Emigración

El director de l’Axencia Asturiana d’Emigración, Luis Miguel Fernández Romero, reunióse ayeri cola presidenta del Centru Asturianu de Nueva York, María Guelchie, que-y treslladó la petición formal d’ayuda pa la financiación d’una nueva se pa esti centru qu’aglutina a más de doscientes families.

P’acceder a la subvención que l’Axencia va convocar nel prósimu mes de xineru, el centru deberá presentar na convocatoria un informe colos datos tecnicos del local que quieren consiguir. La presidenta, María Guelchie, desplicó na rueda de prensa d’ayeri que’l centru necesita unes istalaciones más amplies nes que dar clases de baille rexonal y gaita, y que-yos permita organizar exposiciones d’artistes asturianos amás d’almacenar un fondu bibliotecariu

La intención de la xunta directiva ye convertir el nuevu local del centru nuna oficina de promoción asturiana nel corazón de Nueva York. Por esta razón, y coincidiendo colos actos de cellebración del decimu aniversariu de la entidá, el prósimu 4 de payares van entamar una gran cena de gala a la qu’asistirá’l gaiteru Xuacu Amieva y na que ta prevista tamien una representación institucional per parte’l Principáu.

El prósimu llunes, el Centru Asturianu de Nueva York va facer, a travies de la so presidenta, María Gelchie, una petición formal al director de l’Axencia Asturiana d’Emigración, Luis Miguel Fernández Romero, pa solicitar l’ayuda del Principáu na financiación d’una nueva se, yá que l’actual nun cubre les sos necesidaes.

El Centru Asturianu de Nueva York ve limitaes les sos posibilidaes y la so capacidá p’atender pa tolos emigrantes asturianos de la ciudá, porque’l local que tienen nun reúne les condiciones necesaries. Anguaño, el colectivu celebra les sos reuniones nuna pequeña oficina, sigún la describe la so propia presidenta, que nun permite entamar toles actividaes que dende’l centru quixeren.

Ente los oxetivos del centru ta’l preparar exposiciones d’arte asturianu y, principalmente, el fomentu del turismu n’Asturies, amás de les clases de baille y gaita que yá tienen puestes en marcha. Pero pa ello, consideran imprescindible la renovación de les sos istalaciones por unes que s’alleguen más a les sos necesidaes.

La idea de la entidá ye mercar un nuevu espaciu en Manhattan, nel centru la ciudá, pero, en casu de que nun se pudiere, valdría nun barriu que tuviere buenes comunicaciones de trasporte públicu.

El prósimu llunes, día 22, María Gelchie va reunise col Director de l’Axencia Asturiana d’Emigración, Luis Miguel Fernández Romero, pa espone-y toles sos necesidaes y solicitar la colaboración del Principáu na financiación d’esti proyectu.

Emigrastur

Un grupu de sesenta y dos cubanos, emigrantes y fíos d’emigrantes asturianos, son los protagonistes de la Operación Señaldá d’esti añu. La iniciativa del Conseyu de Comunidaes Asturianes cumple la so decimocuarta edición como programa pa facilitar el viaxe y la estancia nel so país a los asturianos del esterior que lleven décades ensin volver.

Cuba, una tierra que foi el destín escoyíu por miles d’asturianos a lo llargo de más d’un sieglu, ye’l país escoyíu nesta ocasión pol Conseyu de Comunidaes pa entamar el so programa Operación Señaldá. El gran númberu d’emigrantes de primera y sucesives xeneraciones, asina como les dificultaes económiques que carez la isla, fueron los motivos deteminantes pa dedicar la edición de 2005 a los asturcubanos.

Miembros de la delegación d’emigrantes manifestaron a los responsables de la Operación Señaldá el so deséu de ver cumplíu un proyectu consistente en traer al nuestru a un grupu d’artistes y músicos cubanos d’orixe asturianu. El caltenimientu de la cultura y el folklor de la so tierra d’orixe en Cuba foi otru de los deseos que los asturcubanos espresaron y el Conseyu de Comunidaes comprometióse unviar a la isla a monitores que pudieren entamar actividaes d’esta mena, como la enseñanza musical de la gaita.

Dende’l 13 al 21 d’agostu cellebrase en Málaga la tradicional Feria, na que’l Centru Asturianu tien puesta una caseta dende la que se promociona Asturies. En collaboración cola Dirección Xeneral de Turismo d’Asturies y atendíu por personal especializáu de l’Alministración asturiana, atienden a los malagueños y a los turistes que pasen per ellí, informándolos de les bondaes del Principáu.

Imáxenes que se proyecten de contino y folletos informativos, son dalgunos de los materiales colos que se promociona la nuestra comunidá na tierra malagueña, dándose especial relevancia a la cultura gastronómica.

