Convocatories

Ábrese’l plazu de matrícula pa les XXX Xornaes Internacionales d’Estudiu, dedicaes nesta ocasión a la celebración d’un Conceyu Internacional de Toponimia y Antroponimia Asturiana , ente los díes 8 y 10 de payares. El llugar de celebración ye como siempres la Facultá de Filosofía y Lletres de la Universidá d’Uviéu.

L’ALLA centra na onomástica les XXX Xornaes Internacionales d’Estudiu

Esti xueves a partir de les 17:30 hores, el Centru Social La Semiente tará abieru como tolos miércoles y xueves. La charra sobre’l sindicalismu y la represión en Colombia va entamar a les 20:00 hores. El centru ta nel 6 de la cai Eladio Garcia Jove, en L’Entregu.

Los díes 8 y 9 d’ochobre, los diez conceyos qu’integren la Comarca Camín Real de la Mesa proponen participar nuna risondera “escapda” onde va podese esfrutar d’un ampliu y variáu programa d’actividaes prehestóriques” pa tolos públicos.

Los recursos y les visites turístiques-culturales van tener un aire paleolítico; la ufierta gastronómica te va ufiertar ensundiosos “menús ástur-rupestres” y van poder afayase munches sorpreses más, nun ambiente totalmente tematizáu. Los organizadores aseguren “una xornada inolvidable”.

Programa completu d’actividaes

El Chigre Cantábrico asitiá nel 3 de la cai d’El Muelle d’Oriente, xunto a los Xardinos de la Reina, en Xixón, acueye esti martes viniente, 4 d’ochobre, y de magar les ocho y media la tarde, la charra “Asturies a Gaza: compromisu cola Llibertá y los Derechos Humanos”, que va cuntar cola participación de Miguel Ángel San Miguel, miembru del Comité de Solidaridá cola Causa Árabe ya integrante de la II Flota de la Llibertá Rumbu a Gaza, y de Rafael Palacios, integrante de la mesma flota. L’actu va presentalu Xabel García García.

L’Asociación Profesional de Xestores Culturales d’Asturies va celebrar la II Xornada del Oficiu del Xestor Cultural que va tener llugar el sábadu 1 d’ochobre na Sala de Conferencies del Centru de Cultura Vieyu Institutu Xovellanos de Xixón.

Al rematar la xornada, vamos realizar una espicha de confraternización na Sidrería “El Otru Mallu”. La inscripción nes xornaes ye de baldre y la espicha va tener un preciu de 22 €. Los intereaos han ponese en contactu cola asociación organizadora.

Sigue abiertu’l plazu de presentación d’orixinales a la V edición del Concursu Semeyes La Sidra, pa obres rellacionaes cola sidra, la mazana y los sos derivaos. Trátase d’un concurus abiertu a profesionales y aficionaos, que nesta quinta edición perfila daqué más les sos bases al oxetu de meyorar la convocatoria. El plazu del concursu tará abiertu hasta’l próximu 1 de payares de 2011.

Como na edición anterior presentárense más de 166 fotógrafos con alredr de 744 semeyes, lo que supón tou un ésitu. Los premios tán dotaos con 600 € pa la semeya ganadora (500 € en metálicu y 100 € en llibros), 350 € pal segundu premiu (300 € en metálicu y 50 € en llibros) y 150 € (125 € en metálicu y 25 en llibros) pal terceru.

Arriendes d’ello esti añu habrá un accesit p’aquelles semeyes que tean comu oxetu la Sidra J.R, patrocinador del Concursu y que consistirá en 2 caxes de botelles de sidre d’esti llagar.

Sigue abiertu’l plazu de presentación d’orixinales a la V edición del Concursu Semeyes La Sidra, pa obres rellacionaes cola sidra, la mazana y los sos derivaos. Trátase d’un concurus abiertu a profesionales y aficionaos, que nesta quinta edición perfila daqué más les sos bases al oxetu de meyorar la convocatoria. El plazu del concursu tará abiertu hasta’l próximu 1 de payares de 2011.

Como na edición anterior presentárense más de 166 fotógrafos con alredr de 744 semeyes, lo que supón tou un ésitu. Los premios tán dotaos con 600 € pa la semeya ganadora (500 € en metálicu y 100 € en llibros), 350 € pal segundu premiu (300 € en metálicu y 50 € en llibros) y 150 € (125 € en metálicu y 25 en llibros) pal terceru.

Arriendes d’ello esti añu habrá un accesit p’aquelles semeyes que tean comu oxetu la Sidra J.R, patrocinador del Concursu y que consistirá en 2 caxes de botelles de sidre d’esti llagar.

