Comunicación

Esbilla.net, un sitiu con noticies asturianes que se manda d’un control editorial non xerárquicu y ta basáu en Pligg (meneame.net), lleva un mes torgando facer nuevos rexistros a usuarios interesaos por mor d’un fallu nel servidor que de xuru s’iguará darréu.

Sigún denunciare un usuariu anónimu a Asturnews, y pudo comprobar esta redacción, esi fallu torga’l rexistru de nuevos usuarios sin que se puea comunicar a los alministradores la situación porque la páxina Alezna – www.siero.com qu’apaez como responsable del desenvolvimientu del serviciu nun s’alcuentra operativa nin ifre dengún e-mail de contautu.

La marca “Telefónica” va desapaecer del mercáu y namái va quedar “Movistar” pa España y “O2” nel resut d’Europa.

Telefónica alxudicó esti día’l relanzamientou mundial del so nuevu modelu de marca a les compañíes Interbrand-DDB y Y&R-Lambie Nairn, na que va ser la mayor renovación d’imaxe comercial de la so historia y de la d’España, según informaron fontes del sector publicitariu.

La multinacional va dexar Movistar y O2 como úniques marques comerciales de los sos productos y servicios. Y el nome históricu de la compañía va sirvir sólo como símbolu y soporte institucional.

Cásique’l 60% de los ciudadanos del país asturianu mayores de 14 años reconoz que llee con mayor o menor frecuencia, tando penrriba de la media estatal (56,9%), según el Barómetro de hábitos de lectura y compra de libros 2007 de la Federación de Gremios d’Editores d’España. Asturies tamién caltién la so posición privilexada ente los llectores de periódicos en segundu llugar tres de Navarra con seis de cada diez entrevistaos manifestando lleer diariamente la prensa.

N’Asturies, cuatro de cada diez de los que se declares llectores son llectores davezu, lleendo llibros a diariu o cada selmana. El 17,6% ye llector ocasional y entá hai un 41,6% d’asturianos que nun lleen enxamás.

Los llectores xorrecieron nel país dende’l 53 % nel 2005 al 58,4% nel 2007, nel caberu censu de llectura per autonomíes de la FGEE. Asturies alcuéntrase nel pelotón de cabeza de la llectura n’españa, superáu namái que por Madrid, Cataluña y les Islles Canaries, no que cinca a los llibros, y por Navarra no que cinca a la prensa.

Los datos sobre llectores de prensa diaria en 2008 ufrióles esta selmana l’Institutu Nacional d’Estadística (INE), amosando que más de la mitad de los españoles nun consume información al traviés de la prensa diaria, escontra’l 42,1% que sí lo fai.

El porcentaxe de llectores de prensa diaria xorreció en 2008 en toles comunidaes autónomes menos en cuatro: Aragón, onde amenorgó un 1,7%; Canaries (-1,5%), Castilla-La Mancha (-1,2%) y Les Baleares (-0,3%), mentantu que se caltuvo n’Asturies.

La Generalitat de Catalunya ta desenvolviendo embaxu’l nome de “Elteumobil.cat” una campaña pa alendar la telefonía móvil en llingua catalana. Pa llograrlo, na web de la campaña úfrese información de los terminales qu’hai en catalán nel mercáu y per cuales operadores pues alquirilos. Tamién permite conocer qué servicios y aplicaciones de la Generalitat de Catalunya y de la Corporació Catalana de Ràdio i Televisió Interactiva puen usase col móvil. Y pa divertise, Elteumobil.cat ufre tres xuegos de móviles de castellers en collaboración con http://www.eljoccasteller.cat/. La campaña Elteumobil.cat surde de l’alcuerdu robláu l’añu 2007 ente’l Departament de Governació i Administracions Públiques, los fabricantes Nokia, Motorola, Alcatel y Sony Ericsson y les operadores Movistar, Vodafone, Orange y Yoigo. Con esti alcuerdu, per un llau, los fabricantes comprométiéronse a incorporar progresivamente’l catalán nos menús de los terminales enantes del 31 d’avientu de 2008 y, per otru llau, les operadores comprometiéronse a demandar a los fabricantes la presencia del catalán como requisitu pa homologar los terminales pa comercializalos. Agora’l Parllamentu galés va imitar esti entamu pa esparder la normalización del galés, llingua oficial de Gales xunta l’inglés, falada per un 25 % la población.
Elteumobil.cat

Una entrevista col cartelista y dibuxante de cómic Alberto Vázquez, autor de la tira cómica d’Asturnews, va protagonizar la emisión d’esti sábadu de “Nós” na TPA a les 12,15 la mañana. El programa fadrá un percorríu pela trayectoria d’esti debuxante y cineasta que dende va dellos años espubliza una tira cómica nesti diariu cultural dixital.

