Fiestes

L’escritor y dibuxante Miguel Solís Santos (Avilés, 1956) va ser el pregoneru de la XVIII Fiesta de la Oficialidá de la Llingua Asturiana de Bimenes, que se va cellebrar esti sábadu 5 de xunetu na capital del conceyu, Martimporra. El Conceyu Bimenes, magar les dificultaes económiques d’anguaño, presenta un programa d’actividaes bien completu qu’inclúi, amás del pregón y de la intervención institucional del Alcalde, actuaciones de grupos folklóricos, xinta popular, muestra de cuatriada, monologuismu y el tradicional conciertu nuecherniegu de música folk. La novedá d’esti añu ye la cellebración del I Concursu d’Escanciadores de Bimenes, puntuable pal campeonatu oficial d’Asturies.

Les actividaes de la xornada del sábadu cola intervención del alcalde, Alejandro Canteli, pa dar pasu a la llectura del pregón del escritor y dibuxante Miguel Solís, miembru correspondiente de l’Academia de la Llingua Asturiana y autor de ‘Les llamuergues doraes’, la primer novela contemporánea en llingua asturiana. Darréu, el Grupu Folklóricu Los Yerbatos baillará a les 12.45 hores la ‘Danza de la oficialidá’, pa depués entamar un pasucais xunto col Grupo Municipal-Folklórico Adeje, de Tenerife.

Si como paez, el tiempo va ser malu, les actividades desenvolveranse nel polideportivu del Colexu Públicu Martimporra, onde en tou casi los rupos folclóricos van ufrir una actuación a les 13.30 hores. Y a les 15 hores fadrase la xinta popular col menú tradicional compuestu por costielles, pitu y chorizos criollos, previa de la novedá principal de la fiesta d’esti añu: la celebración del I Concursu d’Escanciadores de Bimenes a les 17.30 hores. A les 19.30 hores, la Peña Bolística Rozaes va entamar una amuesa de cuatriada, y yá de nueche, a les 22 hores, Carlos Alba ‘Cellero’ va protagonizar el monólogu ‘El Pola: memories d’un kinki’. A les 23 hores, l’actuación musical del Ensame Astur Los Yerbatos y Palaes de Ron finarán la cornada.

Toes estes actividaes van desendolcase na xornada del sábadu, quedando pal domingu la final del XV Concursu de Gaita de Bimenes.

La investigadora mierense Pilar Fidalgo Pravia, vieno acabante facer un estudio de les estremaes variantes qu’hai del romance que se canta la noche de San Xuan y l’Ayuntamientu de Mieres edita la versión de 1885 de Dn Juan Menéndez Pidal. La hestoriadora mierense fai un completu repasu d’esi romance que sirve pa cantar mientres se fai la danza del país.

L’escritor y dibuxante Miguel Solís Santos (Avilés, 1956) va ser el pregoneru de la XVIII Fiesta de la Oficialidá de la Llingua Asturiana de Bimenes, que se va cellebrar esti añu nel sábadu 5 de xunetu na capital del conceyu, Martimporra. Solís Santos ye amás, ente otres munches coses, miembru correspondiente de l’Academia de la Llingua Asturiana y l’autor de “Les llamuergues doraes”, la primera novela contemporánea en llingua asturiana.

El Conceyu Bimenes, magar les dificultaes económiques d’anguaño, presenta un programa d’actividaes bien completu qu’inclúi, amás del pregón y de la intervención institucional del Alcalde, actuaciones de grupos folklóricos, xinta popular, muestra de cuatriada, monologuismu y el tradicional conciertu nuecherniegu de música folk. La novedá d’esti añu ye la cellebración del I Concursu d’Escanciadores de Bimenes, puntuable pal campeonatu oficial d’Asturies. Toes estes actividaes van desendolcase na xornada del sábadu, quedando pal domingu la final del XV Concursu de Gaita de Bimenes.

L’Ayuntamientu de Llangréu, en collaboración cola Asociación de Vecinos S. Antonio de Ciañu y les agrupaciones corales José León Delestal, Santa Apolonia, S. Andrés Sergio Domingo, Polifónica L’Entregu y Agrupación vocal Alfredo de la Roza organicen esta quinta fiesta de primavera que va tener llugar en Ciañu esti sábadu 31 de mayu y el domingu 1 de xunu.