Datos facilitaos pol Ayuntamientu de Málaga indiquen que 6 millones de turistes visiten la Feria de Málaga, que xenera un movimientu económicu de 150 millones d’euros.

Xixón celebró por segundu añu consecutivu’l Día l’Emigrante, pensando tanto nos emigrantes asturianos retornaos como nos inmigrantes que residen nel Principáu. Los actos tán organizaos conxuntamente pola Axencia Asturiana d’Emigración, el Conseyu de Comunidaes Asturianes y l’Ayuntamientu de Xixón. La primer xornada tuvo dedicada a los emigrantes retornaos.

El Centru Municipal de l’Arena foi l’escenariu onde se celebró edsti xueves un actu d’homenaxe al emigrante retornáu con presencia del conseyeru de Xusticia y Esteriores, Francisco Javier García Valledor.

Esti viernes tuvo llugar la celebración del Día l’Emigrante nel recintu del Muséu Pueblu d’Asturies y al igual que l’añu pasáu, la xornada foi dedicada a les costumes asturianes y al fomentu del conocimientu y la puesta en contactu de los diferentes emigrantes asturianos.

A primera hora de la mañana, organizóse una visita guiada pol Pueblu d’Asturies y un percorríu pola Feria Internacional de Muestres que ta cellebrándose estos díes. A continuación, ufiertóse una xinta, tres de la que disputáronse diferentes deportes autóctonos, que terminaron con una espicha amenizada por canciones y bailles poulares.

L’Asociación d’Emigrantes Españoles Retornaos n’Asturies y l’Asociación pa la Integración y l’Asesoramientu d’Emigrantes Retornaos del Principáu, organizaron esti xueves 11 una xornada orientada al debate, que se fizo nel centru municipal de L’Arena, y na que varios emigrantes retornaos van esponer les sos vivencies con respecto a la integración na tierra d’orixe, depués de munchos años d’ausencia. Nes diferentes meses reondes van tocase temes como «Retornu, cómo afecta a la persona nel tema psicolóxicu», «Vida llaboral, cómo empezar de nueu» y «Estatuto del ciudadanu español nel mundu».

El Centru Asturianu va participar na Feria de Málaga, onde, el día 15, van celebrar el día del sociu con una xinta de baldre. Ente los diferentes actos, destaquen l’actuación de los alumnos de la Escuela de Gaites y el Concursu de Escanciadores.

El Centru Asturianu va tar nel Real de la Feria, que tien llugar ente’l 13 y el 21 d’agostu, na so caseta, situada na cai la Trini, nº97.

Tolos díes de 14 a 15 hores van facese degustaciones de productos asturianos.

Emigrastur

EL presidente d’Asturianos en Madrid (ASMA) Luis Delgado y el secretariu de l’asociación Aníbal García, presentaron esta mañana el Plan que coordina’l so colectivu destináu a los mozos emigrantes na capital del estáu. El conseyeru de Xusticis y Esteriores Francisco Javier García Valledor y el director de l’Axencia Asturiana d’Emigración, acompañaron a los representantes d’Asma na presentación.

El Plan coordináu pola asociación qu’agrupa a cientos de nuevos emigrantes residentes na capital del estáu tenta ufiertar a esti colectivu un serviciu d’información, apoyu, asina como cohesionar y centralizar actividaes de los profesionales mozos que viven en Madrid.

La Conseyería de Xusticia y Esteriores, al través de l’Axencia Asturiana d’Emigración sofita esti Plan que ye frutu de la colaboración entamada ente’l departamentu de l’adminsitración autonómica y l’asociación ASMA. Un de los oxetivos del Plan ye aprovechar l’importante caudal humanu que repreenten los profesionales mozos emigraos a Madrid y facilita-yos toa clase d’apoyos a los sos proyectos y actividaes.

ASMA

Xixón celebra por segundu añu consecutivu’l Día l’Emigrante, pensando tanto nos emigrantes asturianos retornaos como nos inmigrantes que residen nel Principáu. Los actos tán organizaos conxuntamente pola Axencia Asturiana d’Emigración, el Conseyu de Comunidaes Asturianes y l’Ayuntamientu de Xixón. La primer xornada tuvo dedicada a los emigrantes retornaos.

El Centru Municipal de l’Arena foi l’escenariu onde se celebró esta mañana un actu d’homenaxe al emigrante retornáu con presencia del conseyeru de Xusticia y Esteriores, Francisco Javier García Valledor.

Mañana va tener llugar la celebración del Día l’Emigrane nel recintu del Muséu Pueblu d’Asturies y al igual que l’añu pasáu, les xornada va tar dedicada a les costumes asturianes y al fomentu del conocimientu y la puesta en contactu de los diferentes emigrantes asturianos.

