Conceyos Convoquen el VI Concursu de fotografía “Valdesoto” by asturnet 2 de payares, 2010 L’Asociación Sociocultural “Toos xuntos podemos”, de Siero, convoca la VI Edición del Concursu de fotografía “Valdesoto” nel que van poder participar toles persones interesaes con tema ye llibre y hasta dos fotografies, en color y/o blancu y negru. Les semeyes han unviase per corréu ente los díes 22 y 30 de payares de 2010 a l’Asociación Sociocultural Toos xuntos podemos. Biblioteca parroquial. Carretera Xeneral, e/n. 33938 Valdesoto (Siero). Establécense dos premios: 350 y 250 euros. 2 de payares, 2010 0 FacebookTwitterPinterestEmail
Conceyos Avilés entama un cursu d’aniciu en llingua asturiana by asturnet 1 de payares, 2010 Ta abiertu’l plazu d’inscripción pal cursu de llingua asturiana que tolos años entama la Conceyalía de Cultura del Ayuntamientu d’Avilés. Son 30 hores de conceutos gramaticales básicos de llingua asturiana p’adultos mayores de 16 años, dende’l día 2 de payares hasta’l día 21 d’avientu. L’horariu sedrá de 19:00 a 21:00 hores, martes y xueves. El cursu ye de baldre. Daráse diploma d’asistencia a los participantes, impartiéndose nel Centru d’Estudiu de la cai Conde del Real Agrado, númberu 2 d’Avilés. La inscripción pue facese llamando al teléfonu de la Estaya de la Llingua d’Avilés (985 54 55 08) o per corréu lletrónicu, escribiendo a estayallingua@ayto-aviles.es, aportando los datos que vienen darréu: Nome, apellíos, DNI, teléfonu de contautu y corréu lletrónicu, si se tien. 1 de payares, 2010 0 FacebookTwitterPinterestEmail
Conceyos La Casa Cultura de Cangas estrenó rotulación n’asturianu by asturnet 27 d'ochobre, 2010 Según anuncia del Serviciu de Normalización L.lingüística de Cangas del Narcea, nesti mes d’ochobre, la Casa Cultura “Palaciu d’Oumaña” estrenó rotulación billingüe (asturianu/castellán) nes sos dependencies, tanto esteriores como interiores. El trabayu de fízolu la empresa suroccidental Syma y cuntaba con una ayuda del Gobiernu d’Asturies. Con esta acción el Conceyu “empicipia la súa andadura no qu’a retulación bilingüe d’edificios institucionales se refier”. Otros conceyos y mancomunidaes asturianes yá rotularon nel pasáu les sos dependencies, con estreamos graos d’implantación, casu de L.lena, Llangréu, Llaviana, Samartín del Rei Aurelio, Xixón, Avilés, Carreño, Gozón, Siero, Corvera, la Mancomunidá de la Sidra o’l Parque Histórico del Navia, ente otros. Con estes acciones, comenten dende’l Conceyu de Cangas “pretende normalizase ya dignificase l’usu del idioma asturianu, apartándolu del estigma del folclorismu ya dándo-y un espaciu públicu de relevancia que lu aparte de los planteamientos diglósicos tan arraigaos na nuesa provincia”. Nesta rotulación billingüe siguiénonse les pautes marcaes pola UNESCO y el Conseyu d’Europa no qu’a usu institucional d’idiomes minorizaos se refier, y pola propia Llei 1/98 de 23 de marzu, d’usu y promoción del bable/asturianu; por tanto, d’alcuerdu a lo estipulao llegalmente polos referentes aludíos, priorízase l’usu de la forma asturiana, que va siempres delantre de les demás, pa facer asina pola so visibilización como bien públicu con capacidá comunicativa plena. 27 d'ochobre, 2010 0 FacebookTwitterPinterestEmail
Conceyos El Franco entama’l II Cursu de Llingua y Cultura del Navia-Eo by asturnet 21 d'ochobre, 2010 El Conceyu d’El Franco, en collaboración cola Fundación Parque Históricu del Navia, entama l’II Cursu de Llingua y Cultura del Navia-Eo. L’actividá formadora va facese tolos martes y xueves a partir del 2 de payares y hasta’l 16 d’avientu, ente les cinco y los ocho de la tarde, y va impartise na Sala Cultural El Payar del Complexu Cultural As Quintas d’A Caridá (El Franco). Demientres el Cursu, continuación de la primer edición fecha nel añu 2008, van impartise charres y ponencies sobre distintes materies rellacionaes col territoriu a tratar, como son la gramática del gallego-asturianu, lliteratura y sociollingüística de la llingua, tradición oral musical nel Navia-Eo, interpretación toponímica, mitoloxía, recursos naturales principales, esperiencies de normalización llingüística o una obra de teatru costumbrista. Pa ello, esti cursu va cuntar coles collaboraciones d’Ignacio Vares, Xosé Miguel Suárez Fernández Tapia, Xosé Antón Fernández Ambás, Benjamín Méndez, Refael Cascudo Noceda, Marta Trevín o Iván Iglesias Fernández Cazarón. La inscripción nesti cursu, de places llindaes, hai de faese enantes del próximu 29 d’ochobre nel teléfonu 985.478.737 (Teresa Díaz) o unviando un corréu electrónicu a la dirección adl@elfranco.es 21 d'ochobre, 2010 0 FacebookTwitterPinterestEmail
