Fiestes

Santiso d’Abres acueyi l’Encontro esti domingu 2 de mayu. Nelli va tar representada la Cultura Tradicional de Transmisión Oral en cinco estayes: Oficios, Costumbres, Música, Xogos y Literatura Oral. Va celebrase na Plaza San Xuan, nel centru d’O Chao, y ellí, los asistentes van poder ver y entender el pasáu de la comarca rural, dende les 11 de la mañana a les 7 la tarde.

La presentación del Encontro va tar a cargu de Pepe el Ferreiro, y va cuntase, a lo llargo de tol día, cola música del grupu de gaites d’El Acebró d’A Caridá y de la Escuela de Música Tradicional Santiso del Eo, amás d’otros gaiteros.

La gastronomía va tar tamién presente nesta celebración. La xinta va celebrase a les dos del meudía, cuntando’l menú de 12 euros, con empanada, chorizu, xamón cocío, arroz con pitu corral, natilles ecolóxiques, pan y café.

Al traviés d’una páxina de la popular rede social facebook, cuasi 500 persones y coleutivos piden la supresión de la Fería d’Abril qu’entama’l Conceyu de Piloña. En poco más d’una selmana pasáronse de los 300 sofitos, que siguen creciendo día ente día, a la moción al Plenu Municipal presentada formalmente por Andecha Astur nel Conceyu de Piloña pidiendo:

1) La supresión, yá, de la Feria d’Abril de Sevilla en L’Infiestu.

2) Da-y la vuelta a la situación empecipiada convirtiendo al Conceyu de Piloña en capital d’asturianía sustituyendo la Feria d’Abril de Sevilla por una Feria de l’Asturianía y Festival Intercélticu.

Ente los múltiples y variaos sofitos percanciaos en pocos díes nesta rede social, destaca la presencia de distintos grupos y coleutivos musicales comoVinagre de Sidra, Skama la Rede, Banda Gaites de Corvera, Arma X, Patriband Folk Orllestra,.. y munchos músicos y musiques asturianos a títulu individual, asociaciones de deporte tradicional como espor[a], medios de comunicación como Buscolu.com o InfoAsturies.net, organizaciones polítiques, como la xuvenil Darréu, Fai!, amás de Andecha Astur, tamién artesanos, artístes, xente del ámbitu de los mercaos tradicionales, y en definitiva munches persones que quieren la supresión de la Feria d’Abril en L’Infiestu.

Páxina de la campaña en Facebook

Como cada primavera en Mieres del Camín, torna la folixa más moza del conceyu, que cumple nesta ocasión quince ediciones. Los actos entamen el vienres y van terminar el domingu 18, con una folixa que se concibe como un festival de música y cultura del Arcu Atlánticu, onde la música celta, con bandes folk de prestixu internacional, la gaita, la gastronomía asturiana y la sidra son la base d’una fin de selmana de diversión. Ente los grupos presentes los escoceses Session A9 y el músicu de Quebec ya Yves Lambert, acompañáu pola formación Le Bérbet Orchestra. Los grupos asturianos van ser Patriband Folk Orl.lestra de Mieres y Spanta la Xente de L.lena.

Les actividaes van entamar güei, viernes 16, nel escenariu del parque Xovellanos, onde van tar Session A9 y Patriband Folk. El sábadu 17 Mieres va sentir la música d’Yves Lambert & Le Bébert Orchestra y Spanta la Xente. Amás, y a lo llargo de tol festival, va cuntase con otres actividaes venceyaes a la cultura tradicional, como actuaciones de grupos folclóricos, teatru n’asturianu y deportes tradicionales. ASTURNEWS ufre’l programa completu calcando nel enllaz d’esta páxina.

Programa completu de la Folixa 2010

El programa de la Folixa na Primavera de Mieres, yá ye públicu. La folixa llega nesta ocasión a la so edición quince y ca celebrase ente los díes 16 y 18 d’abril. No que cinca a los artistes internacionales, va cuntar colo escoceses Session A9 y el músicu de Quebec, Yves Lambert, acompañáu pola formación Le Bérbet Orchestra. Los grupos asturianos van ser Patriband Folk Orl.lestra de Mieres y Spanta la Xente de L.lena.

Les actividaes van entamar el viernes 16, nel escenariu del parque Xovellanos, onde van tar Session A9 y Patriband Folk. El sábadu 17 Mieres va sentir la música d’Yves Lambert & Le Bébert Orchestra y Spanta la Xente. Amás, y a lo llargo de tol festival, va cuntase con otres actividaes venceyaes a la cultura tradicional, como actuaciones de grupos folclóricos, teatru n’asturianu y deportes tradicionales.

Esta fin de selmana, celébrase en conceyu L.lena’l VII Mercáu Tradicional de la Flor, qu’entama como tolos años la Xunta Cultural Rebelgu nel barriu de La Caleya.

Les actividaes entamen esti vienres día 9 cola entrega del premiu Internacional de la XLVII edición del Concursu de Cuentos de L.lena na Casa de Cultura de La Pola a les 19,30 y a les ocho la tardi cola representación de “La Trastᔠpola Compañía Asturiana de Comedias nel Teatru Vital Aza.

