Convocatories

Güei, xueves 30 d’avientu, na Llibrería Paraxuga na cai Paraísu 2 d’Uviéu, l’Atenéu Cultural Xuan María Acebal y Xareos! Xestión Cultural organicen a comuña un actu de despidida del añu nel que se va presentar el númberu nuevu y doble (7-8) de la revista, brindando pol Añu Nuevu con sidra axampanao. L’actu va entamar a les 19:30 hores, cuntando cola presencia de los autores, el director y el presidente del Atenéu Xuan María Acabel, Javier Cubero.

La Fundación Foru Xovellanos convoca esti premiu dotáu con 6.000 euros. Pueden presentase trabayos orixinales, inéditos sobre la vida, obra y pensamientu de Xovellanos, la Ilustración española ya hispanoamericana, el pensamientu de Xovellanos na configuración de l’Asturies y l’España modernes. Les obres pueden ser individuales o colectives con una estensión mínima de 100 fueyes y máxima de 250.

El plazu ta abiertu hasta’l 15 de mayu de 2011, pudiendo consultase les bases completes en www.jovellanos.org

Esti llunes, 27 d’avientu, van entregase los premios d’esti concursu lliterariu entamáu pola Asociación de Vecinos San Esteban de Sograndio (Uviéu). Sedrá nel Centru Social de Sograndio a partir de les 17:00 hores, cuntando con una ponencia sobre’l dibuxante Alfonso Iglesias a cargu del periodista Javier Cuervo y la entregase de la Insinia d’Oru del pueblu a Aniceto Pericón.

L’escritor uvieín Jorge Fernández fízose con “Retentando” col primer premiu nel XXIII Concursu lliterariu “Los Bilordios de Pinón” na categoría d’adultos, qu’otorga l’Asocación de Vecinos San Esteban de Sograndio, n’Uviéu. Na categoría xuvenil y n’asturianu, Fernanda Moura da Silva, del Institutu de Salinas, ganó con “La contraseña”.

Na categoría en castellán el ganador foi Ginés Mulero Caparrós, por “El hormiguero”. Alfonso Sergio Barragán, cola obra “El niño Currito”, llogró l’accésit na categoría d’adultos en castellán. Na xuvenil, Arianne Flórez Rodríguez ganó con “Un día más”.

El xuráu tuvo formáu por Paula Álvarez, Alba Suárez, Alberto Álvarez, Xuan Bello, Marta Álvarez, Llucía Menéndez, Silvia Álvarez, Roberto González-Quevedo y José Ramón L. Patterson. La entrega de los premios va facese’l 27 d’avientu nel centru social de Sograndio.

El Consorciu “Montaña Central” entama un concursu de semeyes al traviés de la web, www.puertadeasturias.es, pa estes Navidaes.

El plazu de concursu va ser del llunes 20 d’avientu al 11 de xineru con un plazu de votación posterior de 5 díes.

Los premios van tener dos naturaleces, una por votación popular al traviés de la web y otru por votación de xuráu, nun pudiendo coincidir dambos nun mesmu participante.

Les bases pueden consultase completes na web del consorciu.

Bases completes del concursu

Güei, xueves 9, tendrá llugar la presentación del llibru “El judio errado” nel llocal Sestaferia de Xixón, a les siete y media. El vienres 10 a les 19:30 hores tendrá llugar la presentación del mesmu llibru n’Uviéu, nel llocal de Cambalache (Cai Martínez Vigil, 30). Les presentaciones organícenles el Comité de Solidaridá cola Causa Árabe n’Asturies, cola collaboración de Sestaferia y Cambalache.

L’autor d’esti llibru, Alberto Pradilla, conxuga la investigación, el rigor periodísticu y la esperiencia personal pa llamar l’atención sobre’l qu’albidra ún de los pilares del conflictu arabe-israelí: el propiu Estáu d’Israel.

La crónica y les entrevistes con dalgunos de los protagonistes de dichu conflictu avérennos a la mentalidá y forma de ser d’un Estáu que califica de “colonial” y que diz, “amás de colos sos vecinos, tién un grave problema consigo mesmu”. Izquierda y drecha; ultraortodoxia y llaicismu; movimientos pro-palestinos y colonos xudíos completen una mezcla esplosiva que fai d’Israel un país que se define como ‘xudíu y democráticu’ pero que l’autor califica como “democráticu pa los xudíos y, penriba de too, xudíu pa los palestinos”.

