Portada Sociedá Puya de la III Amuesa d’Obres d’Arte pola Oficialidá

Puya de la III Amuesa d’Obres d’Arte pola Oficialidá

by asturnet

El Conceyu Abiertu pola Oficialidá va cellebrar güei miércoles 7 de marzu, a partir de les 19 hores, la tercer puya de la”III Amuesa d’Obres pola Oficialidá de la Llingua Asturiana”. La puya pública va facese na sala d’esposiciones del Auditoriu d’Uviéu.

La puya pública de les obres tien como fin algamar fondos pa la campaña en defensa del reconocimientu de la oficialidá de la llingua asturiana, y del gallego-asturiano nel so ámbitu, dientro del próximu Estatutu d’Autonomía.
Los precios de salida de les obres van dende los 3 euros de la obra “puya’l ramu” d’Ánxel Nava hasta los 1900 de la obra “Madera d’abetu” d’Adolfo Manzano. La recaudación de les obres vendíes va empobinase na so totalidá al CAO, nel casu de ser la primer venta de la obra del artista, y en casu de que l’artista yá vendiere dalguna obra nes dos primeres amueses esti recibiría’l 50% del preciu de venta de la mesma. La recaudación algamada pol CAO, pola puya de les obres d’arte, ye d’alredor de 11.000 euros.
Na tercer Amuesa d’Obres d’Arte pola Oficialidá algamóse la participación de 99 artistes asturianos. Ente los que figuren Maite Centol, Nel Amaro, Anxel Nava, Adolfo Manzano, Xulián Fueyo, el colectivu Fiumfoto*, Rubén Figaredo o Ernesto Avelino.

Tamién te podria gustar