Fiestes La Pola Siero acueye un Mercáu Medieval by asturnet 21 d'abril, 2011 La Pola Siero celebra los díes 21, 22, 23 y 24 d’abril un mercáu d’artesanía nel Parque d’Alfonsu X El Sabiu de la capital sierense. La tema xira alredor de La vida y maxa nos nuesos montes”, coincidiendo cola declaración de 2011 como Añu Internacional de los Montes pola Xunta Xeneral de les Naciones Xuníes. La coordinación del mercáu cuerre al cargu de la Asociación Cultural L’Acebera, de Llugones, que consiguió axuntar 75 puestos d’artesanos de tol estáu, y diseñar una variada programación pa tolos públicos qu’inclúi talleres pa los neños, amuesa d’oficios tradicionales, esibición de cestería, xanes, trasgos, busgosos, música antigua y tradicional y folclor. L’eventu ta entamáu pola Fundación Municipal de Cultura del Conceyu de Siero y cunta col patrociniu de Caxastur. 21 d'abril, 2011 0 FacebookTwitterPinterestEmail
Fiestes Primer Sidre l’Añu: del 21 al 24 d’abril nel Muséu del Pueblu d’Asturies de Xixón by asturnet 15 d'abril, 2011 El Programa cuasi que definitivu de la Primer Sidre l’Añu ’11 a cellebrar del 21 al 24 d’abril nel Muséu del Pueblu d’Asturies de Xixón, ya tá disponible la web de la revista La Sidra. Los cuatro díes del festexu va haber sidre pa beber de más de 80 llagares. Por namás que 5 d’entrá. Na feria va haber tamién una Esposición dEtiquetes de Sidre. (M.Sidrastur), Del 14 dabril al 1 de mayu, Esposición de microrrellatos sidreros, Esposición del IV Concursu Semeyes LA SIDR, Webcams y animación tolos díes cola Bandina LA SIDRA y Pelayu Cuaya, Gaiteru Oficial LA SIDRA, amás de Xuegos y Esportes tradicionales. Programa de la Primer Sidre l’Añu na web de la revista 15 d'abril, 2011 0 FacebookTwitterPinterestEmail
Fiestes Mieres acueye esta fin de selmana la Folixa na Primavera by asturnet 5 d'abril, 2011 La Folixa na Primavera arrancarál vienres que vien, col pregón de la cantante Tina Gutiérrez a partir de laes ocho la tarde. Darréu, entregaráse a lartista Mariluz Cristóbal Caunedo el Premiu «Fini Suárez» a la investigación folclórica y van rompese delles pipes de sidra, repartiendo 10.000 llitros de baldre. Yá pela nueche van tocar «Macadamia», a les once la nueche, y «Corquiéu», a la una. El sábadu van tocar «Blima» y «La Col.lá Propinde». El domingu, día caberu, van tocar, a les 11 y media la mañana, los miembros del grupu folclóricu «Prau Llerón». 5 d'abril, 2011 0 FacebookTwitterPinterestEmail
Fiestes El chigre Queen Maeve celebra estos díes San Patriciu by asturnet 17 de marzu, 2011 El chigre avilesín Queen Maeve va sortiar esti xueves 17 regalos y Guinnes ente los veceros. Y el vienres 18, van cuntar con actuaciones de música irlandese en directu, al traviés de versiones de grupos como Pogues o Dublinners. El Queen Maeve ta na cai La Ferrería 4, dAvilés. 17 de marzu, 2011 0 FacebookTwitterPinterestEmail
Fiestes Xixón remata les fiestes d’Antroxu con desfile, música y entierru la sardina by asturnet 7 de marzu, 2011 L’Antroxu de Xixón sigue coles sos celebraciones. Güei, llunes 7, a les siete la tarde, celébrase’l XXIII Concursu de Xarrés, percoriendo l’Avenida la Costa dende la Plaza Toros a la Casa Rosada. Amás, a les diez de la nueche, Jerónimo Granda torna un añu más coles sos “Coples d’Antroxu”, nel escenariu del Paséu de Begoña. Una hora más tarde va ser el turnu de la orquesta “Alto Standing”, que va pone-y música a la nueche antroxera. L’entierru la sardina va tener llugar el martes, col cortexu fúnebre de magar les siete y media la tarde, encabezáu pola Banda de Música de Xixón, con plañideres y charangues acompañándola. Una tamboritada va pesllar l’actu a les ocho y media la tarde, enterrando a la sardina na Plaza’l Marqués, y echándola a la mar n’El Muelle. 7 de marzu, 2011 0 FacebookTwitterPinterestEmail
Fiestes Avilés allarga l’Antroxu hasta’l miércoles de ceniza by asturnet 7 de marzu, 2011 El llunes murgues, charangues y fanfarries percuerren la ciudá, celebrando’l desfile d’Antroxu, con xarrés y vecinos antroxaos, nun perorríu peles cais de la ciudá. El miércoles de Ceniza échase’l pieslle a les fiestes, col veloriu y entierru la sardina, onde con gran pena despídese’l antroxu hasta’l siguiente añu. Apúrrense-y los poderes al Príncipe del Goxu y la Faba, encargáu d’escoyer l’ambientación y entamar l’antroxu siguiente, quemándose la vieya. 7 de marzu, 2011 0 FacebookTwitterPinterestEmail