Fragmentu del llibru

El Centru de Formación ICP entama un cursu presencial de técniques pa falar en públicu, con una duración de 20 hores, dende’l 11 al 22 d’avientu, los sábados de 10 a 14 hores.

El preciu ye de 55 euros pudiendo facese inscripciones hasta’l 9 d’avientu .

El Concursu de Marcapáxines de la Bibliotecade Grau cumple diez aos, añadiendo una nueva categoría al concursu dirixida a adultos (hasta agora yera namá pa escolinos). El plazu ta abiertu hasta’l 8 d’abril de 2011.

Amás de llotes de llibros y diplomes, el premiu más importante ye la edición tolos años de los dibuxos ganadores en forma de marcapáxines y l’esposición na Casa de Cultura de Grau de tolos participantes.

Bases completes de la convocatoria

El Conceyu de Xixón convoca esti V Concursu de Cartelu y Eslogan por cuenta de la celebración, el próximu mes de marzu de 2011, de les VI Xornaes contra’l Racismu y la Xenofobia. Los trabayos podrán presentase, personalmente o per corréu postal hasta’l 14 de xineru de 2011 na Oficina d’Información Xuvenil de Xixón, asitiada nel Centru de Cultura Vieyu Institutu (Cai Xovellanos, númb. 21, 33201 Xixón. Tel.: 985 181 000), nel siguiente horariu: de llunes a xueves de 10:00 a 13:00 y de 17:00 a 19:00 hores y vienres de 10:00 a 14:00 hores.

Bases completes del concursu

El vienres viniente, a les ocho la tarde va presentase na Casa Cultura de La Felguera’l númberu 3 de la revista “Erada”. Nel actu van intervenir Rafael Rodríguez Valdés, director de la publicación; Silvia Cosío, editora; y Rubén Vega, hestoriador; y Alberto Morán, de Cauce del Nalón.

Esti númberu inclúi artículos de Faustino Zapico trata “La campaña autonomista de 1897”, Cristóbal Ruitiña, periodista, analiza “La reaparición d’Asturies nos entamos d’opinión pública democrática nel tardofranquismu. La salida d’Asturias Semanal, 1969″ y Armando Magadán, que fai repás a delles cuestiones de la hestoria del PAS n’”El Partíu asturianista, Asturianismu ya interclasismu como estratexa”.

Na estaya de Notes, l’hestoriador americanu Patrick Zimmerman asoleya “Reflexones sobre nacionalismu y historia viva: Nota d’un proyectu sobre la historia d’un nacionalismu frustráu”.

El volume cunta amás con reseñes d’Adolfo Cueto, sobre “Crónica de la Guerra de Marruecos”, Antonio Martínez, alredor de “Ni cautivos ni desarmados. Asturianos refugiados en Cataluña (1937-1939)”, Valentín Álvarez de “La Maginot cantábrica” y Guadalupe Valdés Rodríguez & María Jesús Villaverde Amieva sobre’l llibru editáu pola mor de la Selmana de les Lletres última: “Enriqueta González Rubín: el sinciu d’una escritora del XIX”.

Entrevista col director d’Erada

El Conceyu de Colunga ta acabante convocar dos concursos de cartelos. El primeru ye pa l’actividá “Les trés nueches de Llatres”, ye de tema llibre pero tendrá d’obedecer a motivos rellacionaos coles artes escéniques. p>

D’otru llau, convócase’l concursu de cartelos de los Alcuentros cola Cultura Tradicional. Pueden ser de concepción y técnica llibres, siempres que seya posible la so reproducción mecánica, y obedeza a motivos rellacionaos col eventu.

Establezse un únicu premiu de 200 euros pal ganador de cada concursu. Los orixinales van presentase, o van unviase a la Casa Cultura de Colunga, Avenida de Reconquista, 23, 33320, hasta’l día 14 d’abril.

Bases completes “Alcuentros cola cultura tradicional”