Emigración

Güei vienres va celebrase en Mallorca’l XVIII Alcuentru de cases y centros rexonales. Con motivu de la cellebración del “Día de les Illes Balears”, que ye fiesta autonómica, el Gobiernu de les Isles Baleares pon una carpa con stands pa cauna de les cases con presencia en Mallorca. Ellí van repartise de baldre productos asturianos y van axuntar tolos asturianos nes islles, qu’amás esti añu celébren los 200 años de la lliberación de Gaspar Melchor de Xovellanos del so encarcelamientu nel Castiellu de Bellver, polo que va repartise información en collaboración col Foru Xovellanos.

El programa va incluyir una actuación de la Banda de Gaites de Xixón, el sábadu 1 de marzu, a les 21:15 nel escenariu de la carpa del Alcuentru. Paseu Marítimu, delantre del Consolat de la Mar y al llau del “Bar Pesquero”. Amás dende’l vienres 29 y hasta’l domingu dos van repartise productos asturianos de baldre (sidra, bollos preñaos, quesu Cabrales….) nel Llar del Centru Asturiano de Mallorca (Stand Númberu 4).

La Conseyería de Presidencia destinará cerca d’un millón d’euros a subvencionar actividaes ya inversiones nos Centros Asturianos. Asna lo recueye’l Boletín Oficial del Principáu, qu’esplica les bases de la convocatoria y que’l plazu de presentación sedrá de 45 díes naturales. Van poder optar a estes ayudes les 72 entidaes que yá cuenten col Reconocimientu d’Asturianía.

Los 32 centros d’América, 31 dientro del Estáu, 6 d’Europa, 2 d’Asia y 1 n’Oceanía van poder pidir les ayudes pa la difusión ya impulsu de la cultura asturiana, pa lo que se destinen 398.700 euros y les inversiones n’equipamientos ya infraestructures en Centros Asturianos, con una dotación de 540.750 euros.

El 29 de febreru van celebrar el XVIII Alcuentru de cases y centros rexonales. Con motivu de la cellebración del “Día de les Illes Balears”, que ye fiesta autonómica, el Gobiernu de les Isles Baleares pon una carpa con stands pa cauna de les cases con presencia en Mallorca. Ellí van repartise de baldre productos asturianos y van axuntar tolos asturianos nes islles, qu’amás esti añu celébren los 200 años de la lliberación de Gaspar Melchor de Xovellanos del so encarcelamientu nel Castiellu de Bellver, polo que va repartise información en collaboración col Foru Xovellanos.

El programa va incluyir una actuación de la Banda de Gaites de Xixón, el sábadu 1 de marzu, a les 21:15 nel escenariu de la carpa del Alcuentru. Paseu Marítimu, delantre del Consolat de la Mar y al llau del “Bar Pesquero”. Amás dende’l vienres 29 y hasta’l domingu dos van repartise productos asturianos de baldre (sidra, bollos preñaos, quesu Cabrales….) nel Llar del Centru Asturiano de Mallorca (Stand Númberu 4).

El presidente del Conseyu de Comunidaes Asturianes, Manuel Fernández de la Cera ta acabante de recibir la noticia, ye ún de los galardonaos coles tradicionales “Mazanes d’oru” del Centru Asturianu de Madrid. La entidá asturmadrilana entrega estos premios “p’agradecer a persones, asociaciones ya instituciones pol so llabor en defensa y promoción de los valores asturianos fuera d’Asturies”.

Otros de los galardonaos colos premios de la entidá fueron el presidente del Tribunal de Cuentes, Manuel Núñez, y l’actriz Mary Paz Pondal. El Centru Asturianu de Madrid fizo pública la concesión de los sos galardones añales correspondientes a 2007 nuna rueda de prensa na que la “Especial Mención Honorífica” foi pal mentáu asturianu.

El colectivu Asturianos en Madrid xunto con Asturianos en Bruseles, Asturianos en Londres y Asturianos nos Estaos Uníos, presentó ayeri la web asturianos.as. Esti nuevu instrumentu de comunicación pretende selo de la bayurosa comunidá asturiana que ta afincada nel esterior. El portal, de cuarta xeneración ya implementáu con tecnolóxia 2.0 cunta con espaciu pa foros, chat, servicio de correu web ya información bien amañosa pa tolos emigrantes.