El sábadu 10, a les 11 hores de la mañana, seguirá la programación col entamu del mercáu d’artesania y l’actuación de la banda de gaites ‘Güestia’.A les 17 hores vendrán los xuegos tradicionales pa los guaḥes, pa darréu actuar el grupu de baille ‘La Flor de Xanzaina’. Y a les 18 hores, peles cais del mercáu, podrá sentise l’actuación de ‘Andecha Turcipié’. Darréu, a les 22 hores, vendrá una nuechi Astur’ colos grupos Spanta la Xente, Felpeyu y Skanda, acompangada de l’amosamientu de cerámica cocío, poniendo asina pieslle a la primer xornada.

La Flor va siguir el domingu, dende les 11 hores momentu nel que tornará otra vuelta’l mercáu d’artesania, repitiendo tamién los xuegos tradicionales y l’actuación de ‘La Flor de Xanzaina’. A les 19 hores llegará la tonada de la mano d’Anabel Santiago y Héctor Braga. Pondrá’l puntu final al Mercáu de la Flor, un conciertu de Bastards on Parade, Skontra y True Quedart, too ello a partires de les 22 hores.

El programa completu vieno acabante d’ufrilu ayeri la organización:

Vienres 9 d’ABRIL: 19:30 h.: ENTREGA DEL PREMIU INTERNACIONAL de la XLVII edición del CONCURSU de CUENTOS L.LENA/LENA. Casa de Cultura de La Pola (entrá llibre) 20:00 h.: “La Trastá”, Compañía Asturiana de Comedias, xéneru costumbrista Teatru Vital Aza (entrá 3 €, tolos públicos) TOLOS VIENRES DEL MES D’ABRIL (9, 16, 23 Y 30) IV AMUESA DE TEATRU AMATEUR “Principáu d’Asturies” FETEAS

12:30 h.: V MERCÁU TRADICIONAL LA FLOR DE L.LENA Organiza: Xunta Cultural Rebelgu – Collabora: Conceyu L.lena Dende bien temprano hasta la madrugá: música, chigre, ambientación, pasucais de gaites, un centenar d’artesanos: “ferriru”,” madreñiru”,.. VÍSTETE D’ASTURIANU Y VEN PA LA CALEYA Barriu de La Caleya (La Pola) 20:00 h.: Única actuación del Ballet del teatro de la Ópera Ucrania con el espectáculo “El gran ballet de los cuentos” Teatru Vital Aza (entrada 15 €, entresuelo 12 €) 23:00 h.: 1ª verbena coles orquestes ALTO STANDING / LA ORQUESTINA Entoldáu de la Plaza Alfonso X el Sabiu

12:30 h.: V MERCÁU TRADICIONAL LA FLOR DE L.LENA Organiza: Xunta Cultural Rebelgu – Collabora: Conceyu L.lena “Averáivos al mercáu y que vos preste dende pela mañana hasta la nuiche” Barriu de La Caleya (La Pola) 20:00 h.: “Oceanía”, Grupu de TeatruTandem Escena, Teatru Infantil Teatru Vital Aza (entrá gratuita, tolos públicos) 23:00 h.: 2ª verbena coles orquestes CASTING / LUIS Y SUS TECLADOS Entoldáu de la Plaza Alfonso X el Sabiu

9:00 h.: SUBÍA AL “PREU” LA FLOR Salía desde’l l.lar social (Plaza Rinconada de San Xuan) de la COFRADÍA, col clásicu “BUL.LU” y “BOTELLA VINO” Nota: Los bol.los van repatise’l llunes pela mañana nel Preu La Flor y na Plaza Rinconada de San Xuan, dende les 9 hasta la 1 la terdi. NEL PREU LA FLOR XXXVI CONCURSU D’EMPANAES y día del Ama de Casa Local. Promoción del traxe d’asturiana. Organiza: Asociación de Amas de Casa Ntra. Sra. De Covadonga 11:00 h.: Misa polos cofrades fallecios 12:00 h.: MISA CON PROCESIÓN Y PUXA DEL RAMU 13:00 h.: CANCIÓN ASTURIANA con A.I.C.A. EN LA POLA 19:00 h.: Última verbena cola participación de BRUJAS Entoldáu de la Plaza Alfonso X el Sabiu

EN TOLES FIESTES DE LA FLOR: Sala d’exposiciones Celso Granda (Casa de Cultura de La Pola): Del 1 al 15 d’abril, Exposición de pintura de Luz Marbella Urbina, vecina de Llena. Recintu ferial na Escuela del Pilar (díes 10 y 11 d’abril): Recintu ferial gratuitu pa nenos y nenes con hinchables, tren de la bruxa, cames elástiques, tiovivu… n’horariu de 11:00 a 14:00 y de 17:00 a 21:00 h.

Avilés celebra esta fin del selmana Les fiestes del Bollu, que lleguen en 2010 a la so edición 117. El sábadu 3 d’abril entamen los conciertos. A les 11 la nueche La Oreja de Van Gogh va llegar al centru deportivu El Quirinal, onde la entrada va ser de baldre hasta enllenar les 5.000 places del complexu.

