Cine

La cinta española Dolor y Gloria, de Pedro Almodóvar, foi escoyida esti llunes pola Academia de Hollywood como semifinalista para competir pol Oscar a la meyor película internacional y tamién a la meyor banda sonora orixinal.

Los fans de La guerra de les galaxes van recibir una bona ración de novedaes, non pocos prestos y dalguna qu’otra decepción cuando a partir d’esti xueves alleguen al estrenu de la novena y última entrega de la serie, Star Wars: l’ascensu de Skywalker .

El mundu máxicu de Jumanji: Siguiente nivel hai desbancado a Frozen 2 del primer puestu de la taquilla española gracies a los sos 2,3 millones d’euros recaldaos nel so estrenu, según datos recoyíos por ComScore Movies Spain.

Dolor y gloria de Pedro Almodóvar, el so actor protagonista Antonio Banderes y Jennifer Lopez por Estafadores de Wall Street fueron güei reconocíos nos galardones de l’Asociación de Críticos de Cine de Los Ánxeles (LAFCA, poles sos sigles n’inglés). Banderes ganó’l premiu al meyor actor, ente que Dolor y gloria fízose col galardón a la meyor cinta en llingua estranxera.

SACU avanza nel so espardimientu de les artes cinematográfiques cola publicación “La paranoya contemporanea. El cine na sociedá de control”. Con esti ensayu editáu pola Fundación Municipal de Cultura, SACU convida a cuestionar lo qu’esperimentamos de manera virtual en toles pantalles que nos arrodien.

El sitiu web pa crear y compartir GIFs ya imaxes, Giphy, pidió perdón a Disney por retirar y dempués reestablecer tolos gifs del personaxe Baby Yoda de la nueva serie ‘The Mandalorian’, un spin-off de les películes de Star Wars estrenáu’l 12 de payares en Disney+.

Dolor y Gloria, de Pedro Almodóvar, foi escoyida como la meyor película de 2019 pola revista ‘Time’. La cinta del director manchegu impúnxose nesta llista a los nuevos filmes de Martin Scorsese, ‘L’irlandés’ y de Quentin Tarantino, ‘Érase una vegada en… Hollywood’, que completen los trés primeros puestos de la clasificación ellaborada pola crítica Stephanie Zacharek.

Dempués d’escoyer a Dolor y gloria, l’últimu trabayu de Pedro Almodóvar, como’l meyor llargumetraxe del 2019, la revista Time escoyó l’actuación d’Antonio Banderas como la meyor interpretación del añu. Una llista na que Jennifer Lopez queda en segundu llugar por Estafadores de Wall Street y Adam Driver por Hestoria d’un matrimoniu completa’l podiu nel tercer puestu.