El Palaciu Revillaxixéu (Xixón) y la Casa Natal de Xovellanos acueyen ente abril y setiembre de 2011 la esposición La lluz de Xovellanos, que conmemora los 200 años de la muerte del ilustráu. Entamada por Acción Cultural Española (AC/Y), el Conceyu de Xixón, Caxastur y l’Institutu Feijoo d’Estudios del Sieglu XVIII, l’amuesa tien por oxetu averar a los ciudadanos la vida y obra del prócer con referencies a aspeutos familiares, la so peripecia política, les sos obres económiques, los sos proyectos pedagóxicos y l’urbanismu xixonés.

Esposición con catálogu venceyada al bicentenariu de Xovellanos que va sirvir pa dar a conocer los sos compromisos vitales y el proyectu ilustráu qu’acometió, que supunxo la puesta en práctica a escala del programa de progresu y felicidá pública de la Ilustración europea.

L’amuesa, coordinada pol Institutu Feijoo d’Estudios del Sieglu XVIII, estrémase en dos grandes árees temátiques, con diverses secciones:

Xovellanos: redolada familiar ya intelectual, el gabinete d’un ilustráu, maxistratura y vida política, visiones y representaciones de la so figura, el Xixón del sieglu XVIII.

L’Asturies del sieglu XVIII, tantu la que yera como aquella en que quería tresformase: territoriu, economía y sectores granibles, ciencia, universidá, sociedá y cultura.

L’amuesa esibe doscientes cincuenta y seis pieces, procedentes d’ochenta instituciones, ente les que se cunten archivos y biblioteques nacionales, conceyos, bancos, fundaciones, academies, museos y colecciones particulares.

Estos cursos, de nivel A1 d’asturianu cunten con venti places y van celebrase en Xixón, Uviéu y Avilés. Empobinaos a mayores de 17 años, tienen un preciu de 320 euros.

N’Uviéu los cursos van celebrase los llunes y miércoles, de 16:30 a 18:00 hores; en Xixón, dientro de la Cátedra Xovellano, los martes y xueves, de 19:30 a 21:00 hores, y n’Avilés, llunes y miércoles, de 18:00 a 19:30 hores. Toos ellos van entamar na selmana del 3 d’ochobre, rematando’l 31 de mayu de 2012, cuntando con 90 hores de docencia. La matricula tará abierta del 4 de xunetu al 16 de setiembre .

Yera una de les promeses que se ficieren nel momentu de crear la Casa de les Llingües de la Universidá d’Uviéu, en 2008, cola llegada del rector Vicente Gotor al gobiernu universitariu. Pero nun foi hasta agora, y dempués de delles protestes del Conceyu Universitariu pol Asturianu, cuando la nueva institución convocó cursos d’asturianu dientro de la so ufierta, qu’inclúi otres diez llingües pal cursu 2011-2012.

Más información sobre los cursos

Con motivu de les Fiestes de San Roque del Carbayedo, a facer n’Avilés del 19 al 22 d’agostu del 2011, y col aquel d’animar a la creación lliteraria en llingua asturiana, l’Asociación de Vecinos El Hórreo del Carbayedo, en collaboración cola Estaya de Normalización Llingüística del Conceyu d’Avilés, dependiente del Serviciu de Promoción Cultural de la Conceyalía de Cultura, entama’l quintu concursu de micro-rellatos b’asturianu “L’horru Del Carbayedo” al que pueden presentase autores hasta con trés rellatos de menos de 500 pallabres y temática llibre.

El plazu pa presentalos piésllase a les 14 hores del día 1 d’agostu. La presentación namás pue facese pel corréu lletrónicu, unviando los rellatos en formatu Word a avvelhorreo@yahoo.es. Los trabayos dirán encabezaos per un títulu y firmaos namás con un nomatu. Nel corréu lletrónicu axuntaráse un archivu aparte, que la organización (A. VV. El Hórreo) guardará en secretu, ensin que’l xuráu pueda conocelu enantes del fallu, colos datos siguientes: nome, teléfonu, señes, DNI, y títulu/os presentáu/os al concursu.

Daránse dos premios: primeru, de 400 euros y troféu; segundu, de 200 euros y placa. Los dos premios nun pueden recayer nel mesmu autor/a. El 4 d’agostu un xuráu formáu por reconocíes personalidaes de la cultura asturiana determinará los trabayos ganadores. El llunes, 22 d’agostu, los/les autores lleerán los rellatos premiaos y recoyerán los premios, a les 20:00 hores, nel Salón d’Actos de la AA. VV. El Hórreo (Cai Dr. Marañón, 16, baxu).

Tolos rellatos presentaos, premiaos o non, van esponese al públicu al aire llibre, nel campu la fiesta (Parque del Carbayedo), los díes que dure la fiesta. El Xuráu entenderá de cualesquier dulda o problema que pueda apaecer. A les sos decisiones nun se pue retrucar.