La Romería presenta una montonera actos que, dende la mañana’l sábadu, van llevar folixa y cultura tradicional per tol distritu llangreanu de Ciañu. El sábadu a les 11:00 hores, el disparu morteros va anunciar l’empiezu de la V Romería de Primavera en Ciañu pa siguir cola inauguración y apertura 1er Mercáu Tradicional Romería de Primavera. A les 13:00 hores empieza’l V Certame Cantando pelos chigres cola entrega llibros de cantares y rondes pelos chigres de Ciañu colos coros y pareyes de gaita y tambor. Yá de tarde, a les 18:00 hores va tener llugar una sesión de canción asturiana y l’actuación de la Bandina Tradicional Valle del Nalón nel quioscu’l parque Rosario Felgueroso de Ciañu. La tarde’l sábadu va rematase con una actuación del grupu folk Degañans a les 19:30 horas.

Pal domingu, amás de siguir col Mercáu Tradicional de Primavera, a les 11:00 va haber diana floriada con gaita y tambor, desfile de xigantes y cabezudos y disparu de morteros. A les 12:30 hores va haber un conciertu de la Banda Música de Llangréu nel quioscu’l parque de Ciañu. Dempués, a les 13:30 va tener llugar la segunda parte del V Certame Cantando pelos chigres. Yá de tarde, a les 17:00h, el parque de Ciañu va ser escenariu d’actividaes pa tolos públicos: xuegos y deportes tradicionales, atracciones pa neños y neñes y actuaciones de bandines tradicionales y pareyes de gaita y tambor. A les 17:00 hores va tener llugar la V ROMERÍA DE PRIMAVERA cola actuación nel quioscu’l parque de los coros, canción asturiana, la Bandina Tradicional Valle del Nalón y el Colectivu Musica Tradicional y Baille L’Enguedeyu, too esto con escenariu llibre y pipa de sidra. Va poner el ramu a esta romería’l conciertu de Los Foolanos a les 19:00 hores nel quioscu’l parque Rosario Felgueroso de Ciañu. Demientres estos dos díes y hasta’l 27 de xunu, el Centru de Referencia de la Cultura y la Llingua Asturiana Casa de los Alberti va acoyer la esposición Ciañugrafía III, Ciañu n’imaxenes.

Al mesmu tiempu que se desenvuelve la espicha de l’Academia de la LLingua Asturiana, depués de la Manifestación pola Oficialidá y l’actu institucional de l’ALLA, l’Espaciu La Llegra entama nel CSOA La Madreña (Cai Xeneral Elorxa 32) el conciertu #AsturiesEnxamásVencida. Nel mesmu, van cuntar cola actuación de dos grupos folk, Vrienden y La Curruxa 2.0. El preciu d’entrada-sofitu ye de namái 3 euros.

Esti 9 de mayu conmemórase tamién l’entamu de los fechos revolucionarios que desembocaríen na declaración de la Xunta Xeneral como soberana, l’unvíu d’embaxadores asturianos a Inglaterra, la creación del Exércitu Defensivu Asturianu y l’apaición de la bandera d’Asturies na fecha emblemática del 25 de mayu de 1808.

El Muséu El Taller de Títeres ufre una visita especial d’Antroxu pa esti domingu 2 de marzu a les 17:30 hores. La d’esti domingu va ser una visita especial de Antroxu, na que les mázcares de la coleccióndel Muséu salen del almacén pa recibir al Sidru llegáu dende Valdesoto y esibise colos títeres del Muséu.

Van poder vese delles mázcares de distintes cultures, unes usaes en rituales, otres en dances, otres nel teatru… y, tamién, un montón títeres, teatrillos, recortables de papel, y munches coses más.

Una visita que, como dicen nel Muséu, va encantar a pequeños y va sosprender a mayores.

Entrada: 2,5 € Reserves: 985.724.234 – 686.125.880 www.museodetiteres.es Muséu El Taller de Títeres / Direición: La Cabaña, 51A – Siero / (Llocalización: )
Xeolocalización del Muséu

Esti vienres día 15, la seronda va ser la protagonista una vegada más nes actividaes del C.S. La Semiente, con un amagüestu, tradición viva entá anguaño y típica destes feche.. Esta tercer edición del Amagüestu de La Semiente tien dellos cambios coles ediciones anteriores. L’Amagüestu va ser a les 17:30h n’El Parque La Llaguna de L’Entregu (o na Plaza Abastos si lloviese). Empecipiará col espectaculu El “Loco Viaje Malabar” de El Ñeru Los Coríos y depués, van repartise castañes y sidra duce a los asistentes. Tamién va haber un mayu tradicional y un llagar, pa que los neños esfruten mayando y conozan un poco de la nuesa cultura tradicional y de onde vien un productu tan natural y tan nuesu como ye la sidra. Los mas pequeños, van poder pasalo pipa colos xuegos tradiconales que se van faer pa toos esllos..

