Lliteratura Nuevu llibru nasturianu de Gómez Ojea by asturnet 7 de xunetu, 2009 La reconocida escritora Carmen Gómez Ojea, ganadora del Premiu Nadal, ta acabante asoleyar un llibru ilustráu n’asturianu embaxo’l títulu “Arbolín”, una hestoria damistá ente una neña, Queti, y un árbol, Arbolín, que s’alcuentren nun parque. El llibru ta espublizáu por Pintar-Pintar, y sal en dos ediciones dixebraes, una nasturianu y otra en castellán. 7 de xunetu, 2009 0 FacebookTwitterPinterestEmail
Lliteratura Xosé Nel Riesgo ganal premiu Fernández Lema de rellatu curtiu by asturnet 6 de xunetu, 2009 La Fundación Fernández Lema ta acabante anunciar los ganadores de los sos Premios Internacionales de Rellatu Curtiu, con categoría en castellán y nasturianu. Nesta última Xosé Nel Riego resultó ganador de 3.500 euros por Regresu ensin fin. En castellán, lescritor madrilanu José Manuel Moreno consiguiól premiu de 7.000 euros por El Homicidio. Los premios lleven entregándose en L.luarca, dende lañu 1995 y son yá una de les convocatories más prestixaes de les que se celebren nAsturies. 6 de xunetu, 2009 0 FacebookTwitterPinterestEmail
Lliteratura Lluis Xabel Álvarez va presentar la so poesía completa nedición billingüe by asturnet 6 de xunetu, 2009 Lluis Xabel Álvarez Texuca, filósofu y cofundador de Conceyu Bable, va presentar la so poesía asturiana completa, nel Club de Prensa Asturiana dUviéu, un llibru colos testos orixinales nasturianu y en castellán, asoleyada pola editorial Palmar de Valencia, nedición de Josep Carles Lainz. Na presentación va participar lautor, el secretariu de lAcademia de la Llingua Asturiana, Roberto González-Quevedo; José Luis García Martín, profesor y críticu lliterariu y Consuelo Vega Díaz, escritora y directora xeneral de Política Llingüística. 6 de xunetu, 2009 0 FacebookTwitterPinterestEmail
Lliteratura Formientu presental so númberu cinco esta tarde nUviéu by asturnet 2 de xunetu, 2009 La editorial La Cruz de Grau y Xareos Xestión Cultural van presentar el númberu cinco de la revista Formientu, dempués dun percorríu que los llevo a presentala nAvilés y Grau. El Club de Prensa Asturiana de La Nueva España va recibir a partir de les 20:00 hores lactu, nel que van participar el director de la revista, Inaciu Galán y González; leditor, Cesar García Santiago y Laura Marcos, coordinadora del conseyu de redacción, amás de dellos de los autores quespublicen nesti númberu. Nel númberu cinco apaecen testos de Rubén Rey Menéndez, Javier Cubero de Vicente, Benxa Pérez, Héctor Pérez Iglesias, Inacio Rodríguez-Solar, Jorge Fernández García, Berto García, Laura Marcos Domínguez, Fran Melero Frantxu, Verónica Canel y Miquel Martí i Pol traducíu por Iván Cuevas. 2 de xunetu, 2009 0 FacebookTwitterPinterestEmail
Lliteratura José Luis Rendueles ganal XII Concursu de Cuentos pola Oficialidá del Asturianu by asturnet 30 de xunu, 2009 José Luis Rendueles Antón fízose col primer premiu nel Concursu de Cuentos pola Oficialidá del Asturianu, que convocal Conceyu Bimenes y questi añu llegó a la so duodécima edición. El primer premiu, dotáu con 800 euros, foi pa la so obra Atadures. Lautor yá ganare esti mesmu concursu nel añu 1999. El segundu premiu, dotáu con 500 euros, foi pal cuentu La viesca de la nieve gris, de Pablo Rodríguez Alonso, y Xosé Lluís Campal Fernández algamól tercer premiu, al que se-y apurren 350 euros, con La pantasmal pasáu. La entrega de premios va tener llugar na Casa la Cultura de Santuyano, de magar les 1945 hores, el prósimu vienres, día 3. Lactu, nel que va facese llectura pública del cuentu ganador y que va cuntar cola presencia de José Emilio González Aller, alcalde de Bimenes, va finar cola actuación del monologuista Carlos Alba, que va representar la so obra La matazuga. 30 de xunu, 2009 0 FacebookTwitterPinterestEmail
Lliteratura Valdés inauguról retratu de Nené Losada Rico colgáu na casa conceyu by asturnet 29 de xunu, 2009 La poeta Nené Losada Rico, finada apocayá, tien yá un retratu colgáu nel Salón de Plenos del Ayuntamientu de Valdés, xunto a los dotros fíos predilectos, Severo Ochoa, Gil Parrondo y Margarita Salas. El retratu ye obra del artista Álvaro Delgado y presentóse nun actu dhomenaxe cenciellu que se celebró cola presencia del alcalde Juan Fernández Pereiro esta fin de selmana. Nel actu lleó dos poemes en castellán y dos nasturianu de lautora, la escritora Esther García. 29 de xunu, 2009 0 FacebookTwitterPinterestEmail
