Música UNA cree que la SGAE pon en peligru los eventos musicales en munchos conceyos by asturnet 11 de payares, 2009 Tras el nuevu casu de Cabranes Faustino Zapico, dUnidá Nacionalista Asturiana, denuncia que la SGAE va impedir que munchos Conceyos asturianos y otres entidaes puedan organizar eventos musicales pa los sos ciudadanos. La formación nacionalista llamó l’atención sobre los casos últimos de deldes imputaes a corporaciones llocales o comisiones de fiestes polos derechos d’autor. UNA yá s’allugó’l pasáu mes de febreru en contra de les tases de la SGAE por actos culturales populares a traviés del so conceyal de Carreño, daquella Santiago Artime, polos pagamientos a esta entidá que fixo’l conceyu, qu’amás d’escesivos ya inxustificaos, impedíen la celebración de fiestes populares pol costu que suponen estes tases. Pela so parte, el portavoz nacional d’UNA Faustino Zapico, en referencia a la delda de 7.500 del Conceyu de Cabranes a la SGAE declaró que la SGAE ta convirtiéndose nun peligru pa la cultura popular n’Asturies y cuida que ye increíble qu’una sociedá que diz representar la cultura tea tentando de lucrase ensin criterios claros de la so difusión per parte de los Conceyos y otres entidaes. Dende’l puntu de vista d’UNA ye intolerable que la SGAE recaude dineru de la música popular asturiano y esto nun reinvierta nada nos propios músicos asturianos”. Asina mesmo UNA, criticó la presión que la SGAE fae sobre iniciatives socioculturales n’Asturies como el “Pueyes rock qu’ante la demanda de la SGAE al entamador del evento tuvo que suspendese, acabando con uno de los festivales d’iviernu onde los grupos asturianos teníen la posibilidá de dase a conocer. UNA propón que s’establezan unes tarifes especiales pa los actos de difusión cultural de traza pública. D’igual manera, la organización asturianista quier que s’identifique perfectamente en conceptu de qué derechos cobra, tanto igües como pieces orixinales, pa qu’en nengún casu la música tradicional se vea fiscalizao pola aición de la SGAE. 11 de payares, 2009 0 FacebookTwitterPinterestEmail
Música Silvino Antuña ganó’l V Premiu Nacional “Martínez Torner” by asturnet 10 de payares, 2009 El Conceyu d’Uviéu otorgó’l que ye’l V Premiu Nacional de Folclore ‘Martínez Torner’, convocáu pola Escuela Muncipal de Música Tradicional Asturiana, al cantante de tonada Silvino Antuña, más nomáu como Silvino’l Xastre. El premiu va entregase’l día 24 de payares a les 19.30 hores na Sala de Cámara del Auditoriu Príncipe Felipe. Silvino Antuña Suárez, sastre de profesión, tuvo siempre como pasión la canción asturiana. Utilizó los llocales de la sastrería que rexentaba en Sotrondio como improvisada escuela, que llegaría a constituyise baxo la so direición como ‘Academia de Canción Asturiana’, col patrociniu de la Diputación Provincial d’Asturies. 10 de payares, 2009 0 FacebookTwitterPinterestEmail
Música Nuberu recibe un homenaxe de lALLA y lAyuntamientu de Llangréu by asturnet 6 de payares, 2009 El vienres 6 de payares a les 11:00 hores, nel Centru de Referencia de la Cultura y la Llingua Asturiana Casa de los Alberti de Ciañu l’Ayuntamientu de Llangréu y lAcademia de la Llingua Asturiana organicen un actu de distinción y reconocencia a la la trayectoria del grupu musical Nuberu. Nesti actu, lAcademia de la Llingua Asturiana va facer un homenaxe a Nuberu, hestoria viva de les cuenques, en reconocencia al compromisu desti grupu musical pa cola cultura popular y la llingua asturiana, amás de pol altor de la so contribución al caltenimientu de la identidá del pueblu asturianu. Lactu va tener llugar el vienres 6 de payares a les 12:30 hores nel Centru de Referencia de la Cultura y la Llingua Asturiana Casa de los Alberti de Ciañu y al mesmu van asistir Esther Díaz García, Alcaldesa de Llangréu, Ana María Cano González, Presidenta de l’Academia de la Llingua Asturiana amás de los miembros de Nuberu: Chus Pedro Suárez y Manolo Blanco Peñayos. 6 de payares, 2009 0 FacebookTwitterPinterestEmail
Música Toli Morilla presental so discu últimu na Llibrería Asturiana de Trabe by asturnet 6 de payares, 2009 Güiei, vienres 6, va presentase lúltimu discu de Toli Morilla “Diez cantares de Bob Dylan” na LLibrería Trabe, asitiada na cai Padre Buenaventura de Paredes, 4 – Uviéu, a les 20:00 hores. La entrada ye llibre. 6 de payares, 2009 0 FacebookTwitterPinterestEmail
Música Muerre en Les Arriondes Ignacio Noriega, el Gaiteru de Sanroque L’Acebal, a los 85 años by asturnet 6 de payares, 2009 Na primer hora d’esti vienres 6 de Payares morría nel Hospital del Oriente de Les Arriondes Ignacio Noriega, más nomáu como’l Gaiteru de Sanroque L’Acebal, tres d’una llarga enfermedá, a los 85 años de edad. El funeral va ser esti sabadu a les 4 la tarde na Ilesia de Sanroque L’Acebal. Noriega foi un referente cimeru na música tradicional y yera tamién de los últimos gaiteros vieyos que nos quedaben n’Asturies. 6 de payares, 2009 0 FacebookTwitterPinterestEmail
