Emigración

El conseyeru de Xusticia y Esteriores del Principáu, Francisco José García Valledor y el presidente de la Federación d’Agrupaciones de Folklore Asturianu (FAFA), Ángel Herrera van firmar mañana un conveniu pal fomentu de la música y el baile tradicionales ente la emigración.

El documentu que va llevar la firma tamién del director de l’Axencia Asturiana d’Emigración, Luis Miguel Fernández Romero, quier valir pa ufiertar pontes de colaboración, apoyu y hermanamientu ente les agrupaciones folklóriques de l’Asturies interior y l’Asturies exterior.

La Conseyería d’Esteriores lleva a cabu dende la entrada en vigor del Plan Xeneral d’Emigración diversos programes de fomentu de la cultura asturiana ente les comunidaes d’emigrantes. Agora con esti conveniu ente l’administración autonómica y la Federación d’Agrupaciones de Folklore Asturianu va materializase una política de colaboración directa coles asociaciones dedicaes a la nuestra música y baile tradicionaels.

L’Axencia Asturiana d’Emigración recibe esta tarde la Madreña de Bronce del Centru Asturianu de Sevilla y la Cámara de Comercio de Xixón. Xunto a l’Axencia va distinguise tamién al diariu La Nueva España col galardón Memorial Joaquín Álvarez.

L’actu va entamase a les 18,00 hores na Sala Mirador del Palaciu de Congresos de la Feria de Muestres de Xixón.

La nueva realidá de la emigración asturiana nel esterior y les diferentes situaciones que viven los residentes n’Europa o n’América son los motivos polos que’l Gobiernu del Principáu quier camudar l’actual Llei d’Asturianía. El III Congresu de les comunidaes asturianes nel esterior va ser el marcu pa plantegar los cambios na lexislación d’anguaño.

El Conseyeru de Xusticia y Esteriores Francisco José García Valledor anunciò que la Llei d’Asturianía tien d’adaptase a les distintes realidaes que viven los emigrantes por mor de los sos llugares de residencia, por situación económica o estremaes edaes. Nesi sen Valledor consideró necesario reformar l’actual lexislación tocante a los asturianos rsidentes nel esterior. El Conseyeru afirmó que los emigrantes constitúin “un capital social inestimable pa construir Asturies como país”.

La Federación Internacional de Centros Asturianos (FICA) entréga-y esti viernes 5 a la Fundaciòn Príncipe d’Asturies el so Premiu Carabela, concedíu na última asamblea xeneral d’esti organismu en 2004. Col galardón quier reconocese la proyección internacional de la institución asturiana y la so contribución al patrimoniu cultural de la humanidá.

L’actu va celebras a les 13.30 nel Archivu d’Indianos de Colombres y va ser el director de la Fundación l’encargáu de recoyer el premiu concedíu polos centros asturianos de tol mundu. La candidatura de la Fundación Príncipe de Asturias propúnxola a la última asamblea de la FICA, el presidente de la federación, José Luis Casas Villanueva, col oxetivu de disntinguir el llabor de la Fundación nel añu en que se cumple el so XXV aniversariu.

El martes 9 d’agostu a les 19 hores, nel Auditoriu de la FIDMA de Xixón tendrá llugar la entrega de los “Urogallos de Bronce 2004”, nun actu que tará presidíu polos Presidentes de FIDMA y del Centru Asturianu de Madrid.

Carlos Menéndez Jeannot sedrá l’encargáu de presentar esti actu nel que van recibir el nomáu urugallu del Centru Asturianu madrilanu los profesionales y coleutivos que vienen darréu nes estremaes categoríes del premiu.

N’Artesanía, Maximino Rubio Rodríguez (madreñeru); en Baille, el Grupu Pleamar d’Avilés; en Tonada, María Sánchez Blanco “La Pastora del Cares”; en Mases Corales, l’Ochote Langreano; na Gaita, Flavio Rodríguez Benito; en Gastronomía, el Restaurante L´Alezna; en Festeyos, l’Ecce Homo (Noreña); en Bable, Pablo Manzano; en Defensa de la Ñatura, Cogersa; como Personaxe Popular, José Navieras Escanlar; y como Urogallos Especiales, Vicente Díaz, Marcelino Fernández Zapico “Tarín” y Pipo Prendes. L’actu pesllará con breves actuaciones de dalgunos de los premiaos.

