Lliteratura

La Tetería Lugo, asitiada na Plaza Lleón 3, en Les Vegues, (Corvera d’Asturies), va acoyer esta tarde la presentación del llibru de monólogos “Ente muyeres»” que tien publicao la Editorial Trabe. Pa ello van tar presentes la escritora xixonesa, Cristina Muñiz y la gozoniega “Moncha”.

“Epífora y outros rellatos” de Xosepe Vega ye una coleición de cuentos n’asturllionés que s’alcuentra a la venta dende’l día 30 de xunetu. Los rellatos combinen la descripción de lo cotidiano con una visión trescendente de la realidá que dacuando llenda no fantástico, según el propiu autor.

Xosepe Vega ye conocíu como escritor y articulista en dellos medios y pol so venceyamientu al colectivu “Facendera pola Llingua”, responsable a entamos de los noventa del arrinque de la reivindicación social de la llingua tradicional asturllionesa en Lleón.

El presente volume inclúi los siguientes rellatos: Epífora / Los desventuraos afanes del Ti Pucheros / La nogala / La Ponte de Santa Catalina / El llibru más bellu del mundu / La grieta.

La selmana pasada presentábase na Casa Conceyu de la ciudá, el “Diccionariu Toponímicu del Conceyu de Xixón”, la última obra de Ramón d’Andrés, ex Xefe de Política Llingüística d’Asturies, miembru de l’ALLA, filólogu, profesor y coordinador del Seminariu de Filoloxía Asturiana de la Universidá d’Uviéu, amás d’autor d’otres munches obres como’l Diccionariu Temáticu de la Llingua Asturiana o la Gramática Básica d’Asturiano. L’autor faló p’Asturnews de les característiques del llibru qu’espubliza l’Ayuntamientu de Xixón nuna edición en castellán, qu’inclúi un discu con estrés y la versión orixinal n’asturianu.

Ramón d’Andrés presenta güei na Casa Conceyu un llibru nel qu’esplica los 750 topónimos oficiales de Xixón

La playa de La Llada, asitiada en Santa María del Mar, va acueye güei, sábadu 26, y mañana domingu, de 12, a 19 hores, una esposición al aire llibre, de semeyes y versos organizada por Xuacu Álvarez en collaboración col Ayuntamientu de Castrillón. Los poemes son de Mª Esther García y les semeyes d’Ernesto García.

El grupu poéticu Encadenados, entama güei, vienres 25 de xunetu, un “alcuentru o xira poética” nel Cerru Santa Catalina, na rodiada de L’Eloxu del Horizonte de magar les ocho la tarde.

La organización convida los asistentes a llevar comida y bebida “pa pasar el ratu na llectura de poemes”, que va acompañase de veles.

Güei, miércoles 23 de xunetu a les nueve y media la nueche, la Editorial “Apenas Livros”, de Lisboa, va celebrar un recital poéticu na Biblioteca de São Domingos de Rana y dientro del ciclu “Noites com poemas” (Nueches con poemes). La editorial ta acabante espublizar el primer llibru de poemes en portugues, del escritor asturianu, investigador y miembru del RIDEA, Xosé Lluis Campal y por ello, esti va participar nel actu.

N’esti actu los protagonistes van ser el cientu de poetes qu’espublizaron con esti sellu portugués y Xosé Lluís Campal, qu’apocayá estrenóse espublizando en portugués con esta editorial, va participar del rectial ufiertando dellos peoemes tornaos al asturianu y al castellán de dalgunos autores hasta la fecha nun tornaos en dambes llingües, como Jorge Castro, João Barbosa, Manuel Filipe, Manuel de Castro, Dolar Buq, Nuno Rebocho y Pedro Proença.

Pal autor “ye un arguyu y un luxu que na capital portuguesa palpe un medrante interés pola llingua asturiana y la so espresión lliteraria” y mientres, sigue l’autor, “n’Asturies tovía tenemos que soportar obscenos intentos de decapitación de la mesma”.

