Educación

Yá tan disponibles na canal de youtube d’Asturnews los vidios onde los candidatos a Rector de la Universidá d’Uvieu presentaron l’esbozu de les sos candidatures. Paz Andres, Vicente Gotor y Santos González falaron pa los medios de comunicación esti miercoles, durante un actu oficial n’Uvieu col qu’entama la campaña pa suceder a Juan Vázquez.

Vidios de los candidatos

La única candida al Rectoráu de la Universidá d’Uviéu abrió esti miércoles la ronda de presentaciones de candidatures con una declaración na que dexó afitáu’l so compromisu pa cola llingua y la cultura asturiana y nidia la so opción “distinta d’otros candidatos que suponen una continuidá col presente o que signifiquen alternatives que nun gozaron del sofitu de la mayoría de la comunidá universitaria nel pasáu”.

Paz Andrés foi la primera en presentar la so candidatura al Rectoráu de la Universidá d’Uviéu pasaes les 11,30 de la mañana y dixo presentala col “apoyu d’un númberu importante de persones que quieren un cambiu nesta Universida, nun momentu crucial nel que tienen de facese munches tresformaciones”. La candidata dixo representar una “opción nueva, distinta d’otros candidatos que suponen una continuidá col presente o que signifiquen alternatives que nun gozaron del sofitu de la mayoría de la comunidá universitaria nel pasáu”.

La candidatura de Paz Andrés plantega una nueva etapa na Universidá basada “nuna recuperación de los valores universitariuos, nun regresu a l’Academia y nuna concepción participativa del gobiernu, con respetu a la pluralidá y una xestión rigurosa, tresparente y responsable”, y concibe a la Universidá como “una pieza esencial nel desenrrollu económicu, social y cultural d’Asturies”.

Paz Andrés dexó bien nidio que yera asturiana, estudiara nesta Universidá y formárase académicamente nella, perteneciéndo al reducíu grupu de muyeres que foron algamando cátedres nesta institución.

Vicente Gotor recordó na presentación de la so candidatura los 16 años de serviciu que lleva na Universidá y adelantó delles cuestiones del so programa, centráu en “que la Universidá ocupe’l puestu que-y correspuende y que enxamás debió perder y que tenga mayor seguridá xuridica y haya menos conflictividá”, pero escaeciendo referise al decálogu pa cola llingua asturiana que firmare hai cuatro años cola Xunta Pola Defensa de la Llingua Asturiana. El programa de Gotor presentaráse a finales de mes.

Gotor dexó nidio que’l so programa abordará principalmente dos aspectos: “que la Universidá ocupe’l puestu que-y correspuende y que enxamás debió perder y que tenga mayor seguridá xuridica y haya menos conflictividá”.

Vicente Gotor dixo presentase tamién col enfotu de tener bones relaciones col Principáu y garantizar que los nuevos graos y postgraos puedan abordase con éxitu y garantíes.

El tercer candidatu al Rectoráu, Santos González, presentó la so candidatura a les 12,30 de la mañana y ñegó que fuera continuista col equipu rectoral d’anguaño afitando que la pallabra central de la mesma yera la “Confianza” que costitúi’l so eslogan y resume la toma de decisión de la comunidá Universitaria basada na trayectoria personal de los candidatos.

Santos Gonzalez nes sos manifestaciones a la prensa quiso asoleyar los sos años de xestión que foron de “convivencia, de consensu de tresparencia, d’equilibriu y de sosiegu cola comunidá estudiantil y que tamién quiero dar al restu de la comunidá universitaria”.

Cuasi una década dempués de la declaración d’oficialidá de la variante mirandesa del asturianu como la segunda llingua de Portugal, y más de venti años dempués d’entamase l’enseñu del idioma nes escueles de Miranda del Douro, los mirandeses cuenten per primer vegada con un manual pedagóxigu pa dar les clases.

Los cerca de 400 alumnos que deprenden mirandés nes escueles de Miranda del Duero van recibir de baldre’l llibru “Las mies purmeiras palabras an mirandês” . La iniciativa entámala’l “Centru d’Estudios Mirandeses” (CEM), que quier asina reforciar les clases de la llingua propia de la comarca portuguesa de fala asturiana.

Los autores del llibru son António Bárbolo y Duarte Martins, y la presentación foi ayeri, nel “Día Internacional de la Llingua Materna”. La UNESCO, pela so parte, unvió una felicitación por esta iniciativa.

