Convocatories

El Vicerrectoráu d’Estudiantes y Empléu promueve, en collaboración con Bancaja, la convocatoria d’esti premiu col envís “d’impulsar les iniciatives de los estudiantes de la Universidá d’Uviéu” que contribuyan a ameyorar los procesos de xestión del serviciu públicu de la enseñanza, investigación y tresferencia tecnolóxica na universidá asturiana.

Pueden participar nesta convocatoria los alumnos matriculaos nel cursu académicu 2010/11 en cualesquier de les enseñances oficiales impartíes n’Asturies, hasta’l 20 de payares.

Bases completes de la convocatoria

La Casa de les Llingües de la Universidá d’Uviéu informó de l’apertura del plazu pa inscribise na prueba, hasta el 14 d’ochobre, pa la convocatoria de les pruebes d’inglés IELTS, xestionaes pol British Council.

La certificación IELTS acredita la conocencia llingüística y la capacidá de comunicación de persones que quieren estudiar o trabayar en zones onde l’inglés ye l’idioma d’usu habitual. La so validez ye reconocida por instituciones académiques y empreses de tol mundu.

Les pruebes van celebrase’l 4 de payares nel llar principal de La Casa de les Llingües, asitiáu nel Campus d’Humanidaes d’Uviéu. Les próximes convocatories de IELTS ufiertaes van tener llugar el 19 de mayu y el 17 de payares de 2011.

Más información sobre la convocatoria de pruebes

La Conceyalía de Turismu del Conceyu de Grau entama l’I Concursu de Fotografía Dixital “Curiosidaes turístiques del conceyu de Grau”. El so oxetivu ye afayar requexos y paraxes d’interés turísticu pal conceyu. Van dase premios en cuatro categoríes. P’autores del conceyu, del país, y estatal ya internaciona. Amás, establezse una categoría especial pa pelegrinos que faigan el Camín de Santiago per Grau.

Les fotografíes tienen d’unviase, xuntu cola solicitú de participación, a concursofotos@ayto-grado.es El plazu d’almisión de les fotografíes termina’l 31 d’ochobre.

Bases completes

L’asociación de Moscones en Xixón asoleyó les bases de la edición sétima del so concursu pa trabayos periodísticos, nel que se pue participar con artículos, reportaxes, entrevistes, cróniques o cartes, escritos en castellán o n’asturianu. La obra ha tar asoleyada en dalgún mediu del estáu español ente l’1 de xineru y el 31 d’avientu de 2010.

Como escepción, tamién pueden optar premiu los trabayos que nun ten publicaos, y nesi casu, Moscones en Xixón encargaríase d’asoleyalu. L’únicu requisitu en relación al tema, ye que contribuya a esparder y resaltar los valores culturales, cívicos y éticos del conceyu de Grau.

El premiu va a ser de 1.200 euros, pero podrá declarase ermu. Los trabayos han presentase per triplicao nel llar de l’asociación que ta na cai Ezcurdia de Xixón. Han llevar certificáu de la empresa que lo publicare si l’artículu ta ensin firmar o firmaú con nomatu, y si ye posible, acompañar la documentación d’un curriculum. El fallu va asoleyase enantes del mes de marzu. Pueden vese les bases completes na páxina web del Ayntamientu de Grau, que tamién collabora nel concursu.

Bases completes

Les Mocedaes Socialistes d’Uviéu (JSO/MSU) convoquen esti gallardón n’honor “a la menor de los trece roses que fueron fusilaes el 5 d’agostu de 1939”. La idea del premiu ye reconocer “el llabor de persones xóvenes que llucharon polos intereses d’esti colectivu” y ta compuestu por dos categoríes: persones mozes que destacaren nel ámbitu xuvenil xeneral; y persones moces que destacaren nel ámbitu xuvenil políticu.

La candidatura ha mandase acompañada d’una memoria esplicativa que se va unviar a Mocedaes Socialistes d’Uviéu, cai Xovellanos, 19, 33003, Uviéu, enantes del 2 d’agostu de 2010. Tamién podrán unviase al traviés del corréu lletrónicu a info@jsoviedo.org

Bases de la convocatoria del I Premiu Nuevu ”Julia Conesa”

L’Asociación de Vecinos El Horreo del Carbayedo, en collaboración cola Estaya de Normalización Llingüística del Ayuntamientu d’Avilés, convoquen con motivu de les Fiestes de San Roque del Carbayéu, que se celebren del 20 al 23 d’agostu del 2010,el cuartu concursu de microrrellatos n’asturianu “L’Horru del Carbayéu”. El plazu pa presentar rellatos, n’asturianu y d’un máximu de trés fueyes, ye’l 2 d’agostu.

