Lliteratura

El Colexu San Eutiquio de Xixón, de los Hermanos de La Salle, celebra güei la segunda xornada de la so Selmana Cultural dempués de la presentación d’ayeri, que cunto cola presencia del conceyal de cultura y educación Justo Vilabrille, del escritor Humberto Gonzali y de los responsables del centru. Güei los conteníos entamen cola reflexón titulada “El Cementeriu de los Llibros Escaecíos” . A les nueve y diez de la mañana va ser Aurora García Rivas, escritora en castellanu y gallego-asturianu, la qu’entame les charres con “Averándose a la poesía”. A les 11.00 hores pieslla’l día un “Conciertu didácticu de Música Tradicional”, con Daniel García de la Cuesta , miembru del grupu folk Lliberdón, investigador, concertista y conferenciante de temática tradicional.

Mañana, miércoles 23, la reflexón va xirar alredor de “Pa entender matemátiques ha lleese”. Y a les 11.00 hores entama la xornada de conferencíes con “L’humor gráficu y el Cómic n’Asturies” con Ernesto García del Castillo “Neto”, dibuxante y humorista gráficu de La Voz de Asturias, pa zarrase dempués, a les 12.30 hores, cola conferencia “Cómo llegar a ser empresariu cultural “, con Inaciu Iglesias, empresariu, editor y escritor.

El xueves 24 entama cola reflexón “Carta a un neña que nun quier lleer”. A les once la mañana l’escritor y presentador de la TPA y la Cadena SER, Inaciu Galan y Gonzalez, va entamar una charra titulada “Facer televisión n’asturies”, na que va poder vese un documental preparáu por alumnos del centru y pol propiu autor a costafecha pa la ocasión y nel que se pue ver el procesu de realización del so programa de la TPA, “Al Aldu: Xente de Casa”. Esi mesmu día, a les doce y media la mañana escritor, etnógrafu, dibuxante ya ilustrador Alberto Álvarez Peña va falar de los “Mitos del Conceyu de Xixón”.

L’últimu día de la selmana cultural va abrise con una reflexón sobre “Los llibros…”, a la que va siguir, a les 11 hores una segunda sesión de la charra d’Inaciu Galán “Facer televisión n’asturies”, que va repetir la charra del xueves pa dellos alumnos más del centru.

Va quedando menos tiempu pa presentase a la segunda edición de los premios lliterarios n’asturianu que convoca la Conceyalía de Cultura del Conceyu d’Uviéu nes modalidaes de Narrativa, Teatru y Poesía y que l’añu pasáu llevó na modalidá de poesía Esther García. El concursu ta abiertu a toles persones interesaes, siempre que les obres presentaes sían orixinales ensin asoleyar y tean escrites en llingua asturiana.

Los premios tienen una dotación económica de cuatro mil euros caún, sacantes el de Narrativa, que xube hasta los siete mil quinientos euros, el premiu más altu pa obra n’asturianu. Amás del premiu, el Conceyu d’Uviéu va editar les obres premiaes de narrativa y poesía y favorecer la estrena por grupos de teatru de la obra ganadora. El 31 de xineru termina’l plazu pa presentase.

El Colexu San Eutiquio abre güei la so Selmana Cultural 2008, dedicada al llibru. El Conceyal d’Educación y Cultura xixonés, Justo Vilabrille y l’escritor Humberto Gonzali, van inaugura una a les doce y media la mañana una esposición bibliográfica, asina como un conxuntu d’actividaes que van a contar cola presencia de destacaos autores asturianos. Nel centru educativu asitiáu nel barriu xixonés de Cimavilla van abrise güei estes xornaes con un tiempu pa la reflexón dedicáu a “¿Por qué ye importante la llectura?”.

Mañana martes, la reflexón va titulase “El Cementeriu de los Llibros Escaecíos” y a les nueve y diez de la mañana va ser Aurora García Rivas, escritora en castellanu y gallego-asturianu, la qu’entame les charres con “Averándose a la poesía”. A les 11.00 hores pieslla’l día un “Conciertu didácticu de Música Tradicional”, con Daniel García de la Cuesta , miembru del grupu folk Lliberdón, investigador, concertista y conferenciante de temática tradicional.

El miércoles 23 la reflexón va xirar alredor de “Pa entender matemátiques ha lleese”. Y a les 11.00 hores entama la xornada de conferencíes con “L’humor gráficu y el Cómic n’Asturies” con Ernesto García del Castillo “Neto”, dibuxante y humorista gráficu de La Voz de Asturias, pa zarrase dempués, a les 12.30 hores, cola conferencia “Cómo llegar a ser empresariu cultural “, con Inaciu Iglesias, empresariu, editor y escritor.

