Educación

Ponga sumaráse’l próximu cursu a los conceyos de la cuenca oriental con escueles de 0 a 3 de cumplise les previsiones del Conceyu y de l’alcaldesa Marta Alonso que vieno acabante adelantrar qu’anguaño tán trabayando al pie de la Conseyería d’Educación pa crear el nuevu centru, al que tienen d’atopar un allugamientu. 

Asturies, al pie de Aragón, Cantabria, Galicia y Castiella y Llión, ye de les poques comunidaes nun amenorguen les hores lectives del profesoráu mayor de 55 años, compensándolo con actividaes complementaries como sí fain otres comunidaes autónomes.

La conseyería d’Educación va invertir  92.000 euros en meyores nos centros educativos de Degaña y Blimea, onde se van executar obres d’acondicionamientu nel colexu públicu El Parque de Blimea, en Samartín del Rei Aurelio, y nel colexu públicu de Zarréu, en Degaña.

El cursu “Dinamización d’actividaes de tiempu llibre infantil y xuvenil” abre inscripciones esti vienres 1 de marzu. Va entamar el 1 d’abril nel Centru d’Emplegu Europa, con una duración de 320 hores, de les que 160 van ser práctiques non llaborales.

Les families participen bien pocu na educación de los sos fíos mientres los primeros seis años de vida y solo una de cada cuatro implícase, según los educadores infantiles, que reclamen más tiempu para poder educar en valores y «faer bones persones nes aules».

Asturies volverá ser anguaño una de les primeres comunidaes en celebrar les pruebes d’accesu a la Universidá. La conocida como EBAU va celebrase anguaño ente’l martes 4 y el xueves 6 de xunu.

Un de total de 165 mozos remataron el programa d’emplegu “Uviéu Thinks Young” que, con un financiamientu européu de 1,3 millones d’euros, dexó qu’estos mozos menores de 30 años aportaren a certificaos de profesionalidá y adquirieren competencies profesionales. Mientres les acciones formatives y el periodu de práctiques, los participantes percibieron una beca de 430 euros.

El conseyeru d’Educación y Cultura d’Asturies, Genaro Alonso, señaló qu’el 40 per cientu de los estudiantes de segundu de Bachilleratu asturianos nun tienen claro qué titulación estudiar cuando rematen el cursu, ente que un 20 per cientu decántense polos estudios clásicos como Medicina, les filoloxíes o derechu, y un 12% embaraxen estudiar disciplines rellacionaes coles Tecnoloxíes de la Información.

Los alumnos y alumnes del Colexu Públicu Virxe de les Marees van pasar a recibir les sos enseñances nes actuales instalaciones de la Escuela Infantil de Cantares, una vegada efectuaes les obres d’adecuación necesaries per parte de la Conseyería d’Educación.