Música

El teatru municipal de Samartín del Rei Aurelio, en L’Entregu, va acoyer esti sábadu, 27 de setiembre, a les 7 la tardi, el II Memorial Berto Velasco, qu’otra vuelta quies facer alcordanda del que fuera, ensin dubies, ún de los constructores artesanales más importantes de la historia de la gaita asturianay referencia cimera del xorrecimientu bultable de la gaita solista asturiana en calidá a lo llargo de toa Europa.

La formación folk-fusión que representare esti añu a Asturiesn nel Festival Intercélticu de Lorient va tocar el próximu añu nel Getxo Folk y nel Folkez Blai tres vencer nel concursu de grupos del festival folk de Ermua, sigún se conociere esti día. De les seis bandes escoyíes, la formación asturiana de folk-fusión-alternativu contaxó a públicu y xuráu nesta novena edición del Folkez Blai, un de los eventos folk más importantes del País Vascu que se celebra añalmente n’Ermua (Bizkaia).

Caracterizaos pola so frescura y el so folk acústicu innovador, Vrienden impunxéronse frente a los gallegos Alén de Ancos, los estremeños EnVerea, el catalanes Irish Corner y Naia, y los tamién asturianos Duerna. El premiu, amás de 3000 euros en metálicu, va ser tocar el próximu añu nel Folkez Blai y nel Getxo Folk, el festival del xéneru más destacáu del país vecín.

Con esta actuación el grupu pon fin a una intensa xira que los llevó a presentar el so discu debú a escenarios como’l del Festival Intercélticu de Lorient o la Noite Celta de Porcía. A partir del payares, la formación va trabayar en nueves composiciones con vistes a publicar un nuevu discu mientres el 2015.

La asociación de asturianos emigraos al País Vascu, Ixuxú, que fai de ponte sociocultural ente los dos pueblos, tuvo sofitando’l procesu de la participación de Vrienden nesti concursu.

Vrienden ye un proyectu musical frutu de la unión d’amigos que crecieron xuntos desenvolviendo dende’l principiu del so aprendizaxe musical les sos esmoliciones llibres, basaes nel folk principalmente, pero con gran variedá d’influencies musicales. A partir d’una base qu’allugaba gran calidá, molición, orixinalidá y creatividá, llegaron a conformar un estilu musical completu, frescu ya innovador que pretende nun enllancase musicalmente apurriendo siempres una visión bien particular que garantice la diversión y almiración del públicu.

El so formatu, un cuartetu, dexa aprovechar al máximu les posibilidaes d’estos mozos y prometedores músicos de la escena asturiana, que yá llegaron a convertise n’escelentes intérpretes y compositores. Cada músicu esplega toos les sos conocencies y el so potencial, xenerando un estilu personal al qu’ellos mesmos denominen como “Folk-Fusión- Alternativu”.

Esti próximu sábadu 30 d’agostu, a partir de les 22:30 hores, va celebrase nel Campu de l’Alamea de *Porcía (El Franco) una nueva edición de la Noite Celta de Porcía, que cumple trenta y ún años y ye l’eventu decanu n’Asturies rellacionáu cola música tradicional del arcu atlánticu. La Noite Celta surdiera por iniciativa de los vecinos del llugar d’El Franco nel añu 1984 y nél, de magar, danse cita los meyores grupos y solistes d’esti xéneru musical. Dende l’añu 1995 esta iniciativa vecinal organízase en redol a l’Asociación Cultural Alamea, con see n’este mesmu llugar y que ye la entidá responsable de la so organización.

Nel Campu de l’Alamea, una isla fluvial arrodiada pel ríu de Porcía, danse cita cada añu cientos d’aficionaos a la música folk, qu’esfruten d’una redolada privilexada onde poder escuchar a los meyores intérpretes del xéneru y tastiar les yá tradicionales sardines a la plancha que la organización ufierta gratuitamente a los asistentes.