El platu fuerte, El Conciertu Amagüestu, esta vez nun va ser nel Centru Social sinon que va faese a techu, nes istalaciones del Campu Futbol del Unión Deportivo El Corvero col fin de poder allargar la fiesta ensin problemes.

Va empecipiar a les 21 hores y nel conciertu va tar Helios Ruiz, trovamundos que ta estos díes de xira, mostrando les sos composiciones per tol estáu, 13 Palabras, veteranu grupu de Hip Hop, qu’anguañu presenten el so trabayu “Fraktal”, la bandina de música tradicional La Bandina del Matto Grosso, la batukada Matu Na Cai y el duo de comicos Teatroncho, que pondrán la parte de teatro y humor con algun de los sos “squetch. Aparte del conciertu va haber un escenariu abiertu nel que se va a entemecer, poesía, monologos y música.

Too esto nun sedría posible ensin la complicidá nin la collaboración de tolos artistes que van actuar desinteresadamente, l’Asociación Xuvenil Esperteyu de Siero qu’apurrió un monton de castañes y del U.D. El Corvero, que dexa parte de les sos instalaciones pa poder celebrar el Conciertu Amagüestu. La suma de too ello contribui a dinamizar la vida cultural del conceyu y a echar una mano na propia autogestión del Centro Social Autoxestionáu La Semiente.

Aparte de castañes y sidra… tamién se podrá esfrutar de les castañes acompañaes de Cerveza Caleya, una nueva forma d’esfrutar del amagüestu con una cerveza artesanal de calidá, producio por dos compañeros de La Semiente. Toles actividaes son gratuites y convidase a tol mundu a participa nel Centru Social La Semiente, C/ Eladio Jove, 6, L´Entregu (lasemientearrobahotmail.com).

Esti pasáu fin de selmana desendolcose en La Felguera una “Feria Andaluza” entamada pola Sociedá de Festexos “San Pedro” y que cuntó cola collaboración activa del Ayuntamientu de Llangréu y delles entidaes y empreses privaes escontra la que se manifiesta darréu Conceyu Abiertu por Llangréu por mor de la incoherencia cultural que presentara l’actividá.

Nuna nota de prensa asoleyada esta selmana, Conceyu abiertu diz que “l’eventu presentó un programa con munches actividaes que pretendíen averar a los llangreanos la realidá cultural d’Andalucia, al tiempu que trataba de dinamizar la zona de Llangréu Centru. Según los organizadores la feria foi un ésitu, anque la constante foi una irregular asistencia a la mesma, habiendo munches hores onde’l recintu tuvo cuasi vaciu. Dende Conceyu Abiertu por Llangréu yá refugamos nel so día esti tipu de cellebraciones, la última vegada en Sama esti mesmu añu”.

Les razones que lleven a la organización a refugar la cellebración d’esti tipu d’eventos flamenquistes en Llangréu son les que vienen darréu: – La utilización política ya ideolóxica de la cultura del Pueblu Andalú. Los poderes públicos lleven delles décades tratando d’afitar la cultura denomada “flamenca” o “andaluza” polos dellos países del Estáu Español col envís de manipular la cultura propia y crear una uniformidá na identidá de los pueblos artificial ya interesada. – La visión sesgada y simplaya que se da de la cultura ya identidá andaluza nestos eventos, lo que mos reafirma nel sen de que lo únicu que busquen cola promoción d’estes cellebraciones ye la sustitución de la identidá nacional asturiana por una identidá única, que representaría’l modelu cultural de la “nación española”. – L’arrequexamientu y progresivu desaniciu de la cultura, llingua ya identidá propia d’Asturies y Llangréu. Cada vuelta más les nueses señes propies queden relegaes a un segundu planu nes propuestes socioculturales que s’entamen nos conceyos del nuesu país. Un exemplu ye la decadencia na que sumieron a eventos como’l “Tolo d’Asturies” o la falta de drechos llingüísticos de les persones asturfalantes, munches vecines de nueso. – El más que posible espilfarru de perres públiques n’un eventu que nun revierte cuasi dineru nel nuesu conceyu. Pesie que dende la Sociedá de Festexos “San Pedro” falen d’ésitu al referise a la “Feria Andaluza”, son poques entidaes privaes les que van llevar los beneficios, si los hai. Amás, entendemos que la inversión pública del Ayuntamientu tien de destinase nestos momentos a otru tipos de coses, y nel casu de dir a ociu y cultura entendemos que podría apoyase a grupos musicales d’equí, actividaes venceyaes a la nuesa cultural, como amagüestos populares, etc. Asina, dende Conceyu Abiertu por Llangréu llamen a la Sociedá de Festexos “San Pedro” y al Ayuntamientu de Llangréu a “comprometese cola nuesa cultura y fuxir del flamenquismu, que nun supón más qu’aculturización pa Llangréu y Asturies. Tamién llamamos a la responsabilidá social d’estes entidaes, sabiendo percibir prioridaes n’un conceyu que cada vuelta más marxina la so cultura propia pero tamién el bientar de los sos vecinos”.