El concursu tien les bases siguientes:
1-Pue participar cualesquier escritor/a en llingua asturiana como muncho con tres rellatos.
2- Los rellatos nun puen pasar de les 500 pallabres. La temática ye llibre.
3- El plazu pa presentalos piésllase a les 14 hores del día 2 d’agostu.
4- La presentación namás pue facese pel Corréu Elletrónicu, unviando los rellatos en formatu WORD a: avvelhorreo@yahoo.es.
Los trabayos dirán encabezaos per un TÍTULU y firmaos con un NOMATU/pseudónimu.
Les señes del mail nun puen ser indicatives de l´autoría.
El xuráu reclamará dempués, tamién por mail, tolos datos a los autores de los rellatos finalistes.
PREMIOS.-
Daráse un primer premiu de 400 € y troféu al meyor rellatu y 3 accesits, consistentes en llotes de llibros y placa, a los otros 3 rellatos finalistes.
SISTEMÁTICA.
a.- El 5 d’agostu un xuráu entamáu por reconocíes personalidaes de la cultura asturiana determinará los trabayos ganadores.
b.- El llunes, 23 d’agostu, los cuentos premiaos serán lleíos por un contador avezau o contadora, o polos mesmos autores, nel prau la fiesta (parque del Carbayedo), a les 20:00 hores. A esi actu han asistir los/les ganadores, pa recoyer los premios.
c.- Tolos rellatos presentaos, premiaos o non, van asoleyase nuna esposición al aire llibre, nel prau la fiesta, abierta al públicu los díes que éstes duren.
e.- El Xuráu entenderá de cualesquier dulda o problema que puea apaecer. A les sos decisiones nun se pue retrucar.
f.- Presentase a esti concursu implica la plena aceptación d´estes BASES.

Les Mocedaes Socialistes d’Uviéu (JSO/MSU) convoquen esti gallardón n’honor “a la menor de los trece roses que fueron fusilaes el 5 d’agostu de 1939”. La idea del premiu ye reconocer “el llabor de persones xóvenes que llucharon polos intereses d’esti colectivu” y ta compuestu por dos categoríes: persones mozes que destacaren nel ámbitu xuvenil xeneral; y persones moces que destacaren nel ámbitu xuvenil políticu.

La candidatura ha mandase acompañada d’una memoria esplicativa que se va unviar a Mocedaes Socialistes d’Uviéu, cai Xovellanos, 19, 33003, Uviéu, enantes del 2 d’agostu de 2010. Tamién podrán unviase al traviés del corréu lletrónicu a info@jsoviedo.org

Bases de la convocatoria del I Premiu Nuevu ”Julia Conesa”

Yá ta convocada la cuarta edición del Concursu de Semeyes de la revista “La Sidra”. Nesti concursu fotográficu de temes rellacionaos cola sidra, la mazana o dalgún de los sos derivaos, puen participar toles persones que quieran, tanto profesionales como aficionaos, con hasta 5 semeyes por participante. El primer premiu tien una cuantía de 600€, el segundu 350€ y el terceru de 150€.
Dempués de les trés esitoses ediciones anteriores, sobremanera na última con cientos de participantes de estremaos paises, convocase la cuarta edición d’esti concursu de semeyes que, amás de ser el más importante nesta temática nel país, abrese pasu, pocu a pocu, nel panorama de los concorsos fotográficos asturianos. El Concursu, entámalu la revista La Sidra, cunta col sofitu de Sidra JR Alto Infanzón.

Les bases completes del IV Concursu de Semeyes La Sidra son les que siguen (en www.lasidra.as puen consultase les bases n’inglés y en castellán).

BASES DEL CONCURSU

1. Podrán participar toles presones (profesionales o aficionaos) qu’unvíen dalguna semeya dientru’l plazu siñaláu y nos soportes requeríos en ca casu

2. Namás podrán unviase semeyes rellacionaes cola sidre., la mazana o cualisquiera de los sos derivaos y conforme a les carauterístiques descrites nestes bases, siendo 5 el númberu másimu de semeyes presentaes por autor.

3. Nun entrarán en concursu infografíes, valorárase a les imaxes que representen el procesu fabricación y consumu la sidre en cualisquier aspeutu tantu dientru comu fuera d’Asturies.

4. Toles semeyes tendrán de remitise dientru’l plazu duración del concursu, de magar la so espublización na revista LA SIDRA (Ensame Sidreru) y fasta’l 1 de payares, nos soportes indicaos.