Mientres esti 2014, la *Noite Celta de *Porcía cumple 31 años. Na nueche del 30 al 31 d’agostu podrán escuchase en Porcía, a partir de les @22:@30 hores, los grupos Banda de Gaites “El *Trasno”, Vrienden, Corquiéu, John *Mc *Sherry & Sylvain Barou & Rubén Bada & Pádraig Rynne, y La Tarrancha.

Amás de la participación d’estos grupos, va faese entrega del premiu a los ganadores del primer concursu de diseños pa les camisetes y material promocional de la Noite Celta de Porcía. Tamién y, como tolos años, amás del habitual serviciu de chigre y de la vienta del merchandising de la Noite Celta de Porcía, podrá esfrutase na Alamea de les sardines a la plancha que davezu se ponen a disposición del públicu.

Esti sabadu día 16, la banda asturiana La Tarrancha continua per tierres gallegues la so agetreada xira músical. Despues d’actuar la pasada fin de selmana en Burgos, na décima edición del festival Solarana Rock, marchen otra vuelta pa As Rias Baixas p’actuar na 15 edición del Festa Folc de Vilariño en Pontevedra, que se ta desenvolviendo mientres toa esta selmana con un ambiciosu programa que va rematar col conciertu de los conocíos grupos gallegos Xistra, Os Cempés y O Sonoru Maxín colos que compartira escenariu la banda asturiana.

Trátase de la tercer visita a tierres gallegues de la banda nesta xira de primavera-branu dempués pasar polos festivales Findkflipas n’Ourense y Antrospinos d’A Coruña. Pero non la postrera, quéda-yos entá otra visita a Galicia dientro d’una selmana al festival Ponte Louco, y pel medio, per selmana van actuar tamién na Selmana Grande de Bilbao.

La xira correspuende col llanzamientu del so últimu trabayu Mezillingües, un discu cantáu en toles llingües de la peninsula ibérica cola collaboración de 19 artistes. El discu presentóse nel Licéu de Gernika (Bizkaia) y yá pasó por munchos escenarios asturianos y otros como’l Fiestizaje d’El Bierzu. N’Asturies quéden-yos entá delles cites, como la Noite Celta de Porcía, los II Alcuentros Alternativos de Bimenes, el Asturies Nun Escaez… y l’últimu conciertu fuara, que va ser en La Rioja. Trátase d’una xira bastante completa dáu los momentos duros polos que pasa la música, como tantes otres coses, y entá mas, cuando fáise dende l’autoxestión, non solo de los conciertos, sinón de la so producción músical, yá que nun cunten con nengún sellu discográficu que los sofite. Mientres toos estos conciertos constatóse una cosa, l’ésitu ente’l públicu qu’entá nun los conocía y el bon sabor de los yá asiduos a los sos directos.

Esta selmana n’El Club Musical, programa que s’emite los martes a les 22:50 hores na TPA, va tar la tinetense Silvia Quesada, acompañada por Alfredo González (pianu), Rubén Bada (guitarra acústica y violín) y Senén González (baxu), amás de les collaboraciones d’Esther Fonseca y Bueno; nel capítulu va presentar el so primer trabayu discográficu en solitariu, tituláu “La pena abierta”.

Otra manera, Manolo Abad va recomendar la figura y la obra del músicu Nick Cave.

Esti mes de xunetu estrenose la segunda temporada de ‘El Club Musical’,el programa de TPA dirixíu y presentáu por Xune Elipe qu’abría esta serie de 13 programes con Losone y los temes del so álbum debú ‘Umbilical’.

Col asturianu como llingua vehicular, esti programa de la televisión pública del país producíu por Goxe Producciones trai novedaes con respeuto a la primer temporada, sobre manera nel campu estéticu y visual. Ente les novedaes alcuéntrase una realización “más atractiva y moderna”, a cargu de Javier Lueje, amás de la incorporación d’elementos d’atrezzo nel escenariu, una illuminación renovada, una sintonía nueva compuesta por Jorge Cambareli, más seiciones y un montaxe más dinámicu.

