Comunicación

Prisa fai anuncia del pieslle de Localia pal 31 d’Avientu, dexando nel aire munches concesiones autonómiques y locales de la TDT en rexones como Andalucia o Asturies. Les canales asociaes como l’asturiana o la d’Almería van siguir en principiu un añu más.

El Conseyu d’Alministración de Pretesa, sociedá propiedad del Grupu Prisa, decidió esti xueves cesar l’actividá de Localia TV, onde trabayen ente 250 y 300 personas, según datos de la propia empresa.

El pieslle de Localia TV a nivel estatal aplicarase’l 31 d’Avientu nes emisores de les que Prisa ye propietaria na so totalidá, pero nes que tén asociaes, como l’asturiana, caltendrán la programación, en principiu, durante un añu más.

La decisión, que foi adoptada’l miércoles y comunicada’l xueves, tomase “poles dificultaes ya incoherencies que presenta’l marcu regulatoriu actual, por saturación de llicencies TDT y el desordenáu desenrrollu del sector, qu’imposibiliten la viabilidá del proyeutu”.

Prisa volvía marcar mínimos ayeri na Bolsa a 2,76 euros por aición, anque na parte final de la sesión algamó una xuba que la llevó a 2,95.

El Grupu Zeta emitió esti xueves un comunicáu nel qu’informa del entamu d’un plan de viabilidá que va incluyir el despidu de 533 puestos de trabayu, que suponen cásique una cuarta parte de los cerca de 2.300 que componen l’actual plantiya. El Grupu cuenta n’Asturies col periódicu La Voz de Asturias, al qu’entá nun se sabe como va afectar el recorte.

El plan contempla una reducción de costes drástica cola fin de poer “asegurar de manera sólida la continuidá del proyeutu pa facer frente a la fonda crisis económica”.

La compañía Air France entama esti llunes un nuevu serviciu ente l’aeropuertu d’Asturies y el Charles de Gaulle de París, con dos vuelos al día que salen a les 7.40 y 15.30 hores y aporten a Ranón a les 9.30 y 17.10 hores. Asturies ye la tercer conexón d’Air France nel norte d’España, dempués de Vigo y Bilbao, qu’entamaron tamién con dos vuelos diarios y anguaño tienen cuatro y cinco, respeutivamente.

Air France va abrir una oficina permanente na terminal aérea asturiana con dos persones p’atender a los viaxeros.

La segunda entrega d’esta temporada, qu’entamó’l sábadu día ún de Payares, con un programa sobre la capital del conceyu d’IIbias caltuvo la cuota media del 8,2% qu’algamare nos 30 programes de la primer temporada y que supera en cásique un puntu al promediu actual de la cadena, un 7,4%. Esi sábadu, “Pieces” y “Camín de cantares” que yá lleven emitiéndose dende ochobre, tuvieron un 12 y un 13 % respeutivamente de share, amosando’l favor qu’el públicu tien pa cola programación ‘asturianu de la TPA.

L’equipu de Nós visitó nel programa d’esti sábadu pasáuu’l conceyu Valdés con ún de los grupos más significativos de la música tradicional nel occidente asturianu, la Banda de Gaites La Reina del Truébano.

El programa, que va emitise tolos´sábados alrodiu de les 12,10 o 12,15 de la mañana, componse de 30 capítulos de 10 minutos de duración caún realizaos íntegramente n’asturianu y ta dirixíu y presentáu pol periodista y académicu Próspero Morán.

Nos emitese tamién pol satélite Hispasat pal restu d’España, Europa y América y por Internet para tol mundiu al traviés de la so web www.rtpa.es.

L’Ente de Comunicación del Principáu d’Asturies amuesa na cabecera de la so páxina web “rtpa.es”, la denomación billingüe de la institución: “Radiotelevisión del Pricipado de Asturias / Radiotelevisión del Principáu d’Asturies”. Un cambiu favoratible pa col asturianu qu’anque simbólicu vien a sumase a los recientes esfuercios asumíos pol Ente pal usu efectivu de la toponimia oficial d’Asturies, a lo que ta obligáu l’Ente por llei.

La segunda entrega d’esta temporada, qu’entamó’l sábadu pasáu n’Ibias, componse de 30 capítulos de 10 minutos de duración caún realizaos íntegramente n’asturiano. L’espaciu algamó na primer temporada, nel periodu xineru-mayu de 2008, una cuota media del 8,2%, que supera en cásique un puntu al promediu actual de la cadena, un 7,4%, según datos facilitaos por Taylor Nelson Sofres (TNS).

>L’equipu de Nós visita nel programa de mañana sábadu’l conceyu Valdés con ún de los grupos más significativos de la música tradicional nel occidente asturianu, la Banda de Gaites La Reina del Truébano. El director del grupo, Luis Feito, y dellos de los sos componentes van desplicar les torgues y el trabayu del día a día d’esta banda qu’anguañu ye un referente nel ámbitu européu de la gaita.

Nos emitiráse tamién pol satélite Hispasat pal restu d’España, Europa y América y por Internet para tol mundiu al traviés de la so web www.rtpa.es.

L’antropólogu y académicu Roberto González-Quevedo va falar na entrevista de les tradiciones de la muerte y Tolos Santos n’Asturies. Unes esplicaciones bien interesantes nun momentu nel que celebraciones foriates como’l “halloween” americanu s’introducen con fuercia na nuesa sociedá.

La entrevista va facela, a partir de la una la tarde, Inaciu Galán dientro del espaciu “Falando d’Asturies”, que s’emite los sábados nel programa “A vivir que son dos días”, dirixíu por Begoña Natal.

El programa “Nós” de la TPA estrena segunda temporada esti sábadu 1 de Payares cola programación d’un espaciu nel que se va percorrer Santantolín, la capital del Conceyu Ibias, cola participación de dellos falantes de gallego-asturiano.

Dende José Luis, que rexenta la gasolinera a la entrada de Santantolín, hasta Isabel, que nos avera a la gastronomía local, o Estrella, llicenciada n’Historia del Arte que nos desplica les característiques de la Iglesia de Santantolín, percorremos la capital del cocneyu d’Ibias, averandonos tamién a la so fala local.

‘Nós’ ye un microespaciu de TPA producíu en collaboración con Zebrastur y dirixíu pol periodista asturiano, y direutor d’Asturnews, Próspero Morán.

El programa “Nós” de la TPA estrena segunda temporada esti sábadu 1 de Payares cola programación d’un espaciu nel que se va percorrer Santantolín, la capital del Conceyu Ibias, cola participación de dellos falantes de gallego-asturiano. ‘Nós’ ye un microespaciu de TPA producíu en collaboración con Zebrastur y dirixíu pol periodista asturiano, y direutor d’Asturnews, Próspero Morán.

‘Nós’ va emitise en multidifusión a lo llargo la selmana y emitiráse los sábados a les 12.15 hores.

L’Asociación Cubera del conceyu maliayu tien organizada una proyección esti vienres 31 a las 20 hores nel Teatru Riera (en La Villa) del documental “Una verdá incómoda”, realizáu por Al Gore, exvicepresidente de los Estaos Xunidos y Premiu Príncipe d’Asturies de Cooperación Internacional en 2007.

El llargometraxe va ser presentáu pol maliayu D. Juan Carlos Abadanes, miembru del Conseyu Superior d’Investigaciones Científiques y coautor del informe de la ONU sobre cambiu climáticu.