Educación

Asturies quier que los alumnos de segundu de Bachilleratu, los de segundu de FP y los de cuartu d’ESO puedan volver a les clases (o tutoríes, en dellos casos) presenciales. Y fadríenlo si asina lu deseyen, a partir del 4 de xunu.

Güei entama la fase 2 de la desescalada y eso dexa, según el Gobiernu central, volver a entamar les clases presenciales pa determinaos grupos, dexando la última decisión a les comunidaes, polo que n’Asturies entá nun s’entama pa con ello.

La Ministra d’Educación, Isabel Celaá, vieno acabante afitar esta selmana pasada en diez oxetivos el futuru del sistema educativu tres la esperiencia del COVID y atalanta que los retos de la educación pasen por modernizar l’oficiu docente, el currículu y la Formación Profesional y reforzar el 0 a 3.

La vuelta a les aules retrasase n’Asturies pola falta d’instrucciones de Sanidá y segundu de Bachilleratu nun va volver el día 25 como se prevía. Les families tendrán de roblar una declaración responsable sobro la salú del so fíu si quieren que puea dir a clas.

Con calter xeneral, tol alumnáu va promocionar de primeru a segundu cursu de los distintos ciclos formativos de Formación Profesional, ensin que sía determinante la llimitación del númberu de módulos profesionales non superaos va pasar de cursu ensin máximu de materies suspenses.

Según dellos estudios internacionales, l’interés pola formación en llínea xorreció demientres el confinamientu a nivel internacional y n’España supunxo algamar el tercer puestu ente los países de la UE onde se realicen más cursos en llínea.

La EBAU podría ampliar les sos sedes a Siero y Llangréu, una midida qie dexaría ameyorar la distribución de parte de los 2.000 aspirantes que s’esaminaríen n’Uviéu y facilitar la movilidá de quien moren nesos conceyos.

Educación dexa solicitar plaza nos mesmos centros con cita previa, magar caltién tamién el métodu telemáticu para faer la solicitú, con un plazu que va entamar el 15 de xunu. La matriculación va aniciase’l 23 de xunetu.

El próximu cursu va ser ‘on line’ y presencial por veces y con grupos d’alumnos amenorgaos, magar diz la conseyera d’Educación que caltién la esperanza de que pueda empezar de forma presencial.