Convocatories

N’avientu finó’l plazu pa presentase al III Premiu d’Ensayu Emilio Trabanco Trabanco, esistiendo un total de 5 obres presentaes al mesmu. La participación nesta III Convocatoria “aseméyase enforma a les anteriores, con cinco obres, dos n’asturianu y trés en castellán”, espliquen dende la revista La Sidra. Sicasí, aclarien tamién que “da la impresión de que la calidá de les mesmes ye enforma mayor, a la espera de lo que valore’l xuráu”.

David Rivas sedrá’l presidente del xuráu que tendrá qu’escoyer ente les obre presentaes, y que tará compuestu por persones de reconocía rellevancia nel mundiu la sidra.

El Premiu d’Ensayu “Emilio Trabanco Trabanco” ye una iniciativa puesta en marcha pola revista La Sidra, espublización con dellos años d’esperiencia nel sector sidreru. Grupu Trabanco patrocina esti gallardón, col que se contribúi al estudiu y espardimientu de toos aquelles temes que definen la cultura de la sidra n’Asturies.

“La sidra y la mazana na pintura asturiana” foi la ganadora del ‘II Premiu de Ensayo Emilio Trabanco Trabanco, obra d’Arántzazu Ortiz , que pon de manifiestu la relevancia de sidra como motivu principal de más de 400 pintures y grabaos de distintes dómines. La Sidra editará ceo esti llibru.

La fecha llende pa la recepción d’obres a concursu pal cartelu del próximu Antroxu ye’l 19 de xineru de 2012. La convocatoria sal del Teatru Xovellanos, entidá dependiente de la Conceyalaría de Cultura, Festexos y Educación de Xixón.

BASES CONCURSU DE CARTELOS ANTROXU 2012

El Conceyu de Xixón, al traviés del Teatru Xovellanos, entidá organizadora del Antroxu 2012, convoca EL CONCURSU NEL QUE SE VA ESCOYER EL MOTIVU QUE VA ILUSTRAR EL CARTELU ANUNCIADOR DEL ANTROXU 2012.

Ye intención d’esti concursu fomentar la creación artística dientro del ANTROXU y escoyer una obra representativa pal cartelu del añu 2012.

Esti concursu ye una convocatoria abierta a la participación d’artistes y creativos de conformidá coles siguientes

BASES:

1. Va Poder participar cualquier persona, sía’l que quier la so nacionalidá o condición. 2. Va Ser tema y motivu únicu de llibre creación el Antroxu, en cualesquier de les sos munches manifestaciones festives, y va haber de reflexar l’atmósfera y l’ambiente d’esta fiesta dende la perspectiva del artista.

3. Les obres pueden ser realizaes con cualquier procedimientu o técnica, siempres y cuando sían a color y tengan unes midíes proporcionales A4 (297mm x 210mm). Va Ser sía que non necesariu la capacidá de la obra pa la so correcta reproducción (dixital) en cartelería. Los trabayos tendrán de ser presentaos impresos (A4 – A3) y en formatu dixital. Nel cartelu va ser necesariu mentar: Xixón, Antroxu 2012, 17 al 21 de febreru. Fiesta d’ interés turisticu rexonal.

4. Les obres van presentar nes oficines del Teatru Xovellanos (Casa de la Palmera, Cabrales 82, 33201 Xixón), con referenciar “Concursu de cartelos Antroxu 2012” dende’l día 3 de noviembre de 2011 hasta’l día 19 de xineru del 2012 a les 14 hores.

5. Pa participar nel concursu va ser necesariu presentar la obra de forma anónima, incluyendo los datos personales del autor (nome completu, dirección y teléfonu de contactu) dientro d’un sobre zarráu, y figurando nel esterior namá’l lema o títulu de la obra. Los trabayos van haber de ser orixinales y nunca antes tienen de sirvir como cartelu de dalgún eventu.

6. Si’l nome del autor tuviera visible en dalgún llugar del trabayu, y non incluyíu nel interior d’un sobre zarráu, va ser automáticamente descalificáu.

7. El xuráu va ser designáu pol Teatru Xovellanos, y va tar integráu por distintes persones de reconocíu prestíu nel mundu del arte, el diseñu gráficu, la publicidá y la comunicación, amás d’un representante de la entidá organizadora, que va actuar como presidente. La decisión del xuráu va ser inapellable y va poder declarar el concursu ermu.

8. El fallu del xuráu va dar a conocer el día 21 de xineru al traviés de los medios de comunicación. La obra premiada y el cartelu diseñáu del próximu Antroxu xixonés van amosar mientres la presentación oficial del Antroxu 2012.