El Plenu de la Xunta Xeneral del Principáu aprobó esta selmana pasada una proposición de Llei sobre l’asturianía nel esterior presentada pol grupu parlamentariu d’IX-BA-LV gracies a los votos a favor del grupu parlamentariu del PP. La decisión de los ‘populares’ foi criticada pol grupu socialista, qu’aseguró non entender cómo apoyaron la proposición dempués de “machacala” nel turnu de fixación de posiciones. El diputáu d’IX-BA-LV, Francisco Javier García Valledor, foi l’encargáu de defender la proposición de llei que tien un “oxetivu claru: saldar la deuda colos emigrantes asturianos nel esterior”. Asina, Valledor indicó que la emigración asturiana ye nesti momentu una realidá complexa que requier solidaridá y exixe esfuercios y recursos pa que dea bonos frutos.

Dende IX-BA-LV xustifiquen la necesidá de la llei pa poder facer que participe la xente del esterior nel puxu social que sufrió la rexón nos últimos años, dando respuesta a la nueva realidá de la inmigración asturiana y superando dalgunes llendes que quedaron espeyaes na actual llei de reconocencia de l’asturianía. Una llei que gúei “quedó desfasada”.

La nueva norma propuesta pola coalición establez la condición d’asturianos nel esterior; define los sos derechos -ente ellos velar porque los asturianos residentes nel esterior pueda facer efectivos los sos derechos reconocíos nel Estatutu d’Autonomía–; impulsar les midíes necesaries pa la torna de los emigrantes y recueye otres “importantes midíes” como l’entamu de midíes p’acceder a una vivienda digna a los que vuelvan, o’l fomentu del accesu al emplegu, ente otres. “Trátase en definitiva de saldar una deuda histórica, Asturies nun se pue entender sin los sos emigrantes y el papel que xugaron, por eso pensamos que ye imprescindible reformar la llei vixente y avanzar na aprobación d’una meyor que reconoza los derechos que los asturianos que viven nel Principáu a los que viven fuera”, dixo Valledor.

A partir de les 19.30 hores nel Club Prensa Asturiana d’Uvieu, la llicenciada en Derechu y axente d’igualdá d’oportunidaes ente homes y muyeres nel Ayuntamientu de Mieres, Elena Inmaculada Lomba va pronunciar una conferencia ambaxo’l nome “La emigración femenina n’Asturies”. Nel actu, organizáu pola Fundación Cauce, tamien va intervenir Paloma Gómez Posada

Los asturianos residentes en Madrid van celebrar esti vienres la edición númberu 61 de al SidroQuedada o Ruta Sidrera per Madrid. Lo que pa los organizadores “ye la celebración asturiana con mayor ésitu na capital del estáu”. Una cita qu’inaugura la temporada en vienres con una nueva sala polivalente onde hasta 300 persones van poder disfrutar n’esclusiva de la sidra y los manxares ástures en Madrid.

La espicha va celebrase na Sala MeliMelo (cai Fernando’l Católicu 18) onde vuelve a la carga la SidroQuedada, agora cambiando de los xueves a vienres. Una cita onde hasta 300 usuarios del Portal Sidreru Asturianu van poder aconceyar pa tomar unos culetes “de la meyor sidra” del Llagar Trabanco de Xixón.

Desnde va unos meses, los últimos vienres de cada mes, tienen un claru matiz asturianu cola “folixa SidroQuedera” por escelencia na capital. Esta va ser la edición númberu 61 del eventu que dende finales del añu 2002 y de forma mensual, se lleva faciendo na capital estatal. L’actu cuenta cola collaboración de la firma Crivencar, Eolo Innova y la Fundación de Turismu de la Comarca la Sidra.

Web organizadora de les SidroQuedaes

El diputáu d’IU-BA-LV, Francisco Javier García Valledor, anunció esti vienres que’l so grupu parlamentariu va proponer na Xunta Xeneral l’actualización de la Llei d’Asturianía pa reconocer “la delda d’Asturias cola so xente del esternu”. La propoisición de Llei de Valledor quier reconocer los drechos sociales de los asturianos emigraos.

