Música

Maldita Nerea torna con “Fácil”, el so esperáu nuevu álbum. Jorge Ruiz, alma mater de la banda murciana, asegura que’l so nuevu trabayu supon un plantegamientu más vitalista que l’anterior. El conciertu va tener llugar mañana, 20 d’agostu a les 20:30 hores en La Llaboral de Xixón,

Esta xira ye un proyectu sostenible nel que s’ufierta un show artísticu y técnicu d’altor. Alantre, ponte cómodu, sonri y esfruta del viaxe al traviés de los sos trabayos “Fácil”, “Es un secreto… no se lo digas a nadie”, “El secreto de las tortugas” y “Cuarto creciente”.

Amás, el conciertu va cuntar cola actuación de Funambulista como grupu invitáu.

Llangrés esnaló per Lorient na so primer actuación, nel espace Bretagne, con una perbona acoyida del públicu bretón que premió con muncho más qu’aplausos al grupu asturianu: col mercar de los sos discos práuticamente agotaos nesa primer nueche nel Festival. La voz d’Esther Fonseca, afayada nun escenariu que parez veninos bien a los asturianos, foi acompangada por un soníu amañosu y un bon facer nel asturianu qu’encandiló a un públicu mui tradicional, pero que persabe sentir los arreglos de los celtes del sur.

El conciertu de Llangres competía cola principal propuesta escénica del Festival con un llenu completu nel homenaxe a Kerouack, pero foi enllenándose en cuantes la música dio en fluyir al llau del puertu lorientés. Esnalar, foi una de les pieces más celebraes por un públicu que siguió con interés la propuesta de Llangres y qu’afito colos aplausos la so acetación.

Depués del arranque que los Waterboys dieron al festival cola so propuesta rock pernomada, el gaiteru asturianu más popular ufrió un montaxe que arrampla colos meyores eloxos no musical y coxea nel ámbitu multimedia, dafechamente na tradición de los músicos asturianos que faen los mayores esfuercios na parte músical d’estes propuestes dexando’l restu menos trabayao. Versiones de tangos, boleros y pieces populares tan perguapamente arreglaes cola gaita midi ficieron olvidar al públicu los apuntes gráficos y orales que pretendíen facer de mistura y tendríen de meyorase.

José Ángel Heviaamosó nesti espectaculu entituláu “Remis: un gaiteru universal” lo qu’un perbon músicu como elli pue facer xunto a la so banda habitual, acompañada esta vegada por una sección de metal que s’afayaba con resultaos perbonos en pieces americanes. Hevia amosó como enfrentase a la interpretación de música popular americana con una gaita con “El Manisero” o el tangu “Por una Cabeza” de Carlos Gardel y bordó tamién l’arreglada Alfonsina o esi boleru universal “Bésame Mucho” que allumó’l camín entamáu primero pola popular “A la mar fui por naranjas”.

Col enfotu de revivir la xira llarga que José Remis Ovalle fizo a mediaos del sieglu pasáu cól títulu de “Gaiteru Mayor d’España” embaxo’l brazu, semeyes inédites de Remis Ovalle y la so vida musical de romería en romería y tocando per toa América, foro faciendo d’engranaxe d’un espectáculu al que-y chamos a faltar un multimedia más averáu a les téuniques recientes y un ritmu más rápidu nos momentos del conciertu que les pieces lo pidíen.

El montaxe finó cola Bagad de Locoal Mendon como artistes invitaos del conciertu pa tocar los éxitos de Hevia n’Europa y un sólu del maliayu que dexó bien a les clares el dominiu pergrande que tien de la téunica que ficiera famosu a Remis.

Nuna rueda de prensa enforma concurrida, José Ángel Hevia presentó l’espectáculu qu’estrena esti sábadu primeru d’agostu en Lorient y que supón el cimeru homenaxe que se-y ufierta a Remis Ovalle nel mundiu de la música folk. Un homenaxe que como’l mesmu Hevia dixera en Lorient entá nun se ficiera n’Asturies pola “idiosincrasia de nueso.. la que fizo que Remis nun tuviera cai na so villa de nacencia, Cangues, por que’l so fíu fuere conceyal y pol que dirán”.

Xunta Hevia, pa desplicar la cadarma del conciertu d’esti sábadu pela nuevhe nel escenariu cimeru del Festival de Lorient, L’Espace Marine, tuvo’l direutor del FIL, l’asturianu Lisardo Lombardía.

Lisardo Lombardía desplicó na rueda de prensa l’orixe del proyeutu de facer el conciertu d’esti sábadu en Lorient y desenvolvió la biografíaa y la personalidá del gaiteru asturianu.

El director del FIL desplicó la composición del espectáculu que vedríemos depués nel Espace Marine, un espectáculu de lluz, vídeos y fotografíes, pero sobre too música.

José ängel Hevia definió a Remís como el pá musical de só y desenvolvió la so visión de la música de Remís que ye una gran parte de la historia musical de la Asturies tradicional.

Lisardo fizo alcordanza tamién de que nun yera casualidá que’l mesmu día que se celebrare la 26 edición del MacCrimmon tuviere llugar l’estrenu d’esti montaxe musical n’homenaxe a Remis Ovalle.

Asturnews retresmite pola so canal de Twitter el desenvolvimientu del 26 Troféu MacCrimmon de Gaita que se celebra nesti Festival 2011 de Lorient.