AMAGÜESTU Y MAYADA EN LLAGAR DE LLACÍN. SABADO, 26 DE OCTUBRE A LAS 19:30H.

La Asociación Cultural “Llacín” organiza un amagüestu especial, con una mayada incluyida, pa esti sábadu 26 d’Ochobre nel Muséu Etnográficu del Oriente d’Asturies.

Por mor d’ello pídese la collaboración de mayadores (neños y adultos), sina como l’aporte de comida pala espicha y un preciu de 10€ (palos mayores de 18años) pal pagu de manzana, sidra, vinu, agua y gaiteru.

La sidra que se faiga espicharase na fiesta del Llaciniegu 2014.

Teberga va convertise esta fin de selmana nun auténticu pobláu prehistóricu na cuarta edición de “Viaxa a la Prehistoria”, que se va celebrar esta fin de selmana, 12 y 13 d’ochobre. El programa, con actividaes pa tolos públicos, va dar empiezu’l sábadu 12 a les 12.00 hores, na Casa de Cultura de San Martín de Teberga, col Gran Pregón “Viaxa a la Prehistoria” a cargo de Cristian González, presentador del programa “La Guía Michigrín” de TPA. Tres del pregón, tamién en San Martín, va abrise’l Mercáu tradicional prehistóricu que va poder visitase mientres tou la fin de selmana.

El sábadu tamién se va celebrar el taller de moda y manualidades prehistóriques “Un camín distintu pa la moda” nel Llar del Xubiláu de San Martín de Teberga, de 12.30 a 14.00 y de 16.00 a 17.30 hores, una ocasión perfecta pa crear un disfraz de prehistóricu y participar nel concursu d’amarutes. Amás, de 12.30 a 14.00 hores, la señorita Rockola va ufiertar clases p’aprender a baillar al ritmu de les piedres en “¡Mira quién bailla na Prehistoria!”.

Yá pela tarde va haber pasacalles con animación de los participantes nel concursu d’amarutes, que va partir a les 17.30 h. dende la Oficina de Turismu en dirección a La Plaza. De siguío va celebrase el concursu d’amarutes en La Plaza y va faese entrega de los premios tantu del concursu d’amarutes como de troncomóviles y caracterización de los establecimientos de la zona.

El domingu 13, “Viaxa a la Prehistoria” va siguir a partir de les 12.00 h. col mercáu tradicional y col amagüestu prehistóricu, que se va celebrar nun monte tebergán hasta les 14.30 h. Hasta ellí podrá llegase en taxi prehistóricu con salíes dende’l mercáu en San Martín de Teberga.

Pela mañana, de 12.00 a 13.30 hores, los visitantes tamién van poder participar nel taller de moda y manualidades prehistóriques nel Llar del Xubiláu de San Martín de Teberga. Amás, demientres tola fin de selmana’l Parque de la Prehistoria de Teberga ufierta una visita-taller gratuita, “Tres los pasos del artista”, una ocasión pa conocer numberosos intereses sobre la vida cotidiana nel Paleolíticu. Esta actividá realizará’l sábadu a les 17.00 hores y el domingu a les 13.00 hores. Coles mesmes, podrá esfrutase d’una tarifa amenorgada na visita a la Cueva de Cueves.

Pela so parte, en Cueva Güerta realizarán percorríos tematizados con llámpares de cañamina a les 11.00, 12.00, 13.00, 16.00, 17.00 y 18.00 hores, siendo necesariu la so reserva previa con un día d’antelación nel teléfonu 666 557 630.