Música Dixebra toca esti sábadu nel Castañazo Rock de Lugo by asturnet 4 de payares, 2009 El sabadu qu’entra Dixebra va participar na edición d’esti añu del Castañazo Rock, en Chantado, na provincia gallega de Lugo. A lo llargo de la nueche tamién van participar los grupos Talco (Venecia), Peste & Sida (Lisboa), Kogito (Galicia) y Skandalo GZ (Galicia); amás hai toa una riestra d’actividades complementaries dientro del festival. Programa completu del Castañazo 4 de payares, 2009 0 FacebookTwitterPinterestEmail
Música Alfredo González consiguió facese col puestu novenu nel Liet International 2009 by asturnet 3 de payares, 2009 El representante asturianu nel festival consideráu lEurovisión de les llingües minoritazaes defendiól so cantar La nada y tu, con lletra del poeta Antón García, ensin ser quien a meyorar la posición dAsturies. Y ye quel bon papel de Dixebra, que quedó lañu pasáu en segundu puestu, facía mui difícil superar el resultáu. 40 puntos consiguiól cantautor de Turón nun festival nel que trunfaron el grupu sami Somby, de Finlandia y los sardos Dr. Drer en crc Posse, que consiguieron el premiu del públicu. El Teatru De Harmonie de Leeuwarden, la capital de Frisia (Países Baxos) acoyó la gala na quAlfredo González participó en primer llugar, cuntando col sofitu de la delegacióna asturiana, formada pola Director Xeneral de Política Llingüística, Consuelo Vega, periodistes y siguidores de la música asturiana. Esta yera la segunda participación dAsturies nel festival Liet Internacional, que lleva en funcionamientu dende 2002, siendo heriede del Liet-Lavlut. Nesta ocasión participaron once artistes y grupos, que recibieron el veredictu dun xuráu con representantes de cada llingua, siendo lasturianu, Lisardo Lombardía. Actuación d’Alfredo González grabada por un aficionáu 3 de payares, 2009 0 FacebookTwitterPinterestEmail
Música Alfredo González entrevistáu esti sábadu dende Frisia na Cadena SER de Xixón by asturnet 30 d'ochobre, 2009 Inaciu Galán y Ana Viñuela van entrevistar esti sábadu a Alfredo González na sección Falando dAsturies del programa A vivir que son dos días, Asturias de la Cadena SER de Xixón. El cantautor asturianu, que na nueche del sábadu participa nel Festival Liet Internacional xunto a cantantes notres llingües minorizaes dEuropa, va cuntar en directu les sos sensaciones hores enantes del momentu nel que se convierta nel segundu representante dAsturies nesti eventu internacional. El programa emítese ente les 12:05 y les 14:00 hores y pue sentise en toa Asturies al traviés del 96.5 del FM. “A vivir que son dos días, Asturias”, en Facebook 30 d'ochobre, 2009 0 FacebookTwitterPinterestEmail
Música Alfredo González va representar a Asturies esti sábadu nel Eurovisión de les llingües minorizaes by asturnet 30 d'ochobre, 2009 Alfredo González yá ta en Frisia y preparándose pa la so participación, la segunda dAsturies, nel Liet International, el festival musical de llingües minorizaes europees. El cantautor Alfredo González va ser el primeru en xubir al escenariu del Teatru De Harmoine de Leeuwarden esti sábadu, interpretando La nada y tu, col que yá ganó’l Premiu al Meyor Cantar en Llingua Asturiana del añu 2009. Xunto a González, una delegación asturiana va tar nel llugar, encabezada por Consuelo Vega, Directora Xeneral de Política Llingüística. Once grupos o cantantes finalistes van participar nesti festival, que ñació nel añu 2002 como heriede dun concursu de canción frisona llingua falada en zones ente los Países Baxos y Alemaña bien veteranu que recibíal nome de Liet (cantar, en frisón). El representante asturianu nel xuráu del Liet International ye Lisardo Lombardía, especialista musical reconocíu con una trayectoria amplia como periodista, promotor musical, responsable de la discográfica asturiana Fonoastur y director artísticu del Festival Intercélticu de Lorient. Radio Sele va tar en directu y en vivu nel festival a les 20:00 hores con Dani Vallina, Carlos Pulgar y Felix Lillo. CNN Internacional va emitir amás les imáxenes del Festival dende la so web. Alfredo González entrevistáu esti sábadu dende Frisia na Cadena SER de Xixón 30 d'ochobre, 2009 0 FacebookTwitterPinterestEmail
Música Radio Sele va tresmitir el festival Liet Lavlut esti sábadu by asturnet 29 d'ochobre, 2009 Radio Sele va tar en directu y en vivu nel festival Liet Lavlut, en Frisia, Holanda. Esti sábadu 31 d’ochobre a les 20:00 hores va facese la retresmisión dende’l país de los tulipanes con Dani Vallina, Carlos Pulgar y Felix Lillo. La candidatura dAlfredo González col so cantar “La nada y tú” va representar a Asturies nesti certame. CNN Internacional va emitir amás les imáxenes del Festival dende la so web. Radio Sele 29 d'ochobre, 2009 0 FacebookTwitterPinterestEmail