El miércoles 10 a les 20 hores en Palaciu de Revillaxixeu (Xixón)ta prevista la entrega del “urogallu Especial con mención honorífica” a la Camerata Revillaxixeu, que preside D. Vicente Trelles. Va facer la presentación d’esti actu D. Ramón García Avello, Catedráticu d’Arte y críticu de música del diariu“El Comercio” de Xixón y ta prevista l’actuación d’un grupu d’esta Camerata.

L’Archivu d’Indianos en Colombres acoyerá dellos actos esta selmana que tienen a la emigración asturiana como protagonista y más concretamente a la FICA (Federación Internacional de Centros Asturianos)que va tener ellí la so Asamblea Xeneral.

El xueves 4 a les 20 hores entamarán nel Archivu d’Indianos de Colombres (Asturies) esos actos cola entrega del títulu“Entidá Asturiana del Añu” a la Fundación Archivu d’Indianos. Un actu del que va facer la presentación, Mari Cruz Morales Saro, Catedrática d’Arte y miembru del Patronatu d’esa fundación.

Pero l’actu cimeru de los que van desenvolvese esta fin de selmana en Colombres va ser el vienres 5 a les 10,30 hores cuando entame la Asamblea Xeneral de la FICA (Federación Internacional de Centros Asturianos). Esi mesmu día, ta prevista tamién la entrega de la “Carabela de Plata” de la FICA a la Fundación “Príncipe d’Asturies”

El Conseyeru de Xusticia, Francisco Javier García Valledor, clausuró’l primer Cursu de la Segunda Edición de la Escuela d’Asturianía, xunta los responsables d’esta Escuela y los del Conseyu de Comunidaes ayeri, xueves 28 de xunetu a les 19.30 hores nel Teatru Filarmónica. Amás del Conseyeru, nel actu intervinieron Mª Jose Ramos Rubiera, Conseyera de la Presidencia, y Manuel Fernández de la Cera, Presidente del Conseyu de Comunidaes Asturianes.

Nel so discursu, Valledor destacó qu’esta escuela ‘facilita la participación y la so vinculación con Asturies de los descendientes de la emigración, que ye un de los oxetivos de l’aicción del gobiernu pa los prósimos años, considerando qu’hai un importante númberu d’asturianos y asturianes nacíos fuera d’Asturies que representen un autenticu capital social pa la nuestra comunidá, que de nenguna manera podemos obviar’, asina como tamien ‘val d’elementu d’apoyu a les manifestaciones de cultura asturiana que s’entamen fuera d’Asturies, tanto les nueves manifestaciones artístiques, como aquelles otres más tradicionales dientro l’acerbu cultural asturianu, y esto tien de considerase un elementu trescendental pal desarrollu de la nuestra Comunidá y tamien na so proyección esterior.’ Reconociendo que ‘diba ser imposible entender la cultura asturiana ensin l’aportación que se fizo a ella dende l’esterior y, güei, esa aportación sigue siendo indispensable’.Ver video(QuickTime),
Nel actu de clausura d’esta segunda promoción del primer cursu, amás de facese entrega de los diplomes Ver video, alumnos y profesores dieron un conciertu que tuvo compuestu de les siguientes actuaciones:

Les bandes de gaites fixeron una marcha procesional de Belmonte de Miranda. La música de la marcha yera tradicional con igües de Antolín de la Fuente. Y a continuación, tocaron ‘Muñeira de Bual’, tradicional tamien, con igües de Flavio Rodríguez Benito. Colos bailes a lo suelto ‘La Donzaina’ (L.larón – Cangas del Narcea) y la ‘Jota d’un puntu’ (Tineu – Valdes), dióse pasu a la actuación del gaiteru Ramón Sobero Romo, de Mexico, que tocó ‘Si la nieve resbala’.
La siguiente de les apaiciones fue pa cantar les tradicionales ‘La Florentina’ (Inverniegu – Valdes) y el ‘Ramu de Xiyón’ (Cangas del Narcea). Otros de los bailes que se danzaron foron ‘La Saldiguera’ (L.larón – Cangas del Narcea) y la ‘Muñeira nel Occidente’ (Ibias), enantes de l’actuación del gaiteru Víctor Apariocio Sáez, d’Alcobendas, que pertenez al Respingu.
Tres d’el, el conxuntu instrumental interpretó la ‘Muñeira Llibardón’ y l’área vocal fixo lo propio con ‘La neña que ye pa mi’ (Cancionero de Torner) y ‘Mocina, dame un besín’, d’Antolín de la Fuente.
Los componentes del conxuntu Vocal – Instrumental yeren:
Autor: Eduardo Martínez Torner
Armonización: Vicente J. Sánchez García
Tecláu: miriam Diana SAvino Fernández (Mar del Plata – Argentina)
Solista Voz: Diana De Cleene Ruiz (Rosario – Argentina)
Gaites: Flavio Rodríguez Benito y Jose M.Fdez. ‘Guti’
Percusión: Fernando M. de la Puente Hevia, Pedro Pangua Rivas y grupu d’alumnos.
Coru: Grupu d’alumnos
Director: Vicente J. Sánchez García

Como pieslle del actu, tolos asistentes cantaron xuntos l’Asturies, Patria Querida.