A primera hora de la mañana del vienres, va organizase una visita guiada pol Pueblu d’Asturies y un percorríu pola Feria Internacional de Muestres que ta cellebrándose estos díes. A continuación, se ofrecerá una xinta, tres de la que van disputase diferentes deportes autóctonos, que terminarán con una espicha amenizada por canciones y bailles poulares.

L’Asociación d’Emigrantes Españoles Retornaos n’Asturies y l’Asociación pa la Integración y l’Asesoramientu d’Emigrantes Retornaos del Principáu, organizaron esti xueves 11 una xornada orientada al debate, que se va facer nel centru municipal de L’Arena, y na que varios emigrantes retornaos van esponer les sos vivencies con respecto a la integración na tierra d’orixe, depués de munchos años d’ausencia. Nes diferentes meses reondes van tocase temes como «Retornu, cómo afecta a la persona nel tema psicolóxicu», «Vida llaboral, cómo empezar de nueu» y «Estatuto del ciudadanu español nel mundu».

L’asociación Asturianos en Madrid (ASMA) va presentar esti xueves 11 na sé de la Conseyería de Xusricia y Esteriores un plan d’actividaes coordináu por esti colectivu y sofitáu pola administraciòn autonómica. Ye la primer colaboración oficial ente esta asociación de los nuevos emigrantes na capital del estáu y un departamentu del gobiernu asturianu.

El Plan entamáu por ASMA ye la plasmación de los compromisos algamaos cola Conseyería d’Esteriores y quier valir pa cohesionar, ufiertar apoyu ya información a los emigrantes mozos residentes en Madrid. El titular del departamentu, Francisco José García Valledor y el responsable de l’Axencia Asturiana d’Emigración, Luis Miguel Fernández Romero, van acompañar na presentación del plan al presidente de l’asociación Asturianos en Madrid, Luis Delgado.

El Día d’Asturies nel Esterior 2005 va celebrase en Buenos Aires onde’l Principáu unviará una embaxada que va visitar esos díes delles ciudaes del país onde hai otros centros asturianos y cases d’Asturies. La embaxada tará compuesta pol Conseyeru García Valledor, el Director d’Emigración, Fernández Romero y el grupu folklóricu- etnográficu ‘Vezos Astures’. La noticia conocióse tres de la entrevista que caltuvo’l Conseyeru col nuevu Presidente del Centru Asturianu de Buenos Aires, José Antonio Nespral, na mañana d’esti martes 9.

El nuevu Presidente del Centru Asturianu de Buenos Aires, José Antonio Nespral, fue recibíu esta mañana pol Conseyeru de Xusticia, Seguridá Pública y Relaciones Esteriores, Francisco Javier García Valledor na sé de la Conseyería y pol Director de l’Axencia Asturiana d’Emigración, Luis Miguel Fernández Romero, ente otres coses, pa tratar la ceklebración del Día d’Asturies nel Esterior 2005, que va cellebrase en l’Arxentina.

José Antonio Nespral, que foi elexíu hai pocu tiempu como nuevu Presidente de los emigrantes en Buenos Aires, será esti añu’l Presidente que va acoyer nel Centru Asturianu de Buenos Aires la cellebración del Día d’Asturies nel Esterior 2005, yá que la Conseyería que dirixe les Rellaciones del Gobiernu asturianu escoyó la emigración d’Asturies en l’Arxentina pa cellebrar esti añu lo que yá vien siendo una costume añal d’elixir un llugar, onde haiga emigración asturiana, pa cellebrar, nel mes de setiembre el Día d’Asturies.

El Conseyeru, el Director d’Emigración, xunto col Presidente del Centru Asturianu bonaerense, acompañáu del vicepresidente y del secretariu de la istitución, trataron el tema del la cellebración que tendrá llugar oficialmente’l día 11 de setiembre na capital arxentina. La Conseyería enviará al país del conu sur una embaxada oficial que, amás de cellebrar el Día d’Asturies en Buenos Aires, fairá una xira por varies ciudaes del país onde hai otros centros asturianos y cases d’Asturies. La embaxada tará compuesta pol Conseyeru García Valledor, el Director d’Emigración, Fernández Romero y el grupu folklóricu- etnográficu ‘Vezos Astures’.

Con estes cellebraciones del día asturianu por escelencia nel exterior –cuyo primer añu fíxose en Madrid en setiembre de 2004-, el Gobiernu asturianu pretende apoyar y igualar en consideración y n’equiparación a los asturianos que viven nel esterior d’Asturies colos que vivimos a orielles del Cantábricu.