poemes n’alcordanza del poeta Federico García Lorca y del teatru universitariu La Barraca, per parte del poeta y actor Jose Maria «Peltó» y el periodista-escritor, Carlos Rodriguez.

Rafa Lorenzo va tar acompañáu de los músicos Nati Gonzalez (voz y percusión vaquera), Marcos Maoxu (pianu y teclaos), Rafito Lorenzo (baxu eléctricu y guitarres), Jorge Camareli (percusiones) y Ramón Morán (saxo sopranu y teclaos.

El FIDO inaugura güei la espooisicón “Memories d’otra época”, sobre la cultura tapiega. L’amuesa va permitir al visitante adientrarse na hestoria de la vida tapiega al traviés d’oxetos ya imáxenes. La esposición tará abierta tolos díes del festival de 19.00 a 21.00 hores nel Institutu Marqués de Casariego.

A les 20:30 de güei miércoles, la plaza del Ayuntamientu va llenase de música coles bandes participantes n’esta XIII edición de Fido. Intervendrá’l director del Festival, Martín Cascudo, xunto a les autoridaes llocales y autonómiques convidaes. Les bandes participantes son: Bagad Landerneau, Bagad an Eor Du, Bagad Landerneau, la banda escocesa Williamwood Pipe Band, Banda de gaitas Manxadoira (Pontevedra) y Banda gaites Villa de Mieres.

A les nueve la nueche les bandes van tocar nel parque de Tapia.

La capital de la Costa Verde estrena mañana miércoles el festival intercélticu Xixón 5º40′, cola puesta n’escena del espectáculu “Xixón con Jota”, que va entamar a les diez de la nueche nel escenariu central de Poniente. A partir de les 23:30 El Baruku, asitiáu na cai Almacenes, va acoyer una Folixa Celta con conciertín de la formación asturiana Tuenda, lliderada por Xosé Ambás.

Estos actos suponen l’entamu de cinco díes nos que la música celta va tomar les cais de Xixón.

El Festival Intercélticu d’Occidente sigue celebrando un bayurosu programa, qu’inclúi activades musicales y de toa triba. Güei martes va proyectase, a les siete la tarde nel Institutu Marqués de Casariego, el vidiu “Las Brañas”, ente otres actividaes.

A les 20:00 hores va celebrase un alderique dientro del ciclu “CULTURLINGUA”, que va tratar güei la hestoria del teatru costumista en Tapia, con un repás a un sieglu d’actuaciones teatrales nel llugar.

A les nueve la nueche “Música pal teatru” va repasar de la mano de la banda de gaites Marino Tapiega va interpretar los soníos qu’a lo llargo los años precedieron a les actuaciones teatrales de la villa.

Amás, de 10 a 14 hores, ta abierta la esposición “A muyer tapiega”, que percorre la vida tradicional de les muyeres del conceyu.

Esti mes d’agostu entama la primer edición del Festival Xixón 5º40′ de manes de la Conceyalía de Cultura Tradicional y Llingua Asturiana, dende la que comenten “llega pa quedase y cubrir un espaciu fundamental d’ociu y cultura nel branu de Xixón”. A menos d’una selmana de qu’escomencipie, el programa pue consultase dafechu.

El festival que tien como obxetivu cimeru “amosar la cultura, los vezos d’unos pueblos que mos sentimos xuníos por esa mar que marca los nuesos moos de vida”, según pallabres de Jesús Montes Estrada, conceyal de la estaya.

El festival va inaugurase’l miércoles 19 d’agostu nel escenariu central de Poniente, con “Xixón con Jota”, mientres que nel Baruku, va tocar Tuenda.

El xueves van tocar Danserien Kerne, de Bretaña; y La Deva, Los Xustos y Xanzaina, grupos asturianos.

El festival inclúi la participación d’una llarga riestra de grupos, y de monologuistes como Carlos Alba, el grupu de teatru Nun Tris. Amás, va celebrase un mercáu popular asturianu en Cimavill y el IX Festival internacional de gaites Villa de Xixón, ente otres munches actividaes.

El pieslle van ponelu, el día 24, Dixebra y el grupu de Cánada y Escocia, The Real Mkenzies, amás d’una folixa Celta con Sambre, nel Dompedro.

Programa completu del Festival