Emigración

Esti vienres día 26 de mayu, a les ocho la tarde, l’abogada asturiana Concha Sierra va recibir la Mazana d’Oro, másimu galardón que concede’l Centru Asturianu de Madrid, presidíu por Cosme Sordo. L’actu d’entrega, que se fadrá nel Salón Príncipe d’Asturies, va ser presentáu pola tamien abogada Cristina Alberdi.

Concha Sierra nació en Villaviciosa y ye llicenciada en Ciencies Polítiques y Económiques pola Unviersidá Complutense de Madrid y Abogáu del Ilustre Colexu de Madrid. Ye miembru de la Real Academia de Xurisprudencia y Llexislación y miembru fundador de l’Asociación Española de Muyeres Xuristes.

El conseyeru de Xusticia, Seguridá Pública y Relaciones Esteriores, Francisco Javier García Valledor, y el director de l’Axencia Asturiana d’Emigración, Luis Miguel Fernández Romero, recibieron a un grupu de cuarenta y cinco muyeres chilenes descendientes d’emigrantes asturianos nesi país que tán estos díes de visita n’Asturies, invitaes pola Axencia Asturiana d’Emigración dientro del programa ‘Xuntes n’Asturies’.

El grupu de muyeres fue recibíu en primer llugar poles palabres de bienvenida del conseyeru que, ente otres coses, dixo que “la emigración tien güei rostru de muyer”. Valledor añedió que “ye motivu d’arguyu p’Asturies cuntar con unes asturianes emprendedores y decidíes como vosotres, trabayadores y descendientes, tamien, d’emprendedores de la nuestra tierra que llevaron a Chile una simiente que güei vuelve con rostru de muyer”.

El grupu de muyeres ‘Xuntes n’Asturies’ visita la comunidá autónoma esta selmana hasta’l domingu día 14, que tornen a Chile. Al frente de la Comitiva de Muyeres Astur- Chilenes viaxa la presidenta del Centru Asturianu de Santiago de Chile, Carmen de Diego.

La emisora belga Radio Alma ta emitiendo una serie documental titulada ‘ ¡Que seas bienvenido!’, na que s’amuesa la inmigración española en Belxica. Trátase d’un trabayu nel que se recoyeron más de 72 hores d’entrevistes, de les que 24 hores teníen un conteníu aprovechable. D’eses 24 hores, 4 valieron pa esti documental. Pa ello, foron entrevistaes más de 30 persones con una sola característica común: pertenecer a la primer fornada d’inmigrantes españoles en Belxica, poro, emigrantes que viaxaron alrodiu de los años 50 y 60 del sieglu pasáu.

Na realización y, agora, la emisión d’esti documental respetóse’l so calter anónimu. Amás, ún de los sos oxetivos –según los sos realizadores– yera llograr que los emigrantes cuntaren les sos vivencies personales, d’ehí que sían hestories orales nun fueron recoyíes primero en dengún otru documentu.

‘¡Que seas bienvenido!’ emítese los llunes ente les 19 y les 20 hores y cunta con un espaciu na páxina web de Radio Alma (http://www.radioalma.be) onde pueden escuchase les emisiones yá feches, artículos sobre’l tema y onde existe un foru de discusión.

El Conseyeru de Xusticia, Seguridá Pública y Rellaciones Esteriores, Francisco Javier García Valledor, y el director de l’Axencia Asturiana de Cooperación al Desarrollu, Rafael Palacios, asisten güei en L’Habana a los actos organizaos con motivu de la cellebración del festival ‘La Huella de España’, dedicáu nesta edición al Principáu d’Asturies, ente los que figuren güei varios actos lliterarios.

Valledor y Palacios asisten, a les 11 (hora local) a un recital del coru La Flor nel Asilo Santovenia; a les 15.00 hores van escuchar la conferencia ‘Asturianos en Cuba en el siglo XX’, que pronunciará nel institutu de Lliteratura y Llingüística Jose Portuondo l’eruditu local Jorge Domingo Cuadriello; y van asistir, a les 20.30 hores na sala García Lorca del Teatru de L’Habana, a la representación d’ ‘El viaje a ninguna parte’, que va facer el grupu de teatru Margen.

