Cine

Llanes de cine ye’l nome del proyectu turístico y cultural puestu en marcha pol Conceyu de Llanes al envís de poner en valor los numberosos escenarios naturales del conceyu que sirvieron de platóes para’l rodaxe d’infinidá de llargumetraxes, curtiumetraxes, documentales, anuncios, video-clips, series de televisión y promociones de programes de televisión.

Esti mes d’agostu, Cangas del Narcea vieno acabante inaugurar una nueva edición del so ciclu de cine de branu. Tolos xueves y vienres, la población canguesa va poder esfrutar d’una propuesta cinematográfica nueva nel patiu del Conceyu a les 22 hores.

Les cintes propuestes van dir  dirixíes a públicu infantil los xueves y a públicu adultu los vienres y ente les propuestes pensaes pa públicu infantil nes cinco sesiones previstes pa esti mes d’agostu, atópense: Gru 3, Angry  birds, Capitán Calzoncillo, Ballerina y Alterio. Mientres les propuestes destinaes a públicu adultu inclúyense: La, la, land; Moonlight, La llibrería, Lion yá Mañana empieza tou.

A esta ufierta, sumense otres iniciatives, como’l ciclu de conciertos promovíu dende la Conceyalía de Turismu, que percuerre les cais de la villa tou los sábados a les 20:00 hores con propuestes variaes: Ún de Grao, Son del Carmen, Música de Sofá o Gestido. A estes actividaes xúniéronse esti mes les qu’acoyera Cangas mientres la celebración de la UABRA, qu’inclúin conciertos, como’l de Carlos Rubiera o la Orquesta Céltica Asturiana.