Tamién se presenta un logu nuevu y esclusivu, obra del diseñador JM Navarro con una dinámica asemejada a la que ya conociemos, con una entrevista al grupu convidáu y la interpretación de delles canciones sobre un escenario.

“Estamos listos” promo de SIlvia Quesada pa descargar

Sigún asoleya en gallego-asturianu güei la páxina web de la oficina de Política Llingüística del Principáu “a Banda de Gaitas El Trasno empeza a Xira 2014, como ganadora da edición del ano 2013 del Premiu al Meyor Cantar cua cántiga «Volviche». A primeira cita é el sábado 2 d’agosto, ás 21.30 horas, na plaza del Centro Niemeyer d’Avilés, unde a banda cuañesa ha a dar un concerto gratuito”.

Tamién s’informa de que “al outro día, domingo 3 d’agosto, La Cuevona d’Ardines, en Ribeseya, vai acoyer outra actuación da banda, con acceso gratuito anque con aforo limitao a 150 personas dadas as características d’un sito tan espectacular. Hai que retirar a invitación na Recepción del Centro d’Arte Rupestre de Tito Bustillo. Xa tán dispoñibles dende el venres 25 de xuyín y nel horario d’apertura del Centro (de mércoles a domingo, de 10:00 a 19:00 horas ininterrumpido)”.

“A terceira actuación da Xira 2014 leva a banda al Festival Intercéltico d’Occidente, unde ha a zarrar a edición d’enguano con un concerto el domingo 17 d’agosto, ás 23 horas, na praya del Murallón de Tapia. Y pra rematar estas actuacióis branegas, a Banda de Gaitas el Trasno tamén vai tar presente nas actividades previstas pol Goberno asturiano pra festexar el Día d’Asturias entre el 5 y el 8 d’agosto”.

Dende esti vienres y hasta’l póximu 3 d’agostu va celebrase en Xixón la tercer edición del Festival Arcu Atlánticu, con una programación enferma completa. El certamen tien como enfotu alendar les rellaciones ente Asturies y el restu de países atlánticos lo que pretende facer a les 20 hores d’esti vienres cola Gala d’Entamu, que pasa del Xovellanos a tener llugar na Plaza Mayor. Nella van participar la Banda de Música de Xixón y Piccola Piloñesa, y van interpretase les pieces musicales ‘Ireland: Of legend and lore’, de Robert W. Smith; ‘La rapacina’ d’Enrique Reñé; y la obra celta pa banda y coru infantil de Bert Apermont ‘Celtic child’.

Tres del ésitu de la primer entrega, Ediciones Trabe vieno acabante d’asoleyar la segunda parte d’Alborada, el métodu pa Gaita del mayestru gaiteru Flavio R. Benito que nesta ocasión va permitir al llector atopase pa con una amplia recopilación de melodíes pa gaita, en total más de 125 trescripciones. Apaecen dixebraes nos seis cursos que componen los estudios de les Enseñances Profesionales de Música y clasificaes de menor a mayor dificultá y según el so calter rítmicu.

Les pieces alcuéntrense ordenaes según que’l so compás seya de 2/4, 3/4, 4/4, 3/8 o 6/8. Sigún lña editorial “ye d’interés pa tou estudiante de gaita l’estudiu d’un repertoriu que, amás d’estensu, seya variáu no tocante al ámbitu xeográficu de procedencia de les melodíes. D’esta manera, el repertoriu musical de los gaiteros d’angüaño sedrá representativu de toles fasteres d’Asturies. Los seis cursos qu’integren esti llibru cunten con un repertoriu representativu de los xéneros musicales más relevantes de la nuesa tradición musical y de pieces de nueva composición. Asina ye qu’atoparemos a lo llargo de toos ellos, alboraes, entemedios de misa, procesiones, dances, xiraldilles, xotes, fandangos, muñeires, saltones y xiringüelos, pericotes, sones d’arriba, gallegadas, cariaos, pasudobles, pol­kes, rumbes, valsiaos, asturianaes o tonaes, habaneres y cantares populares Per otru llau, y col envís d’atender como merez l’apartáu del acompañamientu de l’asturianada, cunta la obra col valiosu trabayu investigativu y el análisis d’Héctor Braga, estudiosu, virtuosu y buen conoceor d’esti campu musical”.