Pa mantener contactu colos asturianos residentes ellí, el conseyeru de Rellaciones Esteriores allargó la so estancia na islla caribeña, a la que llegó la selmana pasada como integrante d’una delegación del Principáu encabezada pola conseyera de Cultura, Comunicación Social y Turismu, Ana Rosa Migoya –con delegación espresa del presidente, Vicente Álvarez Areces–, dalgunos de cuyos miembros tán yá en Mexico.

De la expedición orixinal formaron parte tamiien la conseyera de Vivienda y Bienestar Social, Laura González, y el conseyeru d’Industria y Empleu, Graciano Torre, mesmo que’l director xeneral de Promoción Cultural y Política Llingüística, Carlos Madera; el presidente del Conseyu de Comunidaes Asturianes, Manuel Fernández de la Cera, y varios representantes del Parllamentu Autonómicu, encabezaos pola presidenta de la cámara, María Jesús Álvarez.

El pasáu sábadu presentóse’l númberu especial ‘La Habana: de lo vivo a lo pintado’ de la revista ‘Ábaco’; el CD multimedia ‘Habaneros famosos de ayer y de hoy” y el llibru ‘Dos orillas del mismo mar’, que recueye una antoloxía de relatos d’autores asturianos y cubanos. El multimedia fízolu en cooperación col Ministeriu de Cultura de Cuba. Va tener llugar nel Centru Cultural Institutu Cubanu del Arte y la Industria Cinematográficos (ICAIC).

Con munchu ésitu de públicu ta acabante de cellebrase, organizada por el Centru Asturianu de Bruxeles, una representación teatral asturiana “El cantar de los pipioles” interpetrada pol grupo de teatru de Mieres N’Alpargates y orballando.

La obra foi estrenada en mayu de 2004 y representada darréu en Mieres, Turón, Morea, Pravia, L’Entregu, Candás, Cuideiru, Llanera y agora Bruxeles. Ye una Comedia adaptada al asturianu por Ismael Mª González Arias a partir de la obra escrita por Pedro Mario Herrero “La balada de los tres inocentes”.

El grupu actuó na sala de Teatru des Riches Claires de la capital Europea pala gayola d’un publicu que tiene poques ocasiones de ver teatru asturianu y que encamentó darréu al Centru Asturianu que vuelva a repetir esta clase de actividá.

El grupu de teatru N’alpargates y orballando foron invitaos por Radio Sí el sábadu 22 d’abril pa participar na so emisión “de par en par” qu’algamó hai poco’l premiu Ideas de la revista Ecos.

Y darréu d’esta actividá, el Centru Asturianu de Bruxeles, ya tién organizada otra actividá pal sabadu 29 d’abril a las 19.00 horas, nel Edificiu Asturias del 38 Rue St Laurant a 1000 Bruselas: un recital poético-musical. Los poemes de Jose Miguel Arranz sedran lleíos na compaña de la guitarra d’Alain Everts, guitarrista pernomáu na capital d’Europa.

Un vino sera ofrecido despues del recital.

La conseyera de Cultura, Comunicación Social y Turismo, Ana Rosa Migoya, con delegación del presidente, Vicente Álvarez Areces, foi a la tiesta de la delegación del Principáu d’Asturies en La Habana, que visitó la isla caribeña hasta esti domingu.

Tovieron tamién en Cuba la conseyera de Vivienda y Bienestar Social, Laura González, y los conseyeros d’Industria y Emplegu, Graciano Torre, y xusticia, Seguridá Pública y Relaciones Esteriores, Francisco Javier García Valledor.

Amás, formaron parte de la delegación el director xeneral de Promoción Cultural y Política Llingüística, Carlos Madera; el director de la Axencia Asturiana de Cooperación al Desarrollu, Rafael Palacios; el presidente del Conseyu de Comunidaes Asturianas, Manuel Fernández de la Cera, y varios representantes del Parlamentu Autonómicu, cola presidenta de la cámara, María Jesús Álvarez, a la tiesa.

