Convocatories Entamen un taller de catalán nAvilés by asturnet 20 d'abril, 2011 Dientro de les actividaes d’Europa Aquí, los talleres d’idiomes asocédense de siguío. Nesta ocasión, unu de los participantes nel taller d’inglés, Víctor, animóse a compartir la so llingua materna, el catalán, con quien tenga interés. El taller va ser los vienres de 18:00 a 19:00 hores a partir del día 29 d’abril y, pel momentu, hasta finales de mayu nel Edificiu Europa (Avenida Fernando Morán, 26. Avilés). Pa participar ha mandase un corréu col nome, apellíos, edá y teléfonu a europaqui@gmail.com Amás, lasociación busca entamar talleres nuevos y busca xente interesao en dar un taller dasturianu. 20 d'abril, 2011 0 FacebookTwitterPinterestEmail
Convocatories Abiertul plazu de sovenciones pa l’acoyida ya integración social de persones inmigrantes by asturnet 19 d'abril, 2011 La Conseyería de Bienestar Social y Vivienda convoca sovenciones a entidaes ensin ánimu d’arriquecimientu pal desenvolvimientu de programes o proyectos nel ámbitu de l’acoyida ya integración social de persones inmigrantes, dientro del territoriu d’Asturies. Les solicitúes, formalizaes según modelu que figura como anexu al Resolvimientu y acompañaes de la documentación correspondiente, van poder presentase vía presencial o vía telemática o per cualesquier de los medios establecíos na llei. El plazu de presentación remata’l 7 de mayu, pudiendo consultase les bases nel BOPA del 7 d’abril de 2011. 19 d'abril, 2011 0 FacebookTwitterPinterestEmail
Convocatories Cultura convoca les sovenciones pa museos y colecciones museográfiques privaes by asturnet 4 d'abril, 2011 La Conseyería de Cultura y Turismu convoca sovenciones pal caltenimientu de museos y colecciones museográfiques dependientes de persones, families ya instituciones ensin fines d’arriquecimientu, aniciaos n’Asturies, pal exerciciu 2011. Les solicitúes de sovención, xunto cola documentación que se precisa, van presentase, según modelu normalizáu, nel Rexistru Xeneral de l’Alministración del Principáu d’Asturies o per cualesquier de los medios establecíos llegalmente, hastal 30 d’abril. Bases completes 4 d'abril, 2011 0 FacebookTwitterPinterestEmail
Convocatories Tuña organiza un concursu de semeyes dhorros y paneres by asturnet 17 de marzu, 2011 L’asociación de muyeres “Cuarto de la Riera” de Tuña (Tinéu), convoca esti certame al que pueden presentase semeyes tomaes nel Cuartu la Riera. Los premios son de 75 euros y una fin de selmana na zona, de 50 euros y una cena y de 30 euros y estancia nun balneariu. Tamién ta consideráu un premiu pa menores de 16 años que consiste nun reproductor mp3. El plazu de presentación remata’l 22 d’abril y ha facese en persona o corréu na Asociación de muyeres Cuarto de la Riera, Posada, 26 33876, Tinéu. Pa conocer más información pue llamase al teléfonu 686 485 758. Bases completes 17 de marzu, 2011 0 FacebookTwitterPinterestEmail
Convocatories Roberto González-Quevedo presenta La cultura asturiana, antropoloxía dAsturies by asturnet 16 de febreru, 2011 Esti xueves, 17 de febreru, de magar les ocho la tarde, el Club de Prensa de La Nueva España acueye la presentación de La cultura asturiana, antropoloxía dAsturies, un llibru nel González-Quevedo fai un repás a tolos elementos de la cultura asturiana, al traviés de trabayos que cinquen a estremaes facetes, como les tradiciones, los ritos, la economía, la llingua, larquitectura popular, les colleches y otros munchos temes. Nel actu van participar José Ramón García del Castillo, director de CH Editorial, y Roberto González-Quevedo, autor. Dientro de la presentación ta previstu un alderique sobre’l tema tituláu “La cultura asturiana y el so futuru”. La obra ye según el propiu autor una evaluación teórica y un repás al conxuntu de la cultura asturiana, lo qualbidra una obra de sistematización y definición de los distintos aspeutos que formen la cultura astur. Na