Fiestes Entamen les fiestes d’Antroxu cola celebración de Les Comadres by asturnet 3 de marzu, 2011 L’Antroxu enllena les cais d’Asturies estos díes. Güei munchos conceyos, n’especial la capital de Siero y Xixón acueyen la fiesta de Les Comadres, entamu de dellos díes onde les cais se llenen de color. Mañana vienres, 4 de marzu, en Xixón va facese la llectura del Pregón que va tener llugar a les 20 hores nel Paséu de Begoña, amenizáu un pocu enantes pola Banda de Música de Xixón. Tres el pregón, un pasacais compuestu por charangues llocales va escurrir hasta la Plaza’l Marqués, onde se va proceder, como cada añu, a antroxar la estatua de Pelayo. L’Antroxu xixonés d’esti añu cunta cola participación de 14 charangues y 36 xarrés a concursu. Como novedá, l’Antroxu estrena un Concursu d’Antroxaos, el sábadu 5 de marzu, sol suxerente títulu de “Los xixoneses na dómina de Xovellanos”. Los traxes tendrán de tener como referencia la indumentaria típica de la dómina na que vivió’l nuesu ilustráu. El concursu va tener llugar a les 21:30 hores nel Paséu de Begoña. Tamién como vien siendo tradición celebraráse’l domingu a les 12:30 hores el Desfile Infantil d’Antroxaos y a les 16:30 hores va dar empiezu nel Teatru Xovellanos el Concursu Infantil d’Antroxaos. El llunes 7, el Gran Desfile de Antroxu va rexuntar a miles de participantes percorriendo Xixón dende la plaza Toros, pasando per tola avenida de la Costa y rematando na plaza de L’Humedal. Dempués, la fiesta sigue a les 22:00 hores nel Paséu de Begoña al cargu de Jerónimo Granda y les sos Coples d’Antroxu y más tarde cola Orquesta Alto Standing. El broche final d’estes fiestes va ser el día 8, día nel que s’entierra a la Sardina. A les 17:00 hores, nel Paséu de Begoña va tener llugar el veloriu de la Sardina. El cortexu aciagu va ser a partir de les 19:00 hores y a les 20:45 hores faise l’entierru n’El Muelle. La Tamborrada Charanguera va ser la encargada de despidir esti Antroxu de 2011. 3 de marzu, 2011 0 FacebookTwitterPinterestEmail
Fiestes Uviéu organiza un concursu pola mor del Antroxu by asturnet 2 de marzu, 2011 El Conceyu d’Uviéu convoca un concursu nel que van poder participar cuantes persones lo deseen col únicu requisitu de rellenar la inscripción na Oficina Municipal de Turismu LEscorialín”, asitiáu na cai Marqués de Santa Cruz, hastal 10 de marzu. La entrega de los premios en metálicu va facese nes oficines de la SUF, na cai Ildefonso Sánchez del Ríu 8, 1uB, teniendo de presentar el resguardu de participación según la fotocopia del N.I.F. y o C.I.F. del ganador. Bases completes del concursu 2 de marzu, 2011 0 FacebookTwitterPinterestEmail
Fiestes Marcos F. Martínez ganal concursu de cartelos del Antroxu de Xixón by asturnet 31 de xineru, 2011 LAntroxu xixonés, Fiesta declarada d’Interés Turísticu Rexonal, yá tien cartelu ganador pa la edición de 2011, que se va celebrar nes xornaes que van del 4 al 8 de marzu, con actividaes como concursos de difraces, pasucáis, certame de charangues, entierru de la sardina… La imaxe ganadora ye obra del xixonés Marcos F. Martínez, conocíu nel mundu del diseñu col nomatu 3F3. Esti xixonés nacíu en xineru de 1975 gradúase nel 99 na Escuela d’Artes y Oficios d’Uviéu na especialidá de diseñu gráficu. Dende esi mesmu añu trabaya na empresa MBA como diseñador y dende 2003 tamién como fotógrafu de productu. 31 de xineru, 2011 0 FacebookTwitterPinterestEmail
Fiestes Últimos díes pa presentase al concursu de cartelos del Antroxu de Corvera by asturnet 31 de xineru, 2011 La Conceyalía de Cultura del Conceyu de Corvera y la Casa la Llingua, tienen abiertul plazu pa presentase al III Concursu de Cartelos Antroxu 2011. El cartelu ganador usaráse pa promocionar el programa d’actividaes que se desenrrollarán nesa fiesta. El premiu ye de 250 euros . Bases completes de la convocatoria 31 de xineru, 2011 0 FacebookTwitterPinterestEmail