Esti domingu pasáu, 6 de xunetu, tuvo llugar en Martimporra la final del XV Concursu de Gaita de Bimenes, certame entamáu pol Conceyu Bimenes coincidiendo cola Fiesta de la Oficialidá, cellebrada’l día enantes. El ganador d’esta edición foi’l gaiteru sierense Álvaro Álvarez Fernández, de 19 años d’edá, que llevó los 300 € en metálicu y el troféu del primer premiu. Amás, al ganador apurrióse-y un exemplar del “Cancioneru de la gaita asturiana”, obra iguada por Eugenio Otero Vega, Fonsu Fernández García y Gausón Fernande Gutierri, editada, y donada pa la ocación, pol Muséu del Pueblu d’Asturies.

El segundu premiu, dotáu con 200 € y troféu, foi pal gaiteru Fernando Vázquez Cárcaba, de 20 años y tamién de Siero. Y el ganador del tercer premiu, al que se-y apurríen 100 € y troféu, foi Diego Lobo Tuñón, de 19 años y que vieno del conceyu d’Ayer. Nel concursu participaren finalmente trece gaiteros y gaiteres qu’interpretaren dos pieces cada ún, siendo valoraes les mesmes por José Ramón García Navia, Eugenio Otero Vega y José Luis García Díaz, miembros del xuráu na edición d’esti añu.

El grupo asturianu Skama La Rede vieno acabante esti llunes d’asoleyar al traviés de You Tube el que ye’l Primer adelantu del so discu nuevu. El cantar qu’adelanta esi nuevu discu llámase “Primaveres” y so espardimientu coincide col aportar del grupu a Twitter con una cuenta na que ya tan dando anuncia a la fecha del lanzamientu del discu, previstu pal próxima día 26 de xunetu. Nunos díes tamién van presentar el diseñu nuevu de la so web y otru cantar d’adelantu del discu.

El grupu candansín foi formáu por dellos músicos de la fastera central asturiana, muchos d’ellos sin nin siquiera conocese personalmente, col enfotu de formar un grupu de ska con influyencies rock, punk y folk (siguiendo’l camín de Dixebra), emplegando la trompeta y la gaita asturiana nos sos temes. Tamién deciden emplegar esclusivamente l’asturianu como llingua d’espresión, participando ansí na vindicación llingüística del país y faciendo d’ella bandera permanente.

Sigún asoleya la Wikipedia, “el nome de la banda vien d’una anéudota asocedida demientres les fiestes de Candás de 2000, cuando un parroquianu apaeció en metanes de la folixa “canciando” enfiláu’l tema Smoke on the water de Deep Purple, pero camudando la lletra por Escama la rede, espresión de los conceyos mariñanes del centru d’Asturies que se refier a l’aición de robar los pexes de la rede d’otru piescador. Al velu, dellos de los que depués compondríen Skama la Rede comentaron, ensin mayores pretensiones, qu’aquel sedría un bon nome pa un grupu de ska”.

El grupu debuta de forma “oficial” el 27 de febreru de 2004 en Candás, nún conciertu de baldre xunta otres trés bandes de la fastera y na primavera d’esi mesmu añu asoleyen so primera maqueta, “Hestories absurdes”, qu’incluyiría cinco cantares. Finen l’añu con una ventena conciertos a lo llargo la xeografía asturiano. Dende esi momentu llegarán tres discos, el caberu nel añu 2010, y una montonera d’actuaciones per toa Asturies, España y festivales internacionales como’l de Lorient ente otros.

La nueva web del grupu Skama La Rede