El xueves 24 entama cola reflexón “Carta a un neña que nun quier lleer”. A les once la mañana l’escritor y presentador de la TPA y la Cadena SER, Inaciu Galan y Gonzalez, va entamar una charra titulada “Facer televisión n’asturies”, na que va poder vese un documental preparáu por alumnos del centru y pol propiu autor a costafecha pa la ocasión y nel que se pue ver el procesu de realización del so programa de la TPA, “Al Aldu: Xente de Casa”. Esi mesmu día, a les doce y media la mañana escritor, etnógrafu, dibuxante ya ilustrador Alberto Álvarez Peña va falar de los “Mitos del Conceyu de Xixón”.

L’últimu día de la selmana cultural va abrise con una reflexón sobre “Los llibros…”, a la que va siguir, a les 11 hores una segunda sesión de la charra d’Inaciu Galán “Facer televisión n’asturies”, que va repetir la charra del xueves pa dellos alumnos más del centru.

La revista asturiana de teatru “La Ratonera” ta acabante de poner nes casi el so númberu 22, cola publicación del textu “Alizia 21”, de Jorge Moreno, la celebración de los 400 años de la Universidá d’Uviéu y los vínculos ente les artes escéniques y la institución asturiana, amás dellos artículos que faen un repás pela intrahestoria teatral del centru creáu pol inquisidor Fernando de Valdés Salas, con títulos como «Teatros Universitarios en Asturias», de Boni Ortiz, o «Toma de conciencia», de Carlos Álvarez-Novoa.

Inclúi tamién esti númberu una entrevista col actor Juan José, un balance de Cristina Cabeza sobre los dos primeros meses de vida del teatru de la Universidá Llaboral, y crítiques de la obra «Vecinos», d’Eladio de Pablo, y de la representación de «Los cuernos de don Friolera», de Ramón María del Valle-Inclán, a cargu d’Azogue Teatro. Francisco Martín Medrano escribe sobre’l vixésimu aniversariu del Circu Holiday, mientres qu’Aurelio Martínez Seco publica un testu sobre la última temporada d’ópera del Teatru Campoamor d’Uviéu.

La Casa la Cultura de La Pola Siero va acoyer el martes que vien, día 22 de xineru y a partir de les 20:00 hores, la presentación de la obra “Llibru de los suaños”, un llibru infantil del autor Sidoro Villa Costales, qu’escribió los poemes y fixo los dibuxos que los acompañen. El llibru ta editáu por Trabe, que nel pasáu yá-y espublizó l’esitosu llibru “Nun-yos tengas perceguera”. Nel actu collabora’l Serviciu de Normalización Llingüística del Conceyu de Siero.

El debuxante y guionista Javier Marinas ta acabante d’espublizar la edición castellana del cómic “Domno”, obra que cunta la vida de Gonzalo Pelaez, gobernador d’Asturies nel sieglu XII y un de los primeros heroes de la hestoria asturiana al rebelase escontra’l rei Alfonso VII. L’autor tuvo presentando el cómic el martes nel Palaciu de Valdecarzana n’Aviles y va tar el prósimu sábadu 19 de xineru na FNAC de Siero pa siguir promocionando la obra.

Javier Marinas ye debuxante ya illustrador de profesión foi collaborador habitual en revistes como “El Llapiceru”, “Tapón” y “El Gomeru”. Amás de “Domno”tien espublizada la obra “Ballenas”, un llibro sobre la caza de ballenes nel sieglu XVI.

Dende va unos díes ta disponible nes biblioteques y cases de cultura del país el númberu 8 de “Biblioasturias”, la revista de les biblioteques públiques d’Asturies editada pola Conseyería de Cultura y Turismu y qu’inclúi entrevistes, reportaxes, reseñes de llibros, amás de noticies y datos sobre les biblioteques asturianes. Nesti númberu apaez un artículu de Félix Parajón Fernández, psicólogu y bibliotecariu del Conceyu de Nava, sobre la llectura y la motivación, una entrevista a María Teresa Álvarez y la sección “A tres bandas”, nesti casu ente los presentadores de la TPA Sonia Fidalgo, Pedro Durán y Alberto Rodríguez.