El Conseyeru de Xusticia, Francisco Javier García Valledor, clausuró’l primer Cursu de la Segunda Edición de la Escuela d’Asturianía, xunta los responsables d’esta Escuela y los del Conseyu de Comunidaes ayeri, xueves 28 de xunetu a les 19.30 hores nel Teatru Filarmónica. Amás del Conseyeru, nel actu intervinieron Mª Jose Ramos Rubiera, Conseyera de la Presidencia, y Manuel Fernández de la Cera, Presidente del Conseyu de Comunidaes Asturianes.
Esti programa, que tuvo la so primer promoción ente los años 2002 y 2004 ufierta a los fíos de los emigrantes una formación afayadiza de l’Asturies actual y afalalos a participar nes actividaes de los centros y cases asturianes del esterior. Atendiendo a ello, el Plan Integral d’Emigración (2004-2007) incorpora la Escuela de Veranu d’Asturianía dientro la so cuarta estaya: “Pa que los asturianos del mundu s’organicen en comunidá”, como llínea d’ actuación xestionada pol Conseyu de Comunidaes.
Los oxetivos de la Escuela son l’afondamientu del significáu de la “Asturianía” y el so ordenamientu normativu; divulgar la estructura, organización y funcionamientu del Conseyu de Comunidaes Asturianes y de los centros asturianos y entidaes asemeyaes homologaes pol Principáu; potenciar la conservación de les nuestres tradiciones y velar poles características esenciales y diferenciadoras de la nuestra cultura popular. El programa tamien tien una parte formativa pa cualificar monitores de cultura y música tradicional asturianes que puedan formar a la so vez a otres persones y dinamizar l’actividá cultural nos sos centros asturianos.
El Plan d’estudios desenvuelvese nun ciclu de tres cursos de 15 díes caún que se van desendolcar n’Uvieu los meses de xunetu de 2005, 2006 y 2007, con un total de 300 hores llectivas (100 hores por cursu). L’alumnáu puede escoyer ente les especialidaes de Baile Tradicional o Gaita. Y al final del ciclu reciben un “Diploma de Monitor/a de Cultura y Música Tradicional Asturianes”, que que son los que recoyeron ayeri los participantes d’esta segunda promoción.
Nel so discursu, Valledor destacó qu’esta escuela ‘facilita la participación y la so vinculación con Asturies de los descendientes de la emigración, que ye un de los oxetivos de l’aicción del gobiernu pa los prósimos años, considerando qu’hai un importante númberu d’asturianos y asturianes nacíos fuera d’Asturies que representen un autenticu capital social pa la nuestra comunidá, que de nenguna manera podemos obviar’, asina como tamien ‘val d’elementu d’apoyu a les manifestaciones de cultura asturiana que s’entamen fuera d’Asturies, tanto les nueves manifestaciones artístiques, como aquelles otres más tradicionales dientro l’acerbu cultural asturianu, y esto tien de considerase un elementu trescendental pal desarrollu de la nuestra Comunidá y tamien na so proyección esterior.’ Reconociendo que ‘diba ser imposible entender la cultura asturiana ensin l’aportación que se fizo a ella dende l’esterior y, güei, esa aportación sigue siendo indispensable’.Ver video (QuickTime),

Nel actu de clausura d’esta segunda promoción del primer cursu, amás de facese entrega de los diplomes Ver video (QuickTime), alumnos y profesores dieron un conciertu que tuvo compuestu de les siguientes actuaciones:

