Convocatories La Universidá dUviéu alderica sobre cultura nel tiempu la crisis by asturnet 5 de xunu, 2012 La Universidá d’Uviéu organiza un alderique alredor de cultura en tiempu la crisis, nel que van participar miembros del xuráu del Premiu Príncipe d’Asturies de les Lletres que, amás, son responsables de suplementos culturales en diarios estatales. L’actu ye esti martes 5 de xunu, a les 19:45 hores, na Aula Magna del Centru Cultural LAUDEO (Edificiu Hestóricu), y participen Blanca Berasátegui, directora del suplementu La Cultura d’El Mundo, Juan Cruz, axuntu a dirección d’El País, periodista y escritor, Fernando R. Lafuente, director de ABC Cultural y subdirector dABC, y Sergio Vila-Sanjuán, coordinador del suplementu Cultura/s de La Vanguardia. 5 de xunu, 2012 0 FacebookTwitterPinterestEmail
Convocatories Xixón convoca la quinta edición del premiu Fierro Botas by asturnet 4 de xunu, 2012 La Conceyalía d’Educación, Cultura, Xuventú y Fiestes del Conceyu de Xixón, nel so enfotu de facer alcordanza del la figura de Don Federico González-Fierro Botas y la so querencia pola llingua de nueso y la so normalización social, convoca la quinta edición del Premiu d’ensayu y trabayos d’investigación “Fierro Botas”. Autores como Rafael Rodríguez Valdés, Javier Cubero y Alberto Álvarez Peña fueron ganadores n’otres ediciones del Premiu Fierro-Botas. Bases completes del Premiu 4 de xunu, 2012 0 FacebookTwitterPinterestEmail
Convocatories Les sovenciones pal usu del asturianu esixen lusu de la toponimia y unos porcentaxes mínimos de conteníos by asturnet 24 de mayu, 2012 Una de les novedaes de la cabera convocatoria de sovenciones pa la normalización del asturianu espublizada esti xueves 24 de mayu pol tovía Conseyeru de Cultura, Marcos Vallaure, ye que los medios de comunicación que quieran recibir estes ayudes por usar lasturianu, tienen de facer usu nel so mediu de la toponimia oficial aprobada pol Gobiernu dAsturies y los conceyos, pues col sistema nuevu de puntuación, esti ye un puntu con gran pesu. Esto supondría, por exemplu, que medios como El Comercio, La Nueva España o la Cadena Ser tendríen munches menos posibilidaes de recibir ayudes de nun cambiar lusu que faen anguaño de la toponimia. Va tenese en cuenta amás lhorariu demisión, la calidá llingüística y sil mediu usa lasturianu como llingua vehicular del mesmu. La convocatoria conxunta de sovenciones pa la normalización social del asturianu y el gallego-asturianu pa esti añu tien una cuantía de 245.600 euros, frente a los 316.000 euros de 2011, cuntando con cinco llinies dayudes: actividaes d’asociaciones y entidaes ensin propósitu d’interés económicu, actividaes d’empreses privaes, actividaes cinematográfiques y de vídeu, música y medios de comunicación. Convocatoria completa 24 de mayu, 2012 0 FacebookTwitterPinterestEmail
Convocatories El Camín de Santiago a estudiu na Universidá dUviéu by asturnet 22 de mayu, 2012 El Vicerrectoráu d’Estensión Universitaria y Comunicación organiza un ciclu de charres alredor del Camín de Santiago. Esti martes, 22 de mayu, a les 19:30 hores, na Aula Magna del Centru Cultural d’Estensión Universitaria, nel Edificiu Históricu, Juan José Tuñón Esguilada, Abá de Cuadonga, va impartir la conferencia “Arte y espiritualidá nel Camín”. El miércoles 23, a la mesma hora y nel mesmu llugar, Clara Fernández-Ladreda Aguade, de la Universidá de Navarra, va impartir la conferencia “Iánua caeli, les puertes del Cielu. Santa María de Sangüesa y San Miguel dEstella”. 22 de mayu, 2012 0 FacebookTwitterPinterestEmail
Convocatories El futuru del asturianu centra un alderique na Universidá dUviéu by asturnet 14 de mayu, 2012 Na tarde desti llunes, 14 de mayu, a les seis y na Facultá de Formación del Profesoráu y Educación de la Universidá d’Uviéu, el Conseyu d’Estudiantes de la Universidá d’Uviéu axunta nuna mesa redonda titulada “Llingua asturiana na Universidá d’Uviéu: ¿Y agora, qué?”, a dellos de los principales sectores universitarios y sociales que trabayen pola normalización de la llingua asturiana na Universidá, col envís de reflexonar sobre la situación presente del idioma na nuestra institución académica -tanto del puntu de vista del so usu como del so estudiu-, arriendes de les posibilidaes y estraxes futures nel camín pa la so normalización. Na mesa redonda van participar, Xosé Antón González Riaño, miembru de lAcademia de la Llingua Asturiana y direutor de la Universidá Asturiana de Branu, amás de Profesor Titular de la Universidá d’Uviéu; Xulio Viejo, miembru del Seminariu de Filoloxía Asturiana y Profesor Titular de la Universidá d’Uviéu; Llucía Menéndez Suárez, de Xunta Moza; ya Inaciu Galán, presidente dIniciativa pol Asturianu y miembru del Conceyu Universitariu pol Asturianu. En definitiva, y según la organización ponentes de primer orde que faen d’esta mesa redonda una oportunidá perbona p’axuntar reflexón y aición al rodiu del asturianu nel nuestru ámbitu universitariu y social, nuna cita a la que tán convidaos tolos miembros de la comunidá universitaria y toa persona esmolecía pol futuru de la llingua asturiana. 14 de mayu, 2012 0 FacebookTwitterPinterestEmail