No que cinca al asturianu, la revista inclúi, na sección “La biblioteca de la mio vida”, un testu del escritor José Luis Renduele. Amás Xandru Fernández y Berta Piñán respuenden a un mesmu cuestionariu sobre lliteratura y llectures y faise un repás peles novedaes editoriales n’asturianu, reseñándose “La mirada aliella”, d’Antón García; “El país del silenciu”, de Vanessa Gutiérrez y Beatriz R. Viado; “Los araxales de la vida”, de Xulio Viejo y “El murmuriu d’un mieu ensin nome”, de Rubén Sánchez Antuña. Tamién se fala del llibru infantil «Pa qué val una escoba?», d’Enrique Carballeira, y de los discos «Amor amante», de Lafu & Rebeca Velasco, y «Echaos a la mar», de Skama la Rede.

De la mano de Cesar García Santiago (Grau, 1979) apaez nel mercáu una nueva editorial que lleva unos meses en funcionamientu, “La Cruz de Grado” asoleyó yá nestos meses dellos llibros. El vienres pasáu presentaba na Llibrería Alborá Llibros de Xixón, el cómic “Domno” (La historia de Gonzalo Peláez ), la segunda edición, esta vegada en castellán, de la hestoria del dibuxante Javier Marinas García. Nesti momentu tienen n’imprenta “Cousas del mio pueblu”, una d’obres de teatru ambientaes nel valle de Rengos, nel conceyu de Cangas del Narcea, l’autor ye Tito Casado Agudín.

Amás, La Cruz va editar en breve un gran volume, “Naturaleza Salvaje de Asturias. Aves”, una obra de Miguel Ángel García Lado.

Tien amás la editora dellos proyectos en mente, les revistes “Río Narcea”, “Río Sella”, “La Voz del Nalón” y otres publicaciones, centraes n’estudios y na actualidá d’una fastera concreta.

En cuantes a volúmenes apaecen obre como “100 años de deporte en el valle de Narcea, de José Ramón Cuervo “Gordo”, Maestros: Experiencias y vivencias en Asturias del propiu editor, César García Santiago, Historia de la actividad Coral en Cangas de Onís (1957-2007) del Coro Peñasanta, la Historia de las Rondallas de pulso y púa en Asturias, de Félix Martín Martinez y un Álbum Nostálgico de Cangas del Narcea.

Blogue de la editorial

Suburbia Ediciones organiza la presentación de Perreríes, de Pablo Rodríguez Medina, esti miércoles 16 de xineru, a les 7 de la tarde, nel Club de Prensa Asturiana d’Uviéu.

Los rellatos abarquen un ampliu campu temáticu, desde la fantasía sucia de Perreríes hasta’l puru costumismu en cuentos como El Plan (Friends forever). En pallabres del propiu autor: “Quien llea esti volume decataráse de que de fondu tolos cuentos tienen una mesma actitú: la de que’l llabor d’escritor sigue siendo, n’esencia, dar testimoniu de sigo y d’una época –bona o mala–, la que mos toca en suerte vivir. Y facelo de la manera más guapa posible: y non siempre lo guapo ye lo bucólico”.

Pablo Rodríguez Medina presenta mañana a les siete la tarde y de la mano de la editora Silvia Cosío, el llibru de rellatos Perreríes. La cita, nel FNAC del centru comercial Parque Principáu, asitiáu en Siero.

Los rellatos abarquen un ampliu campu temáticu, desde la fantasía sucia de Perreríes hasta’l puru costumismu en cuentos como El Plan (Friends forever). En pallabres del propiu autor: “Quien llea esti volume decataráse de que de fondu tolos cuentos tienen una mesma actitú: la de que’l llabor d’escritor sigue siendo, n’esencia, dar testimoniu de sigo y d’una época –bona o mala–, la que mos toca en suerte vivir. Y facelo de la manera más guapa posible: y non siempre lo guapo ye lo bucólico”.

Rodríguez Medina foi ganador nel añu 2001 del premiu Xosefa Xovellanos de novela con L’arna de San Atanás, y del Asturies Xoven de poesía con Los desconocedores del agua. De la so obra en astrianu tamién destaquen Los paraísos perdíos (2000) Nun blinquen ayalgues (2003) y les noveles Les vueltes toles vueltes (2002) y Los taraos. Tien dellos llibros de poesía ( El color de l’ausencia, Nel dialectu del grisú, Tiempu d’esiliu y povisa ayeno). En teatru ganó’l Asturies Xoven con Martema. Historia de una guerra, retratu d’unes culpes y el premiu de tratru de l’Academia de la Llingua Asturiana con Orbaya. Amás collabora de revistes como Lliteratura, Lletres Asturianes, Formientu…