Canal d’Asturnews en Twitter

Na nuesa canal de Youtube (AsturnewsTV) pue siguise online como se desenvuelve’l 26 Troféu MacCrimmon de Gaita nel Festival 2011 de Lorient que vieno acabante entamar. Darréu recoyemos una parte de les actuaciones de los gaiteros asturianos:

Javier Menéndez

José Luis Fernández:

Alvaro Álvarez:

Jesús Fernández:

El programa “Nós” qu’emite laTPa los sábados pasa esta fin de selmana al domingu a les 12,30 de la mañana por mor de la tresmisión del Descensu del Sella, ufriendo una paséu por delles de les oficines de normalización llingüística de los conceyos asturianos. Concretamente, el programa que dirixe y presenta Próspero Morán, detiénse en Llaviana y A Veiga.

El gaiteru gallegu Pablo Alvarez Fariña convirtióse esti sábado 6 d’agostu de 2010 nel ganador del troféu pa solistes de gaita asturiana y gallega del festival, que lleva dende va unos años el nome de MacCrimmon y qu’hai tiempo se nomara Macallan. Algamó’l Troféu nuna competición que dió los primeros cuatro puestos a los gaiteros gallegos por mor d’un sistema de puntuación que siempre ye criticáu por toles partes y que dende lluéu púnxose n’evidencia esta vegada.

Tres del ganador, el tamién gallegu Jesús Sánchez qu’amosó una bona actuación algamó la segunda plaza penrriba de Raúl Lacilla que quedó clasificáu en tercer llugar nel concursu de Lorient. Tamién foi sorprendente la cuarta posición de Pablo Dalama, veteranu gaiteru que fizo tamién una bona actuación.

Como yera d’esperar, Galicia algamó’l Troféu McCrimmon de 2011 depués de que lo ficiera Asturies en 2010 de la man d’Andrea Joglar, que cuayó entós una perbona actuación, de magar lo valoratible d’un de mocedá pero también d’una calidá como nun había tiempo que se sintiera en Lorient, convirtiéndose na primer muyer en ganar en Lorient.

En quintu llugar quedara clasificáu’l primer asturianu, Alvaro Alvarez,. Nos puestos restantes clasificáronse los siguientes gaiteros nesta posición: Jesús Fernández, sestu, José Luis Fernández, séptimu, y Javier Menéndez, octavu.

Maldita Nerea torna con “Fácil”, el so esperáu nuevu álbum. Jorge Ruiz, alma mater de la banda murciana, asegura que’l so nuevu trabayu supon un plantegamientu más vitalista que l’anterior. El conciertu va tener llugar el 20 d’agostu a les 20:30 hores en La Llaboral de Xixón, y hasta’l5 d’agostu la entrada ta a 12 euros, mientres que dende entós va tar a 15.

Esta xira ye un proyectu sostenible nel que s’ufierta un show artísticu y técnicu d’altor. Alantre, ponte cómodu, sonri y esfruta del viaxe al traviés de los sos trabayos “Fácil”, “Es un secreto… no se lo digas a nadie”, “El secreto de las tortugas” y “Cuarto creciente”.

Amás, el conciertu va cuntar cola actuación de Funambulista como grupu invitáu.

El Festival de Música Antigua de Xixón sigue la so andadura’l día 23 de xunetu a les 20:30 hores nel Teatru Xovellanos col programa “Salve Regina”, al cargu de la Orquesta Barroca de Sevilla.

El certame, que se clausura’l próximu 26 de xunetu, lleva por títulu “La música en tiempos de Xovellanos”. La Orquesta Barroca de Sevilla va tar dirixida por Andoni Mercero y va cuntar cola actuación del contratenor Carlos Mena.

La Orquesta Barroca de Sevilla, creada en 1995 por Barry Sargent y Ventura Rico, asítiase, incuestionablemente, nel primer nivel de les agrupaciones estatales que se dediquen a la interpretación de la música antigua con criterios hestoricistes.

Ente el directores que se punxeron al so frente, dalgunos de talla mítica, podemos destacar: Gustav Leonhardt, Sigiswald Kuijken, Christophe Coin, Jordi Savall, Christophe Rousset, Rinaldo Alessandrini, Monica Huggett, Harry Christophers, Pierre Cao, Eduardo López Bágara, Andreas Spering, Diego Fasolis, Juanjo Mena, Josep Pons, Hiro Kurosaki, Pablo Valetti, Manfredo Kraemer, Alfredo Bernardini, Enrico Onofri… Dende 2001, Pedro Gandía Martín desempeña’l llabor de Director Artísticu de la OBS.

La Orquesta Barroca de Sevilla, amás de la intensa actividá que desenvuelve en Sevilla y Andalucía, presentar n’importantes festivales y escenarios estatales y europeos (Alemaña, Francia, Italia, Suiza…) como: Teatru de la Maestranza (Sevilla), Sala Gaveau de París, Festival Mozart d’A Coruña, Festival de Música y Danza de Granada, Selmana de Música Relixosa de Cuenca, Festival de Música Antigua de Barcelona, Festival de Música Antigua de Sevilla, Amuesa de Música Antigua de Aracena, Festival de Música Antigua de Úbeda y Baeza, Festival Internacional de Santander, Ciclu de la Fundación Kursaal en San Sebastian, Festivales de Vezelay, La Chaise-Dieu y Pontoise (Francia), Ciclu de Conciertos de Cámara de la Accademia Bizantina en Rávena (Italia), Kulturwald de Deggendorf (Alemaña), Festival de Pascua de Lugano (Suiza)…