Lliteratura Formientu preséntase na entrega premios del Concursu Cartes dAmor de Grau by asturnet 25 de xunu, 2009 El Foru de Creación y Llectura de la Biblioteca de Grau, lAsociación Cultural Valentín André, Ediciones La Cruz de Grau y Xareos! Xestión Cultural, organicen lactu de presentación del númberu cinco de la revista Formientu. Nel mesmu, van entregase los premios del IV Certame de Cartes dAmor San Valentín, que ganó esti añu Rubén Rey Menéndez, con “Carta a una condenada”. Lautor, que consiguió esti premiu dente les más de 500 cartes recibíes, participa taimen con un testu nel númberu últimu de Formientu. La Sala Polivalente de la Casa de Cultura de Grau va ser el llugar escoyíu pa entamar lactividá a partir de les ocho la tarde. 25 de xunu, 2009 0 FacebookTwitterPinterestEmail
Lliteratura Trabe asoleya una antoloxía billingüe de poesía asturiana actual by asturnet 24 de xunu, 2009 José Luis García Martín ta al cargu de la edición billingüe, en castellán y nasturianu, de Por partida doble. Poesía asturiana actual, una antoloxía que recueye la obra de diez poetes asturianos de güei (Esther Prieto, Antón García, Berta Piñán, Aurelio González Ovies, Xuan Bello, Pelayo Fueyo, Javier Almuzara, Martín López-Vega, Vanessa Gutiérrez y Sofía Castañón) que tenten de convertir lo local nuniversal y de da-y un tonu propiu a los grandes temes de siempre. Escriban nasturianu o en castellanu alitren por trescender particularismos, pero ensin perder lacentu personal nin desdexar la memoria colectiva y los repuelgos de la historia, comenten dende la editorial. La obra ufre, según lantologador diez maneres distintes de contemplar el mundu y daidar a cada llector a trazar el so propiu autorretratu. 24 de xunu, 2009 0 FacebookTwitterPinterestEmail
Lliteratura El Cafetón dAvilés recibe la presentación de Formientu 5 by asturnet 24 de xunu, 2009 El númberu 5 de Formientu va presentase güei miércoles, a les 20:00 hores, nel Cafetón dAvilés. Na presentación van participar dellos autores, amás del editor y el director de la revista. Nesti númberu apaecen Rubén Rey Menédez, Javier Cubero de Vicente, Benxa Pérez, Héctor Pérez Iglesias, Inacio Rodríguez-Solar, Jorge Fernández García, Berto García, Laura Marcos Domínguez, Fran Melero «Frantxu», Verónica Canel y Miquel Martí i Pol tornáu por Iván Cuevas. Mañana, la revista va presentase en Grau, a les 20:00 hores na Casa Cultura. 24 de xunu, 2009 0 FacebookTwitterPinterestEmail
Lliteratura L’escritor albanés Ismail Kadaré algama’l Príncipe d’Asturies by asturnet 24 de xunu, 2009 L’escritor albanés Ismail Kadaré algamó esti día’l Príncipe d’Asturies de les Lletres y amosó nun comunicáu unviáu a la Fundación que convoca’l premiu sentise fondamente honráu por recibir el premiu. Ñacíu en Gjirokastra (Albania) en 1936, ganó con 17 años un premiu de poesía en Tirana que-y valió l’autorización pa dir a Moscú a estudiar al institutu Gorki, del que lu espulsaron en 1961, pola rotura de rellaciones cola URSS. Narrador, ensayista y poeta, Ismaíl Kadaré ta consideráu ún de los grandes escritores europeos del sieglu XX. Al premiu Príncipe d’Asturies de Les Lletres presentáronse esti añu 31 candidatures de 25 nacionalidaes y ente los finalistes alcontrábense Cees Nooteboom, Antonio Tabucchi, Milán Kundera y Ian McEsan. El xuráu taba est vegada integráu por Víctor García de la Concha; Andrés Amorós; Luis María Anson; J. J. Armas Marcelo; Blanca Berasátegui; Pedro Casals; Juan Luis Cebrián; Antonio Colinas; Francisco Javier Fernández Vallina; Laura García Lorca; José Luis García Martín; Pilar García Mouton; Olvido García Valdés; Emilio González Ferrín; Manuel Llorente Manchado; Rosa Navarro Durán; Berta Piñán; Fernando R. Lafuente; Fernando Sánchez Dragó y Román Suárez Blanco. 24 de xunu, 2009 0 FacebookTwitterPinterestEmail