Música

Caxatur trai’l folk escocés de Rachel Hair a Uviéu y Xixón dientro del programa Música del Sieglu XX con un conciertu que va tener llugar n’Uviéu esti miércoles nel Centru Cultural Caxastur, y el xueves 8 d’abril nel Pabellón Recintu Ferial Luis Adaro de Xixón.

La intérprete forma parte de la nueva xeneración d’intérpretes de música tradicional n’Escocia y ta considerada como una artista innovadora pola fusión que fai de la música escocesa ya irlandesa col jazz, folk, rock y la música clásica.

La Sala Acapulco, asitiada nel Casinu de Xixón, va acoyer el próximu 8 d’abril, a les 20:30, el II Conciertu COMA, presentando a los grupos ganadores del II Concursu de Maquetes COMA. Nel mesmu van actuar Audiotrack, Dim Project, Kozmics, Mondtanz, Noise’n’ Confusion, Nutto, Taranus, Teoría del Caos y Truesight.

La folixa va tar presentada por Alberto Rodríguez del programa de la TPA, “Terapia de grupo”, nel papel d’Agustín Fernández. La entrada ye de baldre, y amás, va regalase un discu Coma a los asistentes, hasta fin d’esistencies.

Güei vienres, a les doce la nueche, el chigre Swing Jazz Club, asitiáu, nel 14 de la cai Canóniga d’Uviéu, va acoyer un conciertu de baldre del Marco Martínez Special Trío. Sedrá a partir de la medianueche.

Marco Martínez, guitarrista, actuó ente otros, nel XXV Festival Internacional de Jazz de Getxo, Festival Jazz nel Muséu de Belles Artes de Badayoz, l’Amuesa de Jazz Eivissa 2001, el XI Festival de Jazz de Lugo, el Festival Jazz de la Villa de Madrid y nel Heineken Jazzaldia. Nesti tríu ta acompañáu por dos músicos escepcionales como son Horacio García (contrabaxu) y Jaime Moraga (batería). El tríu va tocar composiciones de Marco al par de temes de Duke Pearson y Pat Metheny, ente otros.

El célebre grupu asturianu de folk-fusión La Col.la Propinde, va facer un conciertu-presentación esti próximu domingu 28 de Marzu. Nel mesmu, va asoleyase’l so tercer trabayu discográficu, “A Teyavana”.La cita va ser a partir de les 19.30 hores, con delles sorpreses.

Nesta ocasión, el grupu cunta cola collaboración d’Esther Fonseca, que pon voz al cantar “2417”. “A teyavana” foi grabada nos estudios Tutu ente mayu y setiembre, cola producción de Sergio Rodríguez y Ánxel González.

Daniel Merino va tocar esta fin de selmana en dellos llugares d’Asturies. Güei, vienres 26, a les siete la tarde na FNAC de Parque Principáu, con entrada llibre, y a les nueve, nel chigre uviedín La Calleja la Ciega, onde tará tamién Edu Vázquez. La entrada ye de 6 euros.

Sábadu, a les once y media la nueche, va desplazase has La Pola L.lena pa dar un conciertu nel chigre La Palmera, con entrada llibre.

Pieslla la mini xira, el domingu, a les 13:30, en La Malayerba, n’Uviéu, con entrada llibre de nuevo.

Más información sobre l’artista

Los cantautores Mapi Quintana y Jacobo de Miguel van dar esti xueves 25 un conciertín enl Centru Municipal d’El Llano, en Xixón. Nel mesmu van presentar repertoriu con cantares nuevo de De Miguel, y dellos temes del discu últimu de Quintana, “El Sonar de Les Semeyes”. L’actuación va dar entamu a les siete la tarde, y ye de baldre.

Mañana, xueves 25 de marzu, a les 23:30 hores y el vienres 26 a les doce la nueche, el chigre Swing Jazz Club, asitiáu, nel 14 de la cai Canóniga d’Uviéu, va acoyer un conciertu de baldre del Marco Martínez Special Trío.

Marco Martínez, guitarrista, actuó ente otros, nel XXV Festival Internacional de Jazz de Getxo, Festival Jazz nel Muséu de Belles Artes de Badayoz, l’Amuesa de Jazz Eivissa 2001, el XI Festival de Jazz de Lugo, el Festival Jazz de la Villa de Madrid y nel Heineken Jazzaldia. Nesti tríu ta acompañáu por dos músicos escepcionales como son Horacio García (contrabaxu) y Jaime Moraga (batería). El tríu va tocar composiciones de Marco al par de temes de Duke Pearson y Pat Metheny, ente otros.

El célebre grupu asturianu de folk-fusión La Col.la Propinde, presenta esti próximu domingu 28 de Marzu, el so tercer trabayu discográficu, “A Teyavana”.La cita va ser nel Teatru Vital Aza de La Pola L.lena a partir de les 19.30 hores. L’actuación va tar enllena de sorpreses. El discu, asoleyáu por Algamar Producciones inclúi doce cantares, amestando la composición propia cola reellaboración tradicional.

Nesta ocasión, el grupu cunta cola collaboración d’Esther Fonseca, que pon voz al cantar “2417”. “A teyavana” foi grabada nos estudios Tutu ente mayu y setiembre, cola producción de Sergio Rodríguez y Ánxel González.

Otra vuelta l’aire sele vuelvi ruxir y otra vegada les músiques y les lletres de La Col.lá Propinde vuelven anubrir l’espaciu musical n’Asturies, esta vegada gracies a la “teyavana”: unes lletres y unes músiques espuestes a los cuatro vientos, como si d’una nueche de branu se tratara, componiendo idees col rellumu de les estrelles peneraes nel llar so les maderes y téxaslos del techu. Dormir, suañar “a teyavana”, a cielu raso ente téxasles.

Ente la biografía de La Col.lá Propinde, destaca’l premiu al meyor cantar n’asturianu nel añu 2003 por “L’emigrante”, amás, los sos temes diéronse a conocer en tol estáu cuando a lo llargo del añu 2009 fueron banda sonora de la serie d’Antena3 “Doctor Mateo”.

Páxina web del grupu

El grupu Duerna va presentar la so maqueta “Dende’l chigre” na Casa Cultura de La Pola Llaviana, esti sábadu 27. La formación ta conformada por Pedrín, guitarra, armóniques y voz, Fani, percusiones y voz, Andrés, percusiones y voz, y Pablo Carrera a la gaita.

La Obra Social de Caxastur presenta al gaiteru escocés Fred Morrison, que va actuar en Mieres dientro del ciclu de Música del Sieglu XX de Caxastur esti vienres nel Centru Cultural de Jerónimo Ibrán 10, a les 20.00 hores.

Fred Morrison ta consideráu’l meyor intérprete de gaita escocesa, algo que vien respondío por non yá la crítica especializada y los sos esitosos conciertos, sinón por ganar siete veces el troféu Macallan nel Festival de Lorient y por crear la border pipe, cruce ente la gaita escocesa (highland bagpipe) y l’irlandesa (uillean pipe).