9. El concursu ta dotáu con un únicu premiu de 500 EUROS en conceutu d’usu de la imaxe de la obra premiada. La obra ganadora va ser en tou momentu propiedá del autor de la mesma y dexar pa la so reproducción. El Teatru Xovellanos de Xixón acutaráse tolos derechos de reproducción y espardimientu de la obra galardonada, completa o estazada, pudiendo ser tresmitida por un sistema de recuperación d’información, o en cualesquier otru mediu, bien sía mecánicu, químicu, fotoquímicu, electrónicu, xerográfico, por rede informática o otru, y siempres y en tou momentu acomuñada col Antroxu 2012 y col autor de la mesma.

10. Los trabayos ensin premiar van poder ser recoyíos nes oficines del Teatru Xovellanos polos sos autores hasta’l 23 de marzu de 2012. Les obres ensin reclamar antes de la fecha indicada, van ser destruyíes.

11. La participación nesti concursu supon l’aceptación de toes y cada una de les sos bases.

Fonsu Suárez (Xixón, 1991) participara güei, xueves 15 d’avientu, na Tertulia Enrique García Rendueles con una ponencia sobre la cuestión nacional nel pensamientu marxista. Suárez , estudiante de Filoloxía de la Universidá d’Uviéu, ye militante de Fai! y de Conceyu Abiertu por Xixón. Dende bien de mozu participa en dellos movimientos sociales y plataformes estudiantiles. Anguaño lleva los blogues “D’ayuri a nenyuri” (http://dayurianenyuri.blogspot.com) y “Estratexa y táctica” (http://estratexaytactica.blogspot.com).

Na so charra Fonsu presentará dalgunes pincelaes sobro la concepción de la cuestión nacional na obra de Carlos Marx y Federicu Engels, desmintiendo dellos mitos sobro l’antisoberanismu de los autores y exemplificando sobro too na so opinión sobro’l casu irlandés. Plantegarará tamién tamién les visiones de les más importantes corrientes marxistes, destacando sobro too’l conflictu ente la visión leninista y la trotskista y luxemburguista.

Mui penriba comentará delles esperiencies hestóriques comu Rumanía, Corea y Cuba y la so aplicación nel Estáu español al traviés de teóricos como Iñaki Gil San Vicente y de organizaciones polítiques como’l MDT catalán. Analizaráse tamién en comuña si Asturies ta o non preparada pa la independencia baxo un modelu socialista de sociedá y qué fadría falta pa empobinar esi camín dada la situación d’anguaño.

La Biblioteqk, de RadioQK entama pa esti fin d’añu’l so primer concursu de rellatos curtios. La entega depremios va celebrase nel Llocal Cambalache d’Uviéu’l día 30 d’avientu a les siete la tarde. Nesti actu va presentase’l proyectu de la biblioteca, la llectura de los relatos, unes sorpreses y pa rematar una orixinal entrega de premios.

Dende la organización animen a mandar rellatos a la dirección biblioteqk@gmail.com, con temática y estensión llibre.

Esta fin de selmana, del 2 al 4 d’avientu, Bual acueye la edición cuarta d’esti festival cultural entamáu pola Asociación Xuvenil Mezá. Un alcuentru que quier “motivar y dar un pouco de vida al occidente asturiano”, según espliquen los sos organizadores. Ente les actividaes, música, lliteratura y una escursión arqueolóxica. Tolos actos son de baldre y van celebrase na Casa Cultura del conceyu.

Esti ye’l programa completu:

Vienres 2 d’avientu

-20:00: Presentación del IV Outono Cultural

-20:30: Conciertu d’Espido

Sábadu 3 d’avientu

-12:00: Presentación de “L’alma robada” de Pablo Texón y da esposición “Desaprendizaxe” d’Esteban Suárez, que va tar espuesta a lo llargo de toles xornaes

-18:00: Mesa redonda: “Prensa: llibertá y represión”. Modera: Xuan Bello. Los participantes van ser: Óscar Vega, Xuan Cándano y Martxelo Otamendi

-20:00: Conciertu de Txetxu Altube (cantante de Los Madison)

-24:00: Timba Poétika con Pablo X. Suárez, Laura Marcos, Pablo Texón, Sergio S. Taboada y Ana Vega

Domingu 4 d’avientu

-Escursión per dellos xacimentos arquelóxicos del valle del Navia.

El Conceyu de Tapia, en collaboración cola Fundación Parque Hestóricu del Navia, entama’l III Cursu de Lingua y Cultura del Navia-Eo, que va impartise tolos martes y xueves a partir del 29 de payares y hasta el 24 de xineru de 2012, ente les cinco y les ocho la tarde nel salón d’actos del Conceyu de Tapia.