L’ex-conseyeru de Xusticia manifestó que trescurrieron “más de venti años del vixente marcu llegal” y apuntó la necesidad de que se puean “actualizar les normatives pa adaptales a les necesidaes riales y a les reivindicaciones plantegaes polos asturianos del exterior”. Tamién ye necesaria pa Valledor, “la creación de instrumentos para interrelacionar la emigración asturiana histórica cola nueva emigración, principalmente xuvenil”, faciendo alusión al xorrecimientu d’Asociaciones al estilu d’Asturianos en Madrid (ASMA) en capitales como Bruxeles o Londres.

Valledor destacó tamién la necesidá de garantizar pala emigración el Salariu Social Básicu, la cobertura residencial a los emigrantes mayores y l’accesu a la vivienda, nel casu de los retornaos. Nel casu de los emigrantes que sigan nos sos países d’acoyida, atalanta necesario sofitar programes d’ayuda económica a persones en situación d’emerxencia, cobertura sanitaria, places en residencies pa mayores y atención a les persones con discapacidaes. Cola proposición de Llei que fai IU-BA-LV crease la figura del “asturianu o asturiana d’adopción” que ye una de les “principales demandes de los centros asturianos latinoamericanos que ven na xente non asturiana de los llugares onde s’alcuentren allugaos la única oportunidá de caltener nel futuru viva la asturianía nunos territorios que ya nun reciben emigrantes”.

La primer promoción de becarios del programa d’ayudes ALAS, empobináu a universitarios americanos descendientes d’emigrantes asturianos, pusó ayeri puntu y final a la so estancia n’Asturies y a la so esperiencia universitaria nel Principado. Nun actu cellebráu na sala de prensa del Edificiu Hestóricu de la Universidá d’Uvieu, los alumnos que se beneficiaron nesta primer vegada de los sofitos del programa ALAS quisieron mostrar la so gratitud hacia los responsables del programa, a l’Universidá y al Gobiernu del Principáu d’Asturies, sobre manera a l’Axencia d’Emigración.

Seis de los siete alumnos que formaron la primer fornada d’estudiantes d’esti programa pioneru nel ámbitu de la educación participaron nel actu de despedida xunto col rector Juan Vazquez, el Vicerrector de Rellaciones Internacionales de l’Universidad, Francisco Javier Mato, el Conseyeru de Xusticia, Seguridá Pública y Rellaciones Esteriores, Francisco Javier García Valledor, la Conseyera de Cultura, Ana Rosa Migoya, el Director de l’Axencia Asturiana d’Emigración, Luis Miguel Fernández Romero, y la Directora del Institutu Asturianu de la Xuventú, Carmen Barrera.

El rector de la Universidad d’Uvieu, Juan Vazquez sorayó durante la so intervención, que proyectos como’l programa ALAS constituyen unes de les meyores polítiques que se puen facer por Asturies y pidio-yos a los estudiantes participantes “qu’actuen como difusores y embaxadores de l’Universidá d’Uvieu nos sos países d’orixen”. Vazquez quiso agradecer al Gobiernu del Principáu les facilidaes que yos prestaron en tou momentu para poder sacar alantre’l proyectu y confíó en que “la segunda edición d’esti programa cuente con mayor difusión y un mayor númberu d’estudiantes”.

Valledor pola so parte, admitió que nestos cuatro años de trabayu cola emigración deprendió lo que ye querer a Asturies pese a la distancia y el vraeru significáu de la señaldá. El Conseyeru de Xusticia, anguaño en funciones tamien quiso espresar la so satisfacción pol esitu del prgrama ALAS ya que yera un de los oxetivos que’l so partíu había marcao al entamu de la llexisllatura.

L’actu sirvió pa presentar la nueva convocatoria de sofitos del programa pal cursu 2007-2008. Pa esta nueva edición, el vicerector de Rellaciones Internacionales de l’Universidá, Francisco Javier Mato anunció importantes novedaes ya que la estancia de los estudiantes nun se va llimitar a un cuatrimestre sino a un cursu lectivu completu. Por otra parte van ufiertase 10 ayudes de 2000 euros pa gastos de viaxe con estancia gratuita na residencia “Ramón Menendez Pidal” d’Uvieu, y cinco ayudes para viaxe y manutención de 3500 euros.

A estos sofitos, cuyu plazu pa presentar la solicitud fina’l prósimu 20 de Xunu, van poder optar todos aquellos solicitantes que sían descendientes d’emigrantes asturianos y que estudien nuna universidá americana con voluntá d’amestase al protocolu de collaboración del Principáu d’Asturies y l’Universidá d’Uvieu.