Educación

El Congresu aprobó ayeri la llei que recupera la xornada lectiva de 18 hores en Secundaria y revierte los retayos en materia de medría d’alumnos y sustituciones del profesoráu.

Un total de 30 representantes de los 14 grupos de participación infantil y adolescente d’Uviéu esplicaron al Alcalde y a la conceyala d’Atención a les Persones los asuntos que más-yos interesen y sobro los que lleven trabayando dende setiembre del añu pasáu. Los derechos de la infancia, la meyora de barrios y colexos o los xuegos son dalgunos de los asuntos que presentaron nuna audiencia celebrada nel Teatru Filarmónica.

El cursu gratuitu “Ilustración,serigrafía y nueves tecnoloxíes” que va dirixíu a muyeres desemplegaes d’ente 18 y 35 años y consta de 245 hores lectives, de les que 40 son práctiques non llaborales nel sector, cunta entá con places llibres.

Mientres l’últimu cursu escolar, el 2017-2018, a la Conseyería d’Educación del Principáu fuéron-y echaes 129 denuncies de posible acosu escolar. D’elles, tan solo en seis casos l’Alministración «constató» qu’esistiera. Esto ye, el 95% de les denuncies fueron tornaes en activándose el protocolu y realizaos los trámites fitos nél.

Celestino Rodríguez Pérez, vicedecanu de  Calidá y Coordinación de la Facultá de Formación del Profesoráu y Educación mientres los ocho últimos años va tomar el relevu de Juan Carlos San Pedro nel decanatu.

Les beques Asturex de internacionalización creáronse l’añu pasáu en collaboración cola Universidá d’Uviéu y la so Fundación. L’oxetivu qu’escuerren ye aumentar les esportaciones y la internacionalización de les empreses asturianes y esti añu pasen de ocho a dolce meses de duración.

El Montedeva de Xixón vieno acabante ser el primer colexu d’España que prohibe llevar el famosu ‘reló espía’. Tratase d’un reló que ye capaz de faer llamaes d’emerxencia, sacar semeyes, grabar vídeu, alcontrar al portador y, inclusive, activar estes funciones de forma remota.