Les bandes de gaites fixeron una marcha procesional de Belmonte de Miranda. La música de la marcha yera tradicional con igües de Antolín de la Fuente. Y a continuación, tocaron ‘Muñeira de Bual’, tradicional tamien, con igües de Flavio Rodríguez Benito. Colos bailes a lo suelto ‘La Donzaina’ (L.larón – Cangas del Narcea) y la ‘Jota d’un puntu’ (Tineu – Valdes), dióse pasu a la actuación del gaiteru Ramón Sobero Romo, de Mexico, que tocó ‘Si la nieve resbala’.
La siguiente de les apaiciones fue pa cantar les tradicionales ‘La Florentina’ (Inverniegu – Valdes) y el ‘Ramu de Xiyón’ (Cangas del Narcea). Otros de los bailes que se danzaron foron ‘La Saldiguera’ (L.larón – Cangas del Narcea) y la ‘Muñeira nel Occidente’ (Ibias), enantes de l’actuación del gaiteru Víctor Apariocio Sáez, d’Alcobendas, que pertenez al Respingu.
Tres d’el, el conxuntu instrumental interpretó la ‘Muñeira Llibardón’ y l’área vocal fixo lo propio con ‘La neña que ye pa mi’ (Cancionero de Torner) y ‘Mocina, dame un besín’, d’Antolín de la Fuente.
Los componentes del conxuntu Vocal – Instrumental yeren:
Autor: Eduardo Martínez Torner
Armonización: Vicente J. Sánchez García
Tecláu: miriam Diana SAvino Fernández (Mar del Plata – Argentina)
Solista Voz: Diana De Cleene Ruiz (Rosario – Argentina)
Gaites: Flavio Rodríguez Benito y Jose M.Fdez. ‘Guti’
Percusión: Fernando M. de la Puente Hevia, Pedro Pangua Rivas y grupu d’alumnos.
Coru: Grupu d’alumnos
Director: Vicente J. Sánchez García

Como pieslle del actu, tolos asistentes cantaron xuntos l’Asturies, Patria Querida.

El Director de l’Axencia Asturiana d’Emigración, Luis Miguel Fernández Romero, y el Conseyeru de Xusticia, Francisco Javier García Valledor, van clausurar el primer Cursu de la Segunda Edición de la Escuela d’Asturianía, xunta los responsables d’esta Escuela y los del Conseyu de COmunidaes güei xueves 28 de xunetu a les 19.30 hores nel Teatru Filarmónica. Darréu de la clausura ta prevista una espicha nel llagar Quelo, en Tiñana.

Esti programa, que tuvo la so primer promoción ente los años 2002 y 2004 ufierta a los fíos de los emigrantes una formación afayadiza de l’Asturies actual y afalalos a participar nes actividaes de los centros y cases asturianes del esterior. Atendiendo a ello, el Plan Integral d’Emigración (2004-2007) incorpora la Escuela de Veranu d’Asturianía dientro la so cuarta estaya: “Pa que los asturianos del mundu s’organicen en comunidá”, como llínea d’ actuación xestionada pol Conseyu de Comunidaes.

Los oxetivos de la Escuela son l’afondamientu del significáu de la “Asturianía” y el so ordenamientu normativu;divulgar la estructura, organización y funcionamientu del Conseyu de Comunidaes Asturianes y de los centros asturianos y entidaes asemeyaes homologaes pol Principáu; potenciar la conservación de les nuestres tradiciones y velar poles características esenciales y diferenciadoras de la nuestra cultura popular. El programa tamién tien una parte formativa pa cualificar monitores de cultura y música tradicional asturianes que puedan formar a la so vez a otres persones y dinamizar l’actividá cultural nos sos centros asturianos.

El Plan d’estudios desenvuélvese nun ciclu de tres cursos de 15 díes caún que se van desendolcar n’Uviéu los meses de xunetu de 2005, 2006 y 2007, con un total de 300 hores llectivas (100 hores por cursu). L’alumnáu puede escoyer ente les especialidaes de Baile Tradicional o Gaita. Y al final del ciclu reciben un “Diploma de Monitor/a de Cultura y Música Tradicional Asturianes”, que ye’l que van recoyer dientru dos años los 26 participantes que s’alcuentre esti mes de xunetu n’Asturies recibiendo les clas del primer módulu.

El Conseyu de Comunidaes presentó la II Promoción de la Escuela de Veranu d’Asturianía

Manuel Fernández de la Cera, presidente del Conseyu de Comunidaes Asturianes y ex conseyeru de Cultura del Principáu d’Asturies, presentó cinco cuadernos d’una colección denominada ‘Cuadernos de la emigración’, nos que, a través de referencies lliteraries, analiza la forma de ser de los asturianos emigraos.

Nel actu, nel que tuvieron presentes los escritores Jose Antonio Mases, Luis Arias Argüelles-Meres y Manuel Herrero Montoto, anuncióse la prósima espublización d’otros títulos d’esta colección dedicaos a la emigración en Mexico, Venezuela y Cuba.