El sábadu presentóse’l númberu especial ‘La Habana: de lo vivo a lo pintado’ de la revista ‘Ábaco’; el CD multimedia ‘Habaneros famosos de ayer y de hoy” y el llibru ‘Dos orillas del mismo mar’, que recueye una antoloxía de relatos d’autores asturianos y cubanos. El multimedia foi realizáu en cooperación col Ministeriu de Cultura de Cuba. La presentación tuvo llugar nel Centru Cultural Instituto Cubano del Arte y la Industria Cinematográficos (ICAIC).

El presidente del Gobiernu Asturianu, Vicente Álvarez Areces, empieza güei una estancia d’ocho díes de duración en Mexico pa fortalecer les rellaciones económiques del Principáu con esti país, onde va ser recibíu pol so presidente, Vicente Fox. Esta nueche la delegación rexonal va visitar el Centru Asturianu de la capital federal, onde se va cellebrar una cena que va permitir tener contactu cola estensa colonia del DF.

Amás de la capital, el viaxe d’Areces –que tien aspectos políticos, comerciales y económicos y al que se van sumar dalgunos de los integrantes de la delegación del Principáu qu’anguaño tán en Cuba– va calar al Estáu de Zacatecas.

Esti desplazamientu ye’l segundu que fai Areces a Mexico nes dos llexislatures que lleva al frente del Gobiernu asturianu y nel va tar acompañáu por representantes del Parlamentu rexonal y d’una trentena d’empreses del Principáu, ente otres autoridaes.

De les trenta compañíes que van formar parte de la delegación institucional, ente les que figuren Duro Felguera, HC Enerxía o Arcelor, unes quince operen yá en Mexico o algamaron alcuerdos con compañíes del país. Nesti sen, Areces recordó que la cifra de negocios ente Asturies y Mexico en 2005 llegó a los 24 millones d’euros con un saldu comercial positivu pal Principáu que’l Gobiernu rexonal “aspira a incrementar” nos prósimos exercicios.

Según el xefe del Executivu, les rellaciones institucionales “al másimu nivel” que tien el so Gobiernu nos diferentes viaxes que fai al estranxeru, como ye nesti casu’l del presidente de la República de Mexico, son importantes “pa una comunidá de poco más d’un millón d’habitantes” y dexen ayudar a los empresarios.

Al marxe del aspectu económicu, la visita va valir pa contactar cola amplia colonia asturiana en Mexico, onde’l númberu de residentes con derechu a votu nel Principáu supera los siete mil, “pero hai decenes de miles de descendientes d’asturianos”, yá qu’esti país ye ún de los destinos tradicionales pa la emigración.

El viaxe va tener tabien un aspectu cultural cola inauguración, na se del Centru Asturianu en Mexico DF, –”una institución d’extraordinaria influencia na sociedá mexicana”, según Areces–, de la exposición fotográfica ‘Impresiones. XXV años de los Premios Príncipe d’Asturies’.

Al actu inaugural ta prevista l’asistencia d’una decena de gallardonaos colos Premios Príncipe d’Asturies dende la so fundación, en 1981: ente otros, l’escritor Álvaro Mutis; l’ex subdirector de la revista ‘Vuelta’ Enrique Krauze; la vilda d’Octavio Paz, Marie Joseph Paz, y los científicos Guido Münch y Francisco Bolívar Zapata, asina como’l premiu Nobel colombianu Gabriel García Márquez.

Na primer xornada d’estancia en Mexico, Areces, amás de la entrevista con Fox na so residencia oficial de Los Pinos, va reunise col director xeneral de la petrolera Pemex, Luis Ramírez Corzo, y col Xefe de Gobiernu del Distritu Federal, Alejandro Encinas Rodríguez.

La delegación del Principáu va quedar na capital federal hasta’l xueves, día 27, cuando va esplazase a Zacatecas pa firmar un alcuerdu de cooperación cola Gobernadora del Estáu, Amalia García.

El programa d’actos previstu pa güei ye’l siguiente (les referencies horaries son locales): A les 10 hores. Reunión de trabayu na se de la empresa Petróleos Mexicanos; a les 12.30 hores, entrevista ente Areces y el presidente de Mexico, Vicente Fox; a les 14 hores, encuentru del presidente del Principáu y el Xefe de Gobiernu del Distrito Federal; a partir de les 19 hores, encuentru cola colonia residente na se social del Centru Asturianu de Mexico y inauguración nel local de la exposición fotográfica ’25 años de los Premios Príncipe d’Asturies’, previamente a la cena qu’ufierta la Xunta Directiva.

