Lliteratura

A les 19:30 hores nel salón d’actos del Ateneu Xovellanos de Xixón l’escritor asturianu Miguel Rojo va presentar el so últimu trabayu, “La senda del cometa”. Ne prsentación va tar presente acompañando al autor, l’escritor Ricardo Menendez Salmón.

“La senda del cometa” cunta los cambios que se vandar na vida del prtagonista coincidiando cola llegada d’un cometa a la ciudá de Xixón, llugar onde se desendolca’l rellatu.

El tinetense Miguel Rojo ye l’autor de noveles como “Hestories d’un seductor (Memories d’un babayu)” amás de testos narrativos y poeticos tanto n’¡asturianu como en castellanu.

L’Asociación Hesperya convoca’l II Certame Lliterariu que lleva’l mesmu nome. Los alumnos de la Facultá de Filoloxía d’Uviéu son los miembros d’esta asociación qu’edita dende va dalgo más d’un añu la revista lliteraria Hesperya. El plazu pa mandar orixinales pal concursu, nel van poder participar mozos d’ente 18 y 30 años, va tar abiertu hasta’l día 20 de febreru de 2008.

Los rellatos tienen de ser inéditos y non premiaos en nengún otru concursu. La estensión ha ser d’ente 750 y 1.000 pallabres y pueden ser n’asturianu o en castellán, teniendo caún un premiu de 300 euros.

Pa participar hai que mandar los orixinales, hasta trés, per triplicao, a ‘II Concursu Lliterariu Revista Hesperya, Revista d’Alumnos de Filoloxía Hesperya, cai Teniente Alfonso Martínez s/n, Edificiu de Suboficiales, 3ª planta, 33011, Uviéu’ de manera anónima y hasta’l 20 de febreru de 2008.

Bases completes

Unes Xornaes Internacionales dedicaes en Bolzano a la Poesia en llingua ladina amosaron nel entamu d’Ochobre la importancia de la poesía nesta llingua minoritaria del nordeste italianu y del so papel sociu-cultural.L’eventu de Bolzano tuvo entamáu pola Asociaciñon Internacional “Poesia – 2 ottobre”, con sede en Venezia y París, presidía pol profesor Domenico Simi De Burgis.

Ta acabante d’entamar el plazu pa presentar obres al VI Premiu de relatu costumbrista, organizáu pola Asociación d’Amigos de Raymundo Ibáñez: Marques de Sargadelos de Santalla d’ozcos. El plazu d’entrega va terminar el 20 de payares. Hai que mandar relatos, n’asturianu y castellanu, que tengan que ver cola recuperación del patrimoniu cultural de l’Ozcos y l’occidente.

Los premios son de 250 euros pa los adultos y 25 euros en material escola pa la categoría escolar. El fallu del xuráu va asoleyase’l 17 d’avientu..

L’Asociación d’Escritores d’Asturies va entregar el II Premiu de les Lletres Asturianes, qu’esti añu fue pa los escritores Marta Portal y Ángel González . El Xuráu, según diz l’acta, valoró les trayectories lliteraries clave na xeneración del mediu sieglu y na lliteratura española. El premiu entregose xunto colos VIII Premios de la Crítica d’Asturies, qu’esti añu llevó na categoría de poesía n’asturianu Lourdes Álvarez.

Los premios entregáronse nel Café La Pizarra d’Uviéu, asitiáu na Plaza la Catedral, 3 y cunten como cada añu col sofitu de la Conseyería de Cultura y Turismu del Principáu d’Asturies y Caxastur ya incluyen les categoríes de narrativa, poesía, lliteratura infantil y xuvenil y otros xéneros, con categoría indepediente pal asturianu y el castellán.

Video

Páxina de l’Asociación d’Escritores d’Asturies

“La batalla del oriente de Asturias. El final de la resistencia republicana en el frente Norte” ye’l nome del último trabayu del historiador asturianu Luis Aurelio González Prieto. La obra, que se presenta esti día a les 20:00 hores nel Club de Prensa de La Nueva España,, ta centrada nel devenir de la guerra civil española na fastera oriental d’Asturies.

Nel actu van participar amás del propiu autor, el Conseyeru d’Educación y Ciencia, Jose Luis Iglesias Riopedre; l’impulsor del collectivu Asicu (Amigos de la Sierra del Cuera), Ignacio Quintana y Cristián Velasco de Madú Ediciones.

El II Conceyu Internacional de Lliteratura Asturiana, organizáu pola Academia de la Llingua, va desendolcase del 5 al 8 de payares nel Salón d’Actos de la Facultá de Filoloxía de la Universidá d’Uviéu.

Esti II Conceyu celébrase esti añu en llugar de les XXVI Xornaes d’Estudiu y xuntará n’Uviéu a especialistes de tol Estáu qu’amuesarán estremaes investigaciones alrodiu de la nuesa lliteratura.

El programa d’esti II Conceyu Internacional de Lliteratura Asturiana daráse a conocer en rueda de prensa nestos próximos díes.

El escritor nacíu en Mieres Ismael G. Arias, presentó esti martes nel Ateneu de Turón el so libro “El tiempu de Manolón” nun ‘actu qu’entamaba a las siete y media de la tarde. Arias ye’l director de la Casa de Cultura “Teodoro Cuesta” y ente les obres que ya espublizó destaquen la novela “El cuarto negocio” y l’ensayu sobre asturianu “La asturianada”.

El polemicu artista catalán Albert Plá va oficiar una nueche más d’irreverente maestru de ceremonies del so espectáculu “El malo de la película”, que fina güei’l so pasu pol Jovellanos de Xixón. Nesta obra Plá ufre al espectador daque más que teatru ya qu’incorpora monólogos, música y proyecciones, siempre dende la óptica crítica y satírica que define al músicu catalán. Na propuesta d’Albert Plá participen tamien l’actriz Judith Farres, y, como collaboradores especiales, Cesc Gai, Juanma Bajo Ulloa y Joaquim Jordà.

La obra comienza a les 20:30 hores nel Teatru Jovellanos de Xixón y les entraes tan puestes a la venta al preciu de 15 euros.

La Casa Cultura de La Pola Siero va acoyer güei vienres un alcuentru lliterariu cola presencia d’autores asturianos de Siero y d’otros conceyos. Ye la Entamada ’07, que quier axuntar dalgunes de les novedaes editoriales últimes, como’l númberu 3 de la revista Formientu y l’antoloxía de narrativa moza ‘Vía de Serviciu’.

A les siete y media la tarde van entamar los actos cola presentación del númberu 3 de Formientu, un especial de lliteratura erótica onde apaecen autores como Jorge Fernández García, Pablo X. Suárez o Verónica Canel. Darréu va presentate l’antoloxía de narrativa moza ‘Vía de serviciu’, la primer edición de la editorial Suburbia. Más tarde va celebrase un ‘Alcuentru d’autores’ sotituláu ‘Recital de poesía non oficial’, nel que van participar autores como Sergio Gutiérrez.