Lliteratura

Berto García ta acabante espublizar cola editorial Trabe, el so últimu poemariu, “Manual contra’l vaciu” que califica como “una guía pa cruciar esi ermu que, acuando y ensin decatanos, médranos delantre casa”. Berto García comenta que los sos poemes quieren “ser buelgues, pa nun perdese ente’l sable y los problemes; finxos, colos qu’allegase contra un futuru, nel que tentar d’aldovinar el presente suel ser davezu un llabor en baldre”. El poemariu algamó’l Premiu Fernán Coronas en 2007.

Tamién se defende na poética qu’acompanga al llbru que “Nesti poemariu, qu’aida a caminar ensin que’l vacíu s’apodere de quien llee, ensin que’l tiempu, que too lo puede, nos atope faltos de respuestes, o de llibertá, tán les manes que dibuxen les respuestes a los interrogantes fundamentales del ser humanu. Y fáenlo con versos certeros, dacuando tomaos pola pena, pero les más de les veces, abiertos a la esperanza”.

Berto García ñaz en Les Vegues (Corvera), en 1975. Ye autor d’otros dos oemarios na editorial Trabe: Ensin otra sida (2005) y Treslallende [xunto a Carlos Suari] (2007) y de bien d’obra espardío peles revistes lliteraries del país, como: El Canciu’l Cuélebre, Lletres Asturianes, Formientu o Entellunu.

La xornada de güei del VI Salón del Llibru Asturianu va protagonizala Xuan Xosé Sánchez Vicente cola presentación y firma de la so primer novela escrita en castellán “No miréis al mar”, asoleyada por Septem. L’actu va celebrase a les 19:30 hores.

Mañana martes, a les siete y media la tarde, Javier García Cellino va presentar “Círculos de tiza”, de la editorial Septem.

Beatriz Rato vuelve a abrir güei’l día col cuentacuentos. A la una la tarde, Alberto Álvarez Peña, etnógrafu y dibuxante, va lleer la conferencia “La mitoloxía asturiana” y va firmar dellos llibros de so asoleyaos pola editorial Picu Uriellu.

Yá pela tarde, y a partir de les 19:30, el cocineru Lluis Nel Estrada va dar la conferencia “Los quesos asturianos y el so papel na nuesa gastronomía”, firmando darréu dellos llibros de cocina de so. Dempués del actu y pa rematar el día va celebrase una preba de quesos asturianos y vinu de Cangas “Monasterio de Corias”, ufiertada por Coasa.

La sesta edición del Salón del Llibru Asturianu inaugurábase ayeri na cai Tomás y Valiente de Xixón y les actividaes entamen esta mesma mañana con un cuentacuentos a cargu de Beatriz Rato, a partir de les doce la mañana.

A la una la tarde Francisco Javier Fernández González va presentar los llibros “Asturias en imágenes: la imagen de nuestra tierra”, “Gijón en la mirada” y “Picos de Europa en la mirada”, asoleyaos pola editorial Picu Uriellu. Darréu va firmar exemplares a los asistentes.

Mañana domingu, Beatriz Rato vuelve a abrir el día col cuentacuentos. A la una la tarde, Alberto Álvarez Peña, etnógrafu y dibuxante, va lleer la conferencia “La mitoloxía asturiana” y va firmar dellos llibros de so asoleyaos pola editorial Picu Uriellu.

Yá pela tarde, y a partir de les 19:30, el cocineru Lluis Nel Estrada va dar la conferencia “Los quesos asturianos y el so papel na nuesa gastronomía”, firmando darréu dellos llibros de cocina de so. Dempués del actu y pa rematar el día va celebrase una preba de quesos asturianos y vinu de Cangas “Monasterio de Corias”, ufiertada por Coasa.

El llunes 25 va protagonizalu Xuan Xosé Sánchez Vicente cola presentación y firma de la so primer novela escrita en castellán “No miréis al mar”, asoleyada por Septem. L’actu va celebrase a les 19:30 hores.

El martes a les siete y media la tarde Javier García Cellino presentar “Círculos de tiza”, de la editorial Septem.

Cristina Muñiz, Azucena Álvarez, Isaac G. de l’Arada, Benxa Pérez, Chechu García ya Inaciu Galán, van presentar el llibru “¡Pa echar unes rises! Antoloxía de monólogu modernu”, coordináu y prologáu Galán. El llibru inclúi una esbilla de los meyores monólogos modernos xeneraos pol nuevu movimientu lliterariu que nos últimos años revitalizó’l xéneru, dende l’implusu de l’asociación Xareos!.

El xueves Esther García López va presentar “Faraguyas”, un llibru de haikus escritu pola escritora y académica valdesana y asoleyáu por Madú Ediciones.

El vienres 29, a les 19:30 hores Manolo Abad va presentar “Vasos Sucios En La Madrugada”, novela espublizada por Septem.

La última fin de selmana va venir protagonizada por presentaciones, firmes y recitales onde van participar autores como Miguel Rojo, Pablo Texón, David Rivas o José Luis Rendueles.