La “Comida na cai”, que se celebra’l 5 d’abril, va ser como siempres l’actu central, con más de 20.000 persones. Yá pela nueche, va celebrase una Nueche Folk n’El Parche. Sedrá a partir de les ocho y cola presencia de Blima y Xera.

L’escritor avilesín Miguel Solís Santos va ser l’encargáu de dar llectura al pregón, que va ser esti añu n’asturianu, lo que destacó’l conceyal de Cultura avilesín, Román Antonio Álvarez “creo que va ser la segunda vegada que se diga n’asturianu, la primera foi nel tiempu’l franquismu”, afirmó.

Amás, nestos díes va celebrase la Feria d’Alfarería Tradicional Villa d’Avilés, con 14 alfareros, la Feria d’Oficios Tradicionales Asturianos, con una decena de profesionales, l’Amuesa de Tonada Asturiana, el Desfile de Carroces y Xarrés y l’Alcuentru Coral d’Habaneres.

El colectivu Sofitu entama esti sábadu, 27 de marzu, una xinta popular na que va poder xintase fabada y postres caseros, amás de bebese sidra, por diez euros. La idea d’esta xinta ye recuadar fondos “cola fín de siguir faciendo frente a gastos represivos”. P’apuntase namás ha pasase pel Centru Social Sestaferia o unviar un correu lletrónicu a sofitu@nodo50.org

Avilés prepara yá una de les fiestes más queríes polos sos ciudadanos: Les fiestes del Bollu, que lleguen en 2010 a la so edición 117. La “Comida na cai”, que se celebra’l 5 d’abril, va ser como siempres l’actu central, con más de 20.000 persones, pero les actividaes van entamar yá esti sábadu 27 de marzu, cola gala de Xanes y Xanines, que se celebrará nel Teatru Palacio Valdés.

Esi mesmu día, pela tarde, va celebrase’l sortéu pol que s’escueyen a les representantes de les fiestes, anque éstes, nun van llegar al so momentu más importante hasta la selmana que vien, el 3, 4 y 5 d’abril.

El sábadu 3 d’abril entamen los conciertos. A les 11 la nueche La Oreja de Van Gogh va llegar al centru deportivu El Quirinal, onde la entrada va ser de baldre hasta enllenar les 5.000 places del complexu.

El día grande, llunes 5 d’abril, va celebrase una Nueche Folk n’El Parche, a partir de les ocho y cola presencia de Blima y Xera. Amás, l’escritor avilesín Miguel Solís Santos va dar llectura al pregón, que va ser n’asturianu, lo que destacó’l conceyal de Cultura avilesín, Román Antonio Álvarez “creo que va ser la segunda vegada que se diga n’asturianu, la primera foi nel tiempu’l franquismu”, afirmó.

Amás, nestos díes va celebrase la Feria d’Alfarería Tradicional Villa d’Avilés, con 14 alfarero, la Feria d’Oficios Tradicionales Asturianos, con una decena de profesionales, l’Amuesa de Tonada Asturiana, el Desfile de Carroces y Xarrés y l’Alcuentru Coral d’Habaneres.

Bricia, en Posada de LLanes, abrió esti sábadu 23 de xineru coles Fiestes de La Paz el calendariu festivu llaniscu. La fiesta cuntó colos ingredientes que caractericen les celebraciones llanisques, con h.oguera, procesión de la virxen, l’actuación de la Banda de Gaites Xácara, los bailes de los mozos del llugar y la puya del Ramu, que fizo un añu más el vecín Felipe Villa.

La Paz ye una fiesta recuperada polos vecinos de Bricia va unos años y que cada xineru tien más participación de mozos vestíos de porruanes y moces vestíes col traxe llanisca.

La localidad de Bricia celebró esti sábadu’l día grande en honor a la Virxen de La Paz, pero la fiesta ya entamó la fin de selmana anterior cola plantación d’una h.oguera de más de 30 metros, enforma alta pa lo normal. El sábadu los vecinos de Bricia ficieron la tradicional procesión con tres ramos repletos de rosques y pan artesanu y cerca de 50 muyeres col traxe tradicional llaniscu d’aldeana y una docena d’homes col de Porruanu. Una procesión que llució como l’añu pasáu cola actuación de la Banda Gaites uvieina “Xácara” que sostituía a la “Reina del Truébanu” de añu pasáu y la Banda Gaites de Villaviciosa.

L’economista David M. Rivas va presentar esti miércoles, 20 de xineru, la so obra última, “Las fiestas asturianas nuevas formas y viejos ritos”, un llibru en castellán nel que l’autor maliayu percuerre los ritos festivos presentes n’Asturies, que según l’autor “presenten una gran diferencia en comparanza col restu de la península Ibérica, esistiendo una clara identidá colos cellebraos n’otros países de base celta, xermánica y escandinava”.

La presentación va celebrase en a les 20 hores nel Centru Asturianu de Madrid, allugáu na cai Farmacia 2, cola presencia del autor, y les intervenciones de los que fueren miembros hestóricos del Conceyu d’Asturies en Madrid, Antón Fuertes y Xosé María Rodríguez.