Convocatories

La Sestaferia Centru Social y Xunta pola Defensa de la Llingua Asturiana entamen un cursu de llingua asturiana (nivel aniciu) en Xixón. El 24 d’ochobre va ser la presentación y entá puede unu apuntase nel teléfonu 985 229 553 o nos correos info@exunta.org y sestaferiaxixon@gmail.com

El cursu va dalu la profesora Iris Díaz Trancho na Sestaferia Centru Social, asitiada na Cai Joaquin Alonso Bonet 7, con una duración de 30 hores, sedrá los miércoles de 19 a 21 hores.

La Xunta pola Defensa de la Llingua Asturiana y Sestaferia entamen un cursu de llingua asturiana, con nivel aniciu, en Xixón. El 24 d’ochobre va ser la presentación a cargu de la profesora del cursu, Iris Díaz Trancho. El cursu va impartise en Sestaferia, centru Social asitiáu na cai Joaquin Alonso Bonet 7 con una duración de 30 hores y horariu los miércoles de 19 a 21 hores. Va entamar el próximu 24 d’ochobre con una matrícula de 30 euros qu’inclúi tol material necesariu.

P’apuntase y más información ha llamase al teléfonu 985 229 553 o escribise a info@exunta.org ó sestaferiaxixon@gmail.com. El cursu tien 15 places.

La Conceyalía de Cultura del Conceyu de Grau organiza un taller de manualidaes y bixutería, el llunes de 15:30 a 17:30 hores o llunes de 18 a 20 hores, según les preferencies del alumnáu. El cursu va entamar el llunes 1 d’ochobre y tien un preciu de 25 euros al mes. Va impartise nel Institutu Ramón Areces de la capital moscona. Les inscripciones pueden facese na Secretaría del Conceyu de Grau.

Dende esti llunes 17 de setiembre la Casona del Bravial, en Blimea, Samartín del Rei Aurelio, acueye una esposición fotográfica sobre’l Descensu Internacional del Seya llevada a cabu pola asociación cultural “Amigos de Parres”. Trátase d’una muestra de semeyes nes que se recueye la historia d’esti acontecimientu deportivu dende’l so orixe, nel añu 1930, hasta l’actualidá. La esposición va poder visitase hasta’l 19 d’ochobre, y va complementase amás con una charra de la mentada asociación. L’horariu de visita de la esposición ye de llunes a vienres de 9 a 2.

Estes actividaes tán enmarcaes dientro de los actos d’hermanamientu de los ríos Seya y Nalón que se vienen desendolcando nel conceyu de Samartín dende’l pasáu mes de xunetu, y que se concretó’l pasáu 3 d’agostu col vertíu simbólicu de les agües del Nalón nel Seya nun actu que se celebró nel conceyu de Parres con representación municipal de Samartín.

La conceyalía de Cultura de Mieres, al traviés del Serviciu de Normalización Llingüística, convocó l’I «Concursu de Rellatos Curtios pa Escolinos de Secundaria Conceyu de Mieres». Al certame podrán presentase mozos d’ente 12 y 18 años de cualquier nacionalidá y residencia. Los rellatos van ser de temática llibre y tendrán de tar escritos n’asturianu, con una estensión de non más de trés fueyes en formatu A4 por una sola cara y escritos a ordenador.

Los trabayos van apurrise na Casa de Cultura Mieres, per corréu electrónicu a la dirección llingua@ayto-mieres.es o per corréu postal. El plazu pa presentalos va tar abiertu hasta’l 30 de payares. Los premios del certame van consistir en llotes de llibros y discos en llingua asturiana y, amás, los trabayos gallardonaos van espublizar nel llibru de les fiestes de San Xuan 2013. Pa cualesquier información adicional, los interesaos pueden ponese en contactu col Serviciu de Normalización Llingüística de Mieres nel teléfonu 985 450 666.

El llibru ‘Ciencia y llingua’ ye un averamientu al léxicu científicu de l’Academia de la Llingua Asturiana fechu por Fermo Fernández Suárez, Arturo Morales, Eufrasia Roselló y Carmen Toro. Na presentación, que va celebrase esti martes 7 d’agostu a les siete y media la tarde, amás de los autores, van tar presentes Caros Nores, de la Universidá d’Uviéu, y Esther Prieto, d’Ediciones Trabe, qu’asoleya’l llibru.

El salón d’actos del Centru Municipal Integráu de L’Arena ye’l llugar escoyíu pa la presentación.

El Gobiernu d’Asturies ta acabante convocar la edición 2012 del premiu Padre Patac pa trabayos lliterarios o d’investigación que versen sobre hestoria, xenealoxía, heráldica, bibliografía o archivística asturianes, n’asturianu o castellán. El premiu ta dotáu con 2.500 euros. Pueden presentase orixinales, de polo menos 150 fueyes, hasta’l 28 de setiembre de 2012.

Bases completes del concursu

El Gobiernu d’Asturies convocó yá la edición 2012 del premiu Juan Uría Ríu pa trabayos d’investigación (de calter hestóricu, etnográficu, filolóxicu, musical…) sobre cultura asturiana, n’asturianu o castellán. El premiu ta dotáu con 2.500 euros. Pueden presentase orixinales, de polo menos 200 fueyes, hasta’l 28 de setiembre de 2012.

Bases completes

Esti vienres 6 na Carpa A Quemarropa y en collaboración con Gonzali Producciones, l’asociación L’Arribada entama a les diez de la nueche la proyección del doblaxe asturianu de “La nueche de los muertos vivientes”.

El sábadu na Carpe d’alcuentros, celebraráse a les cinco la tarde una mesa redonda de L’Arribada sobre Novela negra n’asturianu, con Roberto González Quevedo y Xuan Xosé Sánchez Vicente. Presenta y modera Humberto Gonzali.

Yá la selmana viniente, el domingu 15 a les nueve la nueche, proyectaráse’l doblaxe asturianu de la película “El tercer home”.

Per segundu añu consecutivu la Universidá d’Uviéu, al traviés de la Casa de les Llingües, convoca dos cursos d’asturianu, en Xixón y Uviéu. Estos cursos, de nivel A1 d’asturianu cunten con venti places y tienen un preciu de 330 euros. N’Uviéu los cursos van celebrase los llunes y miércoles, de 17:30 a 19:00 hores; y en Xixón, dientro de la Cátedra Xovellanos, los martes y xueves, de 19:30 a 21:00 hores. Toos ellos van entamar na selmana del 1 d’ochobre, rematando’l 31 de mayu de 2013 y cuntando con 90 hores de docencia. La matricula tará abierta del 2 de xunetu al 10 de setiembre.

Esta foi una de les promeses que se ficieren nel momentu de crear la Casa de les Llingües de la Universidá d’Uviéu, en 2008, cola llegada del rector Vicente Gotor al gobiernu universitariu. Pero nun foi hasta 2011, y dempués de delles protestes del Conceyu Universitariu pol Asturianu, cuando la nueva institución convocó cursos d’asturianu dientro de la so ufierta.

Información de los cursos na páxina de la Universidá d’Uviéu