La estrena del montaxe ‘Señaldá’ ye l’elementu más llamativu del programa qu’Asturies va ufiertar estos díes en Cuba con motivu de la cellebración de ‘La Huella de España’, festival cultural de L’Habana nel qu’esti añu la rexón ye l’invitáu especial.

‘Señaldá’ ye un espectáculu folclóricu-teatral-musical que s’estrena precisamente na capital cubana y nel que collaboren los grupos integrantes de la Federación d’Agrupaciones de Folclor Asturianu, el colectivu de teatru Margen, el coru La Flor y la cantante de tonada Caunedo. Amás d’estos artistes esplazaos a L’Habana dende Asturies pa la ocasión, formen parte del elencu varios miembros de los grupos folclóricos vinculaos a la Federación de Centros Asturianos de Cuba, cola que se va hermanar la Federación d’Agrupaciones de Folclor aprovechando la so estancia nel país.

La Federación d’Agrupaciones de Folclor Asturianu agrupa a 25 colectivos y toos ellos van tar representaos nel espectáculu, pal que cadún aporta dos persones. Esta circunstancia ye representativa del espíritu de collaboración ente grupos col que se tien ellaborao’l montaxe, el primeru de les sos característiques que se pon en marcha nel Principáu y que, en versión orixinal, sólo va poder esfrutase una parte de la Asturies del Esterior.

‘Señaldá’ estrenase’l xueves 27 nel teatru García Lorca de L’Habana y va reponese unos díes despues na localidá de Cienfuegos. Ente otros elementos tradicionales de la cultura asturiana, el guión inclúi una boda, una puya’l ramu y una esfoyaza.

La puesta n’escena de ‘Señaldá’ ye l’elementu más orixinal del programa que va amosar la rexón con motivu del festival ‘La Huella de España’, que se va inaugurar esti sábadu 22 d’abril nel Anfiteatru de L’Habana Vieya y nel que van tar presentes el músicu Chus Pedro, la cantante Tina Gutierrez y l’escritor Xuan Bello, ente otros artistes y personaxes de la Cultura d’Asturies.

El sábadu 29 de abril, dientro de la XIII Edición de la Escuela de Seronda, promovida polos Conseyos de Mocedá de Asturies, Uviéu, Xixón y Mieres y que va desenvolvese nel Centru de Cultura ´Antiguo Instituto Jovellanos´ de xixón, tendrá llugar de 11:00 a 13:00 horas un foru abiertu coordináu por ASMA (Asturianos en Madrid), ASBRU (Asturianos en Bruselas) y ASUSA (Asturianos nos Estaos Xuníos) sobro la Nueva Emigración Asturiana.

El foru va cuntar cola participación de representantes d’ASMA, ASBRU y ASUSA que van esponer l’orixen, evolución y oxetivos d’estes asociaciones pa darréu abrir un alderique sobro la nueva emigración y la so aportación al futuru d’Asturies.

Dende les tres asociaciones quieren qu’esti eventu seya un Foru abiertu a tolos integrantes de la nueva emigración asturiana polo qu’amás d’animar a asistir pídese la so difusión ente los asturianos nel esternu que puean tar interesados nesti alderique y na creación d’asociaciones asemeyaes notres ciudaes o países.

Tolos interesados puen ponese en contautu colos organizadores nel mail info@asma.as pa poer informar direutamente de los avances del Foru y coordinar l’asistencia.

El prósimu 7 de Mayu aportarán a Asturies un grupu de 45 muyeres asturianes y descendientes d’asturianos ya sturianes que van visitar la “Patria Querida” a lo llargo d’una selmana, conociendo la so tierra, la so cultura y la so xente. El grupu vien a Asturies por mor d’una propuesta que ficieren a la Axencia Asturiana d’Emigración y que foi depués aprobada.

De les 45 muyeres, 21 nun conocen el territoriu astur y ye la primera vegada que viaxen a conocelu