Conceyos Los Amigos de Mieres vuelven a atopase esti vienres by asturnet 21 d'ochobre, 2010 Esti vienres, 22 d’ochobre, entama un alcuentru de socios y simpatizantes de l’Asociación Amigos de Mieres, entidá que tuvo una gran actividá ente 1968 y 1991 y quun grupu de socios, intenta “rellanzar” nestos momentos. L’alcuentru va consistir nel descubrimientu d’una placa, a les siete la tarde, nel llocal onde entamó les sos actividaes, na cai Ayer 4, güei llar d’una sucursal de Caxastur, a cargu del Alcalde de Mieres, pa darréu participar nuna espicha nel Restorán La Xagosa, nel Polígonu de Gonzalín de Mieres, onde va cuntase cola intervención del Coru Mineru de Turón y la proyección d’un vidiu que recueye la hestoria d’esta asociación. 21 d'ochobre, 2010 0 FacebookTwitterPinterestEmail
Conceyos Siero convoca beques d’investigación sobre’l conceyu by asturnet 18 d'ochobre, 2010 Hasta’l 2 de payares ta abiertu’l plazu pa presentar proyectos sobre hestoria, economía, xeografía, folclore y tradiciones ya industria. La convocatoria ábrela la Fundación Municipal de Cultura de Siero y ta dirixada a profesionales o persones dedicaes a facer trabayos d’investigación sobre estudios específicos del Conceyu de Siero. Los trabayos pa los que se soliciten les ayudes nun pueden tar espublizaos enantes. Les bases completes y la ficha de solicitú de d’esta convocatoria tán na web del Conceyu de Siero. Bases completes de la convocatoria 18 d'ochobre, 2010 0 FacebookTwitterPinterestEmail
Conceyos Ribedeva acueye los III Alcuentros Astur-Cántabros by asturnet 15 d'ochobre, 2010 L’Ayuntamientu de Ribadeva organiza estos III Encuentros en Colombres los díes 15, 16 y 17 d’ochobre. Nestos alcuentros faense toa una serie d’actividaes culturales: folclore, artesanía, etnografía, tradiciones, deportes, música tradicional, rock, danza y otres munches propuestes rellacionaes cola cultura cántabra y asturiana. Programa completu d’actividaes 15 d'ochobre, 2010 0 FacebookTwitterPinterestEmail
Conceyos Últimos díes pa matriculase nos cursos d’asturianu en Grau by asturnet 11 d'ochobre, 2010 La Conceyalía de Cultura de Grau entama dos cursos dasturianu destremaos niveles col sofitu de la Conseyería de Cultura y Turismu dAsturies. La inscripción ye de baldre hastal viniente miércoles 13 dochobre na Biblioteca Municipal de Grau. Los cursos van tener una duración de trés meses, con dos díes a la selmana de clases, con Xosé Lluís Rodríguez Alberdi como maestru. 11 d'ochobre, 2010 0 FacebookTwitterPinterestEmail
Conceyos Entamen un cursu de baille tradicional en Candás by asturnet 11 d'ochobre, 2010 El Grupu de Baille San Félix de Candás entama la cuarta edición del Cursu de Baille Tradicional que se va desendolcar nel so llar social, asitiáu en La Baragaña, Candás, por 20 euros. El cursu va facese de payares de 2010 a mayu de 2011 y va presentase a los interesaos el próximu miércoles 27 d’ochobre a les 19:30 hores nel yá conseñáu llar social. 11 d'ochobre, 2010 0 FacebookTwitterPinterestEmail
Conceyos El Bloque llama latención sobrel poco procuru del Teatru Xovellanos cola toponimia oficial by asturnet 6 d'ochobre, 2010 El conceyu Xixón del Bloque por Asturies espresó’l so esmolecimientu polo qu’entiende “una falta d’interés y voluntá, pela parte del Teatru Xovellanos, en respetar la toponimia oficial del conceyu”. El Bloque por Asturies en Xixón encamienta al Teatru Xovellanos y a les demás empreses municipales a respetar y facer respetar la Llei venceyada a la toponimia tradicional del Conceyu Xixón, yá que de poco sirven les lleis destinaes a la recuperación y normalización de la llingua asturiana si dempués nun se ponen en práctica pela parte de les instituciones, afirmen. El Bloque recuerda que nochobre de 2006 un alcuerdu ente la Xunta de Toponimia del Principáu y l`Ayuntamientu Xixón, afitó los nomes oficiales de barrios y parroquies del conceyu. Pese a ello, dalgunes empreses municipales, como nesti casu`l Teatru Xovellanos, vienen ninguneando esti alcuerdu, colo que tán incumpliendo la Llei no que se refier a toponimia de Xixón, recuerden. 6 d'ochobre, 2010 0 FacebookTwitterPinterestEmail