Lliteratura

Cristian Crusat vieno acabante ganar con “Suxetu elípticu” el XLI Premiu “Tigre Juan”, mentantu la novela “Los nomes de les coses” de Mariano Peyrou yera reconocida como finalista. El fallu diose a conocer col entamu d’Avientu nel Salón de Té del Teatru Campoamor nun actu presidíu pol Teniente d’Alcalde, Mario Arias.

El novelista Fulgencio Argüelles va dir al club de llectura de la Biblioteca Bárganos Candamo, nuna sesión que va tar dedicada a analizar la so obra “La seronda de la casa de los sauces”, una novela que contien reflexones sobro’l comportamientu humanu y les sos contradicciones. Va ser esti martes 19, a les 17 hores, na Sala de Conferencies de la Casa de Cultura.

El xuráu del Premiu Tigre Juan y del Certame Nuevu de Relatos Curtios anunció les obres finalistes, na presentación del premiu. El fallu y entrega de los galardones celebrará’l próximu día 28 nel Teatru Campoamor.

El conceyal de Cultura, José Luis Costielles, presentó ayeri miércoles, nel Teatru Campoamor, la 41ª edición del premio Tigre Juan y la 3ª edición del Certame Nuevu de Relatos Curtios Tigre Juan, que se van  fallar y van apurrise  el próximu 28 de payares, a les 19 hores, nel Salón de Té del Teatru Campoamor. Xuntu al conceyal comparecieron María Luisa Alonso, Vicepresidenta de Tribuna Ciudadana;  Javier  Gámez, Directivu de Tribuna Ciudadana y Secretariu-Coordinador del Xuráu del Premio “Tigre Juan” y Fernando Menéndez, Voceru del Xuráu del Premio Tigre Juan 2019, que foi l’encargáu de faer públicu’l nome de los últimos cinco escoyíos –d’ente 82- d’esta edición: La isla de los coneyos, d’Elvira Navarro (Lliteratura Random House); Los nomes de les coses, de Mariano Peyrou (Ed. Sestu Pisu); Suxetu elípticu, de Cristian Crusat (Ed. Pre-Testos); L’arte del puzle, de José María Pérez Álvarez (Ed. Trea) y Faster, d’Eduardo Berti (Ed. Impedimenta). Tamién comunicó’l nome de los cinco relatos finalistes del tercer certame de Relatos Curtios curtios: Sempiternu, robláu por “The Captain” (seudónimu); Mentirosa, d’Ánxeles guerreros”; Les troyanes, de “Andrómaca”; La última xeneración que xubió a los árboles, de “Kiara” y Anque nun sía lo más fayadizo, de “Logan”.

El responsable municipal de Cultura, José Luis Costielles, aseguró que’l Tigre Juan “ye unu de los premios más queríos n’Uviéu y na Fundación Municipal de Cultura, que patrocina esti premiu qu’entama de forma escelente Tribuna Ciudadana, incluyendo amás de los dos galardones actividaes paraleles. Gracies, pos, a Tribuna Ciudadana por siguir creyendo nes lletres nestos tiempos inciertos de ‘hastags’, nos que la intimidá de la llectura lleva munches vegaes apareyáu un selfie, gracies por siguir animando a los nuesos mozos s escribir y a lleer. Güei celebramos un añu más de Tigre Juan col anunciu de los sos finalistes, xuna esperada noticia. Esti equipu de gobiernu siempres va sofitar a los llibreros, a les lletres, a el llectores y a los espacios pa la llectura y l’alcuentru lliterariu, como nueses queríes biblioteques municipales, gran exemplu de sofitu a la llectura”.

Dambos certames, patrocinaos pol Ayuntameinto, al traviés de la Fundación Municipal de Cultura, entamalos l’Asociación Cultural Tribuna Ciudadana y cunten con una dotación de 10.000 euros pal ganador y 5.000 euros pal finalista, nel casu del Premio “Tigre Juan”, y de 400 euros pal ganador y dos accésits de 200 euros cada unu nel casu del Certame Nuevu.
Xuráu

El Xuráu d’esta edición del Premio “Tigre Juan” ta integráu por Fernando Menéndez (Escritor), Vicente Duque (Profesor d’Enseñanza Secundaria), Ángela Martínez (de l’Asociación d’Amigos de la Biblioteca d’Asturies), Eduardo San José (Profesor Universitariu) y Natalia Cueto (Profesora d’Enseñanza Secundaria). Tuvieron siete xuntes a lo llargo del añu y valoráronse 82 obres, procedentes d’España y de diversos países hispanoamericanos. El Xuráu del Certame Nuevu integrar Olga Ricu (Escritora), Marcelo García (Profesor) y Virginia Gil (Escritora), que valoraron 24 relatos, llegaos de toa España.

El cartelu d’esta edición ye obra del diseñador asturianu Ricardo Villoria, pudiendo ser contempláu por tolos ciudadanos nos mupis instalaos por tola ciudá. El Tigre Juan’ non se llinda namái a estes dos actividaes sinón que llevó a cabu tamién el Taller de Guión Cinematográficu y un ciclu de charres sol títulu ‘La buelga del Tigre’. Esti vienres, 15 de payares, habrá xuna mesa redonda nel Club Prensa Asturiana, a les 20 hores, con el profesores Amelia Gamoneda y Franscico González, y col escritor y críticu lliterariu, Moisés Mori.

El 22 de payares presentaráse’l llibru ‘La Solombra del Tigre II’, relatos finalistes del II Certame Nuevu ‘Tigre Juan’ de 2018 y el 29 de payares, la escritora Sara Mesa va ufiertar la charra ‘Kafka sigue vivu’. Dambes cites van ser a les 20 hores, nel Club Prensa Asturiana.

Dende’l 24 d’ochobre al 29 d’avientu ta abiertu’l plazu para la presentación de candidatures al X Premiu María Elvira Muñiz de Promoción de la Llectura. Un xuráu integráu por personalidaes del mundu cultural xixonés va escoyer a los galardonaos d’esta edición pola so iniciativa o trayectoria destacada nel fomentu de la llectura.

Les fábules tán llenes de sotileces, ironíes, sátires y humor, sirviendo de recursu didácticu para afayar el mundu y entendelo al traviés de les sos enseñances morales o moralejas.