obra Hai temes nuevos afirma-, pero muchos de los asuntos que se traten nesta obra son asuntos yá estudiaos por min nobres anteriores, anque nesti casu les cuestiones trátense de forma más contestualizada y tratando de precisar meyor el perfil asturianu. Roberto González-Quevedo ye un escritor, filósofu, antropólogu y llingüísta, ñacíu en Palacios de Sil, Lleón, en 1953. En 1981 algamól Premiu de Narraciones Curties de la Diputación dAsturies (antecesor del Xosefa Xovellanos) col so relatu Pul sendeiru la nueite. Ye miembru de númberu de l’Academia de la Llingua Asturiana ocupando anguaño’l cargu de secretariu, y director de la revista Cultures, editada pola Academia asturiana y dedicada a temes antropolóxicos y etnográficos. Entrevista con Roberto González-Quevedo n’Asturnews 16 de febreru, 2011 0 FacebookTwitterPinterestEmail
Convocatories Convoquen una edición más del Premiu Patac 2011 by asturnet 16 de febreru, 2011 El Gobiernu dAsturies y el Conceyu de Xixón convoquen esti premiu de trabayos lliterarios o d’investigación que traten sobre hestoria, xenealoxía, heráldica, bibliografía o archivística asturianes, y que ta dotáu con 4.140 euros. L’últimu día pa presentar los orixinales, nasturianu o en castellán, va ser el 21 de marzu. Bases completes del concursu 16 de febreru, 2011 0 FacebookTwitterPinterestEmail
Convocatories Xixón convoca les sovenciones de mocedá 2011 by asturnet 3 de febreru, 2011 El Conceyu de Xixón al traviés de la Conceyalía de Polítiques de Mocedá, convocó les subvenciones destinaes a asociaciones y colectivos xuveniles del conceyu de Xixón pal añu 2011. Les entidaes xuveniles del conceyu pueden presentar les sos propuestes hasta l11 de febreru. Convocatoria completa 3 de febreru, 2011 0 FacebookTwitterPinterestEmail
Convocatories El Ministeriu de Defensa convoca los sos premios densayu y periodismu by asturnet 27 de xineru, 2011 El Ministeriu de Defensa convoca los Premios Defensa 2011 nes modalidaes: de trabayos d’investigación, medios de comunicación social y premiu José Francisco de Querol y Lombardero, a les que pueden presentase autores con trabayos o composiciones que tean referíos a temes rellacionaes cola defensa, la seguridá, la paz, la hestoria militar y otros ámbitos que conformen la cultura de defensa del estáu español. Les solicitúes tienen de presentase hasta’l día 10 de marzu. Bases completes de los premios 27 de xineru, 2011 0 FacebookTwitterPinterestEmail
Convocatories El Ministeriu de Cultura convoca les Beques Culturex by asturnet 13 de xineru, 2011 El Ministeriu de Cultura convoca les Beques Culturex de formación práctica en xestión cultural pa mozos de tol estáu nel esterior, n’instituciones culturales y n’embaxaes y consulaos d’España, correspondientes al añu 2011, en dos modalidaes, de formación práctica en xestión cultural pa mozos n’instituciones culturales nel esterior y de formación práctica en xestión cultural pa mozos n’embaxaes y consulaos d’España nel esterior. Pídese tar en posesión del titulu de llicenciáu o bien de títulos estranxeros equivalentes homologados pol Ministeriu d’Educación y nun pasar de 35 años. Ye necesario tamién el dominiu del idioma oficial del destín solicitáu y amplia conocencia falada y escrita del idioma inglés nos destinos de fala non inglesa. El plazu de presentación de solicitúes remata’l día 27 de xineru de 2011. Les bases pueden consultase nel BOE del 10 de xineru de 2010. 13 de xineru, 2011 0 FacebookTwitterPinterestEmail
Convocatories Manifestación nel primer aniversariu de la destitución de Pepe El Ferreiro by asturnet 11 de xineru, 2011 El domingu 30 de xineru va celebrase una manifestación nel Parque de Grandas de Salime, de magar les doce la mañana. La convocatoria faise coincidiendo col primer aniversariu de la destitución de Pepe El Ferreiro como responsable del Muséu Etnográficu de Grandas de Salime. 11 de xineru, 2011 0 FacebookTwitterPinterestEmail