Mientres el Cursu d’alfabetización en gallego-asturianu, que sigue a les ediciones de 2008 y 2010 celebraes nel Conceyu d’El Franco, van impartise tamién clases y ponencies sobre distintes materies rellacionaes col territoriu Navia-Eo, como la lliteratura y sociollingüística del gallego-asturianu, esperiencies de normalización llingüística, el gallego-asturianu na música, recursos naturales del Navia-Eo, lliteratura infantil y esperiencies docentes col gallego-asturianu, ente otres cuestiones.

Pa ello, esti cursu va cuntar cola participación de profesores especializaos en delles d’estes árees y distintes ponentes que van dir, a midida que el cursu avance, presentando les distintes temátiques que nél s’impartirán, como Xosé Miguel Suárez, Tapia; Belén Rico Prieto, Noelia Bermúdez, José Antonio Pasarón, Ricardo Saavedra o Iván Iglesias Fernández.

La inscripción nesti cursu ye de baldre pero tien places llindaes. Ha facese enantes del próximu 28 de payares nel teléfonu 985.624.821 (Iván Iglesias) o unviando un corréu lletrónicu a la dirección cultural@parquehistorico.org

La Oficina de Normalización Llingüística del Conceyu de Llaviana convocó’l so primer concursu d’ellaboración de postales de navidá en llingua asturiana, dirixíu a los alumnos de los centros d’educación primaria del conceyu.

Con esta iniciativa búscase “avanzar na dignificación social del asturianu nun ámbitu tan importante como l’educativu: fomentando la presencia de la llingua asturiana na aula, promoviendo la trasmisión xeneracional del asturianu y previniendo l’abandonu de la llingua materna”.

Va haber trés categoríes y un premiu pa caúna d’elles; los premios van consistir nun llote de llibros pa cada ganador. Toles postales participantes van formar parte d’una esposición que va entender tol periodu de Navidá y que va tener llugar na Casa la Cultura de La Pola y na biblioteca de Los Barreros. El plazu d’entrega de los trabayos conclúi’l día 2 d’avientu. El concursu cunta cola ayuda de la Conseyería de Cultura y Deporte d’Asturies y l’Academia de la Llingua Asturiana.

Una edición nueva de la Tertulia Pachín de Melás va celebrase esti martes 22 de payares en Xixón embaxo’l títulu “Asturies en rede. CiberActivismu y Compromisu”. Nel alderique, presentáu por Rubén Ardura, van participar Mikel González, creador de la rede social Ximielga.me; Vítor Suárez, blogueru de Fueya en Blanco y Fernando de la Fuente, representante del diariu dixital Asturies.com

La tertulia va entamar de magar les ocho y media la tarde nel Chigre Cantábrico de Xixón, nos Xardinos de la Reina.

A les 20:00 hores d’esti xueves 20 de payares, el Centru de Referencia de la Cultura y la Llingua Asturiana va acoyer la charra “El Conceyu Llangréu na toponimia medieval” de Xose Lluis García Arias. Esti actu enmárcase dientro de la programación de les xornaes culturales De castilletes y Carbón qu’organiza’l Conceyu de Llangréu en collaboración cola Fundación Nuberu y que vien desenvolviéndose tolos xueves d’esti mes pa rematar con un conciertu del grupu Nuberu’l próximu 4 d’avientu, día de Santa Bárbola.

Xosé Lluis García Arias ñació en Teberga y ye Caderaglu de Dialectoloxía na Universidá d’Uviéu y Doctor en Filoloxía Románica, foi profesor nes universidaes d’Uviéu, Valladolid y Lleón. Cofundador y primer presidente de Conceyu Bable, García Arias foi presidente de l’Academia de la Llingua Asturiana dende la so fundación nel añu 1981 hasta l’añu 2001. García Arias ye tamién un investigador incansable y especialista en toponimia de fama mundial, ente los sos trabayos rescamplen: Llingua y sociedá asturiana; Pueblos asturianos, el porqué de sus nombres; Contribución a la gramática histórica de la lengua asturiana y a la caracterización etimológica de su léxico; Propuestes etimolóxiques; Diccionariu Xeneral de la Llingua Asturiana y Gramática histórica de la lengua asturiana.

El cursu entama’l llunes 14 de payares, nel llocal de la organización, el Llar Solidariu, na cai La Gascona 12, 3u d’Uviéu. Tien 60 hores de duración. Nél, los alumnos y alumnes van poder deprender el bon usu del idioma, tanto a nivel escritu como oral, de la mano d’una Llicenciada en Filoloxía y Especialista en llingua asturiana.

L’horariu va ser de 19’00 a 21’00 hores, los llunes y miércoles (horariu provisional hasta concretar cola xente matriculao). El preciu de la matrícula completa ye de 30 euros. Toles persones interesaes pueden apuntase mandando un corréu a uvieu@exunta.org o llamando al 985 22 95 53 o al 679 65 09 98.