Escéniques

L’Asociación Cultural Mar de Niebla organiza’l I Festival de Cuentos pa Mozos de Xixón cola presencia de los cuntacuentos Félix Albo (Alacant), Cellero (Asturies), Cristina Verbena (Aragón) y Carles García (La Rioxa). El Festival va desenrrollase los díes 11, 12 y 13 d’esti mes y va cuntará con sesiones a lo llargo de tol conceyu.

El Muséu Barjola va cuntar con sesiones a les ocho la tarde, el xueves 11 con Félix Albo y Carles García; el vienres 12 con Cellero y Cristina Verbena; y el sábadu 13 con toos ellos xuntos.

El Café El Trisquel va cuntar con actuaciones a les once la nueche, el xueves y el vienres. Mientres que nel Café Dam va celebrase una actuación de Carles García esti vienres a les once la nueche.

El Campus d’El Milán acueyes les xornaea “El actor y su doble” que celebren la so quinta edición, organizaes por Teatro del Norte. Toles sesiones van desenrrollase nel Salón d’Actos de la Biblioteca “Emilio Alarcos Llorach” de 18 a 20 hores.

El 2 de payares Etelvino Vázquez, director de Teatro del Norte va falar de “Los principios del actor”. El miércoles 3, Cristina Samaniego, directora del Espacio Spiral de Santander va dar llectura a la conferencia “El lugar de donde no se vuelve”.

Dempués de cuasi una selmana de descansu, el llunes, 8 de payares, tornen les xornaes con “Anatomía de la risa” por Lucas Trapaza, del grupu La Destilería de Madrid.

El monologuista Carlos Alba “Cellero” estrena monólogu nuevu, “La ley del cuchu”, fechu, según cuenta l’autor, “partiendo d’una iniciativa de Soldepz Pachacuti pa que Cellero ficiera un monólogu defendiendo la madre tierra”. El monólgou amesta’l monologuismu cola memoria hestórica.

Los dos pases primeros van facese esti xueves 28 nel Café Trisquel de Xixón, de magar les 21:30 hores; y el vienres na Casa Cultura de Nava, a les ocho y media la tarde.

La IX Selmana de Teatru n’Asturianu de Carbayín acueye güei, vineres 15, a la compañía Rosario Trabanco, que va representar “Asilu por compasión”, a partir de les ocho y media la tarde. La obra foi Premiu Aurora 2010 al meyor actor y cunta la hestoria d’una muyer que manda nun asilu y que muerre de manera inesperada. La Guardia Civil acude a investigar y descubre que’l fallecimientu nun parez ser un fechu inesperáu.

El Teatru Xovellanos de Xixón va formar parte de la primer edición del circuitu artísticu Danza a Escena. La compañía gallega Neodans,dirixida por Maruxa Salas y Erick Jiménez, va presentar la so propuesta ‘Solodos’ nel teatru xixonés.

El proyectu ta impulsáu pol INAEM y foi desenvueltu pola Rede Española de Teatros, Auditorios, Circuitos y Festivales de titularidá pública en collaboración colos espacios escénicos acomuñaos. Danza a Escena va llevar a 34 espacios escénicos del estáu los espectáculos d’once compañíes de danza contemporanea, neoclásica, urbana y obres pa neños, ufiertando un total de 75 funciones.

Esta nueche, a les once, El Buda de Xixón va acoyer un monólogu del presentador de televisión y humorista Joaquín Pajarón, que se dio a conocer n’Asturies pol so trabayu nel programa “Terapia de grupo”, de la TPA.

El sábadu 9 d’ochobre a les 20:30 hores la Compañía de Marta Carrasco va poner n’escena’l so últimu trabayu coreográficu, “Dies Irae; nel Réquiem de Mozart”, nel Teatru Xovellanos. Esta creación d’una de les más reconocíes coreógrafes nel mundu de la danza contemporanea llega al ciclu Danca Xixón en recalando, ente otros, nel Festival de Seronda del pasáu añu en Madrid, en Fray, en Porto o nel Festival Grec de Barcelona.

“Dies Irae” ye’l llugar escénicu onde la lliturxa de la muerte tresfórmase en ceremonia profana, en desfile críticu de personaxes ya instituciones, de prédiques hipócrites: pecadores, pecaos, cleru corruptu, muyeres escaecíes pol Vaticanu, y un poder eclesiásticu que lloñe de lliberar procura la esclavitú. La coreógrafa catalana arródiase nesta ocasión de baillarinos, cantantes y actores que la so procedencia xeográfica axunta lo meyor de Madrid y Barcelona.

Esti xueves 7 d’ochobre, a les ocho y media, el Centru Polivalente de Carbayín (Siero) acueye l’actuación de la Compañía Asturiana de Comedies cola obra “El tratu de chiripa”, d’Arsenio González. L’actuación enmárcase dientro de la IX Selmana de Teatru n’Asturianu de Carbayín.

Güei,miércoles 6 d’ochobre, a les 20:30 hores la compañía xixonesa El Callejón del Gato va llevar al Xovellanos la so última propuesta teatral, “Senso”. Basada na narración curtia de Camilo Boito y espublizada en 1883 esta pieza lliteraria ta considerada una obra maestra de la novela curtia. Luchino Visconti popularizóla en 1954 al dirixila pal cine.

El Callejón del Gato ufierta una innovadora propuesta al considerar la música en directu como un elementu indisoluble de la puesta n’escena. Ésta va tar compuesta en vivu pol músicu y compositor asturianu Ramón Prada mientres los actores representen la obra, utilizando elementos sonoros de la mesma escena y material sonoro propiu.

Los próximos díes 2 y 3 d’ochobre la compañía de Danza, Ananda Dansa, inaugura’l cuartu trimestre de programación del Teatru Xovellanos. Esta compañía del País Valencianu presenta nel cosu xixonés dos espectáculos distintos de danza, unu d’ellos especialmente pensáu pal públicu infantil. El sábadu 2, a les 20:30h, entamen con “Alma”, un discursu escénicu nel que les emociones y les idees rebotan del escenariu a les butaques, de los intérpretes al públicu nun usu de la danza como llinguaxe primordial.

El domingu 3, a les 18:30h, los más pequeños van ser los protagonistes. Col escenariu convertíu nuna pista de circu y empuestos pol payasu llocu”, esmolecedor magu que bien pudiera convertir les sos vides nuna velea, pero qu’a la fin conviértse nun prestosu espectáculu definíu pola compañía como “Un viaxe nel tiempu escontra un pasáu recién nel que carpes y barracones, feries, fenómenos y freaks, amosaben la constelación de lo insólito, de lo fenomenal y lo maraviyoso”.