L’enseñu del mirandés lleva faciéndose dende 1987 y como cuenten los propios responsables de la publicación “nun cuenta con un programa marcáu y los profesores nun tienen materiales afayadizos pal so trabayu”. Con esta nueva ferramienta l’enseñu del mirandés da un pasu más.

La Xunta pola Defensa de la Llingua dió esti sábadu 16 de Febreru a les 13 hores una clas n’asturianu na Plaza La Escandalera d’Uviéu. Con esta inciativa al aire llibre, la Xunta quier denunciar les munches irregularidaes que se tan cometiendo por parte del executivu del Principáu cola enseñanza de la llingua na rede educativa d’Asturies. La Xunta reclamaba asina al gobiernu midíes coherentes pa que se cumplan les lleis y normatives vixentes.

La clas na Escandalera foi abierta pa tol públicu que quiso dir y cuntó con un mayestru d’asturianu pa deprender nociones básiques del idioma, dalgo, que según XPDL “deberie facese en toles escueles”. Na clas participaron tamién voluntarios qu’entrugaron por cosadielles al públicu asistente. La Xunta pola Defensa de la Llingua Asturiana quiso facer con esta iniciativa un llamáu a tola comunidá escolar, a los falantes y tou aquel que vive o trabaya n’Asturies pa que participara na movilización y dexara con ella nidia la so postura favoratible a que fine la discriminación colos asturfalantes.

Yvonne Timoianu y Alexander Preda, violonchelista y pianista, formen el Dúu Salzburg, y van tar tocando esti miercoles 13 de febreru nel auditoriu de la Casa la Cultura d’Aviles. Nesti recital organizáu pola sociedá Filarmónica Avilesina, que tien la hora d’entamu prevista pa les 20:15 hores, esta pareya de musicos rumanos van facer un repás a obres como la “Sonata númberu 6 en La Mayor” de Boccherini, el “Gran dúu en La Mayor Op. 162” de Schubert y la “Sonata nu. 2 Op. 99 en Fa Mayor” de Brahms.

SUATEA denuncia nun comunicáu asoleyáu esti día la propuesta d’emplegu público que se presentaba esti martes na Mesa Xeneral de la Función Pública, “cola ausencia de los llexítimos representantes del profesoráu”. La escasa oferta, nun momentu nel que vaa tar en vigor durante dos convocatories un sistema d’acceso transitoriu ye pa SUATEA un verdaderu insultu pal profesoráu interinu asturianu y pala escuela pública.

Según denuncia SUATEA, na mayoría de les Comunidaes, la ufierta d’emplegu d’esti añu, teniendo en cuenta’l sistema d’accesu transitoriu, va ser mui amplia: en Castilla-La Mancha van convocase 1566 places, n’Andalucía más de 8142 y n’Asturies namái que 170 plazas en total y ensin superan les diez places en denguna especialidá.

El sétimu cursu d’asturianu en Madrid, qu’esti añu va facese nel llar de la Delegación d’Asturies en Madrid, va entamar el 28 de febreru d’esti mesmu mes, asitiaes na cai Santa Cruz de Marcenado, númberu 2, cerca de la salida del Metru de San Bernardo y del Centru Cultural Conde Duque. El plazu sigue abiertu y p’apuntase hai que ponese en contautu al traviés del siguiente corréu: cursu@wanadoo.es

Les clases van tener un calter presencial, desarrollándose dende’l 28 de febreru al 29 de mayu n’horariu de 7 a 9 de la tarde. Los participantes van recibir un diploma onde s’acrediten les 35 hores llectives, amás de los materiales y recursos de trabayu propios del cursu.

La conceyala d’Emplegu, Igualdá y Xuventú, Begoña Fernández, presentó esti xueves nel Barriu La Arena la convocatoria de dos concursos públicos con un importe total de dos millones de euros, ente los que destaca’l Plan Local de Formación, que cunta con una inversión de 800.000 euros y va promocionar acciones formatives pa desemplegaos asina como pa trabayadores con tarxeta de meyora d’emplegu.

Amás de los programes del Plan de Formación, l?ayuntamientu va destinar una partida de 925.000 euros, n’ayudes a la contratación empobinaes a entidades ensin ánimo de lucru. Los contratos deberán tener una duración mínima de seis mes y como máximu un añu y empobinase namái qu’a persones desemplegaes.