Convocatories Ábresel plazu pa inscribise a la Prueba de Conocencia de lALLA by asturnet 11 de mayu, 2012 La Prueba de conocencia de la llingua asturiana organizada dos vegaes al añu pola Academia de la Llingua Asturiana abre esti llunes 14l plazu pa inscribise. La prueba va celebrasel 26 de mayu de 2012. El plazu de matrícula ye del 14 al 24 de mayu. Lhorariu de matrícula, de llunes a xueves de 9:00 h. a 15:00 h. y de 16:00 h. a 19:00 h. y los vienres de 9:00 h. a 14:00 h. nel llar de l’Academia, na Cai lÁguila dUviéu. Información completa de la prueba de conocencia 11 de mayu, 2012 0 FacebookTwitterPinterestEmail
Convocatories Preséntese les obres poétiques de Benito de lAuxa y Antón Balvidares by asturnet 1 de mayu, 2012 Mañana miércoles y dientro de los actos de la Selmana de les Lletres Asturianes , a la una la tarde, el Paraninſu de la Universidá dUviéu acueye la presentación del llibru Poesíes de Benito de lAuxa y Antón Balvidares, a cargu de Xuan Carlos Busto, profesor de la Universidá dUviéu. La 33 Selmana de les Lletres Asturianes céntrase, al abellugu del bicentenariu de la muerte de Gaspar de Xovellanos y de la promulgación de la Constitución de Cádiz, na recuperación de dos poetes coetanios, Antón Balvidares y el presbíteru Benito de lAuxa. 1 de mayu, 2012 0 FacebookTwitterPinterestEmail
Convocatories Búscase un técnicu sociollingüísticu pa Corvera by asturnet 27 d'abril, 2012 El Conceyu de Corvera convoca concursu-oposición pa la provisión d’una plaza de técnicu sociollingüísticu con destín na Casa de la Llingua desti conceyu. Va escoyese un tituláu cimeru universitariu pa la so contratación a xornada completa por aciu contratu temporal por obra o serviciu determináu hasta’l 31 d’avientu, con posibilidá de renovación. El sistema de selección va constar de dos fases: oposición (2 exercicios y entrevista personal) y concursu de valoración de méritos. La tasa por drechos d’exame xube a 31,32 y el plazu d’inscripción remata’l 4 de mayu. Bases completes de la convocatoria 27 d'abril, 2012 0 FacebookTwitterPinterestEmail
Convocatories Convócase un taller pal VI Festival Internacional de Poesía de Castrillón by asturnet 25 d'abril, 2012 El Centru Cultural Valey de Castrillón organiza un taller de les metáfores dirixíu A públicu adultu pal sábadu 12 de mayu, de 11 a 12. Sedrá na Sala Polivalente Valey (Piedresblancas-Castrillón) El taller va impartilu Leopoldo Sánchez Torres, director de l’Aula de les Metáfores, quimpartió diversos cursos de poesía y creación lliteraria, y na actualidá coordina’l Taller de llectura de Poesía qu’entama la Universidá d’Uviéu, onde exerz como profesor de lliteratura española. Nel Taller va ponese en práctica’l xuegu de saber mirar qu’aguiyen siempres les metáfores, y va proponese a los asistentes, al traviés de la llectura, l’audición y la manipulación activa de materiales poéticos de variada naturaleza, una reflexón sobre la esperiencia que, como llectores y seres humanos, supon pa nós güei la poesía. Hai cincuenta places en rigorosu orde d’inscripción, anque ye de baldre. Les inscripciones han facese nel Centru Valey. 25 d'abril, 2012 0 FacebookTwitterPinterestEmail
Convocatories La Universidá Asturiana de Branu yá tien ufierta formativa by asturnet 12 d'abril, 2012 L’Academia de la Llingua Asturiana, darréu del pautu firmáu va dellos años cola Universidá d’Uviéu y el Conceyu de Cangas, entamará nel mes dagostu desti añu una edición más de la Universidá Asturiana de Branu (UABRA). La ufierta de cursos yá ta colgada na páxina web de lAcademia ya inclúi Cursos d’Estensión Universitaria dirixíos a los estudiantes de toles estremaes carreres universitaries, amás da otres persones ensin formación superior. La direición de los cursos, que se celebren en Cangas del Narcea ta al cargu del profesor y académicu Xosé Antón González Riaño. Del 30 de xunetu al 10 d’agostu de 2012 van celebrase nueve cursos en réxime dinternáu. Estos Cursos tienen reconocencia oficial per parte de la Conseyería d’Educación del Principáu d’Asturies, darréu de l’acreitación de l’ALLA como “Entidá Organizadora d’Actividaes de Formación Permanente del Profesoráu”. Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d’Educación Primaria y Secundaria del Principáu d’Asturies. La matrícula podrá facese del 21 de mayu al 1 de xunu na Academia de la Llingua Asturiana. Los alumnos que participen nellos podrán algamar, respeutivamente, 6 y 4’5 creitos de llibre configuración. Pa esta edición tán previstos los cursos yá tradicionales, (elemental, avanzáu y capacitación pa la traducción al asturianu) y otros centraos en cuestiones más concretes: Cursu de Comunicación Periodística, Internet y Escuela. Nueves aplicaciones socio-educatives, Ecoloxía y Mediu Ambiente n’Asturies, Cantares, bailles ya instrumentos musicales asturianos y un Cursu d’aniciu a la investigación dialeutal y de tradición oral. Amás va celebrase una nueva fase del cursu de Capacitación en Gallego-Asturianu pa profesores . Más información sobre los cursos 12 d'abril, 2012 0 FacebookTwitterPinterestEmail