Xosé Lluis Campal espubliza un poemariu en portugués cola editorial “Apenas Livros”

La Conseyería de Cultura tien abiertu’l plazu pa presentase a los premios lliterarios n’asturianu qu’entama cada añu y qu’esti añu conformen les siguientes ediciones: XXIX Premiu “Xosefa Xovellanos” de novela, XIV Premiu “Xuan María Acebal” de poesía, XIV Premiu “Máximo Fuertes Acevedo” d’ensayu y I Premiu “María Josefa Canellada” de lliteratura infantil/xuvenil.

Estos premios busquen, según diz la convocatoria “afitar, arriquecer y dar prestixu a la llingua y a la cultura asturianes, amás de dinamizar l’actividá cultural n’Asturies, sobre manera na creación lliteraria”.

Tolos premios tienen una dotación de 7.000 euros, nun siendo’l «María Josefa Canellada», que ye de 3.000 euros. El plazu de los concursos acaba nes cuatro categoríes l’1 de setiembre de 2008.

Bases completes de los premios

esti miércoles 23 de xunetu a les nueve y media la nueche, la Editorial “Apenas Livros”, de Lisboa, va celebrar un recital poéticu na Biblioteca de São Domingos de Rana y dientro del ciclu “Noites com poemas” (Nueches con poemes).

N’esti actu los protagonistes van ser el cientu de poetes qu’espublizaron con esti sellu portugués y Xosé Lluís Campal, qu’apocayá estrenóse espublizando en portugués con esta editorial, va participar del rectial ufiertando dellos peoemes tornaos al asturianu y al castellán de dalgunos autores hasta la fecha nun tornaos en dambes llingües, como Jorge Castro, João Barbosa, Manuel Filipe, Manuel de Castro, Dolar Buq, Nuno Rebocho y Pedro Proença.

Pal autor “ye un arguyu y un luxu que na capital portuguesa palpe un medrante interés pola llingua asturiana y la so espresión lliteraria” y mientres, sigue l’autor, “n’Asturies tovía tenemos que soportar obscenos intentos de decapitación de la mesma”.

Xa se poden mandar relatos al Premio Xeira de narracióis curtias, un certame lliterario que chega á súa XVIII edición como el único d’estas características en gallego-asturiano, a llingua propia del estremo occidental asturiano. Os participantes poden mandar as súas creacióis en prosa, por cuadruplicao col sistema de plica, al Asociación Cultural Xeira, apartao de correos n.º 5 da Caridá (El Franco). Pra máis información, pódese consultar a web del asociación (www.xeira.org).

A ganadora da edición anterior, premiada cos 500 euros del galardón, foi a escritora xixonesa Marisa López Diz, col relato «A fiya del xastre». A entrega del premio féxose na Casa da Cultura de Grandas de Salime el 12 d’abril pasao, nun acto unde tamén participaron en concerto el dúo Mestura y el grupu folk Mezá.

Entre os premiaos en edicióis anteriores, dende a primeira, que se convocóu en 1991, tán os nomes dos máis dos autores de llibros en gallego-asturiano dos últimos anos: escritores como Manolo Galano, Alejandro Antúñez, Fredo de Carbexe, Rafael Cascudo, Xaviel Vilareyo, María José Fraga ou Aurora García Rivas.

La editorial lleonesa “Llibros Filandón” va sacar al mercáu dos obres inédites del escritor lleonés Xosepe Vega: “Epífora y outros rellatos” y “Breve hestoria d’un gamusinu”. Entrambos llibros del autor de “Los desventuraos afanes del Ti Pucheros” y “El cascabelicu” (primer premiu nel “I Certame de Rellatos Curtios” convocáu pola asociación “La Caleya” y l’Ayuntamiento de Astorga) van ver la lluz a lo llargu d’esti branu y tán escritos na variante lleonesa del asturianu.

Xosepe Vega ye esctitor y miembru de la Facendera pola Llingua, organización lleonesa que trabaya pola promoción del asturlleonés na provincia de Lleón.