Nós, espaciu dirixíu y presentáu pol periodista asturianu Próspero Morán, emítese tamién pol satélite Hispasat pal restu d’España, Europa y América y por Internet para tol mundiu al traviés de la web de la RTPA.

Los escolinos del Institutu d’Enseñanza Secundaria Sánchez Lastra de Mieres son los protagonistes de la emisión d’esti sábadu a les 12,15 hores del espaciu “Nós” qu’emite la TPA en llingua asturiana. Los neños ufren dellos monólogos de creación propia dientru d’una de les actividaes más nomaes del centru educativu que percorre’l presentador Próspero Morán col profesor del centru Xuan Santori.

Nós, espaciu dirixíu y presentáu pol periodista y profesor universitariu Próspero Morán, emítese tamién pol satélite Hispasat pal restu d’España, Europa y América y por Internet para tol mundiu al traviés de la web de la RTPA.

L’Asamblea francesa vieno acabante dar via llibre a la llei antipiratería que sanciona les descargues de ficheros na rede con desconexiones d’Internet ensin orde xudicial, pudiendo entamatar a desendolcase nel mes d’ochobre.

esti día por 296 votos a favor y 233 a la escontra la controvertida llei de Creación ya Internet, ellaborada pol Gobiernu galu pa lluchar escontra les descargues illegales na rede. El testu foi sometíu pela tarde al votu de la Cámara baxa casi un mes depués d’habese rechazo polos mesmos diputados.

Telecable vieno acabante de facer l’anuncia nel entamu d’esta selmana de que xube la velocidá de conexón a Internet hasta los 30 megas y de que los clientes van ver xorrecer l’anchu de banda ensin xuba de tarifes.

La velocidá de conexón superior a Internet xorrez hasta los 30 megas, un 50% penrriba de los 20 megas qu’ufre anguaño.

L’incrementu velocidá aplicarase en tolos niveles d’accesu.

De este modo, el servicio ‘Internet Avanzado’ duplica su velocidad, que pasará de 10 a 20 megas y el ‘Básico’ llegará hasta los 10 megas, desde los 4 actuales. Igualmente, ponse en marcha un serviciu dirixíu al mercáu empresarial, denomáu ‘Premium’, que cuntará con 35 megas de velocidad de descarga y de 1,5 megas de xuba.

Los cambios van facese de forma progresiva dende güei y van finar en dos selmanes.

Les nueves velocidaes son: Internet Básico 10 Mb / 500 Kb (antes, 4 Mb / 300 Kb) Internet Avanzado 20 Mb / 800 Kb (antes, 10 Mb / 500 Kb) Internet Superior 30 Mb / 1 Mb (antes, 20 Mb / 800 Kb) Internet 35 Megas 35 Mb / 1,5 Mb (antes, 25 Mb / 1,5 Mb)

El llugar de Morea, na Cuenca del Caudal, va ser el llugar al que-y dedique l’espaciu d’esti sábadu 2 de mayu’l programa “Nós” na TPA, que s’emite a les 12,15 la mañana. El programa fadrá un percorríu pela arrodiada d’esti llugar, de la mán del músicu y profesor Otavio Trapiella, xunta otros vecinos de la zona.

Nós, espaciu dirixíu y presentáu pol periodista asturianu Próspero Morán, emítese tamién pol satélite Hispasat pal restu d’España, Europa y América y por Internet para tol mundiu al traviés de la web de la RTPA.

Jesús Montes Estrada, Tercer Teniente Alcalde y Conceyal de Cooperación, Cultura Tradicional y Llingua Asturiana de Xixón unvió güei una carta al Direutor Xeneral de la RTPA, José Ramón Pérez Ornia protestando polos incumplimientos continuos de la RTPA no que cinca al usu de la toponomia tradicional,oficializada cuantayá.

La protesta céntras especialmente na retresmisión de la Vuelta a Asturies, que la TPA ta faciendo estos díes y na que “nin nos mapes, itinerarios nin comentarios, s’usaron enxamás los topónimos oficiales de Xixón nin del restu de conceyos”, según espresa’l conceyal d’IX-BpA na so comunicación.

Carta completa n’AsturnewsOpinión