5. Les semeyes unviaránse en formatu dixital a la direición: infolasidra@gmail.com

6. Tendran remitise en formatu comprimíu en JPG y en tou casu con una resolución de 254 ppp y un tamañu de 50×70 cm, ensin marcos, tando la imaxe a sangre nel llienzu. Nel corréu tendrá figurar nome y direición del autor, nb. Teléfono y testu indicativu de pilpayu de semeya o semeyes.

7. Les semeyes tienen de ser necesariamente inédites, ello ye, nun tener ganao dengún otru concursu nin ser espublizaes en revistes, cartelos o folletos.

8. Un xuráu cualificáu formáu poles presones que designe LA SIDRA (Ensame Sidreru) seleicionará, ente les semeyes recibíes, les tres meyores.

9. LA SIDRA (Ensame Sidreru) reservase’l drechu a solicitar l’orixinal a los ganaores.

10. Les imaxes finalistes formarán parte de l’amuesa “Semeyes sidreres” que s’espondrá nel actu d’entrega de premios. Esta esposición podrá ser itinerante col oxetivu de da-y puxu la cultura asturiana de la sidre.

11. Ente les semeyes finalistes seleicionarán los tres primeros premios que tarán dotaos comu vien darréu:

1er premiu 600 € (500 € en metálicu y 100 € en llibros)
2u premiu 350 € (300 € en metálicu y 50 € en llibros)
3er premiu 150 € (125 € en metálicu y 25 € en llibros)
12. Los finalistes recibirán un diploma ya invitación a la espicha d’entrega premios.

13. Los premios a les meyores semeyes (previa comunicación per e-mail o teléfonu a los ganaores) fadránse públicos na revista LA SIDRA (Ensame SIdreru).

14. Les semeyes premiaes y una seleición de les meyores sedrán espublizaes na revista LA SIDRA (Ensame Sidreru).

15. Toles semeyes podrán ser espublizaes y nel so casu utilizaes por LA SIDRA (Ensame Sidreru), respetando’l so formatu d’imaxe y mencionando l’autor. La organización resérvase’l drechu d’espublización de les semeyes na revista, llibros y restu material que pudiere editar citando espresamente’l so autor.

16. El fechu de participar supón l’aceptación dafechu de les presentes bases.

Como cada añu, ente’l 22 de xunetu y l’8 d’agostu, Xixón va acoyer el concursu de canción asturiana organizáu pol diariu El Comercio. Les fases eliminatories celébrense nel tendayu del Pueblu d’Asturies, mientres que la finales suelen facese na Plaza Mayor. Hasta’l día 11 de xunetu pueden apuntase los interesaos, embaxo les bases completes qu’ufrimos.

Bases completes del concursu

Col enfotu de da-y puxu al estudiu de la realidá política, económica, social y cultural d’Asturies, asina como al so pensamientu, la editorial Espublizastur vien de convocar la segunda edición del Premiu “Asturies” d’Ensayu pa obres escrites n’asturianu. El premiu d’esta segunda edición ta dotáu con 1.700 euros (1.450 en metálicu y 300 en llibros) y la espublización de la obra premiada.

El plazu pa presentar los ensayos ye hasta l’1 de payares tando’l xuráu d’esta edición compuestu pol economista y escritor David M. Rivas, Antón Fuertes, psicólogu y escritor cofundador del Conceyu d’Asturies en Madrid, Bruno Gómez ganador de la primer edición con “Turismu ya identidá Nacional”, l’escritor Xaviel Vilareyo que recibió una mención del xuráu na primer edición, y Javier Cubero, Premiu Fierro Botas d’Ensayu y Investigación 2009.

Les obres que se presenten al “2u Premiu d’Ensayu ASTURIES” tendrán que versar alrodiu la realidá política, económica, social y cultural d’Asturies –nos sos territorios hestóricos- y los sos retos de futuru. Valoraránse especialmente obres que combinen la esposición teórica, la so aplicación práutica y la so exemplificación al traviés de comparatives con otres realidaes nacionales.

Les obres tendrán de ser estrictamente inédites y nun podran tar premiaes anteriormente, escrites n’asturianu, con una estensión d’ente 120.000 y 240.000 carácteres. La resolución del premiu fadráse pública’l 7 de payares.

Los orixinales han mandase, pel sistema de pliques, a ESPUBLIZASTUR La Caleya’l Ríu, 205 CP 33394, Xixón, Asturies. Han mandase cinco copies, axuntándose una copia en formatu dixital del orixinal.