El Gremiu d’Editores d’Asturies, formáu por venticuatro editoriales asturianes, va inaugurar güei la VI edición del Salón del Llibru Asturianu, que como vien siendo vezu, va tar asitiada nuna carpa instalada na Francisco Tomás y Valiente, delantres de la Vieya Escuela Comerciu y xunto a la Plaza’l Parchís. Na inauguración, que va celebrase’l vienres a les siete y media la tarde, van asistir Consuelo Vega, directora xeneral de Cultura y Política Llingüística; Justo Vilabrille, conceyal de Cultura del Ayuntamientu de Xixón; y Pilar González Lafita, direutora de la Fundación Municipal de Cultura de Xixón y representantes de les editoriales asturianes.

La carpa va tar abierta hasta’l domingu 31 d’agostu. Díez díes nos que los horarios van ser de llunes a vienres, de 11 a 14 y de 17 a 21 hores, y sábados y domingos, de 11.30 a 14.30 y de 16.30 a 21.30 hores.

A lo llargo de los díez díes tán organizaes presentaciones y robles de llibros d’autores asturianos, como Lluis Nel Estrada, Alberto Álvarez Peña, Javier García Cellino, Xuan Xosé Sánchez Vicente, Esther García López, Inaciu Galán y González, Isaac G. de l’Arada, Chechu García, Cristina Muñiz, Azucena Fernández, Benxa Pérez, Miguel Rojo, Armando Murias, Aurora García Rivas y Aurelio González-Ovies, ente otros.

El xuráu nomáu pola asociación “La Regalina”, del conceyu de Valdés, falló esta selmana’l resultáu del certame de poesía “Fernán Coronas” que fai alcordanza del popular “Padre Galo”, escritor en llingua asturiana d’esti conceyu. El ganador resultó ser n’esti casu’l poeta de Siero Rubén d’Areñes col poemariu “Les páxines blanques”. El xuráu destacó la “regularidá coherente enllena de tenrura y señardá, asina como’l ritmu ellaboráu y léxicu” de los versos, nos qu’alcontró “una llinia intimista”.

Rubén d’Areñes tien espublizaos testos en revistes como Lletres Asturianes y Formientu. Apocayá espublizó’l so primer poemariu cola editorial Universos, “Los venticinco pasos”. Ye ganador de dellos premios como l’Elvira Castañón y Alfonso Camín, asina como’l Horreo de Carbayedo de microrrellatu, en dos ocasiones.

Dientro de les Fiestes de San Roque d’El Carbayeo, a facer n’Avilés del sábadu 22 al llunes 25 d’agostu del 2008, l’Asociación de Vecinos «El Hórreo del Carbayedo», en collaboración cola Estaya de la Llingua del Conceyu d’Avilés, entamó’l II Concursu de micro-rellatos «El Hórreo del Carbayedo». El xuráu premió n’esta ocasión a «La última voluntá» d’Elma Sánchez Vega, quedando finalistes José Ángel Gayol («Animalinos»), Héctor Pérez Iglesias («Vecín») y Luisa Méndez («Adicta a la pallabra escrita»).

El llunes, 25 d’agostu, los cuentos ganadores van lleelos contadores profesionales o los mesmos autores nel campu la fiesta parque d’El Carbayeo d’Avilés, a les 20:00 hores. A esi actu han asistir los ganadores, pa recoyer los premios.

El pasáu 28 de xunetu fallóse en La Felguera’l concursu de rellatos Art Nalón Lletres 2008, nes sos modalidaes en castellán y n’asturianu. Na modalidá d’asturianu’l premiu quedó ermu y na de castellán concedióse-y el gallardón al cuentu del escritor canariu Juan Andrés Herrera Perdomo, tituláu “Sal y escamas”; al empar qu’una mención especial al cuentu de l’arxentina María Elena Feversani “Un tango y una lágrima”.

El xuráu d’esta edición taba compuestu por Xosé Lluis Campal, Nieves Fernández Mateos, Fernando Fernández Tamargo y Javier Gª. cellino.

El pueblu de Cadavéu (Valdés) homenaxea otru añu más al so poeta más importante, Fernán Coronas, más conocíu pol alcuñu de “Padre Galo”. Dende esti miércoles, 6 d’agostu, hasta’l 13 d’esti mes, va celebrase la yá tradicional Selmana Cultural n’Alcordanza del poeta.

Ente les actividaes de la mesma, una conferencia, mañana a les seis de la tarde na casa natal del escritor, de Xosé “Ambás”. Al día dempués va facese públicu’l fallu del premiu de poesía “Fernán Coronas” que tolos años convoca la sociedá “La Regalina”.

El fancín cultural ‘El Espinete’ espublizó estos díes un nuevu númberu, el diecisiete d’esta revista que lleva editándose más d’11 años dende’l pueblu d’El Espín, en Navia, y tien por llingües vehiculares el gallego-asturianu y el castellán, asoleyando la obra d’autores n’eonaviegu, asturianu o castellán, según-y pete al mesmu.

Esti númberu nuevu recueye testos en castellán de Brik de Cruz (de Madrid), Pedro Gilthoniel (de L.luarca), Randy Montero (de Lugo, Galicia), Marta Carballo Velasco (de Xixón), Ana Vidal Suárez y Xurde P. Lejarza (dambos dos d’El Espín).

Esti númberu nuevu cuenta con ocho páxines y sigue, como ye vezu na publicación, el diseñu clásicu de los fancines. N’El Espinete tienen collaborao escritores y artistes d’orixe mui estremáu, cuntando nesta entrega con autores dende Chile, Galicia, Alemaña y dellos conceyos asturianos, como Xixón, Navia o Cuaña.